وش معك يصبح مصيري وش بعد حبك اكون

[نفحة العود]

بسم الله الرحمن الرحيم
السلام عليكم و رحمة الله وبركاته ..

حبيت اعرض عليكم هاي القصه
نصها جديم و النص الثاني يديد ^_^ ،

( و ان ما شفت الردود ما بكلمها ^_* )



همـسهـ، : أتمنى ان لو حان موعـد الصـلآة ما تلهيكـم القصة
[ اللهم اني بلغت ، الله فأشهـد ]



روضه : ممم انا جاهزه .. بس.....
غايه : بس شوو ؟! .. روضوو بسرعه انا لفه و بوصل بيتكم
روضه : مممم ما خبرة امايه و لا حد اني بظهر وياج
غايه بضيج : احلفي انتي بس .. وليش ان شاء الله ؟
روضه : غايووه اتعرفين ان اخواني ما يحبون اني اظهر بدون ريال ويانا
غايه : روضه حياتي رمستي ما ادش رااسج .. انا بنت خالتج حرمه ام عيال و ابيغيج اتين ويايه .. انزين كالعاده انا برمس امج
روضه : ممممم اوكي .. ثانكس .. اقول ردي اتصلي تحت ما فيه ابغم سيفووه توه رااقد و اخاف ينش وحليله تعبان ..
غايه : و الله جان عرف انج زقرتيه جيه .. بزوالج
روضه : فديته و الله
غايه : اقول .. بااي قبل ما اوصل بدق لج رنه بسرعه انزلي
روضه: اوكيك


و عقب شويه ..

روضه : هلا غاايه
غايه : انا تحت
روضه : اوكي


ف السياره ..

روضه : السلام عليكم
غايه مبتسمه : هلا و عليج السلام
روضه : شحالج ؟
غايه : الحمد لله .. وانتي ؟
روضه : بخير الحمد لله .. وشحال حمداني وميثاني ؟
غايه : سايرين بيت عمتمهم و يا ابوهم هههههه فديته حمدان يسلم عليج
روضه : هههه حبيييبي ، تعالي احيده زعلان عليه
غايه : ولدي قلبه صاافي ما يشل فيه ع حد
رووضه : و الله مب من بعيد .. ع امه
غايه ابتسمت

و عقب شويه ....

روضه : و الله اني منقهره منج
غايه فجت عيونها : هههههههه مني ؟؟! افاا ليش ؟
روضه : امايه ما اتقولج لا
غايه : هههههههه فديتها
روضه : لا تتفدين امايه
غايه : اقوول الغاليه .. وصلنا .. رووضه اتغشي
روضه : .. اوكيه ,,


هم سايرين صحاارى (^_^)

و في صحارى ........
وبالتحديد في مذر كير ......

غايه : روضه ( اتراويها بدله ) شوفيها حلوه ع حق ميثووه ..
روضه : ممممم لا , الالوان احسها واايد تكرر في لبسها
غايه : ممم لان الوردي طاايح عليها
روضه : هااي البدله كوووووووول ... وااااااي و الله فديييتهااا
غايه تبتسم : من الصبح و انتي ف هالكورنر توج اتنبهيني عليها
روضه : ولا هاي .. اتراويها بدله

و تمن جريب السااعه و نص يتنقن بس حق ميثااني .. و يوم خلصن طلعن منه لمحل ثااني ..

غايه : رووضوه
روضه : هـلا
غايه : بندش هالمحل
روضه : الله منزلين شيء يديد
غايه : ترى عشاان جي

و دشن المحل
...............................

ف المحل ..

روضه : اللـــــــــــــــــــــــــــــــــــــــــــــه انا اباااه ( تأشر ع بنطلون ) و الله حلوو
غايه : ياااسلالام عليج .. بس مممم مب جنه دفش شويه ؟
روضه : لا لا عندي قميس احسه طاايح عليه ، يا في بالي يوم شفته ، اتحيدين هالي ماخذتنه من دبنهامز آخر مره ، الأسود!
غايه : الي بو قطعتين ؟
روضه : لا الي ممممم هو شويه بسسيط بس فيه فصووص من ها النوع ع الطرف ( اتأشر ع الفصووص الي ف البنطلوون )
غايه : هيـــــــــــه ، حلووو ..
روضه مبتسمه : باخده

.............: السلام عليكم
غايه اتصد : هلا و الله و عليج السلام
هند ( بنت عم غايه - للعلم غايه بنت خالة روضه -)
و حبيت اوضح شيء رووضه و هند .. ما يحتمعووون ابداا الا استوت ضراابه بينهم
رووضه مساالمه بس اتشل ف خاطرهاا وااايد
اما هند هي الي تبدا .. و السبب ترجع لايااام من زمان ااياام المدرسه و غيره هند من روضه لانها عند الكل هي المفضلـه !
(روضه عمرها 17 . ) ( هند 20 .) ( غايه 25 ).




نرجع للقصه ..




هند بكل دلع : شحالي غااايووووووووتي ؟
غايه و هي عاارفه انها بس تقهر رووضه : الحمد لله الله يعااافيج ,, من صوبج ؟
هند تطالع رووضه بحتقار : و الله انا بخير .. ههههه فديتني و الله ................. [ بدت تمدح عمرها ]
(روضه عرفت انها تبا تقهرها لان هند وااايد رمااسه .. سارت بتوقف برع تتريا غايه )

واقف تتطالع واجهه المحل .. رن موبايلها ..
فجت الشنطه .. اول ما طلعته طااح الموبايل عنها
وخت بتيبه .. طاحت الغشوه
و هي بسرعه من شلته اطالعت منوو .. امايه .. فديتها
و مااهتمت انها ترد الغشووه
ردت ع التيلفون و اتذكرت الغشوه ردتها بسرعه ع ويها ..

كملت الرمسه وياا امها ..
اول ما بندت ..
شاافت 2 مبحلقين بها هي اتموت من الزياغ من هالحركات ..

على طول صدت صوب المحل



طبعا منوو قاال بيخلونها ف حالها

عمر ( واحد منهم ) : عبيد و الله ما اقدر
عبيد : اقوووول انا اليوم الا ارمسها
عمر ، و بسرعه : قم بنووقف ورااها
عبيد ببتساامه : قم







حست ان حد وقف ورااها و جريب منها وااايد
ما كانت عندها الجرأه انها اتصد
من الزياغ نست غايه و المحل
مشت سيده اتذكرت المحل

ردت من الزيااغ ما عرفت وينه ( اول مره اتكون رووحها و يلحقونها )
و الكلام الي كاانو يقوولونه خلاها اتحرج
و صلت المحل

فنفس الوقت ظهرت غاايه ( لانها كانت تحاسب خذت البنطلون و المحل ما كان فاضي )

عاد رووضه ما قالت لها .. و كملن طريقهن لين ستاربكس .. و هم وراهم و غايه لاحطت ..
شويه سمعوو واحد منهم عق الرقم و كان يقووول ابغي الي ع اليميييين
غايه : حسبي الله عليهم ما شيء حيا
روضه : غاايو بصيح
غايه: لا اتعبرينهم بسرعه بنظهر
روضه قلبها يرقع زياغ
و وقفت مكانها ..
عمر : 6......... عاده مره
مرتين

3



................: عـــــــــــــــــــــــــمــــــــــــــــــــــر
عمر : راشـــــــــــــــــــــــــــــد ؟
راشد و هو يتنافض من الغيض : هيه راااشد .. و الله انك طلعت حقيييييير
( و فر راااسه بهذاك الكف )
عمر تم ف مكانه .. و ف لحظه اذكر رووضه !.؟ .. هاااا
رووضه ؟؟! .. ( و عبيد ع صووب طبعا ) هااي روووضه ؟؟! ( عمر كان ولد يران قم رووضه يوم صغاار و لين الحين ربيع قم راشد بس مب وايد))
و طبعا هو ما راام يرد و لا يقوول شيء ..تم و ما رفع رااسه

روضه و غايه ع صوب

راشد كان مححححححححححرج ،
و من الغيظ بغى يعطيه كفين و ثلاثه

بغى يكمل بس الناس اتيمعت ..

راشد : غايه امشوو جدااامي ..

.................. ما قدرو يقولون شيء ...................

ف الباركنات
راشد : منو يايبنكن ؟
غايه : يايه بسيارتي
راشد : بوصلكن ركبن [ يأشر على سيارتة ] هذيي السيارة
غايه : بس سيارتي
رااشد : غااايه قلت اركبن
غايه ما رامت اتقول شيء ...

و ف السياره محد كان له الجراه انه يرمس
.......
راشد يخااف يسوي شيء يندم عليه.. اصلا ما كان راايم يركز ف الدرب
غايه تبا الموضوع يهدى
رووضه انصدمت اول مره اتشووف رااشد جي

اول ما صلو بيت خاله روضه ( ام غايه و رااشد )
نزلنو من السياره ...

راشد : غايه تمى برمسج
غايه : ان شاء الله بس ثواني بسير اودي غريضاتي و برد ( سايرت اتيب له مااي )
رووضه تمت ف مكانها ..
روضه : راشد بقولك شيء
راشد بحتقاار :مالي رمسه ويااج .. دشي دااخل
روضه استغربت ، عاندت : مب دااشه .. انا برمسك
رااشد بنفااذ صبر : روووضه دشي دااااام النفس بعدها ما شااانت
روضه بعنااد : انزين انت ليش محرج انا مب دااشه .. و بعدين شو يخصني انا عشاان اتي و اترمسني بنفس خايسه جي ؟؟
راشد محرج : لا ابدااا بس جدام الي ما يسوى متفيزره و الغشووه مب ع الويه و الموبايل فديج
و حيااتج محترمه ........
رووضه قطعت رمسته بصدمه : شوو !!يعني انا مب محترمه !!! ، راااشد انت اتعرفني و اتقول عني جي !! ، عيل شو خليييت للغرييييب !! ، عيل احلف انك مب واحد من هذيييله الي ترضون على بنات الناس و ما ترضونها على خواتكم !!

هني رااشد صدق حرج صح اتلوم فيها .. طول الدرب يحاول يهدي عمره و الحين رفعت ضعطه زيااده :: جــــــــــــــب
و نفس الحركه الي سواها ويا عمر اتكررت .. كف من الخاااطر


غايه واااقف و فديتها الماااي :: انصدددددددددددددددمت
اول مره اتشووفه يضرب ف المركز .. والحين رووووضه ؟؟


رووضه .. فاجه عيونهاا و من الصدمه ريجها ما رامت اتنزله !

سااارت و هي اتحس ان رووحها بتطلع .. انا انضرب .. انا الي ابوويه و اخواني ما مدو ايدهم عليه
هذاا يضربني ؟؟



دشت الفلا .. حمدت ربها ان محد ف الصاله و لا شاافها
سارت فووق ( حجره غايه الجديمه قبل ما اتعرس )



غايه واقفه عند رااشد .
رااشد يحس انه اتسرع .. اتسرع واايد بعد .. مهما يكون .. ما يحق له يضربها ..استغرب من عمره
هو الي ما يحب يضرب حد لو هالحد شو سوى به .. . و شو صار فيك يا راشد .. تضرب بنيه .. و هالبنيه اتكون بنت خالتك ؟ وين المريله ؟؟!

غايه : راشد
راشد : طنش ... ودش داخل

-----------------------------------------------

غايه عرفت وين رووضه .. لان اصلا دووم يوم اتي بيتهم اتحط عباتها و اغراضها هناك ..
غايه ادق الباب ..
روضه :........
غايه : رووضه ؟؟..
روضه : ...................
غايه فجت الباب
دشت الصاله ( صاله الغرفه )
فجت باب حجره النوم .. مقفول ؟!

( اتعرف انها ما اتحب اتصيح جدام حد .. )


--------------- 10 ف الليل ------------------

غايه : هلا الغاليه
ام حمدان : بالمهلي فديتج .. وينكن ؟
غايه : فـ بيت ابويه
ام حمدان : عيل حي رووضه ما اترد ع التيلفون ؟
غايه : امممممم ا دريبها و الله ، بس اظن ما نزلت اغراضها من السياره <--------[ اضطرت تجذب
ام حمدان : هيه عيل خبريها اني بي ويا الدريول وراها
غايه : لا خالو توه الناس
ام حمدان : لا شو توه النااس ما ايوز عندكم ريايل ف البيت و الحين ف الليل
غايه : افاا جي غرب ؟
ام حمدان : ههه لا فديتج بس عااده منقوود ..
غايه : و الله انها تيلس وا نا بردها البيت
ام حمدان : لا لا أمي لا اتعبين عمرج .. عدنا حد يقدر اييها.. الدريول وسيف و ابوها هنيه
غايه : لا انا بيبها
ام حمدان :تعب عليج
غايه : و الله تراني بزعل
ام حمادن : لا يابووج هههههه الا زعلج
غايه : بصدق عمري
ام حمدان : هههههه خلاص يبيها الغلا
غايه : مشكووره فديتج

----------------------------------------------------------

هي روحها ف الصاله .. راشد فوق .. روضه فوق .. توها مسكره عن ريلها و اطمنت على عيالها ؟؟

سارت فوق صوب رووضه .. ما هان عليها رااشد .. اخوها الي ما عندها غيره
مرت عند حجرته .. دقت الباب

محد يرد !

يمكن هو مب الصاله

فجت الباب
الصاله باارده و مرتبه .. اكيد ف غرفة النوم



الليت مبند .. الحجره كلها ع ضوو الابجوره
منسدح ع الشبريه .. شعره مبهدل ع ويهه .. جسمه يعوره .. عيونه حمر .. ايده على رااسه
موبايله ع الشبريه و الثاني ( حمد ) ولد عمه منقعنه من كثر ما يتصل ..
آخر شيء أغلقة

دقت الباب ............
راشد :.......
غايه دقت بعد مره .
راشد :...........
غايه : راشــــــد
راشد : ....................
غايه : رااشد فديتك فج الباب
راشد : ........................
غايه : ورفجه بو خليفه اتفج
راشد : دشي .. مفتوح

غايه ما صدقت .. دشت ..
اول شيء فجت الليت ..
و سارت عنده ..
غايه : رااشد
راشد : شل ايده عن ويهه
غايه اول مره اتشووفه امبهدل لو انه في البيت!! معروفه الكشخه عنه .. قبل ساعتين كان يعق الطير من السماا من الكشخه الي كان فيها !
و اصلا راشد شاب جميل واايد


غايه حست ان ويهه محمر .. !
اتهيست يبهته !! استغربت .. قبل شويه كان بعافيه .. و الحين جسمه حااار ؟؟
زااغت واايد .

غايه : راشد
راشد عدل وضعه .. يلس ..: نعم غايه ؟
غايه : راشد حرارتك مرتفعه ؟
راشد : انا بخير
غايه : اعرف عنادك .. بيب لك الدوا خذه و ارقد ..
راشد : وين امايه ؟
غايه : عند يدوه .. البارحه كانت تعبانه
راشد بهتمام : و شو حالها اليوم ؟
غايه : الحمد لله شفتها الظهر بخير .. اانا بيب لك الدوا و ارقد ارتااح ..
راشد حس ان الرقااد بيريحه . .يبا يرقد .. بدون تفكير ..

غايه .. طلعت و بندت الليت ..
ردت عقب شويه بالبندول والماي .. خذاه و على طول من حط رااسه رقد ..

غايه الله يعين ام العنااد روضه .. !

دشت الغرفه .. محد ف الصاله .. اكيد ف الغرفه ..!
دشت غرفه النوم .
حستها حاااره و ااايد ..!!!
شافت روضه ع الشبريه متلحفه و شكلها راقده
جربت منها ..
ابتسمت .. لانها شافت دموعها ..!
حمدت ربها انها رقدت .. لان ما كانت تباها تيلس اتصيح
رن موبايل روضه .. مشت بسرعه شلته و طلعــــت

كان رقم بيتهم .. خالو فديتها ( ابتسمت )
غايه : مرحبا .. هلا خالو
ام حمدان : هلا فديتج
غايه : سوري لاني رديت عليج .. بس روضه رااقده
ام حمدان بتروع : وي بسم الله عليها .. شو فيها ؟
غايه : لا لا فديتج .. بس لانها قالت انها من الفجر مب رااقده ( بعد جذبت! )
ام حمدان : يعني مب تعبانه و لا مريضه ؟؟
غايه : لا لا بسم الله عليها
ام حمدان : انزين انا بطرش سيف جداها ..

-----------------( رن موبايل غايه )------------------

غايه : خالو فديتج برد ارمسج
ام حمدان : مرخوصه الغاليه

... غايه : هلا و غلا
عبد الله ابتسم : اهليـــــــن و الله
غايه : شحالكم ؟ عسى ما طفروك ؟
عبد الله : ههههههه ميثووه العيوز رقدت .. و حمدان و يا حمد ( ولد عمته )
غايه : فديتهم و الله اتولهت عليهم ..
عبد الله : افااا .. بس هــــم ؟ !
غايه : هههه انت لو جدامي بعد اكون متولهه عليك
عبد الله : ههههههه جان استحي
غايه : ويا خشمك .. انزين متى بتطلعون ؟
عبد الله : امممم انا عندي شفت اليوم من 2 لين 9
غايه : خير
عبدالله : لا بس كمن واحد ما امتحنو و باجر التخريج اضطرينا نخلصهم في الليل ( عبد الله طيار )
غايه : اهاا
عبد الله : عيل ارقدي اليوم في بيت ابوج
غايه : مممم .. ما اباا
عبد الله يبتسم : و الله اني انا بعد .. ما ابا
غايه : خلاص عيل ان شاء الله
عبد الله : الغلا انا بيب اليهال عندج عقب شويه لاني .. بسير بريح شويه .. و عقب بظهر
غايه : ان شاء الله الغالـــي ,, عيل بي وياك يمكن تحتاي شيء
عبد الله : هههه لا ما عليج انا من ارد بحط راسي
غايه : اكيد ؟
عبد الله : هيه اكيد



-------------- ( عقب ... ) ---------------
... و الله عاادي انا بعد برقد هنيه .. و خلي روضه اتم .. و الصبح ان شاء الله بيبها
ام حمدان : جيف يعني ؟ ترقد بيتكم ؟
غايه : خالو اسمعيني .. انا هنيه الليله .. عبد الله في الدوام
ام حمدان : و الله ما اظني ابوها او اخوانها يطيعون
غايه : اذا لي خاااطر عندج قولي تـــــــــــم
ام حمدان : ههههههههه عوقي خاطرج ..
غايه : تــم ؟!
ام حمدان : تم فديتج
غايه : و الله احبج
ام حمدان : هههههه بلا دهان سير .. الغاليه و صيها يوم بتنش اترمسني
غايه : ان شاء الله خالو ..


------------- ( السااعه 45 : 2 .. الصبـــــــــح ) -------------- الناس ليل ..

فجت عينها .. تمت تذكر احداث البارحه .. نزلت دمعه حــاره .. مسحتها بسرعه .. لانــه ما يستااهل .. شافت عمرها بدون عباءه ؟! .. استغربت ؟ .. بعدين هي ويــن ؟ ؟ .. مب حجرتها ؟ .. لا هاي حجرة غايه .. يعني انا رقدت هنيه .. شافت السااعه .. 3 الا ربــع ؟؟!!

حست ان في شيء لمسها ..!؟

فديتهاااا يااا ربي .. ميثااني ( عمرها 11 شهــر ) بس مثل العسل ما شاء الله عليها ..
حست بشي ف بطنها .. ابتسمت .. انا يوعاانه .. من البارحه الظهر مب ما كله شيء ..!
نشت .. شافت غايه رااقده تحت و يا حمدان .. و الله امووت في هالغايه .. الله يحفظها
اذكرت ان عندها لبس هنيه !.
سارت ( الدريسنق روم )
فجت الكبت ..
حصلت جلابيه .. حلوه و بسيطه .. لونها ابيض .. عليها ورد بس صغيير بلأخضر و الوردي الفاااتح وايد .. و القطعه خفيفه .. هي هاي نك .. موديلها صيني من جدام .. و تحتها تفته .. ابتسمت .. مال صباحية عيد الفطر الي طاف .. نستها هنيه من الخياط لين هني .. و مالبستها ..
خذتها .. و خذت شور بسرعه .. بدلت لبسها .. و طلعت .. سحت شعرها ..حست انه طول .. !
ما شاء الله وصل لين بدايه ريلي ..!
رفعته و انتبهت ان عينها فاضحتها .. يبين انها صاايحه .!
فجت سدة ميز التواليت .. شافت شويه من مكياج غايه ..
طلعت الجحال .. و اتجحلت .. حست انه بعد يبين .. بس مب متفيجه محد نااش احين ..
لفت شيلتها
و ألحين بتطلع
سمعت حس ميثه شكلها نشت .. ( غريبه احيدها ما اتنش ف الليل ؟..)
شلتها و ظهرتها عشان ما اتوعي امها و اخوها
طلعت .. و اول ما طلعت حست ان الضوء قووي .. ميثه ضحكت .. لمتها رووضه .. و باستها ..
وسارن المطبخ .. شكلهن يوعانات رباعه .
طلعت من الثلاجه حليب الفراوله .. و حطت منه ف مرضعه ميثه ..
وخذت لها عصير .. يهد يوعها ..
سارت و يلست ف الصاله .. و ميثه شكلها طاار النووم من عينها ..









يسمعها و هي اتسولف و اتهذب وياا ميثه ..













روضه : ميثااني .. يوم بتكبرين ان شاء الله انا و امــج بنيوزج .. و تضحك لا ن اتحس ان ما عندها سالفه
ميثه : تطالعها بعبط ( اتحب روضه ) و تضحك بصووت عاالي
روضه : ههههههههه و الله لو كان عندي ولد اكبر منج بدقيقه حلفت عليه الا يااخذج .. وااي فديتتج
ميثه : تضحكـ ..

رفعتها و وقفتها ع ريلها .. حستها تتطالع حد .. و تضحكـ
ابتسمت و عرفت انهاا غايه
صدت وهي مبتسمه ... !

يالتني ما صديت ..

( راشـــــــــــــــــــــــــــــــــــــــــــــــ ــــــد )

بسرعه مسحت الابتساامه و صدت عنه

هو اجدم .. مر عندها و لا جنها يالسه .. كـان يبا يشوفها و ياخذ ميثه عنها .. بس هو اكبر عن جـي
خــطـــف
و ميثه تزقر عليه لانه كان لابس كندوره : بــــــا بـــــا ......
اتخبل .. ما راام يطنش و الي اتخبلت زيااده رووضه .. لمتها و ضحكت ..
وقف جدامها .. نزلت رااسها و هي مضاايجه .. ما عبرها .. شل ميثه وساار ..

وقـــــــــــــــــــــــــــــح .. بس طنشت ..
نشت بتسير داخل ..



مرت من عنده .. و هو واقف .. مرت و لا كأنه موجود .. حس بتأنيب الضمير .. بس حس بعد انه ما يقدر يفكر .. وراسه مصدع .. اتذكر انه مريــض .. و ميثه تطالع روضه و شااقه الحلج .. و روضه و لا كأن ..
أول ما حطت ايدها ع مقبض الباب ..
راشد : روضــــــــــــه
روضه ما اتحركت من مكانها
راشد : تعالي خذي ميثه ..
روضه استغربت ..! . صوته جنه مريض .. احســـــــــــن .. الحمد لله يزاه .. سارت صوب و خذت ميثه ..

لمسه .. كانت كفيله انها اتخلي روضه تتنافض .. ! .. و راشد يحس انه حس بقشعريره ..
رعشة روضه / كانت لانها حست ان جسمه حاااار و وايد مريض .. بس ما لانت و لا فكره انه تعبان خلتها اتعبره
لكن ردت فعل رااشد كانت ناابعه من شعوور اتجاه هاي الانسانه .. بس هز رااسه .. يبا يطرد هاي الافكار الي ما يازت له ..
اصلا انا الغلطان .. أبعد افكاره .. يحس انه مب راايم يفكر .. قال بسير آخذ الدوى و برقد لاني مب رايم اوقف


و عقب ساعه بالضبط
-------( الساعه 45: 3 )-------

ثلاث عيون ما ذاقت النوم ..
روضه : كانت السالفه ماخذه كل تفكيرها .. و اتقول ياليت جي قلت .. و ما رديت عليه و قلت له جي ..
ميثه : ما فيها رقااد ^_^
راشد : رغم التعب الي كان يحسه في جسمه .. كان الفكر كله عند ... ( روضــه )

..

ملا حظه بس ( ترى راشد و غايه اخوان ما عندهم اخوان بعد .. غايه العوده و عمرها 25 .. معرسه يوم عمرها 18 .. و راشد عمره 23 .. متخرج من لندن .. و يشتغل ويا ابوه .. )

روضه : ميثاني حياتي بنطلع برع .. شكلج ناويه اتوعين امج .. ( كانت متعلقه بالطاوله و اتعق الي عليها من اكسسوارات الصاله ..)
ميثه .. تطالع القلاص الي ف ايد روضه .. ما كان فيه ماي و اتحط ثمها عليه .. روضه فهمت انها عطشانه ...

روضه :ههه تعالي بشربج ماي

طلعت من الحجره للمطبخ التحضيري .. شربتها الماي .. و سارت يلست ف الصاله .. الاخت ميثه شكلها مب طايعه ترقد ..
يلستها ع الارض عشان اتم اتحبي ع راحتها ..
و خذت جريده البارحه و تمت تقراها ..















ظنكم شو بيستوي ؟
هل بيتمون على حالهم ؟
و هل بيستوي موقف ثاني ؟
روضة ، بترضى ؟
غايه بتقدر اتسوي شيء ؟





منقووووووول

[مخاوى الهم]

نفحة العود


تسلمين اختي عالقصة

وانا اللي فرطت عليه من الظحك عبيد وعمر وسوالفهم الجديمه

بس احلى شي قوم روضة اونه راقيات كلهن يشترين من دبنهامز


واتمنى اختي تكملين القصة

والسموحه

[نفحة العود]

الساعه 45: 3 )-------

ثلاث عيون ما ذاقت النوم ..
روضه : كانت السالفه ماخذه كل تفكيرها .. و اتقول ياليت جي قلت .. و ما رديت عليه و قلت له جي ..
ميثه : ما فيها رقااد ^_^
راشد : رغم التعب الي كان يحسه في جسمه .. كان الفكر كله عند ... ( روضــه )

..

ملا حظه بس ( ترى راشد و غايه اخوان ما عندهم اخوان بعد .. غايه العوده و عمرها 25 .. معرسه يوم عمرها 18 .. و راشد عمره 23 .. متخرج من لندن .. و يشتغل ويا ابوه .. )

روضه : ميثاني حياتي بنطلع برع .. شكلج ناويه اتوعين امج .. ( كانت متعلقه بالطاوله و اتعق الي عليها من اكسسوارات الصاله ..)
ميثه .. تطالع القلاص الي ف ايد روضه .. ما كان فيه ماي و اتحط ثمها عليه .. روضه فهمت انها عطشانه ...

روضه : فديتج .. نشي بسير بشربج ماي ..

طلعت من الحجره للمطبخ التحضيري .. شربتها الماي .. و سارت يلست ف الصاله .. ان الاخت ميثه شكلها مب طايعه ترقد ..
يلستها ع الارض عشان اتم اتحبي ع راحتها ..
و خذت جريده البارحه و تمت تقراها ..

....

انتبهت ان ميثه محــــــــــــــــــــــــــــــــــــــد ؟؟!!
قلبهاا طاااح ؟؟ تلفتت يمين و يساار .. شافتها اشويه و بدش حجره رااشد .. الباب كان ملايم
فزززت .. كانت تزقرها ..
رووضه : ميثوووه
ميثه .. ضحكت و حبت بطريقه اتضحك و سريعه دشت الحجره ..

والله انكـــــــــــــ سخيييييييييييييييييييييييييييييف ..!؟ جان بندت الباب .. اونك مريض ..
والله سخييييف ....!!

<------[ شويه و بتصيح

سارت عند الحجره .. وايجت ..
حتى باب غرفة النووم ملايم ..! يااربي عليج ياا ميثووه .. احين شقى بظهرج ..؟؟


زقرتها ..
روضه : ميثه ..
ميثه : طاااااااااااااااااااف
روضه : ميثووه
ميثه .. متصاامخه الحبيبه ..
وقفت .. افف شو بسوي احين ..
قالت بدش .. باخذها قبل ما ادش الحجره ..

دشت الصاله ..
و ميثه ف نصها .. ( الصاله عووده واايد )
و خت خذتها ..

مستغـــرب ؟؟! .. هاي شو اتسوي هنيه ؟؟ اتخبلت ..؟؟ تم واقف في مكانه .. عند باب حجره النوم ..

رفعت رااسها .. انصدممممممممممممممممممممممت .. رااشـد .. يااربي شوو بيقوول ؟؟ اوف شو موعنه احين !!!
من الزيااغ .. نست سالفه الكف ..
روضه : سوري ميثه دشت و انا ييت آخذها
راشد استانس .. ان شاء الله اتكون نست السالفه : اها .. خليها عندي وسيري ارقدي انتي
روضه : لا لا .. باخذها بترقد هي احين
راشد يطالعها و هو منعس عينه .. اونه يقلدها هــع : قلت خليها .. انا خالها و متولهه عليها ..
روضه توها اتذكرت الضرابه هي ما كانت نسيتنها بكثر التطنيش .. و بعد ما يرمس بأسلوب ويايه .. بنظراتها : و الله ما اتوقع انها ترضى اتي عندك
راشد اتجدم وهو وااثق و في عينه نظره تحدي : مد ايده .. ميثااني تعالي
ميثه معرووف حبها لرااشد ..: سارت عندها و هم مبتسمه ..
رووضه انقهرت و طلعت بدون رمسه ..

استنانـــس ^_^

ردت الغرفه .. و هي مقهووره من هالرااشد ومن ميثووه ..
شافت غايه .
غايه : روضه ؟! وينــج انتي ؟ ووين ميثه ؟
روضه ابتسمت : ميثوه ما طااعه ترقد من عقب ما نشت و انا شبعانه رقااد .. سهرنا ربااعه
غايه : وهي وين ؟
روضه : عند خالها
غايه بتعجب ..! : ما شا الله مسرع ما قمتو اترمسو بعض ...!!!!!
روضه :ههه .. مب رووضه الي تنسى بسرعه ..
غايه اتعرف طبع رووضه .. الي مب حلو فيها انها اتشل ف خاطرها فتره و عقب يمكن تنسى : بس راشد مريض ؟؟
روضه :...ههه الله يعافيه .. و ددشت دااخل
غايه ما لا متها .. سارت اتشوف بنتها و تطمن ع رااشد ..


و بعــد سآآعه !! ،

ما صدقت انها سلمت من الصلاه .. تمهلت .. و قالت بقرى اذكار الصباح .. لاحقة ع الرقاد ..
قرت الاذكار .. خلصت .. شلت السياده .. و فصخت الشيله .. و انسدحت ع الشبريه .. اتحس انها منتهيه .. تبا ترررقد



طبعا ما قدر يسير المسيد .. لانه مريض .. مضى الوقت .. ما حس فيه ,, لانه كان ويا غايه .. بس هي سارت اتصلي و اتودي ميثه لانها رقدت ,,

.. خلص الصلاه .. ماقدر يشل رااسه .. رقد علـى طول ..


الســآعه 10:00 الصــبح

فجت عيونها .. شافت الحجره ظلام .. وبارده واايد
السااعه عشر و 10 ..
آه .. راسي يعورني .. عدلت وضعها .. شافت ميثه .. فديتها .. كانت راقده .. وصبعها في حلجها ..ردت حطت راسها ..
ماقدرت اتكمل رقادها .. تولهت على امها .. فديتج يا امايــه ..
بسير ابدل و اطلع .. احسن
نشت .. ما شافت لا غايه و لا حمدان .. خذت شور .. و بدلت ملابسها ( عندها بدلات هنيه )
لبست بدي اسود .. و تنوره جينز فيها شغل اسود .. و عليه جاكيت قصير ياي ويا التنوره ..
لبست شيلة بيت .. و لحسن الحظ ان ميثه نشت ..
لانها ما كانت تباها اتم روحها راقده .. بدلت ثيابها ..

و نزلو تحت ..

ام راشد : يا مرحبا .. يا مرحبا .. قربي قربي الغاليــة ..
روضه استحت : مرحبا بج زود .. قريب انا
ام راشد : تعالي فديتج .. تأشر ع المكان .. يلسي هنيه حذالي
روضه يلست
روصه : صباح الخير غايه
غايه : صباحج ورد .. شحالج ؟
روضه : بخير الله يعافيج .. و انتي ؟
غايه : الحمد لله حياتي .. و ميثاني عمري متى نااشه ( تطالع ميثه )
ميثه تطالع امها و شويه و بترقد .. نضرات عبيطه .. غايه ضحكت
غايه :فديتج و الله
روضه : من شويه
ام راشد : وجيف اصبحتي فديتج ؟ عسااج الا مرتاحه . وياز لج مكانا ؟
روضه : بخير خالوو الحمدلله ارتحت .. الا يدو شحالها ؟
ام راشد : الحمد لله احسن
روضه : وين حمدان ؟
غايه : ويا راشد
روضه : اها
ام راشد : هبشي ..امي .. هبشي
روضه : ان شاء الله ( مالها خاطر تاكل مع انها ييوووووعانه وايد )
ام راشد صبت لها حليب : اندوج الغاليه .. و يلا بسم الله مدي ايديج .....
روضه خذت الكوب : مشكوره فديتج
ام راشد تمت تغرف لها .. و روضه مضطره تااكل ...


و عقب شوويه

غايه وهي داشه الصاله : روضه حبيبتي لفي شيلتج عدل راشد بيدش ..
روضه اففف ها حشره بعـد .. لفت الشيله
ام راشد : كلـــي روضه فديتج .. ما هبشتي شيء ..؟!
روضه : لا خالو بس .. و الله شبعت ..
راشد : هووووووووووووود هوووووووووووووود
ام راشد : هدا .. هداااا .. اقرب فديتك ما حد غريب
راشد : السلام عليكم
الكل : و عليكم السلام
راشد و هو يبحب راس امه : شحالج الغاليه ..؟
ام راشد : بخير الله يرضى عليك .. و قرب حذالــي
راشد : شخبارج غايه ؟؟
غايه اتعدل عصامة حمدان : بخير يعلك الخير .. اقول حمداني ما اعرف اعدلها .. سر عند راشد
حمدان سار .. و ها مار انتبه ع رووضه .. مشى و بطريقه حلوه لوا عليها ..
روضه روحها مقهوره .. محد عبرها .. و لا هالسخيف رااشد .. اصلا منو قال اباه يعبرني ..خله يولي ..
روضه : فديتك حبيبي .. شحالكـ ؟
حمدان : بخير
روضه تبتسم : دووم
حمدان : من زمان ما شفتج ..
غايه : هههه الا من يومين
حمدان : انزين هاي روضه
راشد اتعمد يرد : و خير يا طير
روضه .. لا ارادي اطالعته
راشد ابتسم ..
بس هي طنشت ..
حمدان : روضه .. عدلي عصامتي
روضه انحرجت لانها ما اتعرف : ممم تعال
حمدان : اتعرفين ؟
روضه : بحاول
حمدان : لا لا خلاص بسير عند خالي راشد لاني ابا اطلع .. بسرعه
روضه : سر فديتك
ام راشد : روضه .. امي تبين رطب ؟؟
روضه : لا خالو .. مشكوره
ام راشد : افاا .. رطب عزبتنا .. حد يقول لا ..؟
روضه بخجل : ما احب الرطب
ام راشد جنها اتذكرت : هههههه .. هيه احيدج



رن موبايل رووضه

روضه : مرحباا سيف
سيف : هلا فديتج .. شحالج ؟
روضه : الحمد لله بخير .. و انت ؟
سيف : بخير الله يعافيج ..
روضه : دوم الغالي
سيف : ويااج .. انتي ف بيت خالو ؟
روضه : هيه .. اقول وين امايه من الصبح اتصل محد يرد ..
سيف : ههههههههه و امج ثرها وين اتكون الصبح ..؟؟ من غبشه و هي ساارحه العزبه
روضه : فديتها
سيف : انا عقب شويه بوصل .
روضه : اها
سيف : بعطيج مسد كول
روضه : ان شاء الله .. بس دخل السياره ف الحوي
سيف : حاضر .. يلا في اماان الله
روضه : الله يحفظك
ام راشد : ودي .. مسرع ما مليتي منا ...؟؟؟
روضه : لا و الله
ام راشد : لا اتقولين .. انا زعلانه علييج
روضه لوت عليها ..: افا .. ما عااش الي يزعلج
ام راشد : وي بسم الله عليج و باستها على خدها
روضه تدلع عليها : احبـــــــــــــــــــــج

غايه و راشد يطااالعووونهم ،

غايه : ما شاء الله .. لا لا دخليكن كملنها .. و الله حلفتكن .. تراها وايد حلوه
روضه : مشكله الي يغارون ..



خلت البشكاره اتنزل اغراضها و عباتها ..
رن موبايلها ..
روضه : أهلا
سيف : و سهلا .. انا برع
روضه : اوكيك
ام راشد : .. منو .؟؟ سيف ؟؟ ..
روضه : هيه خالو
ام راشد : وينه فديته بسلم عليه ..
روضه : برع
ام راشد : من زمان ما شفته ، لا ايسير بسلم عليه


طلعت و يا خالتها ام راشد .. و ام راشد عيزت وهي تفنع سيف يدش .. بس هو وايد مشغول و يا السفاره بخصوص تقديم الامتحانات وجي .. ماقدر ..
رخصته و حلفت عليه ان يمرها بااجر .. و يتغدى عندهم ..
و عقب راشد طلع و تمو يرمسوون و روضه خااست ف السياره ..


مر اليوم عاادي جدا ..


اليوم الثــآني ـ عَ الــساعة 10:00 الــصبح ،

رن موبايلها ..
وعت من النوم ..
افف منو متصل احين ..
روضه : الوو
حمدان : حد يرقد احين ؟
روضه : فديييييييييييتك حبيبي حمداني .. شحالك ؟
حمدان : ههههههه هلا روااضي .. انا بخير الغاليه و انت شحالج ؟
روضه : بخير .. حمدان متى بترد ؟ اتولهت عليك
حمدان : ههههههههه انا اكثر .. ان شا الله جريب .. و شحالهم العرب ؟
روضه : بخير الحمد لله
حمدان : شحال امايه و اوبويه و سيف و يدو وقم خالو
روضه : بخير ..
حمدان : شكلي وعيتج
روضه : لا و الله فديتك .. كله و لا انتا
حمدان : فديتج و الله .. يلا الغاليه .. ما بطول علييج ، كملي رقادج و سلمي ع الكل و ان شاء الله اليوم برمس امايه
روضه : ان شاء الله
حمدان : ف وداعة الرحمن

روضه رقاادها خفيف .. حست انها شبعت ..
نشت بدلت لبسها .. لبست جلابيه .. رفعت شعرها .. طلبت من البشكاره كوب نسكافيه ..
يلست ف الصاله الي فوق .. و تمت تقرا ..
يا سيف ..
سيف : صبااحج خير
روضه : هلا و الله .. حيااك قرب .. صباح النور
سيف : شحالج اليوم ؟
روضه : بخير الله يسلمك
سيف : اها
روضه : بتسير بيت خالو ع الغداء ؟
سيف : ان شاء الله
روضه : حمدان يسلم عليك
سيف : الله يسلمج و يسلمه
بو حمدان : السلام عليكم
روضه فزت و لوت ع ابوها : باباتي حبيبي
سيف : ياهل من الكبار ما شاء الله
بو حمدان : هلا هلا فديتج
روضه : شحالك ابويه ؟
بو حمدان : بخير الله يسلمج .. انتِ وينج ..؟ افا ما اتولهتي عليه
روضه : افاا .. انا ما اتوله عليك
بو حمدان : ههه فديتج .. و علومج بعد ؟
روضه : ابويه حيااك يلس
سيف : هع هع مكاني غلط انا
روضه : ابوويه اطاالعه .. وايد يرمس
بو حمدان : سيييف ..
سيف : هلا حبيبي هههههههههههههه
روضه انقهرت بس طنشت


تو يسولفون فتره ،


مر اليوم عادي و مر اليوم الي عــقبة بعد عـآدي ،

وعقب فتره من الايــآم ، و الوقت كان جريب الغدا ...

روضه ف حجرتها ..

ام حمدان ادق الباب ..
روضه : منووو
ام حمدان : انا فديتج
روضه : حياااج امي .. اتفز و اتفج لها الباب
ام حمدان : شحالج فديتج
روضه اتبوسهها : بخير الغاليه من صوبج ؟
ام حمدان : الحمد لله ،
روضه : حيااج اميه
ام حمدان : يلسي فديتج برمسج شويه ..
روضه : هلا امايه اتفضلي .. خير ؟
ام حمدان : ما شاء الله عليج يا روضة كبرتي و غديتي حرمه ..
روضه : الصغير يكبر فديت رااسج
ام حمدان : و غايه ما شاء الله ف سنج عرست .. وانتي عااقله احين


روضه قلبها عورها .. ما اتعرف ليش ؟ .
. حست انها سالفه خطبه .. و هي مب متوقعتنها احين
و اصلا اتحس عمرها صغيره ..

روضه :.......
ام حمدان : فديتج اسمعيني خالتج ميثه [ للعلم ميثه تستوي ام غايه و راشد ] .. تقول ان رااشد رامس ويباج ..
روضه حست انها مب مستوعبه ....
ام حمدان : اسمعيني فديتج .. لا تستعيلين فكري .. وراشد و لد خالتج و ريال ما فيه شيء قااصر .. يباج .. و و انتو من استويتو رابين ويا بعض ، وما ظن حد يناسبج كثرة
روضه :........
ام حمدان : واافديت الي يستحون .. اسمعي اميه .. ابوج و خوانج حتى حمدان مشاورينه .. الكل قال ان راي لج .. و راشد ريال و قد المسؤولية و ما بيحصلون احسن عنه
روضه : ..... ان شاء الله
ام حمدان باستها ع راسها : يلا فديتج .. عقب شويه انزلي غدا ..
روضه : ............






غايه منصدمه .. راشد عمره ما بين انه يبا روضه .. اصلا هم مب وايد ييلسون ويا بعض .. لا وبعد خاطبنها مره بعد ما ضربها .. ما عرفت اتفسر هالشيء في داخلها ـ
غايه : امي وين راشد ؟
ام راشد : طالع فديتج بيخلص كمن شغله .. و على وصول ..
غايه : اها .. فديتج يوم بي خليه يمر عليه ..
ام راشد : خير غايه .؟؟ فيه شيء ؟؟
غايه : لا لا فديتج ما في شيء .. بغيت ابارك له و اهزبه شويه لانه ما قالي
ام راشد :هههه ان شاء الله ببلغه



رن موبايل غايه ،

غايه : هلا روضه ..
روضه : غايه .. راشد خطبني ..
غايه ما عرفت اتبارك لها و لا اتقولها شوو .: هيه فديتج توني اعرف ..مبرووك علـيج ،
روضه : ..
غايه : و اخيراً بيستوي عدنا عرس
روضه : ..
غايه حست ان فيها شيء : روضه انتي شو رايج ؟!
روضه بسرعه ردت عليها : ما اعرف ..
غايه : روضه انتي تبين رااشد ؟؟
روضه : ما اعرف ..
غايه : ما يستوي ما اتعرفين
روضه : و الله ما اعرف
غايه : روضه فكري عدل .. لا تتوقعين انج لو واقفتي وانتي مب مقتنه بتستفيدين .. لا هاي حياتج .. و لا تتوقعين انج لو ما رضيتي عشان هيج السالفه .. بس قهر لرااشد .. فكري عدل و انبهي للرفض انه ممكن يأثر ع العايلتين ..
روضه حست ان اكلام صــح واايد بعد : ان شاء الله
غايه : فكري عدل ..
روضه : اوكي .. مع السلامه
غايه استغربت : الله يحفظج ..























ظنكم روضه بتوافق ؟
و اذا واقفت شو بتكون حياتهم ؟ [ روضة ما اتميل لراشد !
و اذا ما وافقت شو بيستوي ؟

[لاتكدرمزاجي]

قصه رائعه
نتريا الباقي

[نفحة العود]

قصه رائعه
نتريا الباقي


تسلم اخوي اسعدني ردك وايد

[نفحة العود]

حمد ( ولد خاله راشد ) بدهشه : راشد انت متأكد من الرمسه من الي قلتها ؟؟
راشد يبتسم : هييه يا ولد خَالَتي
حمد : بس احيدك اتحب هند بنت عمك
راشد : هيه .. بس غيرت راي اابا روضه
حمد : حشا هب قلب بخبرك .. جي انت اتحب كمن وحده .. ؟
راشد يتنهد : حمـــد .. انا احس اني احب روضه .. بس هند .. ما انكر اني كنت احبها و اباها .. بس انا ابا روضه
حمد : راشد .. اسمعها مني .. فكر عدل .. و لا شو ممكن اقولك احين .. ثرك عقب ما رمست فيها خبرتني ..
بس ما يستوي تاخذ وحده وانت اتحس بشيء تجاه الثانيه .. عشان ما تظلمها ..

راشد نزل راسه و تم يحوث النسكافيه ..




و عند روضه ، جريب المغرب ..

راسها بينفجر .. وقفت .. سارت صوب ميز التواليت .. عيونها اتحسهن ورمن من الصيااح ..
ما ابااه .. يا ناااس و الله ما احبه ..
انا اعرف ان محد ممكن انه يغصبني .. بس امي و خالو اكيد بيستوي بينهن شــيء ., ياربـــي
حاسه اني متلخــبطه !!

حد دق الباب

روضه بسرعه دشت الحمام و غسلت ويها .. و اجحلت ..
بس جنه الي عند الباب ساار ..

و عقب 5 دقايق ..

رد الباب اندق ..
روضه : منو..
ام حمدان : انا فديتج .
روضه : قربي امي ..
ام حمدان دشت : هلا الغاليه ..
روضه : حياج
ام حمدان : وي فديتج شوو فيه ويهج جذا .. صااايحه ..؟
روضه : لا لا اماايه .. حاولت تبتسم
ام حمدان حست .. يلست عندها .. فديتج انا امج .. لا اتحرين انج اترومين اتخشين عني ..
روضه صاحت ولوت على امها : اماايه انا ما ابا اطلع من البيت
ام حمدان حست انها ارتاحت شويه : هههههه فديتج .. ثرج الا ما تبين فراقنا .. ويدي منو قال عااده نحن ما بنيج .. و لا انت ما بتينا .. و بعدين هااي الا رمسه .. و لين المجله و العرس هههههه بتكونين تبين الفكه
روضه : و الله ما اباا
ام حمدان : حبيبتي . كل بنيه بتطلع من بيت ابوها .. و هب معناته خلاص بتقطع .. لا الغاليه ان شاء الله بتملين منا و البنت مالها الا بيت ريلها .. جي انا و ابوج بندووم لج يعني ..؟
روضه : الله يحفظكم
ام حمدان : فديتج و الله .. و الله ما تتوقعين شالقد انا مستانسه اليوم .. طول عمري اتمنى واحد من عيال خواتي ياخذج ،
روضه هالكلام كان مثل السجين ف قلبها .. ما تبغي اتزعل امها ..
روضه اتصنعت الابتساامه ..
ام حمدان : بس الغاليه محد بيجبرج .. انا امج و ابا مصلحتج .. مثل راشد ماا بتحصلين
روضه : و اخواني و ابويه .. شو رايهم ؟
ام حمدان : ههههه فديتج الكل اتخبل يوم عرف .. حمدان قال شراة راشد ما شيء و يقولج فكري عدل و بيرد يرمسج و سيف وايد مدحه و ابووج عااده قال ان راشد منا و هو اولى بج .. بس الرااي لج .. انت استخيري و الله بيجدم الي فيه الخير
روضه : ان شاء الله ...
ام حمدان باست ع راسها : يلا عيل فديتج
روضه : امايه انا برقد .. لحد اي
ام حمدان : ويدي ما اتغديتي بعد ما تبين عشا ؟؟
روضه : لا شبعاانه
ام حمدان : لا لا تبين اتغدين يلد ع عظااام .. انا بطرش لج العشى عقب شويه
روضه : امايه ابا ارقد ..
ام حمدان : و الله لأزعل عليج
روضه ابتسمت : خلاص عيل





و جريب الساعه 11 في الليل ،
رن موبايلها ,,
روضه : مرحبا غايه ..
غايه : هلا حبيبتي .. شحالج .؟
روضه : بخير الله يعافيج ..
غايه : اتولهت عليج
روضه : ههههه جان اصدق
غايه : افااا
روضه : ههههه و شحالج و اخبار عيالج ؟
غايه : كلنا بخير الله يسلمج
روضه : دووم
غايه : ويااج .. مم روضه ..
روضه : هلا
غايه : فكرتي ف السالفه
روضه حست بضيج : مم هيه .. بس مب وايد
غايه : هيه جي اباج بس فكري وايد
روضه : ان شاء الله
غايه : ههههههه حمدان يبا يرمسج
روضه : وااي حبيبي .. عطيني برمسه
غايه : اندوووك
حمدان : روضه هاي ماما مول مب مثلج
غايه فاجه ثمها
روضه : ههههههههههه ليش ؟
حمدان : بس
غايه : انزين .. تعال و قولي ابا شيء ..
روضه : ههههههههههه زعلتها
حمدان : عادي عندي ابوو و عندي روضه
غايه : يالسباال خلهم ينفعوونك
روضه : هههههههههههههه حمدان عيب
حمدان : اصلا انا اقص عليها
روضه : عيب حمدان ما يرمسون عن امهم جذا
حمدان : صبري
روضه : اوكي
حمدان لوا ع غايه و غايه اونها زعلانه : سر سر عني
حمدان : ماما والله ما اتعرفين انا جذاب
غايه : لا ماما انت مب جذاب .. جي ما تبا الناس اتحبك ؟!
حمدان: انزين سوري
غايه ابتسمت ،
حمدان : ماما يعني انتي احينه مب زعلانه ؟
غايه : ههههههه لا ماما فديتك مب زعلانه
حمدان يضحك : هههههههههههه ماما احبج
غايه تبتسم : وانا اكثر يالدفش

و روضه حليلها خاست ع الخط ،
غايه : بترمس روضه .؟
حمدان : لا بس
روضه : و الله غايه ما جذبت .. دفش ع خالك السخيف
راشد : مشكوره ما قصرتي يا بنت خالوتي
روضه انصرعت .. ابيه ها من وين طلــــــــــــــع ؟؟
غايه : راشد روضه ع الخط
راشد : هي ..
غايه : الو
روضه : ..
غايه : روضه
روضه وشويه وبتصيح : غايه قولي حق اخووج انا ما ابااه و الله ما ابااه .. حراام عليه .. ليش يبغي يعذبني
غايه فجت عيونها : روضــــــــه
روضه : جي تتحسبين الكف الي عطااني و انا ما لي خص شويه .. و لا تبينه عقب ما ياخذني يكفخني على كيفه ؟؟؟
غايه : رووضه .. صلي ع النبي
راشد مستغرب!
روضه :اللهم صلي وسلم عليه .. غايه برد اكلمج
غايه : روضه .. هدي عقب رمسيني ..

غايه : راشد
راشد : بلاكن انتن ؟!
غايه : انت اتحب روضه ؟
راشد استغرب ..؟ : ليش ؟
غايه : ليش ناسي انك خاطبنها ؟
راشد : غايه الحب اي عقب الزواج
غايه : راشد .. بس انت حتى ما اعتذرت منها ..
راشد : و الله مب مجبور
غايه : و الله ..!؟ جي بتاخذها ولاجنك مسوي شيء
راشد : يعني بذلها انا مثلا .. بنت خالتيه وابااها ... فيها شيء ؟؟
غايه : لا ..
راشد : غايه بلييز مافيه لحنتج اناا .. وقف .. مع السلامه
غايه : وين .. ويدي .. ما يلست
راشد : بسير عند حمد ..
غايه : ايلس شويه
راشد : بتأخر عليه
غايه : الله يحفظك و .. سوق بذهن
راشد اتنهد : ان شاء الله


و عقب 6 ايام من هذاك اليوم ،

الكل لاحظ ان روضه ويه روضة ذبل .. كانت عاديه جدا ف التعامل و يا اهلها و ما بينت لحد ..

روضه : اميه
ام حمدان : هلا فديتج
روضه : امي خلاص انا ابا راشد
ام حمدان من الفرحه دمعن عيونها : و الله .. فديتتج يااربي .. لوت ع بيتها
ياااربي يسعدج و يتمم ع خير و يرضى عليج و ايوفقج
ام حمدان صااحت من الفرح ..
لكن روضه صااحت من القهر .. هي ما اتحبه .. بس يمكن تتقبله ..





و في نفس الوقت ، في شركة بو راشد ،

عمر ( سكرتير بو راشد ) يدق باب مكتب راشد
حمد : ههههههههههههههههههههه الحشره وصلت ..
راشد : ايه مب على ابويه
حمد : هههههه مب ابووك .. عمر
راشد : يالذكي اذا ياي يعني الوالد يبا شيء
سيف : انا فيه رقااد
راشد : هههههههههههه و الله مسكين حالك
حمد : مال الجامعات مشكله و الله
سيف : الي يقول ما كنت ويايه لين قبل يومين من العام
حمد : اتخرجت و لا لاء .. خلاص
سيف : رشووود كسر الباب .. عنبووه ما عندكم انتركووم
راشد : هههههه و الله عنا بس الاخ يسوي ريااضه
حمد : دش عمر دش
عمر : السلام عليكم
الكل : و علييييييييك السلام
سيف : هههههههههههههههههههه ودي شوي شوي بتنطر عينك
حمد : هههه و حليلك ياا عمر
راشد : متعود هو احين .. خير عمر .. ؟ اقرب .. في شيء ؟
عمر : هيه ابوك طالبنك
حمد : ههههههههههههههههههههه قلت لكم
راشد : جب انت
حمد : منو جب
سيف : هههههههههههههه
عمر متعود على هاي السخافات .. : الوالد يقولك لا تبطي عليه ..
راشد : ياي احينه
سيف : بي وياك
حمد يطالعه بنص عين : اتخاف تيلس روحك
سيف : هههههههههههه لا بس ما بغي ايلس وياك
راشد : قر انت ف مكانك ، و انته على حمد عن يلعب في اغراض ، ههه



و طلع ،



راشد دق الباب ...
بو راشد : دش راشد
راشد : هلا الغالي
بو راشد : قرب يلس اهنيه
راشد : خير ابويه .؟ الاوراق ناقصه
بو راشد : لا بس عندي لك خبر
راشد : خير ابويه
بو راشد : امك رمستني وقالت ان خالتك ردت عليها
راشد و حس انت نبضاته زادت : و شو قالت ؟
بو راشد : موافقين
رااشد : احلللللف
بو راشد : افاا .. اتحلف ابوك .. ؟؟
راشد استحى من ابوه : السمووحه ،
بو راشد :يالله فديتك .. بتغدي معرس
راشد : ههههههههههه ان شاء الله
بو راشد : يلا عيل بنكمل سوالفنا ف البيت
راشد يحب ع رااس ابوه : مشكوور فديتك .. يلا اشوفك ع خير ... وطلع



في نفس الوقت عند غايه ،


ماتت من الوناسه .. بس كانت زاايغه .. ما اتعرف ليش .. اتحب اخوها و تتمنى له السعاده .. واتحب روضه و تتمنى لها السعاده .. بس مب ع حساب بعــض ..



في بيت عم قوم راشد ،

نوره اخت هند : هندووووووووووووووه
هند : دشي مفتوووح
نوره : ههههههههههه و الله لج دعوات عجيبه
هند : خير ؟
نوره : البارحه دعيتي يستوي عنا عرس .. و اليوم اتحققت الدعوه
هند : ههههههههههه الله ونااسه .. منو خطب و لا انخطب ؟
نوره : رااااااااااااشد
هند ماتت من الوناسه .. لانها كانت متوقعه انها هي ـ بس اونها تستهبل : احلففففففففي .. منوو ؟؟
نوره : بياخذ روضه بنت خالته
هند انصدددددمت : هااااا
نوره : هههههههه لايقين ع بعض صح ...؟!
هند و عيونها انترست دمووع : هيه
نوره : انا بسير عند امايه

أول ما طلعت نوره ، يلست هند على الشبريه و اتساندت بها و لمت ريلها لصدها

و صاااااااااااااااااحـــت ..

و ف نفس الوقت روووضه كانت وايد مضاايجه ..
الكل مستانس .. يمكن حست بشويه من السعاده ..





و عقب كمن يوم

يعني الحين انا اعتبر خطيبة راشد و لد خالو ؟؟.. يالله احس انه شيء وااايد عوود
اندق الباب ..
روضه : منو ؟
سيف:عممممممممج
روضه : ههه .. حياك دش الباب مفتوح
سيف دش: اشحالج حياتي ؟
روضه : بخير وانت ؟
سيف : الحمد لله
روضه : تعال يلس هنيه
سيف : ههه اوكي
سيف : روضه
روضه : هلا
سيف : اتحيدين اول يوم يوم راشد خطبج .. يوم يلست وياج
روضه منحرجه و كانت تتمنى انه ما استوى : هيه
سيف : مم كنتي مقتنعه بكلامي ؟
روضه تسترجع : هيــه ..
سيف : روضه .. انتي اختي .. و احبج .. و راشد ولد خالًتي و احبه .. و ابا لكم الخير
روضه نزلت راسها ...
سيف : انتي واقفتي على راشد من خاطرج ؟
روضه مستغربه و ما اتعرف ليش بسرعه ردت : هيه .. بس ليش ؟
سيف : متأكده
روضه : هيه
سيف ابتسم : و الله حالج غريب
روضه تبتسم : افا .. ليش ؟
سيف : احيد بنات هالزمن جان انرمس فيها اتخبل ،
روضه ابتسمت
و نزلت راسها بإحراج
سيف : ههههههههه يا عيني انا
روضه .......
سيف : يلا الغاليه انا طالع .. تبين شيء ؟
روضه : لا الشيخ .. بس تحمل على عمرك
سيف : ان شاء الله .. يلا فوداعة الرحمن

[القيصر]

السلام عليكم

سسسسسسسسلمت اناملج ع القصة الحلوة وماتقصرين

وفي انتظار الأجزاء التالية

ودمتِ بود

[نفحة العود]

السلام عليكم
سسسسسسسسلمت اناملج ع القصة الحلوة وماتقصرين
وفي انتظار الأجزاء التالية
ودمتِ بود



تسلم اخوي القيصر
اسعدني مرورك

[نفحة العود]

و عقب شويه ،

ام حمدان : خير ان شا الله .. يلا عيل فديتج .. ان شاء الله .. الله يسلمج . .يبلغ الغاليه .. يلا ف وداعة الرحمن .. مع السلامه
روضه توها نازله من فوق : هلا امايه
ام حمدان : هلا هلا فديتج
روضه اتبوس امها : شحالج ؟
ام حمدان : بخير الله يعافيج .. و انتي ؟
روضه : الحمد لله .. وين ابويه عيل ؟؟
ام حمدان : هه يعني وين الا ف الشركه او يا عمج يدورون بين هالاراضي
روضه : اها
ام حمدان : الغاليه اسمعي .. توني مبنده عن خالتج ام راشد .. اتخبر و عقب قالت ترا راشد مستعيل يبا يملج
روضه انصدمت لاااااااااا !! .. ما عرفت شو اترد عليها : و شو عايلنه ؟؟ توه الناس
ام حمدان : انت فكري و الراي تراه لج و له الي تبونه ان شاء الله بيستوي
روضه اتنهد : ان شاء الله
ام حمدان : و اليوم ان شاء الله يمعتنا بيت امي
روضه : اها ان شاء الله




جريب المغرب


روضه .. اف و الله مب متفيجه .. اكيد الكل بيرمس و بيهذرب و اكيد بشووف راااشد وععععععع
نشت اتلبس .. حصلت بدله يديده .. توها تذكر انها شاريتنها .. صخكت بس مب من خاطرها .. قالت بلبسها ..

كانت عباره عن تنوره .. بنيه .. و عليها بدي بنفس اللون و ع البدي جاكيت تركواز واايد ناااعم و عليه شويه شغل بني و ع التنوره شغل بالتركواز .. و حزام ( الاسكارف ) تركوازي و بني .. لبسته
و عيبها ..
لبست عليه عقد طويل بنفس الالوان .. و شغاب بني نقطه بس ..
ما حطت ف ويها الا شويه حجال تركوازي و عليه شدو بني و قلوس شفاف
لبست ساعتها و شلت عباتها و موبايلها و الاسكارف وطلعت ..

ام حمدان : وين فديتج خلصتي .. يلا بنتوكل

و طلعن .. يوم وصلن نزلت من السياره قبل ما تحدر البت اتعطرت ( لانها كانت ويا الادريول )

أم هزاع ( يدت روضه .. ما عندها الا ولد واحد الي هو هزااع ( 24 سنه ) مسافر و يا حمدان اخوها شغل و الباقي بنات ) : يا مرحبا يامرحبا ببنياتي .. حيااكن قربن
ام حمدان اتحب راس امها : هلا امي .. شحالج فديتج ؟
ام هزاع : الحمد لله بخير و جيف احوالج انتي و بو حمدان و الشباب ؟؟
ام حمدان : كلهم بخير الحمد لله و يسلمون عليج
ام هزاع : الله يسلمهم .. تطالع روضه .. يا حيا الله روااضي قربي فديت روحج
روضه اتبوس راسها : قريب يطولي بعمرج الغاليه .. شحالج ؟
ام هزاع : بخير الله يعافيج من صوبج ؟
روضه تبتسم : الحمد لله ........( آه يا يدوو )

و عقب شويه

دشت خالتها ( ام حمد ) و هي ما عندها بنات ( بس حمد و ذياب ) و سلمو على بعض .. باركت لروضه .. و هي و لاا حاسه بشعور اي بنت تنخطب و الفرحه الي اتكون فيها .. و تمن يسولفن ..



سيف هوّد ،

سيف : هووووووووووووود هوووووووود
طبعا أكيد حد وياه فـ محد بيتغطى الا روضه لان اكيد مب بروحه ، نشت لبست عباتها ،

ام هزاع : هلا هلا قرب قرب .. بويه محد غريب
دش سيف و وياه ذياب ..
و عقب على طول دشت غايه و عيالها و امها ..

يلسو .. و شويه الايت البشكاره اتقول ان شيء حرمه تبا ام هزاع
سارن الحرمات جداها .. و خلن روضه و غايه و الشباب

غايه ما قدرت اتسير اتسلم لانها ع قولتها مب متكشخه واايد
وروضه بعدها .. تعتبر بنيه .. و ما تظهر وايد جدام الحريم
طبعا روضه كانت اليلسه صح مب عايبتنها وايد .. لان ذياب موجود و ما بتاخذ راحتها ف الرمسه و خاصه انها متمكيجه شوويه ، فتستحي كل شويه ترفع راسها و ترمس

بس حمدت ربها ان راشد محد

سيف : ههههههههههههههههههههههههههههههه و الله ماقلت شيء
ذياب : هههههههههههههههههههههههههههههههههههههههههه سمعت اسم رااشد سوت عمرها صمخه
روضه فااتحه عينها و مستغربه ..
و غايه : ههههههههههههههههههههههههههه بس انت ويااه
ذيااب : هههههههههاي سيف تذكر الزلمه الي كانت ويانا .. بس انتي وياه
سيف : ههههههههههههههههههههههههههههه اسميها و الله كنت احبها ههه ام الضروس
و غايه و روضه : مب فاهمين شيء

بس روضه كانت تبا اتعرف شو دخل رااشد ..
حمدان : اقول
ذياب : لاتقول
سيف : قوول
حمدان : منو رمسكم
غايه وروضه :هههههههههههههههههههههههه
روضه : فديتها من منطوووقك ،
ذياب : لازم من ريحت خاله ههههههههههههههههه
سيف : ههههههههههههههههههه بس يارياال بتذبح اختي من المستحى ههههههه
روضه : و الله ان فيكم سخاافه!
غايه : قول حمدان فديتك ..
حمدان : خالي راشد اتصل على موبايلج و قال انتو هني
غايه : انزين ما قال بي
حمدان : قال هيه
غايه : اها .. حبي سر قول حق دونه ( خدامتها ) اتشووف ميثوه راقده و لا لا
حمدان : اوكيه
سيف : فففففف ملل
ذياب : مجابل غايه و روضه يعني مثلا لا سمح الله ما بتمل
سيف : هههه

روضه من عرفت ان راشد بي اتحس انها ما تبى ترمس
غايه : هههههههههه عدال الي موول ما يمل منكم الواحد
سيف : بقولكم نكته
ذياب : قول
سيف : يقولكم في وااحد رااقد .. ليش ؟
ذيااب: فيه رقااد
غايه : ههههههههههههه مريض
سيف : لا
ذياب : ميت
سيف : لا
غايه : ممممم يستهبل
سيف : هههههههههههه و الله اذكيا احين هاي اجوبه
ذياب : لا اسئله
غايه : هههههه انزين ليش ؟
سيف : ما عنده دوام ههههههههههههههههههاي
ذياب بعبط : سخييييييييييييييييييييييييييييييييييييييييييييف
غايه من سخافة النكته ضحكت
و روضه ابتسمت ع العبط ..
سيف : انزين بقولكم نكته ثانيه
حمدان : ماما
ذياب : نعم يا ولدي
حمدان : بسم الله عليه اتكون انت امي
ذياب : هههههههههههههههههه مالت عليك
غايه : مشكله الي يدخلون عمرهم في كل شيء .. هلا ماما
حمدان : ميثووه راقده
غايه : انزين فديتك تعال يلس هنيه
ذياب : يلا قوول نكتك يا بو النكت انت
سيف : ارنب قصو ذيله شو طلع ؟؟
غايه : فااار
سيف : لا
ذياب : ممم قطوه
سيف : لا
ذياب : ممممممم فار بدون ذيل
سيف : لا
غايه : ممم طلع ذيل ثاني
سيف : هههههههههههههه كل العايله اغبياء انا طالع بينكم بالغلط
حمدان : هيه و الله
سيف يطالعه : ههههههه اونك احين .. يلا قوول جان اتعرف
حمدان : طلع دم بعد شو بيطلع ..
سيف : هههههههههههههههههههههههههههههههههههه و الله ذكي ما شاء الله
ذياب و غايه حسوو عمارهم صدق اغبيا و ضحكو
روضه : ابتسمت
ذياب بيطلع السخافه احين صدق : روضه
روضه : ها
ذياب بنص عين : قولي نعم .. شو هاا بعد ؟
روضه ابتسمت : نعم
ذياب : راشد يسلم عليج
روضه انقهرت : سخيف و الله

راشد : السلام عليكم
الكل الا روضه : و عليك السلام و رحمة الله و بركاته
راشد : شحال العرب ؟
حمدان : بخير خالي
غايه : بخير يعلك الخير
سيف : الحمد لله
ذياب : ههههههههههههههههههههههههههههه ولهانين
روضه سكتت
راشد اطالع رووضه : ياااويل حالي اناا
سيف : شحالك انت ؟
راشد : بخير
غايه : شحالك خيو ؟
راشد : هههههههه توني جاوبت
ذياب : زطي شرااه بعض الناس
راشد طنش : روضه شحالج ؟
سيف : احــــــــــــــــــــــــــــــــــــــــــــــــ ــــــــــــــــــــم هههههههههههههههههههههههههه حلجي عورني
راشد بنظرات : بلآلآك!
سيف : يوم بتاخذها اسأل عن حالها
ذياب : هههههههههههههههههههه تراني اقولك ولهانين
راشد : ههههههههههههههههههههههههههههههههه و انا قلت لك يااويلي ع الولهه ( يستغبى ) جانه منك ما اباه .. و ان جانه من نااس و الله ابااااااااه من الخاطر بعد
روضه ميته من القهر و ما تبا اتنش عشان ما تنفضح ..
سيف : هههههههههههه انا هنيه
راشد : و الله ؟؟؟!
غايه : الحمد لله رب العالمين
حمدان بعفويه : الرحمن الرحيم ..
ذياب : هههههههههههههه اكمل ؟
راشد : و الله يهاال
سيف : هااااااا ههههههههههههههههههههههههاي .. مصدق الاخ عمره .. ياريال اونك بتعرس و كبرت

روضه و الله سخافه ..
ذياب : غايه لعبة الارقام موجوده هنيه ؟؟
غايه : هيه .. تباها
سيف : سيري ييبيها بنلعب
ذياب : و انت منو رمسك ههههههه
سيف بنص عين : جب
... و يابت غايه اللعبه ...
اتفقو انهم يلعبون ويكونون فريقين .. غايه و راشد و يا بعض .. و سيف و ذياب ويا بعض .. و روضه ما طاعت تلعب
لعبة الارقام ( عباه عن ارقام كل فريق ياخذ 7 او ممكن اتزيد و شيء بنك للسحب و لازم يحط 3 ارقام عند بعض مثلا 12 لازم واحد احمر و الثاني اصفر و الثالث اخضر و يستوي يكونون 4 و الرابع لونه اسود عاده ليين تتيمع الارقام و ينزلونها يبالهم ذكااء .. و يستوي يضيفون ع الفريق الثاني يعني لازم بس 4 ان هم حطو 3 و شيء ويهين كمساعده )
يلسو متجابلين
.. و بدو ف اللعب

مره قوم سيف يسبقون و مره قم راشد...
و بدا اللعب يحر ..
و طبعا قم سيف و ذيااب يغشون
بس قوم راشد و غايه مب منتبهين
سيف : ههههههههههههههه شويه و بقولكم برررع
راشد : بنشوووف
غايه : هنيه راشد
ذياب : ههههههههههههههههههههههههههههههههههههههه فكيتوني من العله
غايه : و اانا كل ما انزل شيء اتقول فكييناكم من شيء ليكون شايف ارقامي انت ؟
ذياب : ههههه لا و الله
سيف ههههه عشان ما يجكونهم : اصلا الاستاند مالكم مخرب علينا ما انروم انشووف
راشد : ها نزلنا .. يلا دوركم
حمدان : ماما ميثوو اتصيح
راشد : هييه و انا اقول منو ناقص ، يلا ام حمدان سيري يبيها
ذياب : لا لا وين كملي اللعب
غايه نشت : بسير عند بنتي
سيف : لالالالالا كملي بسرعه انا بطلع عقب شويه
راشد : وين ؟
ذياب : مواااعد
راشد : افا
سيف : و الله جذاااب
راشد : ههههههههه انزين يلا دوركم
ذياب : رووضه تعالي دوري مكان غايه
روضه مستحيييييييييل : لا ما ابا
سيف : رووضه تعالي يلا
روضه : ما ابا
راشد ما قال شيء ..
سيف ياي عندها : عرفتي ليش سألت جانج وافقتي من خاطرج ؟
روضه : لا و الله لا يسير فكرك بعد
سيف : عيل يلا انا هنيه و ترانا نلعب
روضه: يعني ايلس عنده
سيف : ما بتلصقين فيه يلا
روضه ما نشت الاعشان حست ان سيف حس و هي ما تبا الشيء يعرفه اكثر من غايه ..
نشت و يلست على مسافه مب بعيده من راشد

روضه يلست حذاله و خاطرها تبتعد زياده .. كانت شيء مساافه عوده تقريبا بينهم ..
ذياب : ففففففف دوركم راسي عورني و انا اتريا
سيف بطرف عينه : حشى خبقت طبلة اذني
ذياب : هههههههههه ما يضحك

هم يضحكون و روضه وراشد ف عالم .. راشد يحس انه بسرعه يتنفس و روضه زايغه ..
راشد كانت متخبل عليها ، بس يبغي يشوف عيونها!!
غايه : هههههههههههه وحليلكم
سيف : هههه يتي ؟
غايه : هيه بس بسير صوب قوم امايه
روضه اول مره ترمس بصوت عالي : بي ويااج
ذياب : لالالالا تمي كملي اللعب
سيف : هيه شويه و انا بترخص يلا خلونا انخلص
راشد : يلا دونا ؟؟
سيف : يس
راشد يساسر روضه : لو حطيت الثنعش ويا الويه بس تم لنا علتين
روضه : لا خل الويه حق واحد من العلتين الثنعش بنحطها ويا هاذيل ( اتأشر على شيء من مكان القطع المنزله )
راشد استانس انها اتجاوبت وياااه ..
راشد : هيييه جي احسن ، طلعتي ذكيه ههه
سيف : اسمعك انا
راشد : و انا شو قلت
سيف : اختي مب ذكيه
ذياب : هههههههه غبيه
سيف : جب و لا غبيه
روضه : و الله بنش عنكم
راشد : لا لا يلسي
روضه طنشت
سيف اونه شديد : لا اتقول لها يلسي
راشد : اوووهو .. ثرك الا تبا المذله لي .. روحك قايل لها تيلس هنه
سيف : انا عادي
راشد : و الله انك عبيط
ذياب : ام عيالك العبيطه
راشد اطالع روضه : ما يخصك ف ام عيالي فديتهم
روضه نشت
سيف : رشووووود اصطلب
راشد : ههههههههه ما قلت شيء .. اتفديييت عياالي بس
ذياب : رووضه تعالي
روضه دشت و لا عبرت حد

و الله انه ما يستحي .. تفدته حشرات الدنيا .. عياله .. يعني عيالي ...!!

سيف : اوووف .. انا بتأخر يلا مع السلامه
ذياب : سر الله يحفظك
راشد : انا بعد بطلع
ذياب : و اتم روحي ؟؟ لا لا ودوني وياكم
راشد : ههه قوم

و بعد كمن يوم ،

غايه : ليش ؟
روضه : بس ، مابغي
غايه : لازم في سبب
روضه : غايه و الله ما متفيجه
غايه : انزين ع الاقل غيري جو
روضه : فديتج و الله اسمحيلي ،
غايه اتنهدت : براايج ،
روضه : زعلتي ؟!
غايه : لا ليش ازعل
روضه : ان شاء الله مره ثانيه
غايه : انزين ترا اليوم بيون بيتنا
روضه : و الله !!
غايه : بسم الله بلاج !
روضه اففف : اخوج مب ناوي يسافر ؟!
غايه حست ان قلبها عورها عليهم : روضه محد ضربج على ايدج و قالج وافقي
روضه : . .
غايه : يعني تتحسبين انج بتهربج احينه بتسوين شيء يفيدج عقب ؟! ترا جي و لا جي بتعرسون و الخرابيط هاي كلها شليها من بالج !!
روضه : اي خرابيط ؟!
غايه : الحب ما حب !! ،
روضه ما حبت اتكمل هالسالفه : انزين غآية ، برمسج عقب
غايه : الله يحفظج ،

في نفس اليوم في جي جريب المغرب ،

ام حمدان : بنسير ويا سيف
روضه : هو في السياره ؟
ام حمدان : هيه ، سيري و انا بييب عباتي و بيكم
روضه : ان شاء الله ،

و قبل ما تطلع ،

ام حمدان : رواضي ماما ودي وياج هالجيس
روضه : ان شاء الله ماما

ظهرت روضه صوب سيارة سيف ،
شافتها مره واقفه في ويها من فجت باب الفلا ،
كانت بورش كايين سودا مخفيه كامل ،
و لان الدنيا ظلمت ، ما اتغشت ، قالت ان لا الطباخ و لا الدريول موجودين ،
فجت باب السياره الي جدام عشان اتحط جيس امها ،


انصدمت !

و انا وين ما اسير اشوفه في ويهي !!!

راشد لا ارادي ابتسم ،

هو كان ظاهر و يا سيف و صلو المغرب و على اساس انه بينزله بيتهم ،
و على دربه قالت له ام حمدان يوصلهم ،

ملامح روووضه انعفست 180ْ درجـه !!

و على طول بندت الباب ،

و دشت داخل

روضه : ماما !
ام حمدان : سيف محد ؟
روضه : لا موجود ، بس راشد وياه
ام حمدان : هييه نسيت اقولج انه وياه
روضه ما قدرت اترد على امها و تتحرطم ، فضلت انها تسكت ،

و ظهرن للسياره رباعه ،

طول الدرب تسمعهم يسولفون ،

بس لو حد سألها شو قالو ما بتعرف ، لان فكرها كان بعيييييييييد ،

ما تنكر ان اول ما شافته لفتها واايد ، اكثر عن اي مره قبلها ،
بس شو الي لفتها فيه ، ما اتعرفه !!



و بعد فترة تقريبا توصل للشهرين . .

روضه اتقبلت الواقع بشكل كبير .. بدت تتزهب .. وتقريبا خلصت .. تمت لها اشياء بسيطه .. راشد قال ابا الملجه و العرس في يوم واحد .. و قررو ان العرس يكون عقب شهرين و نص .. مرو الشهرين


.. 12 يوم المده التي تفصل بين الوقت الحالي و العرس ...

في هاي الفتره الماضيه .. الكل كان مرتبش و مستانس خاصه ام حمدان و ام راشد ..

هنتين ما كانن مستانسات ,,

هند : اتحس انها بتموت كل ما اتذكرت ان روضه بتاخذ راشد .. هند كانت تعشق راشد بجنون
كانت اتعرف انه يحبها ، من فترة مراهقتهم و هي متولعه فييييه !!

روضه : حياتها بعد كمن يوم بتكون بلا معني .. خلاص رااشد بيكون الولي عليها .. ريلها ,, هي بتكون حرمته ..
ما همتها شقى بتكون حياتها .عقب .. يمكن هي اتقبلت الواقع .. بس حلم كل بنت انها تاخذ الشخص الي هي تباه .. صح محد غصبها و كان قرارها .. بس ما كانت ممكن تتقبل شو بيستوي لو ما واقفت .. رضت و لا يستوي شيء لعلاقتهم ويا بعض ..

------

[احــ بنوتةــلى]

يسلموووووووووووو ع القصة الروووووووووووعة .