°¤§©¤ فارس أحلامي ¤©§¤° قصة رومانـسية جريئــة

[●● شيخة ♥ الغــيد ●●]

اليوم يبت لكم قصة روووووعة
تحكي عن قصة حب حلوة لبنت أسمها مشاعل .........
وبصراحة القصة راح تدخلكم جووو عالـــــــم ثانـــــــــي من حلاتها ....

ماراح اطول عليكم بالمقدمة .. تفضلوا أقرو القصة وهي عبارة عن أجزاء لااح انزلها
وان شاء الله تعيبكم

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



بسم الله الرحمن الرحيم



ابطال القصة
=========

مشاعل : عمرها 20 تدرس بالجامعه قسم فنون جميله (رسامه)خخخخخ

طولها 168 -- وزنها 55 --- شعرها طويل مدرج قاصه فراوله لوووول

بني اللون وعيونها عسليه جميله فيها من البراءه مايكفي لنشر السلام للعالم

مملوحه وناعمه وطيووووبه وخفيفه دم بس انها عصبيه ودلوعه ولازم رغباتها تتنفذ

مغروره فيها ميزه انها عنيده مره يعني ماتترك شي ببالها لما تسويه

00000
ابو مشاعل : مقتدر ماديا مظطر دائما لتنفيذ رغبات ابنته الوحيده التي لاتنتهي

متزوج من 3 نساء

الاولى: ام مشعل عندها مشعل وسعود

الثانيه: ام مشاعل وهي متوفيه ولم تنجب الا مشاعل

الثالثه: ام سلطان عندها سلطان وفهد وفيصل


=======================


الجزء الاول
=========

في الجامعه

مشاعل: اليوم طالع قمر في طلتك ياسلام حلاك غير البشر واخذت ياساره مشي الغراب

ساره: غراب في عينك ياوجه الفقمه

مشاعل: ياااااااااااااااي الفاظك بذيئه ونابيه

ساره: تكفين تاركه الادب لك

مشاعل: ادب والا نحو

ساره: اقول وش رايك اليوم نطلع نتعشى برا

مشاعل: لالا اليوم انا معزومه على دي جي

ساره: ياسلااام ليش ماعزمتيني

مشاعل:معي كرت لك بس اذا ماارح تجين خليني اعطيه فهده ترى متجننه تبي تروح معاااي

ساره: لالا لاتفكري احد يروح معاك غيري المهم مين الي عازمك

مشاعل: بنت عمي الجوهره

ساره: ايش راح تلبسي

مشاعل: خيشه

ساره: يله عاد بلا استهبال

مشاعل: مااعرف بفكر

فهده: ايش ايش ايش اسمع طاري حفله ولبس انا معزومه طبعا

ساره: انا مالي شغل ميشو هي الي عزمتني

مشاعل: سوير يالفضيحه

فهده: خلصوا بس وعطوني كرتي بسرعه عندي محاظره

مشاعل: اوكي برسله لك مع سواقي اليوم العصر علشان تلحقي تلبسي لان الدي جي اليوم

فهده: والله انك صديقه صح يمكن احد يحن علي ويخطبني

مشاعل وساره:ههههههههههههههههههههههههه

مشاعل : يله سويره وفهده انا بروح عندي محاظره

ساره وفهده: اوكي بااااااااااي

مشاعل : باي تيك كير

ساره وفهده: اوكي

فهده : ماشالله على ميشو ياليتني ربع جمالها كان الخطاب نمل عند بابنا

ساره: اعوذ بالله منك قولي ماشالله لو البنت جاها شي راح اخذ منك

فهده: يؤؤؤؤؤ ترى عيني بارده

ساره : طيب حطيها في الفرن

فهده: كركركر بايخه

ساره : طيب انقلعي واصحي اليوم يكون الميك اب اوفر تصيري كانك مهرج

فهده: وش اسوي ابي اصير بيضاء

ساره : هههههههههههههه

------
في بيت ام سلطان

في الصاله جالسه ام سلطان يرن التلفون الاتصال داخلي من المطبخ

ام سلطان: ايوة

الطباخ سمير: صباح الخير يامدام

ام سلطان : نعم

سمير: عاوزين ع الغداء ايه النهار ده

ام سلطان : سلطه سيزر و سلطه يونانيه وشوربه ذره

سمير : حاضر يامدام دي المقبلات عاوزه حضرتك ايه الوقبه الرئيسيه

ام سلطان: مكرونه بشاميل و اسكالوب و فهيتا دجاج

سمير : حاضر يامدام بس لامواخزه المودمزيل مشاعل اعملها ايه ع الغداء

ام سلطان: بتاكل معنا واذا ماعجبها الاكل تاكل برا والله مابقا الى هذي بعد نعمل حسابها

ع الاكل

سمير : اوكي الي تشوفيه يامدام وعاوزين تشربوا ايه يامدام

ام سلطان : اووووووووه ياكثر اسئلتك زي كل يوم

سمير : اوكي

سمير بعد مااقفل الخط

سمير : ايه ده الست دي مقنونه وعصبيه بتشخط كده ليه هوا انا خدام عندها دنا بشتغل

عند ابو مشعل ده راقل طيب مايعرفش العأربه الي متقوزها ياحبه عيني يامشاعل محدش

غلبان ومظلوم ومتلعوز في البيت ده الا هي

---------------------------------

في بيت فهده صاحبه مشاعل

ام فهده: الله يغربل هالبنت اموت واعرف ليش تقفل حجرتها يعلها الماحي الي يمحاها

الله يقنزعها بقنزعها متى يجيها رجل ويفكني منها ويظفها هذي بلوى مدري من الي

داعي علي ياربي انا ماظلمت احد ولا سويت لاحد شي علشان يبلاني بها مير انشالله

تكفير

فهده: ياربيه توني جايه من الجامعه وانتي تدعين

ام فهده: ياوسيعه الوجه وراتس تقفلين حجرتس هاه وش انتي موزيه

فهده: يوووه يمه عندي اسرار مثل كل البنات كل صديقاتي يقفلون غرفهم اش معنى انا

ام فهده: بنين بزع يمال الفهاق واذا طبوا الناس في النار نطب معهم

فهده: نار علشان قفلت غرفتي خذي هذا المفتاح وفتشي على كيفك

ام فهده : اشوه هاتيه

فهده: يمه هالدرجه ماعندك ثقه فيني

ام فهده: البنت مالها الا الدقم والشكم

فهده: اجل ترى صديقتي بتمرني اليوم بنروح لحفله

ام فهده: ياربيه راسي الضغط هالبيت بتموتني اكيد

فهده: جاك العلم يله انا بنام لي شوي قبل اروح للصالون

ام فهده : يعلها النومه الي مابعدها قومه


؛؛؛؛؛؛؛؛؛؛؛؛؛؛؛؛؛؛؛؛


انتظروني بالجزء الثاني >>>>

[لاتكدرمزاجي]

تسلمين على القصه

ولي عوده

[القيصر]

خخخخخخخخخخخخ

بلاها تدعي على بنتها

الله يهديها

اقول
شو سلطة سيزر بعد يديده علي

لوووووووووووول


قصة حلوة

تسلمين اختي شيخة الغيد وفي انتظار الجزء الثاني

ودمتِ بود

[●● شيخة ♥ الغــيد ●●]

لا تكدر مزاجي
... الله يعافيك وبانتظار عودتك


القيصر ..
شو عيبتك البدايه ولاااا
المهم اليوم بنزل الجزء الثاني
وا ن شاء الله تستانسون

[●● شيخة ♥ الغــيد ●●]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مشاعل في السياره في الطريق للبيت
عند الإشاره جنبها واحد ياشر لها علشان تفتح البلوتوث
مشاعل : بعد بعد مابقى الي هذا الشين القروي لا وسيارته كامري وجاي يرقم اوكي انا
اوريك
فتحت الشباك
مشاعل: انت
الولد: هلا بالقمر ماصدق انك تكلميني
مشاعل: ماتبي رقمي؟
الولد: ياليت تتكرمين علي لو بربع الرقم
مشاعل : طيب تعال اعطيك الرقم
الولد: من عيوني
نزل الولد ركض لان الاشاره فتحت وكان صوت البواري مزعج كل واحد يبي يرجع لبيته
الولد بعد ماوصل للشباك : ياقمر الرقم لو تكرمــــــــ......
بس ماكمل كلامه لان جاه كوفي حارره على وجهه
مشاعل: هذا درس لك علشان ماتتعلى على اسيادك
-------------------------------------
في بيت ساره
ساره:ماما ماما
ام ساره:هلا حبيبتي
ساره:ماما ترني معزومه اليوم ع دي جي
ام ساره:اوكي حبيبتي بس مين الي عازمك؟؟
ساره:ميشوو هذا دي جي بنت عمها
ام ساره:ماينفع اجي ههههههههههههه
ساره:الا ينفع الله يحييك بس اخاف تغطين ع البنات
ام ساره:اوكي حبيبتي روحي بس لاتتأخرين واذا جا السواق يرجعك خذي الخدامه معاك
ساره:لاياماما بخليه ينتظر
ام ساره:حرام عليك خليه يرجع واذا بغيتيه دقي عليه
ساره:طيب يله بروح انام
ام ساره:وانا بطلع العصر ترا والليل انا معزومه اوكي
ساره:اوكي
-----------------------------------
مشاعل بطلتنا بما ان امها ميته عاشت مع ام سلطان الي لها وجهين
اذا كان ابو مشاعل موجود تكون طيبه واذا انفردت بمشاعل طلعت مخالبها
في بيت ام سلطان مشاعل رجعت من الجامعه وفي الصاله بالتحديد
مشاعل: اهلين ام سلطان
ام سلطان بدون نفس: هلا
مشاعل: وين سوسو وفوفو وفيفي
ام سلطان: قطاوه عندك عيالي اظن عيالي لهم اسماء ومحد قال لك تدلعيهم اولادي رجال
لما تتزوجي وتجيبي عيال دلعيهم زي ماتبي اوكي
مشاعل : ههههههه ضحكه بدون نفس يالله ياام سلطان احس انك تتكلمي عن رجال فوق 40
ترى اكبر واحد فيهم عمره 15 لاتكبري الامور
ام سلطان: اظن هذولا عيالي وانا حره فيهم
مشاعل: المهم ايش الغداء اليوم
ام سلطان : كان تغديتي برا الغداء اليوم مايعجبك
مشاعل: اها كويس اصلا انا تغديت قبل اجي وكنت ببلغك انك ماتعملوا حسابي على الغداء
ام سلطان : احسن توفرين
ابو مشعل: السلام عليكم
ام سلطان ومشاعل: عليكم السلام
ابو مشعل: وانا اقول هالنور وش منه انتي هنا يامشاعل
ام سلطان في نفسها : قول لمبه بدون فيش
مشاعل : شكرا يابابا النور نورك ياقلبي ونور خالتي ام سلطان
ابو مشعل: الله يخليك لي طول عمرك لسانك شهد
ام سلطان في نفسها : إلا سم
ابو مشعل : وش في الحلوه الاموره ام سوسو زعلانه وساكته
ام سلطان: ابد يابو مشعل بس افكر في مشاعل ضايق صدري انها متغديه
برا مدري ايش فيها ماعاد يعجبها اكلنا
مشاعل:لا بس كل ما اكلت الاقي شعر شكله من شنب الطباخ الجديد رفعت الي يساعد سمير
ابو مشعل:نغير هالطباخ انا عندي كم من مشاعل؟؟
ام سلطان:والله يامشاعل ياحبيبتي ماعمري لقيت شعر بعدين قطع الاعناق ولا قطع الارزاق
مشاعل:لا بس لو هو مهتم بنظافه الاكل كان ماطاح شعر
ام سلطان:ليه تبينه يربط شعره شنبه بحجاب مثلا؟؟
مشاعل:لا بس يحلقه او يخففه مو يطوله
ابو مشعل:خلاص فضوها سيره انا بلاقي حل
مشاعل:طيب انا استأذن بروح انام اليوم بروح لبنت عمي الجوهره مسويه حفله دي جي
=========>>>
نلتقى بالجزء التالــــــــــــــــــــــــــــــــــي

[القيصر]

بصراحة بداية القصة حلوة

هههه

قوية هذي كوفي حار ع وجهه خخخخخ

تسسسسلمين ع الطرح


وفي انتظار الجزء التالي

[●● شيخة ♥ الغــيد ●●]

بصراحة بداية القصة حلوة
هههه
قوية هذي كوفي حار ع وجهه خخخخخ
تسسسسلمين ع الطرح
وفي انتظار الجزء التالي


لوووووووووول
انت تريا بعدك ما شفت شيء
هههههههههه

..................


والحين بنزل جزئين ورى بعض
وان شاء الله يستانس القارئ

[●● شيخة ♥ الغــيد ●●]

في بيت فهده
===========
صالح : يمه خلي بنتس تصلح قهوه بيجي صديدزي

ام صالح : هالبنت طالعتن من شوري بلاها مالقت رجالن يشكمها

صالح : وش هالحاتسوه يمه وش صاير ؟؟

ام صالح : تقول بروح للحفله مع صديقاتها ماخبرنا البنات يطلعن مع صديقاتهن

صالح : يمه خليها تروح شوي العصر وترجع العشاء توسع صدرها بس عسى

البنات تعرفونهم

ام صالح : بقومها اقولها

فهده توها صاحيه : هلا صالح

صالح : يله البسي اوديتس عند صديقاتس

فهده : مو الحين الحفله

صالح : أجل اصلي المغرب وأجي آخذتس

فهده:لا ياخوي الحفله ماتبدا إلا بعد الساعه 11 بالليل

صالح : أفآآآآآآآآآآآآآآآآ تبيني اوديتيس 11 داقمن يدقمتس

ويفصخ عقاله ويمردغها لين علم ع ضهرها خطوط حمر

وراحت تصيح بغرفتها

ام صالح : حرام عليك عاد تكفر فيها

صالح : أبد أبد هاذا البني لين انعطن وجه صارن فاهرات كثر الدلع اما هبل ولا خبل

================================

في الدي جي :

مشاعل : اهليييييييييييييييييييييييين جوجو كيفك من زمان عنك

الجوهره : هلا وغلا بميشوووو زوجأ اخوي

مشاعل : اقول عاد يا الجوهره انتي عارفه اني اتضايق من هالكلام

الجوهره : حرام عليك والله تركي يحبك

مشاعل : اولا انتي عارفه اني ما احبه .... وثانيا هو كبري وانا ابي واحد اكبر مني ..... وثالثا

انا أطول منه تبيني امشي معاه بالسوق وهذا طوله لاحبيبتي

الجوهره : بس خلاص اقلقتيني اذا سمعت كلامك اقول حرام اخوي ياخذها واذا شفته قلت

مسكين وارحمه اقرفتوني انتي وياه ادخلي بس ادخلي

>> وقبل لاتدخل دقت عليها ساره <<

ساره : انا دخلت انتي وينك

مشاعل : انا عند الباب بنتظرك

وسكرت ....

الجوهره : مين داق عليك

مشاعل : ساره

إلا وساره دخلت

وسلمت عليهم ودخلو كلهم داخل

و رقصوا وطق وهبال الى الساعه 7 الصباح

===========================

طبعاً الدي جي كان يوم >> الاربعاء

>>وفي يوم الخميس في بيت مشاعل

مشاعل كانت بغرفتها جالسه ع النت

وبالماسنجر

ساره : تطلعي اليوم ....؟؟

مشاعل : ايه الوعد اليوم الساعه 7 اوكي

ساره : اوكي

========================

صالح واخوياه كانوا بشارع البحري يفحطون عقولتهم ((هجوله))

طبعاً بعد ماضرب اخته راح يوسع صدره لأنه حس بالذنب

صالح : فيييييييييييييييييييييصل تعزز لي .....؟؟

فيصل : اوكي

طبعا صالح كان كاتب ع قزاز السياره من ورا لعيون مشاري

مشاري هذا ولد كان يحبه فيصل

عبدالله : ارووح انا ياعيني ع مشاري ياعيني يابخته والله

ههههههههههههههههههههههههههههههههه

صالح : ايه مايمديك

================================

[●● شيخة ♥ الغــيد ●●]

وطلعوا ساره ومشاعل يتمشون وراحوا للتحليه وكانوا طالعين بسيارة مشاعل

وطبعاً السياره مو مضلله وكان معاهم لكزس430 لون عنابي ومن داخلها بيج

ساره : ميشووو لاتصيري بخيله أعزميني ع كوفي

مشاعل : اوكي بس لاتتميلحين لأن غسان طالع أخاف يشوفني تعرفين أنه يغار علي

ساره : طيب وعبدالله ....؟؟ ومحمد .....؟؟ وفهد ....؟؟؟

مشاعل : ياقدمك سحبت عليهم من زمااااااااااااااااان أوووووووووف مليت منهم

ساره : مو كنتي تحبين فهد ....؟؟

مشاعل : ايه كنت وكنت من الماضي كرهته لأنه طوّل شعره وانا ما احب الولد

اللي يطول شعره

ساره : طيب وانا ابي لي كم من واحد معاد عندي إلا النشبه بدر ونواف الملحط

تعرفين مخليته ع شان بيسوي لي موقع

مشاعل فتحت الشباك لأنهم وصلوا عند صدى التحليه : اكسيوزمي

الفلبيني : يس ميم

مشاعل : كان اي اوردر ؟؟

الفلبيني : اوفكورس

مشاعل : تو اسبريسو ويذ اوت شوقر

الفلبيني : اوكي

وسكروا الشباك

ومر واحد معاه جيب بورش والولد مره كيوت وكاش ومعاه عبد جنبه

وساره طارت عيونها وقالت : ميشو ميشو شفتي اللي شفته

مشاعل : لا وش فيه ..؟؟

ساره : واحد مرررررررره كيوت ومعاه كااين

مشاعل : ايه عادي وش الغريب تلقاني قد كلمته احس اني شطبت ع كل الي معاهم كااين

ههههههههههههههههههههههه

ساره : شوفي يأشر بموبايله أيش رايك أفتح البلوتوث

مشاعل : افتحيه واحنا ورانا شي إلا المغازل

ساره تأشر للولد علشان يرسل لها

وفجأه جاها مسج من الوسيم اللي جنبهم وفتحته ولقته كاتب.....

أقول ياقمر تراني أبغى اللي جنبك ... وانتي كأنك تبين اللي جنبي تراه في الخدمه

ساره : شوفي الحيوان ايش كاتب وتقرا لمشاعل

مشاعل ميته ضحك : ههههههههههههه الحين اكلمه وأوريك فيه

ويجيهم الطلب

الفلبيني : اوبن ذا ويندو

مشاعل : هاو متش

الفلبيني : 22

مشاعل : ثنكس

وكانوا يشربون ولما وقفو عند الإشاره دق موبايل مشاعل

مشاعل : الووو

غسان : خير انشالله

مشاعل : اهلين حبي

غسان : التفتي يمينك

مشاعل توهقت : ليش

غسان : ليش خايفه التفتي

مشاعل : ليش اخاف انا مو مسويه شي

ولما التفتت مثل ماتوقعت لقت غسانوه واقف جنبها

غسان : ممكن اعرف مين صاحب الكاين الي كان جنبكم

مشاعل : لا والله وانا بسأل اي واحد طالع مين انت ....؟؟

غسان : ايه بس مو أي واحد يطلع ويوقف جنبكم تاكلونه بعيونكم والا لاء

مشاعل : ايش قصدك ....؟؟

غسان : شكلي انا مامليت عينك علشان كذا بنسحب بهدوء وخلي الكلاب اللي وراك ينفعوك

مشاعل : انت كذا دايماً شكاك بس الشرهه مو عليك الشرهه على الي تكلمك لأنك

ماتستاهل .....

غسان : اوكي مابي اشوف رقمك

مشاعل : انقلع اصلاً انا حاذفة رقمك قبل لاتقول

غسان : هذا العشم فيك يالمتربيه

مشاعل : متربيه غصب عليك

غسان : اذا متربيه ارجعي للبيت الحين

مشاعل : اقول انقلع ولا تدق لأني من زمان ابي اسحب عليك بس مالقيت سبب

غسان : حقيره

مشاعل : بااااي ياغبي

ساره : يؤؤؤ اعصابك كلتي الولد

مشاعل : على باله بيصيطر علي مسكين ينقلع

ساره : حرام الولد يحبك

مشاعل : حبته القراده ويا وجهه الأبرص مسكين حتى شنب مايطلع له

ساره : ليش تكلمينه طيب وهو مو عاجبك

مشاعل : يعني رزه قدام صاحباتي تعرفين هو ولد مين

ساره : ههههههههههههه مجنونه

وبعد المواكب والهبال قرروا اخيراً يرجعون للبيت

والساعه 11 وصلت مشاعل ساره لبيتها

وفي طريق الرجعه للبيت دخلت الحاره الي توديها للبيت وفجأه

سياره تحدهم ويضطر السواق انه يوقف السياره وللأسف تكتشف ان السياره الي حدتها سياره غسان

وعرفت انها طاحت في ورطه وقالت للسواق ارجع بسرعه وحاول يرجع بس للأسف فيه جمس ساد عليهم

وباين انها راحت فيها هذي آخر’ الغزل ............!!!!

المهم نزل غسانوه ووقف عند شباكها ويقول لها انها تفتح الشباك

وهي مارضت خافت يسوي شي مجنون

غسان : قسم بالله اذا مافتحتي الشباك بكسره

مشاعل : ماراح افتحه

بس قررت انها آخر شي تفتح جزء من الشباك وتسمع ايش يبي

غسان : ممكن تنزلي من السياره ابيك بموضوع

مشاعل : انت اكيد مجنون ماراح انزل ممكن اعرف ايش تبي الي بيننا انتهى

غسان : لابس ابي اعلمك من الغبي ابي اعرف انتي قد هالكلمه او لا ..؟؟

مشاعل : انت غبي وحقير وتافهه وانا قد الكلام كله وانت ماتخوفني

غسان : ليش ماتعرفي انا ولد مين

مشاعل : ههههههه ماتهمني

السواق : ياعمه اتصل على العم ابو مشعل او على الشرطه اشوف الجمس يطلع منه 3 شباب

مشاعل : لالا انا بحل مشكلتي لاتتدخل

السواق : بس ياعمه انتي امانه عندي واخاف يصير شي وانا ماراح اقدر على 4

مشاعل : انطم الحين

غسان : تعالي حلي مشاكلك بسيارتي وابي اعلمك شلون تحترمي الناس

مشاعل : اوكي انا بتصل بالشرطه

غساان : هههههههههههههههههههههههههه اتصلي وانتي الخسرانه لأنك لو اتصلتي ابوك

راح يعرف اي بنت هو واثق فيها ههههههه مسكينه ياميشو

مشاعل بدت تنهار وبدت تصارخ وتستنجد بأي احد بس الناس كلهم في بيوتهم ومحد حاس

بهم ميشو

وفجأه تجمعوا الشباب على الشباك وبدوا يضحكون ويقولون كلام بذي لها وحست انها اكيد


اكيد ماارح تنجو وزاد الضرب على الشباك لحد ماانكسر شباك السواق وفتحوا الباب

وأخيراً غسان وصل لميشو ونزلها من السياره

تخيلوا ايش راح يصير لميشوووو وهل انها ندمت على طيشها ....؟؟؟
وغسان أيش راح يسوي .....؟

الله يستر كل هذا راح نعرفه في الجزء الياي انشالله >>>>>
=================================

[القيصر]

بصراحة شكلها قصة واقعية

الي كتب القصة جابها صح ...

وفي انتظار الجزء التالي وتسلمين شيخة

[لاتكدرمزاجي]

تسلمين على القصه

نتريا باقي الاجزاء

[●● شيخة ♥ الغــيد ●●]

ان شاء الله الحين بنزل باقي الاجزاء
وان شاء تكونون تقروون مو تجاملوني
لووووووووووووول

/

/

/

جاري التنزيل

[●● شيخة ♥ الغــيد ●●]

/

/

/

الجزء الثاني
==========

بعد ماكسر غسان الشباك ابتدى يسحب مشاعل للشارع ويحاول يركبها سيارته ووقتها

السواق كان في صراع مع الشباب وبدت مشاعل تفقد الأمل لأي نجاة وبدت ترضخ للأمر

الواقع بس اتفاجأت أنه يد غسان ابتدت ترتخي وماصارت تشد عليها بالعكس غسان ترك

يدها وكأنه أخيراً ندم على كل اللي سوَّاه التفتت مشاعل له ولقته يطالعها باحتقار

مشاعل : أخيراً تذكرت أنه عندك قلب ...؟؟ أو إنك بديت تخاف ...؟؟
أو يمكن عندك أمل إني أرجع لك ...؟؟

غسان : مين قال إني أفكر أرجع لك لأنك ولا شي بالنسبه لي كنت اتسلى معاك انتي شكلك

ماعرفتيني للحين ..............

مشاعل : طيب ممكن نتعرف ...!!

غسان : صدقيني أنا بحياتي ماخدعني أحد ولا أفكر حتى .... لأني أعرف إنك واطيه من زمان

بس حبيت اتسلى معاك ....

مشاعل : اها وليش كنت بتركبني سيارتك علشان تقول هالكلمتين ....؟؟
كان قلتها لي وانا بسيارتي

لأني تعبانه ومالي خلق امشي

غسان : إنتي أحقر من ماتخيلت لا تفكري إنك قويه لأنك من شوي كنتي حتنهاري وصدقيني

انا مو من عادتي أضرّ أي شخص علشان ماحب ادخل في متاهات بس انا حبيت اعلمك ايش

غسان يقدر يسوي وتركتك انا بكيفي لأني ماأتنزل حتى اضر وحده واطيه مثلك

مشاعل : أهااااااا طيب ليه المسلسل الي سويته هذا ....؟

غسان : علشان اثبت لك اني اقوى منك وانك ضعيفه واقدر اسوي فيك اللي أبيه بس للأسف

ياميشو أنا مابيك ولا تهميني علشان كذا انقلعي من وجهي ومره ثانيه اعرفي مين تتحدي

اوكي ياقمر ......

مشاعل امتلت عيونها دموع وحست بالإهانه وقررت تنسحب قبل لايغير رايه

غسان : لا مو قبل ماتقولي آآسفه عمي غسان

مشاعل : تحلم

غساان : ماعندي مشكله اني اقضي الليل معاك لما تقوليها ,ماله داعي ابوك يسال عنك

بالشرطه ويدري انك مع خويك ههههههههه

مشاعل : عادي أصلاً ابوي ماراح يفقدني لأنه مو فاضي لي وانت عارف هالشي

غسان : يعني ماتأدبتي للحين .....؟؟؟

مشاعل : انا متأدبه قبل اشوفك

غسان : اوكي بصراحه مليت من سوالفك التافهه يله ابعدي عن سيارتي بروح بس قبل اروح

بعطيك خيارين واتمنى انك تكوني انسانه واعيه علشان تعرفي ايش تختاري

مشاعل : تفضل يافيلسوف زمانك... وياليت تغششني

غسان : ياتقولي آآسفه وهذا الحل الي انصحك فيه لأنك بعدها راح ترتاحي مني ... والحل الثاني

واللي ماانصحك فيه انك تنقلعي من وجهي بس المشكله انك بتلقيني بكل مكان تروحي له

وماراح اخليك وراح ادمر حياتك ببطء وجربي وتعرفين زين اني قد كلمتي .....

مشاعل : اتوقع اني اختار الحل الثاني بس اذا بتدمر حياتي ببطء لاتنسى تبطء الشريط ههههه

غسان : كل هذا غرور ماتبي تقولي آسفه ومستعده تدمري حياتك بس ماتمسي كرامتك

مشاعل : اسمع انا ابوي وهو أغلى شخص بحياتي مهما حصل ماأعتذر منه حتى لو أنا

غلطانه تجي أنت تبيني أعتذر لا ماارح تسمعها لو فيها موتي

غسان : اوكي تحملي مايجيك .....

مشاعل : خلصت أمشي والا فيه شي ثاني

غسان انجن من برودها وكأنه بيطلع يعزمها على مطعم والا كوفي مو بيخطفها عرف انه

البنت هذي مفقود منها الأمل وقرر ينفذ خطته في أنه يحطمها

غسان : شباب مشينا

مشاعل ماقدرت تتحمل الإهانه مافيه أحد قدر يهينها وتسكت له لازم أوقفه عند حده بس

مابي أدخل معاه في متااهات خليه يروح وكويس أني لوحدي لو كانت معاي أي وحده من

صاحباتي كانت ( فضيحتي بجلاجل )

رجعت مشاعل لسيارتها بهدوء والسواق ركب

السواق : عمه أيش القصه كان لازم ندق على عمي أبو مشعل

مشاعل : أصحى تقول أي كلمه لأي شخص فاهم إذا تبي وظيفتك

السواق : أبشري طال عمرك بس اذا سالوني عن الشباك المكسور أيش اقول لهم

مشاعل : قول لهم انك ماتعرف مين ... كنت بعيد عن السياره ولما رجعت لقيته مكسور

السواق : أبشري طال عمرك .. بس...

مشاعل : خلاص ...........

وطلعت مشاعل فلوس واعطتها للسواق

مشاعل : هذي قيمه سكوتك وأصحى أحد يعرف لأن وقتها مو بس راح تخسر وظيفتك

راح تخسر كمان البنك المتنقل اللي معاك ... فهمت ايش قاعده اقول لك .....؟؟؟

السواق : أبشري وماارح يصير اللا اللي تقولي عليه

=====================================

وأخيراً مشاعل وصلت للبيت وكانت تعبانه ومرهقه من الي صار وتتمنى أنه بكره يكون

أحسن من هاليوم المشؤوم .....

دخلت للبيت والحمدلله ماكان أحد ينتظرها كالعاده كل شخص بغرفته

وصلت غرفتها اللي هي عبارة عن جناح منفصل تتكون من غرفتين غرفه جلوس علشان لما تتجمع الشله ... والغرفه الثانيه هي غرفه نومها

دخلت الغرفه ولبست البيجاما وأزالت آثار الميك اب وانسدحت على السرير ورفعت عيونها

للسماء فكرت وفكرت في غسان المغرور المجنون الي أبد أبد ماتوقعت منه هالتصرف

الطفولي وظلت تكلم نفسها بصمت في حوار بينها وبين نفسها

أنا ليش أقضي حياتي بهالحاله ليش مااستقر بحياتي ليش أنا متهوره ليش ماألتقى بشخص

يحبني واحبه واكون مخلصه له وهو مخلص لي مثل كل صاحباتي

رد عليها صوت شخصيتها الشريرة لا العيب مو مني العيب من الشباب اللي تعرفت عليهم

ولا واحد كان يحبني

رد عليها صوت شخصيتها الطيبه والواقعيه وقال : لا يامشاعل غسان كان يحبك وانتي اللي

خنتيه وانتي الي كنتي غير مباليه معاه تستاهلي كل اللي سواه فيك

بس رد صوت الشر : لالا هو اللي بدأ وهو أصلاً مافيه مواصفاة الرجل اللي تتمنيه

رد صوت الطيبه والعقل : إذا إنتي عارفه أنه مو الشخص المناسب ليش استمريتي معاه

تسليه ..؟؟؟ لعب ..؟؟؟ مضيعه وقت ...؟؟؟ وغيره وغيره هشام وعبدالله ومحمد و....... كل هذول

ولا واحد رجل بعينك ......؟؟؟؟؟

مشاعل لازم تغيرين طريقة حياتك وتفكيرك علشان تكوني سعيده

وظلت في حوار بين قلبها وعقلها والشر والطيبه مو قادره تفهم نفسها او تحدد شخصيتها

بس الأكيد إنها إنسانه ماتقدر تتنازل عن رغباتها مهما كانت وهذا جانب الشر فيها بس تندم

على كل شي تسويه وتبدأ تأنب نفسها كل ليله وهذا أكيد يدل على جانب الطيبه في شخصيتها

لأن الإنسان اللي مايندم أكيد يكون الشر محى كل أثر طيبه بشخصيته

وبعد تعب اليوم والحوار اللي تقضيه كل يوم مع نفسها أخيراً استسلمت للنوم

=====================================

الساعه 3 بالفجر في بيت ساره كانت السهره عند ساره بأولها ولسى مابدت حتى

ساره : يالله ادق والا ماادق ..؟؟؟ أخاف ادق ويقول أبي اكلم الي جنبك ... امممم اكلم وامري

لله... مو شسوي الولد مررره يجنن لازم اكلمه مو قادره يدي تحكني... يالله اكلمه واذا قال انتي

مين اقول انا ميشو واكيد ميشو ماراح تزعل

مسكت ساره الموبايل وبدت تدور في المسجات عن رقم الولد صاحب الكاين

ساره : يالله بعد رقمه حلو شكل الولد كااش ادق بس وامري لله

ساره دقت الرقم وانتظرت احد يرد بس للأسف ماارد

ساره : يالله اكيد نايم ... لايكون ازعجته بس , مو مشكله اكيد بكره المغرب بيكون صاحي

وتذكرت ساره خويها بدر

ساره : يالله اليوم ماكلمته أكيد زعلان بدق عليه اراضيه أوووووووووف الله يعيني عليهم وأخذت

الموبايل ودقت على خويها بدر

ساره : الووووووووووو

بدر : نعم

ساره : أدري انك زعلان ومعصب بس اسمعني اول واحكم

بدر : ماخلصت اعذارك أنا مليت من كثر ماأسمع ..... ريم حياتي ( طبعا هي ماقالت له أنه اسمها

ساره ) إذا ماتبيني قولي لي ....؟؟

ساره : هذي آآآخرتها كل هالحب وماأبيك الله يسامحك

بدر : نفسي أصدقك سارونه بس إنتي يوم تدقين وعشرة تختفين ...

وين الحب الي تتكلمي عنه

ساره : هذا جزاي اليوم تقدم لي واحد ورفضته علشان كذا ماما أخذت موبايلي وقالت لي أكيد

إنك تعرفي واحد ... وإلا ليش رفضتي الرجال أكيد انك تكلمي واحد .....

وانحطيت بمشكله ماعرف كيف اطلع منها كل هذا علشانك ... علشان مانبعد عن بعض وآخرتها تقول اني ماأحبك , ماتوقعتها منك ......

بدر : سارونه حبيبتي كل هذا علشاني , احبك , احبك ,اموت فيك

ساره : بعد ايش

بدر : طيب وكيف امك رجعت موبايلك

ساره : تعبت ووديني للمستشفى ولما شافت امي اني تعبانه وطول اليوم ابكي , حنت علي

ورجعته لي بس قالت بشرط انك تفكري بموضوع الرجال اللي تقدم لك

بدر : لا سارونه تتزوجي وتتركيني لالا الله يخليك خليكي معاي انا احبك

ساره : حتى أنا أحبك بس خلاص مو كل مادقيت عليك تكون زعلان اعرف اني مااانقطع عنك

الا أكيد لسبب قوي و ... لحظه ( ساره سمعت خط بالانتظار وتخيلوا من دق ....؟؟؟

دق صاحب الكاين ) ............

ساره : اقول اقول باي الحين ماما دخلت

بدر : باي طمنيني علــ ..... طوط طوط طوط

ساره : الــــــــــــو

صاحب الكاين : صباح الخير

ساره بكل نعومه : صباح النور

صاحب الكاين : اختي انتي طلبتيني قبل عشر دقايق

ساره : ايه

صاحب الكاين : مين معاي

ساره : ماعرفتني .....؟؟

صاحب الكاين : لاوالله ممكن تعرفي بنفسك ...؟

ساره : اليوم مارقمت وحده بالتحليه ...؟ معاها لكزس

صاحب الكاين : اهلين هلا والله وغلا , هلا بالقمر , هلا بالحوريه , هلا بقمر الدنيا كلها , هلا باللي عيوني ماشافت بحلاها ولا راح تشوف .....

ساره انقهرت عرفت انه يحسبها مشاعل

ساره : هلا فيك بس انت ماتعرف انا اي وحده .....؟؟؟

صاحب الكاين : انتي اللي ورا السواق انا قلت للثانيه اني ابيك , لايكون مو انتي ....؟؟؟

ساره : ليش فيه فرق ....؟؟؟

صاحب الكاين : اكيد انا رقمت اللي ورا السواق وابيها لو سمحتي ممكن تقولي انتي مين

ساره : انا الي ورا السواق , بس يعني بسأل لو دقت الثانيه يعني ماراح تكلمها .....؟؟

صاحب الكاين : لا , لأن اللي يشوفك مايفكر بأي بنت ثانيه

ساره حقدت عليه : حلو , طيب ماتعرفت عليك

صاحب الكاين : معك احمد

ساره : عاشت الأسامي

احمد : عاشت ايامك , وانا بايش ممكن اناديك, عادي لو ماتبي تقولي لي اسمك الحقيقي

عطيني اسمك الفني

ساره : لالا انا مو من عادتي الكذب , بعدين هذا اسم يعني ايش راح يصير لو قلت لك اسمي

احمد : ماراح يصير شي بس فيه بنات متحفظات مايحبوا الشباب يعرفوا عنهم اي شي

ساره : لا انا عادي , اسمي ريم

احمد : الله , ريم , وانتي صدق ريم اسم على مسمى عاشت الأسامي يا أحلى ريم

ساره : ههههههه تسلم احرجتني

وظلوا يسولفوا لحد الساعه 9 الصباح واحمد مسكين على باله الي يكلمها مشاعل وهي

مسكينه تسمع انواع كلام المدح والغزل وتدرى انها لصاحبتها قهر ولاتقدر تحكي ولاتقول

شي لأنها لو اعترفت راح يقفل الخط

==============================

[●● شيخة ♥ الغــيد ●●]

/

/


يوم الجمعه الساعه 10 في بيت ام مشعل ( بيت زوجة أبو مشاعل الأولى )

أم مشعل تضرب على الباب بأقوى حيلها : مشعلووووه ووجع قوم الصلاه

مشعل : يمه خلاص روحي تونا على الصلاه حرام عليك مانمت إلا 7 الصباح صحيني 11

أم مشعل : ووجع انشالله قوم الساعه 11 وش تسوي تصلي العصر ...؟؟

قوم علشان تسمع الخطبه وتصلي الجمعه قوم ذبحتني

مشعل : يمه تكفين روحي لسعود تكفين

ام مشعل : ذبحتوني ياليت كنتوا بنات لاحول ولاقوه الا بالله

ام مشعل راحت لغرفتها تجيب كرسي وحطته عند باب غرفة سعود لأن سعود يبي له علشان

يصحى ساعه من الصرااااااااااخ علشان بس يستوعب

ام مشعل : سعود قوم الساعه 11 ونص يالله تأخرت على الصلاه, قوم يمه ذبحتني , سعود ,

ســـعــــووووود

سعود : يمه روحي صحي مشعل بعدين تعالي صحيني

ام مشعل : ياربيييييييه أنا مليت منكم بروح لأبوكم هو يصحيكم ذبحتوني

ونزلت وهي معصبه من عيالها راحت للصاله علشان تدق على ابو مشعل يجي يصحي عياله

لأنهم يخافوا منه ولقت بالصاله مشاعل

ام مشعل : صباح الخير حبيبتي ماشالله صاحيه الصباح

مشاعل : هلا خالتي ام مشعل , شخبارك

ام مشعل : الحمدلله يابنتي انتي اللي شلونك وجهك مو عاجبني كأنك مانمتي زين

مشاعل خافت انها تحس بشئ وخاصة أنه شباك السياره مكسور يمكن تقول لأبوها شئ

وفكرت تلحق نفسها قبل تنفضح لأن عادتها دايماً محد يقدر يمسك عليها شيء

مشاعل : ابد ياخالتي بس متضايقه شوي

ام مشعل : ياحبيبتي مين اللي مضايقك اكيد العقربة ام سلطان

مشاعل فكرت انها تلزق الموضوع بأم سلطان خاصةً انها تكرهها بس خافت تصير مشكله

كبيرة توصل لأبوها بعدين تتوهق وتنفضح

مشاعل : لالا ياخالتي انتي عارفه ام سلطان ماتحبني ومنيتها اني اطلع من بيتها اليوم قبل

بكره, بس الموضوع اللي مضايقني ما يخص ام سلطان

ام مشعل : من قال انه بيتها هذا بيتك ياحبيبتي انتي الداخله وهي الطالعه , وبعدين وش الي

حادِّك تتحمليها تعالي عندي والله لخلي عين فراش لك وعين لحاف تعرفين اني احبك

واعتبرك بنتي الي ماجبتها

مشاعل تحب ام مشعل لأنها حنونه عليها وتحبها واذا حست بضيق تلجأ لها وخاصةً انهم

يشتركون بشيء وهو كرههم لام سلطان واسبابهم وجيهه مشاعل تكرهها لأنها تعاملها بإسلوب

ينرفز وتتعمد تهينها قدام الناس وقدام اخوانها بس عند ابوها تلبس ثوب الطيبه اما ام مشعل

فهي تكره ام سلطان لأنها جارتها او مثل مايقولون المصريين ضرتها وهذا غير ان ام

سلطان نمامه وكذابه ومنافقه ومغروره

مشاعل : الله يسلمك ياخالتي , بس انتي عارفه اني مابي اضايقكم لأن سلمان عايش عندكم

وانا مابي اربطه واخليه ماياخذ راحته فيه البيت

( سلمان هو ولد اخت ام مشعل وساكن عندهم علشان الجامعه لأن اهله مو ساكنين بنفس

المدينه الي يدرس فيها فقرر انه يسكن عند خالته وأيام الإجازات يرجع لأهله )


ام مشعل : ياحبيبتي ماودي اضغط عليك, بس ماقلتي لي ايش الي مضايقك ....؟؟

مشاعل بدت تسوي نفسها متضايقه وحزينه : ااااه ياخالتي , لالا ماودي اضايقك

ام مشعل : والله تقولي ماراح تطلعي من عندي الا انتي قايله ايش فيك

مشاعل : بس ياليتك ماحلفتي, ابد خالتي امس كنت طالعه للسوق واشتريت أغراض كثيره

واتصلت على السواق يجي علشان يشيل عني الأكياس لأني ماقدر اشيلها كلها ولما طلعنا

تفاجأت لقيت شباك السواق مكسور تخيلي ياخالتي

ام مشعل : يالله مين اللي كسره ................؟؟؟

مشاعل : مدري ياخالتي أكيد حرامي

ام مشعل : السياره والشباك فدوه لعيونك تتضايق القمر علشان شباك اليوم اقول لأبو مشعل

يكلم الوكاله يصلحوها لك ولاتزعلي

مشاعل حست ان السالفه تافهه وماراح تمشي على ابوها واكيد بيسألها فحبت تكبر السالفه
شوي

مشاعل : بس ياخالتي المشكله مو في الشباك , المشكله اللي كسر الشباك كان شايف الساعه

اللي اهداني بابا في عيد ميلادي علشان كذا كسر الشباك , اكيد حرامي حيكسر الشباك ليه

اكيد علشان يسرق , وهو كسر شباك السواق وفتح الباب وأخذ الساعه

ام مشعل : الله ياخذه ويشل يده , لاتضيقي صدرك انشالله ابو مشعل يعوضك عنها ولا تزعلي

مشاعل : ايه بس هذي هديه من اغلى انسان بحياتي , لو انا الي انسرقت اهون , بس يسرق

اعز ساعه من جد قهر , ماتعرفي ياخالتي قد ايش الساعه هذي مهمه بالنسبه لي

ام مشعل: بسم الله عليك ياحبيبتي , الساعه بعدها مليون ساعه , بس مشاعل حبيبتي وحده

مشاعل: بس انا خايفه بابا يزعل ويعصب علشان الشباك, خالتي بليز كلميه

ام مشعل: لاتشيلي هم أبوك ماراح يفتح السالفه معك خليه لي انا أتفاهم معاه

قامت مشاعل وضمت ام مشعل وحبتها ع راسها

مشاعل: شكراً ياخالتي الله لايحرمني منك

ام مشعل : ولا منك ياحبيبتي , مابي اشوف هم ولا ضيقه فيه صدرك وانا موجوده

مشاعل هنا حست بتأنيب الضمير كلا حياتي كذب في كذب حتى الناس الي يحبوها ويخافوا

عليها تكذب عليهم , لو اكتشفت ام مشعل انها تكذب اكيد ماراح تسامحها وراح تخسر كل شي

ام مشعل: يالله هالأولاد للحين ماصحوا ذبحوني من 10 وانا اصحي فيهم , يابذبحهم
يابيذبحوني

مشاعل: هههههههه لالا انشالله بعد عمر طويل انا الي بذبحك من كثر ماحبك راح اكلك

ام مشعل : ههههههههههههههههههههه

مشاعل : خالتي روحي ارتاحي والدلافين عيالك خليهم علي انا اصحيهم

ام مشعل: الله لايحرمني منك

مشاعل : ولا منك يارب

مشاعل طلعت فوق علشان تصحي اخوانها

اخوها مشعل عمره 32 ومو راضي يتزوج لأنه مايبي يفقد حريته

اما سعود فهو كبرها ومسكين يحب وحده (الهنوف) ومايقدر يتزوجها لأن اخوه الكبير

ماتزوج وابوه حالف انه مايزوجه إلا بعد مشعل وهو مسكين مضطر انه ينتظر اخوه لحد

ماتنفك عقده الحريه اللي عنده

مشاعل راحت لغرفه مشعل وطقت الباب بعنف كعادتها

مشعل: يمه خلاص صحيت, تفضلي

مشاعل: هلا حبي الأول

مشعل: هلا ميشو, وينك يادوووبة امس اتصلت عليك كنت بعزمك على العشاء

مشاعل: ليش انا مو معودتك تاخذ موعد قبل ...؟؟؟

مشعل: ههههههه مادريت ياطويله العمر

مشاعل: هههههههههههههههههههه , يالله بسرعه البس علشان تفطر لأن خالتي معصبه

مشعل: عادي مو غريب انها تعصب كل جمعه نفس الموال من 10 وهي تصحيني وتهدد

بتفوتكم الخطبه ولما تجي 11 تقول بتفوتكم الصلاه ولما ننزل تقول لاتروحوا خلاص أذن

العصر والساعه ماجت 11 وربع هههههههههههههههههه

مشاعل: ههههههههههههههههههههه , المهم يادب بروح اصحي روميو (سعود)

مشعل: يالله انا دقايق وأنزل

راحت مشاعل لغرفه سعود وشكل الولد في سابع نومه الأنوار مسكره والغرفه ثلج

وفي هالحاله مشاعل علشان تصحي سعود مالها إلا 3 طرق علشان يصحي

بدت بالطريقه الأولى وهي تسكر المكيف بس للأسف الولد ماحس

الطريقه الثانيه الصراخ بس لاحياة لمن تنادي

وآخر طريقة وهو الحل اللي متعوده تعامل به خيشه النوم سعود وجابت مويه في كاااس

وكبتها على وجهه

مسكين سعود قام مفجوع

سعود: بسم الله

ولما فتح عيونه لقى مشاعل بوجهه

سعود : يازفته وش هالحركات البايخه صدق انك بزر برااااا

مشاعل: ماراح اطلع لحد ماتصحى وعلى فكره ترى معاي جيك مويه

سعود : شوفي انا بعطيك فرصه 3 ثواني بعدها بتصرف تصرف ثاني

مشاعل: ولابيهمني ابد منهم ايه يعني اكون بزره بعينهم

سعود: برااااااااااااااااااااااااااااااااااااا

مشاعل: نو وبالعربي لا وبالهندي نهي واذا تبي بلغات ثانيه قول لي

سعود: والله اذا قمت راح تندمي

مشاعل: انا ابي اندم

سعود قام من سريره باسرع من ماتصوره مشاعل وراحت تركض لغرفه مشعل لأنها أقرب

مكان علشان تتخبى من غارات سعود الأرضيه بس للأسف سعود كان يلبس وهو من عادته

يقفل غرفته اذا كان يلبس , والتفتت مشاعل تبي تلحق تنزل تحت بس سعود كان اسرع منها

مشاعل: مشعل ,خالتي الحقوووووووووووووووني

سعود: الحين الحقوني

ومسكها مع شعرها وبدا يشدها لحد مازاد صراخها ومشاعل مثل كل البنات اذا دخلت حرب

دمويه طلعت مخالبها وبدت تغرس اظافرها في يدينه وحست انها قاعده تشيل لحم معها

وأخيراً طلع مشعل وانقذ الموقف بس مافكهم الا وسعود أخذ ذكرى معه من شعر مشاعل

وهو صراحه شعرتين او ثلاث وهذي كارثه لأن مشاعل راح تسوي مناحه بالبيت لأنه قطع
شعرتين منها كيف راح تواجه العالم بعدها

اما مشاعل فكانت الذكرى اللي خذتها من سعود شويه لحم على دم من يدينه لأنها كانت تغرز

اظافرها وتسحب اللي تقدر عليه

بصراحه كان المصاب في هالمعركه هو سعود لأنه كان يتوقع انه يتعامل مع انثى وكان
يضربها بحنيه لأنه ماتوقع انها قطه شرسه

مشاعل: مشعل شوف الحقير قطع شعري

مشعل: لاتكبري الموضوع كلها شعرتين

سعود: والله لاقول للهنوف انك شوهتيني شوفي يدي بروح للمستشفى يخيطونها

مشعل: هههههههههههههه لالا روح توضى علشان تصلي الجمعه وادعي عليها يمكن الله

يقبل بيوم الجمعه

مشااعل: بعد توقف معاه طيب اذا كلمتكم مره ثانيه انا حماره

مشعل: هههههههههههههههه

سعود: والله لاخلي هنوف تاكلك طيب انا اوريك


===========================


انتظرونــــــــــــــــــــــــــي >>>>

[القيصر]

عائلة غريبة

بس الحركة الي سواها غسان شينة ... حتى لو البنت ماعبرتها غلط يسويها بعد

تسسسسسسسسسسسسسسسسلمين اختي شيخة ع الأجزاء

وفي انتظار البقية

[●● شيخة ♥ الغــيد ●●]

عائلة غريبة
بس الحركة الي سواها غسان شينة ... حتى لو البنت ماعبرتها غلط يسويها بعد
تسسسسسسسسسسسسسسسسلمين اختي شيخة ع الأجزاء
وفي انتظار البقية
اي والله تصرف غسان مو شيء بالمره
هذا هو التهور وخفة العقل ...
.......
يالله انتظر الجزاء يا بروتوس وهي قيد التنزيل
لوووووووووول

[القيصر]

لوووول

وفي انتظار البقية

[AZالرهيبAZ]

صراحة انا تابعت القصة من اولها لاخرها

قــــصة رائعـــة ،، والقادم احــــــــــلـــى

شيخة الغيد

تـــــــــــســـــــــلــــــــم يــــــــــــمــــــــنـــاج

على هالمجهوووود الرائــــــــــــــــــــــع


وفي انتــــظار بقية الاجـــــــزاء،،،،،،،

[لاتكدرمزاجي]

تسلمين على الباارت

نتريا الباقي

ناايس

[●● شيخة ♥ الغــيد ●●]

القيصر
الرهيب
لا تكدر مزااجي


....


اول مرة اشوف شباب يقروون قصة ويتابعونها
لوووووووووووول

..............
فالكم طيب يالاخوة

[●● شيخة ♥ الغــيد ●●]

...............

نتاااابع القصة

شو رايكـــــــــم ؟؟

/


/


/


طلعت مشاعل من بيت ام مشعل وتوجهت لبيت ام سلطان اللي هو بيتها

ولقت مثل كل جمعه ام سلطان وسلطان وفهد وامهم تبخرهم علشان صلاة الجمعة

سلطان بالمدرسه وعمره 15 .... اما فهد فعمره 9 سنوات

مشاعل : صباح الخير

سلطان وفهد : صباح الخير

مشاعل : يالله فهد ليش ماد بوزك كل هذا علشان مانمت كويس ...؟؟

فهد : لا انا زعلان من بابا ......

مشاعل : ليش حبيبي

فهد : وعدني امس يوديني للملاهي وماوداني

مشاعل : بس كذا انا اوديك كم عندي من فوفو

ام سلطان : مشاعل اظن اني قلت لك وفهمتك قبل ان ولدي اسمه فهد مو فوفو واذا تبي تدلعيه

قولي له فهودي لأن هذا دلعه مو فوفو

مشاعل : فوفو حبيبي جهز نفسك اليوم انشالله نروح اوكي حبيبي

ام سلطان : فهد اليوم مافيه طلعه , اليوم تذاكر علشان بكره عندك مدرسه

فهد : يوووووه مابي اذاكر مابي

مشاعل : حبيبي ولا يهمك بنطلع اليوم يعني بنطلع

ام سلطان تطالع مشاعل بنظره تحدي : فكري بس انك تطلعيه وشوفي ايش حيصير

فهد بدت الدموع تنزل من عينه وحس بحزن

مشاعل : لالا فوفو دموع لا انا قلت راح نطلع يعني راح نطلع وانا عمري ماوعدتك بشي الا
اسويه

ام سلطان : افهم انك تتحديني ....؟؟؟

مشاعل : خالتي تعالي شوي ابيك

ام سلطان : تكلمي هنا مابينا اسرار

مشاعل : موضوع مابي اقوله عند اخواني

راحت ام سلطان للغرفه الي اشرت عليه مشاعل

مشاعل : خالتي انا مااتحداك واذا انتي قلتي ماراح نروح يعني اكيد ماراح نروح انتي امه

وادرى بمصلحته بس ياخالتي لاتخليه يبكي انتظري لما يرجع من الصلاة وبعدين نقول له

إننا دقينا مثلا على الملاهي وقالوا انها ماتفتح الجمعه أو أي عذر بس حرام لاتكسري فرحته

ام سلطان : انا ماربيت ولدي على الكذب

مشاعل : هذا مو كذب بعدين هذا طفل جاريه

ام سلطان : اوكي بس هذي آآآخر مره اسمح لك تتقربي أو تتدخلي بعيالي ولاتتوقعي انك كذا

راح تكسبيني بصفك لا حبيبتي

مشاعل ابتسمت لأم سلطان ماودها تدخل معها في مشاكل

مشاعل تكلم نفسها " طيب طيب انا أوريك اذا ماوديته للملاهي اليوم ماكون مشاعل , على

بالها مشت كلمتها علي مسكينه ماعرفتني للحين إذا ماخليتك انتي تقولي يامشاعل ودي ولدي

لو سمحتي للملاهي اليوم ماكون ميشو ههههههههه"

طلعت مشاعل غرفتها بعد ماتوضت علشان تصلي فتحت موبايلها لقت 27 مس كول

مشاعل : يالله مين هالي ماعنده ذوق متصل الصباح لاااا ويوم الجمعه

8 من راكان

5 من فهده

1 رقم غريب

13 من عبدالمجيد

مشاعل : فهده حبيبتي صاحيه الحين ادق عليها بعد ماصلي انشالله

وبعد الصلاة

مشاعل : الو

فهده وصوتها مبحوح من كثر الصياح : هلا ميشو

مشاعل : فهده ايش فيه صوتك ...؟؟ انتي تبكي ....؟؟؟

وبدت فهده تسترجع اللي صار لها من اخوها وبدت تبكي

مشاعل : الو .... فهده ... حبيبتي ايش فيك ...؟؟؟ ... ليش تبكي ....؟؟؟؟

فهده بدى صوتها يعلى وبدت تصيح بأعلى صوت

مشاعل : فهده اهدي حبيبتي .... علشان خاطري .... فهده ... الو ... إذا لي خاطر اهدي

فهده : اكيد لك خاطر بس انا ولا شي بالنسبه لك

مشاعل : ليش تقولي هالكلام فهده ايش سويت ........؟؟؟

فهده : ماجيت الأربعاء للحفلة ولا وحده منكم فكرت تدق تسال... ومو بس كذا امس ولاوحده

كلفت نفسها تطّمن وآآآخر شي انا اللي أدق ادوركم ... وانا الي كنت اعتبركم اكثر من اخوات

مشاعل انحرجت من كلام فهده لأنها نستها وانشغلت بغسانوه : حبيبتي وربي صار لي مشكله

مررررررررررره كبيره ومو قصدي اني مافكرت فيك .. صدقــــــــ......

فهده قاطعتها : ميشو ميشو على بالك ماعرف تصريفاتك اللي تسويها مع الشباب انا خابزتك

وعاجنتك زين وادري اني ماأهمك بس صراحه كنت اتوقع لي مكانه عندك وعند سارونه بس

الظاهر انا فارضه نفسي عليكم

مشاعل: انتي معصبه الحين ولما تهدي بكلمك لأنك ماراح تفهمي الموضوع كويس والإنسان

وهو معصب مايقدر يستوعب الا الكلام الي هو مقتنع فيه

فهده : ميشو انا مو غسان والا راكان والا اي واحد تعرفيه انا فهده اعرفك كويس عموما انا

متصله اقول لكم شكرا وماقصرتوا تامرين شي

مشاعل : سلامتك

فهده : حتى ماكلفتي نفسك تعتذري

مشاعل : انا ماسويت شي غلط علشان اعتذر وانتي عارفه اني ماعتذر لأحد .....

واعتقد انك

قلتي باي والا انا واهمه

فهده : باي

مشاعل : باي

مشاعل مره عصبت من فهده

مشاعل : من هي فهده علشان تتصل تنافخ خير صاحبتي وإذا, كل هذا علشان ماتصلت عليها
صدق انها مريضه

مشاعل خذت موبايلها ودقت على ساره تحذرها انها ماترد على فهده بس ساره ماردت

تعرفون البنت مانامت الا 9 مستحيل تصحى وقررت انها ترسل لها مسج وكتبت فيه

" سارونه حبيبتي اذا اتصلت عليك فهده لاتردي , واول ماتصحي كلميني ابيك ضروري"

كانت الساعه 2 الظهر وهذا وقت الغداء واليوم يوم ام سلطان يعني ابوها في بيتهم مو في

بيت ام مشعل وقررت تنزل علشان تنفذ خطتها

ولما نزلت مالقت احد بالصاله ,دخلت غرفه الأكل لقت الكل مجتمع على الاكل, حز بخاطر

مشاعل ان محد فكر فيها حتى ابوها

ابو مشعل : هلا حبيبتي صحيتي ياقلبي تعالي تغدي علشان تنفتح نفسي على الأكل

ام سلطان : هلا حبيبتي كويس الي صحيتي توني اقول ياليت اللي ببطني ببطن ميشو قلبي

ماهنالي الأكل واحسه مثل السم لأنك مو موجوده

مشاعل" يلعن ام النفاق انا اوريك اذا ماقلبتها عليك"

مشاعل تبتسم : هلا والله بأغلى اب بالعالم وحشتني موووت

وحبت راس ابوها وجلست في مكانها علشان تتغدا

مشاعل : ياعمري ياخالتي ام سلطان ادري انك ماتبي تصحيني علشان ارتاح بس مالك حق

بصراحه لأني ماأقدر اتغدى ولا آكل شي الا وإنتي معاي بنفس السفره علشان اقدر اكل الله

لايحرمني منك بصراحه اليوم اللي ماشوفك فيه ماأعده من عمري

ام سلطان تبتسم : انشالله ياحبيبتي بتشوفيني كل يوم بوجهك علشان افتح نفسك ياحبيبتي

ابتسمت مشاعل لها

ابو مشعل : الله يخليكم لبعض بصراحه انا احمد ربي واشكره مليون مره على انه عطاني

زوجة تحب بنتي وتعتبرها مثل بنتها وعطاني بنت تحب زوجتي وكانها امها

هنا مشاعل ارتفع ضغطها الا امي "تخسى تصير ظفر امي" بس ماحبت تعكر الجو خاصه

انها مخططه على شي

اخذت مشاعل صحنها وبدت تملاه سلطه وبدت تاكل

مشاعل : بابا

ابو مشعل : سمي

مشاعل : سم الله عدوك , بابا بطلب طلب صغير مره مره مره واتمنى ماتردني

ابو مشعل : لو فيه موتي مارده اطلبي وجاك

مشاعل : بعد عمر طويل انشالله , انشالله الي يكرهوك , بابا اليوم فيه حفله تجنن مسوينها

للصغار جايبين لهم مهرجين والعاب واشياء تجنن

ابو مشعل : حبيبتي اللي اعرفه ان عمرك 20 مو 10 والا انا غلطان هههههههه

مشاعل : هههههههههه بابا حبيبي مو لي ودي اودي فوفو وفيفي , اوه اسفه خالتي اقصد

فهودي وفصولي ادري انك ماتحبي ادلعهم فوفو وفيفي

ابو مشعل : طيب وانتي اختهم خذيهم بدون ماتشاورين

مشاعل : ادري يابابا بس انت ابوي وابوهم وكلمتك تمشي على الكل في هالبيت الصغير

والكبير واذا انا اخذت الأذن منك مو معنى هالكلام انه فهودي وفصولي مو اخواني لا بس


يابابا لازم نحترمك ومانسوي حاجه الا بشورك الله لايحرمنا منك

ام سلطان في نفسها " يالمنافقه "

ابو مشعل : ونعم فيك يامشاعل, مشاعل انا اذا سمعت كلامك احس بسعاده لأني اتاكد اني

ربيت بنت نعم التربيه , الله يحفظك , والله محظوظ اللي بياخذك

مشاعل : لالا بابا مو الحين بخلص جامعه بعدين الماستر وبعدين الدكتوراه بعدين افكر

ام سلطان : وانشالله مين الي بس بينتظرك

مشاعل : اللي ماراح ينتظرني مايستاهلني صح بابا

ابو مشعل : صح ياعيون بابا

مشاعل : بابا يعني خلاص اعتمد الموافقه والا بتغير رايك

ابو مشعل : أفاااااااا انا قلت جاك وخلاص اي مكان تفكري تاخذي اخوانك له بدون ماتاخذين رايي
وديهم

مشاعل : الله لايحرمني منك بس بابا الى الحين مااكتملت الموافقه بالنسبه لي لازم خالتي

توافق لأن بدون موافقتها ماراح نروح

ام سلطان : والله ياحبيبتي كان ودي بس انتي عارفه بكره مدرسه وصعبه الولد يطلع خليها

بعدين يكون احسن اظن انك تحبي اخوك وماودك يهمل دراسته

فهد : لالا ماما انا ذاكرت وخلصت

ام سلطان : بس اسكت لما الكبار يتكلموا انت اسكت

ابو مشعل : ام سلطان لاتسكتي الولد تعقديه خليه يتكلم

ام سلطان : آآآسفه

مشاعل : خالتي فهودي خلص مذاكره وبعدين مااراح نتأخر هاه وش قلتي

ام سلطان : لا اليوم لا

مشاعل : اللي تشوفيه بس بابا قهر الحفله اليوم يعني الأسبوع الجاي ماراح تكون فيه حفله

يله مو مكتوب لفهودي وفصولي ينبسطوا اليوم

ابو مشعل: لا خلاص وديه اليوم بس لاتتاخروا

مشاعل : ماراح اوديه لحد مااسمع خالتي تقول يامشاعل وديهم

ابو مشعل: خلاص ياأم سلطان تراه يوم واحد خليهم يروحوا لاتصيري شديده على الأولاد

ام سلطان قررت توافق برضاها قبل لايفرض عليها ابو فهد الموافقه على الأقل ماتتمرمط

كرامتها قدام الدّ أعدائها مشاعل

ام سلطان: خلاص مشاعل خذيهم للملاهي بس لاتتأخروا اوكي

مشاعل تجاهلت نبرت الأمر في صوتها وقررت تتجاهل الأمر ولاترد عليها وكأنها ماسمعتها

مشاعل : يللا فهودي وفصولي من قدكم الساعه 4 العصر تكونوا جاهزين اوكي

فهد وفيصل: اوكي

فهد ابتسم مع انه صغير بس كان يفم مشاعل كويس يعرف ان السالفه مافيه حفله ولا شي

بس كان عذر علشان توافق امه

مشاعل تغدت وطلعت غرفتها " انا قلت بمشي كلامي ومشيته عليك ياأم سلطان هههههههه

مسكينه تحسبني ضعيفه وبسكت هههههههههههه ولسى راح تشوفي مني الأعظم "


==========================

[●● شيخة ♥ الغــيد ●●]

وفي تمام الساعه 4 ونصف كانت مشاعل وفهد وفيصل في مدينه الملاهي وكان فهد مبسوط

ويلعب ومشاعل فرحانه لفرحه اخوانها اللي الله بلاهم بهالأم القاسيه اللي ماتعرف الحنان

دق موبايل مشاعل

مشاعل : الـو

سارة وصوتها رايح فيها من كثر النوم : اهلين ميشو

مشاعل : وينك كل هذا نوم

ساره : شسوي كنت اكلم لما 9الصباح , ايش هالإزعاج وينك فيه .؟

مشاعل : بالملاهي

ساره : فقدتي الذاكره انتي في 20 هههههه

مشاعل : ليش غريبه ان وحده عمرها 20 تروح للملاهي والله انكم عالم غريب المهم انا مع

فهودي وفصولي

ساره : غريبه فهودي وفصولي بالعاده تدلعينهم فوفو وفيفي والا رضختي لأم سلطان

مشاعل : تخسى , لابس انا برا ادلعهم فهودي وفصولي , بس بالبيت فوفو وفيفي علشان

اقهرها

ساره : هههههه ,جعلك ماتكرهيني

مشاعل : المهم ماعلينا رديتي على فهده ؟

ساره : لا بس متصله علي كثير ليه ايش صاير ؟

مشاعل : زعلانه تقول انكم مطنشيني من يوم الأربعاء

ساره : ايه صح نسيناها ليش ماجت للحفله ؟

مشاعل : ماعرف والله بس شكلها صاير لها شي , انا مافهمت لأنها تصرخ وتبكي وتعرفيني

ماأحب احد يصرخ علي فقلت اسكر قبل لاأتمشكل معاها

ساره : طيب اسمعي بدق عليها اشوف ايش السالفه بعدين اطلبك اوكي؟

مشاعل : اوكي باي

ساره : باي

ورجعت مشاعل من الملاهي 9 بعد ماعزمت فهد وفيصل على العشاء واكيد كانت امهم

معصبه لأنهم تأخروا على النوم

دخلت مشاعل غرفتها وقررت انها ترحم راكان وترد عليه لأنها طفشانه وماعندها شي تسويه

مشاعل : الو

راكان : حبيبتي وينك ؟

مشاعل : أبد كنت برا لسى راجعه

راكان : وتتركيني خايف عليك

مشاعل : راكان انا مو بزر تخاف علي بعدين كنت مشغوله

راكان : اوكي عمري اهم شي انك بخير

مشاعل : الحمد لله , انت كيفك ؟

راكان : تمام , وحشتيني موت

مشاعل : والله

راكان : والله

مشاعل : قد ايش

راكان : قد دورانك بالشوارع

مشاعل : ماتضحك

راكان : طيب قد ماحبك

مشاعل : بس

راكان : قد السيارات والطيارات والنمل والصراصير

مشاعل : ووع الله يقرفك باي الحين

راكان : وين آآسف آآسف

مشاعل : راكان بصراحه اقرفتني ابي اقفل ايش صراصيره وبعدين انا قلت لك ماحب الرجال

الي يعتذر احسه ماعنده كرامه

راكان : الله يسامحك علشان احبك صرت ماعندي كرامه

مشاعل : راكان خلاص مو ناقصة زعل

راكان : طيب حبي بشريني عنك وش اخبار البابا وخيوه فوفو وفيفي وسوسو وسعود ومشعل ؟

مشاعل : خالتي ام مشعل تمام الحمدلله

راكان : بس انا ماسألت عن اخبارها

مشاعل : ادري لأنك ماسألت عناد فيك قلت لك انها تمام هههههه

راكان: يالله ياعنيده شكلي بآآكلك هههههه

مشاعل : اقول راكان انت لما تكلمني تكون جوعان ...؟

راكان :هههههههههه , حاجه زي كذا , المهم متى راح اشوفك

مشاعل : مدري بكره ؟

راكان : اوكي بس قلبي مانبي زي كل مره اشوفك انتي بسيارتك وانا بسيارتي , ابيك تركبين

معاي نطلع نتمشى نروح لبيتنا نسولف

مشاعل : راكان انا صح اني اكلم وصح اني استهبل مع الشباب واخذ ارقام بس انا ماطلع مع

شباب اوكي , اذا تبي علاقتنا تستمر لاتفكر في هالموضوع

راكان : بس انا احبك ومن حقي اجلس معاك

مشاعل : اوكي خل حبك ينفعك , باي

طوط طوط طوط

وظل يتصل يتصل لما انتهت بطاريه مشاعل وتقفل موبايلها وطبعاً قبل النوم مشاعل كانت

تفكر وتسولف مع نفسها ويدور الحديث اللي كل يوم يدور بينها وبين نفسها من تأنيب ومن

تأييد , الشر فيها يحب اللي تسويه والخير يحاول يوقظها قبل يفوت الأوان وأخيراً تستسلم

للنوم لأن عندها جامعه بكره الساعه 10

==========

صحت مشاعل على صوت المنبه اللي كانت مؤقت على الساعه 8 ونص

8 ونص دخلت الحمام تتحمم

الساعه 9 استشورت شعرها

الساعه 9 وربع كانت تحط ميك أب خفيف صباحي

الساعه 9 ونص مثل كل يوم انجنت لأنها تأخرت وصارت تلبس بسرعه وطلعت ووصلت

الجامعه الساعه 10 الا 10 راحت ركض لاتتأخر لأن الدكتورة دقيقه بمواعيدها ولو تأخرت

ربع ثانيه راح تنطرد

كانت تركض وشوي تطيح ماتدري تشيل الشنطه والا العبايه والا أدوات الرسم كل هذا

علشان تأخرت

مشاعل " يالله ياليتني صحيت 8 ماكنت تأخرت بس يالله انا صاحيه قبل ساعه ونص وش

كنت اسوي بهالساعه ونص لازم يعني احط ميك اب صباحي ولازم استشور شعري ولازم

اختار شوز نفس لون الشنطه ولازم اختار حلق صباحي ولازم احتار في اي عطر اتعطر

يالله ليش مااجهز اغراضي قبل انام " كان هذا الكلام اللي كل يوم تقوله مشاعل لنفسها قبل

تدخل المحاضره "

مشاعل بنت تهتم بشكلها بجنون لازم مايكون ظفر اطول من ظفر ولازم تكون مافيه شعره

مايله عن الترتيب اللي هي رتبته ولازم يكون شكلها صباحي من لبس من عطر من جزمه

وشنطه ومكياج وكل شي يعني بنت كووول

دخلت المحاضره مع الدكتوره وعطتها الدكتوره نظره حست ان قلبها بيوقف

والحمدلله ماانطردت وانتهت المحاضره الساعه 12 وكان عندها محاضره الساعه 12 ونص

وراحت ركض عليها وطبعا المحاضره ماحتخلص الا 3 يعني 3 ساعات من الطفش لأن

المحاضره هذي كانت نظريه يعني مافيه رسم او تطبيق يعني كطالبات في قسم رسم 3

ساعات كانت ممله بالنسبه لهم

بس مشاعل لقت شي تتسلى فيه وهو صاحبتها عبير اللي معاها بالمحاضره بس المشكله أن

المسافه بين عبير ومشاعل 6 طالبات يعني راح تسمع الدكتوره السوالف قبل ماتوصل عبير

اشرت مشاعل لعبير تفتح البلوتوث

وبدوا يضيعون الوقت بالرسايل

مشاعل" اقول عبوره وش رايك تعزميني على الغدا اليوم مالي خلق اتغدا مع الوحش زوجه

بابا "

انتظرت مشاعل رد عبير بس اظن المحاضره بتنتهي قبل لاتخلص عبير الكتابه لأنها بطيئه

في الكتابه

وأخيراً وصل مشاعل الرد

عبير "وانتي ليش ماتعزميني , اكيد جوعانه وتبين تخسفين ميزانيتي"

مشاعل" ههههه لا بس بشوف انتي كريمه والا لاء بس للأسف طلعتي قعيطيه هههه"

عبير" تاركه الكرم لك , المهم وين عازمتني"

مشاعل : آآمري لله أنا عارفه انك اكوله بس بعزمك , ايش رايك نروح لفدركرز "

عبير " لا ايش رايك نروح لا ابيل بيز "

مشاعل " لااااا أموت جوع ولا آكل هناك اكلهم بارد تبين فدركرز والا ضفي وجهي "

عبير " اوكي خلاص متى "

مشاعل " بكره, ايش رايك يالفدغا الحين اول ماتخلص روبن هود من كلامها نطلع "

عبير" هههه ليش روبن هود"

مشاعل" ماشفتي شعرها نفس تسريحه روبن هود هههه"

عبير" ههههه اوكي يالخبله بس ترى بنروح بسيارتك لأن سواقي ماحيجيني اليوم"

مشاعل" ليه متطاقين ههههه"

عبير" هههه لا بس امي طالعه معاه واخوي هو اللي بيمرني وارسلت له رساله يمرني

بالمطعم الساعه 4"

مشاعل" حبيبتي عادي اوصلك للبيت لاتخلي اخوك يمر"

عبير" لاهو أصلاً طالع من الدوام يمرني مره وحده"

مشاعل" اللي تشوفيه"

الدكتوره : بنات الحين الساعه 2 ونص وباقي على نهايه المحاضره نص ساعه وانا انتهيت

اللي عندها سؤال تسأل

وطبعاً محد سال علشان تقول يله انطلقوا

الدكتوره : خلاص بما انه مافيه اسأله انتهت المحاضره

مشاعل وعبير طلعوا بسرعه جنونيه خافوا تغير رايها

مشاعل : مابغت هي ويا وجهها كأن احد فاهم

عبير : من جد تعور الراس

مشاعل: لحظه بدق على سارونه يمكن تروح معانا

واتصلت مشاعل على ساره بس ماردت

مشاعل : اكيد طلعت او عندها محاضره يله مشينا

عبير : مشينا

وركبوا السياره

مشاعل : يوسف

يوسف السواق : سمي طال عمرك

مشاعل : روح لفدركرز

يوسف: ابشري طال عمرك

مشاعل : يالله حر حر حر احس اني انشويت

عبير : من جد ارفعي على المكيف بموت حر

مشاعل : ارفعي انتي خدامه عندك انا

عبير : مغروره , يوسف ارفع على المكيف

يوسف : ابشري

وظلوا يسولفوا لحد ماصلوا أخيراً لفدركرز

عبير : يالله زحمه قلت لك زحمه أوووف

مشاعل : انا أحب الزحمه انزلي بس

عبير : انشالله ياعمتي

وطلبوا الأكل وتغدوا وبعد مانتهوا دقت عبير على أخوها علشان تقول له مايمرها لأن مشاعل

اصرت انها ترجعها لبيتها

عبير : الو

خالد اخو عبير : هلا عبوره

عبير : هلا خلود وينك

خالد : انا قريب من فدركرز خلصتي غداء

عبير : ايه كنت بقول لك لاتمرني علشان ميشو بترجعني

خاالد : لالا مانبي نتعبها يالله اطلعي انا برا

عبير : انشالله
عبير : يالله ميشو اخوي خلودي برا تامرين شي

مشاعل : لا حبيبتي عبوره سلامتك

عبير : يالله اطلعي ايش تستني ...؟

مشاعل : لابجلس شوي وبطلع لأن فيه واحد يراسلني بالبلوتوث ويقول انا عند ماكينه البيبسي

بروح اشوفه أنا حاسه انه الدب اللي شفناه اول مادخلنا ههههه

عبير : هههههه يالله باي لايعصب اخوي

مشاعل : باي

عبير : وعلميني اذا صار الدب

مشاعل : ههههه اوكي

وراحت عبير

طلعت مشاعل تشوف مين اللي يراسلها ولقت الدب واقف عند ماكينه البيبسي وماتت ضحك

يحليله يرقم بعد مايستحي على كرشته هههههه

طلعت مشاعل من المطعم ومالقت السياره لأنها قالت للسواق يطلع السياره من المواقف

ويوقف عند الباب لأن الشمس مستحيل احد يتحملها الساعه 3 ونص كانت الشمس تذوب جبل

من الثلج

مشاعل : غريبه وين يوسف معقوله ماوصل , بتصل عليه واشوف وينه يالله لاطعني بالشمس

سواقين اخر زمن

مشاعل : الو يوسف خير وينك ماقلت لك تعال لاتقول زحمه

يوسف : لا لا بس فيه واحد واقف وراي وساد علي ومو راضي يحرك سيارته

مشاعل : وينك طيب

يوسف : في المواقف قدامك تشوفيني ....؟

مشاعل : ايه شفتك يالله انا جايه

ومشت مشاعل واخلاقها رايحه فيها مين ماكان هذا راح اخليه يعرف ان الله حق والله

لأوريه شلون يوقف سيارته قدام سيارتي ويسد علينا ومو راضي يحرك سيارته بعد انا اوريه

شكل امه داعيه عليه اليوم اكيد سواق خايف من عمته انا اوريه هو وعمته

وصلت مشاعل للسياره وفعلاً لقت وراها فراري صفرا ومظلله كلها

غريبه ليش واقف اكيد السياره مافيه احد علشان كذا ماحرك

مشاعل : هاه يوسف كلمته يبعد سيارته

يوسف : مو راضي يكلمني اصلاً

مشاعل : ياغبي السياره مضلله يمكن مافيها احد بعد اشوف

يوسف : لا هو مو راضي يتكلم

مشاعل : طيب خلاص بعد عن وجهي الحين

ومشت مشاعل لما وصلت السياره ووقفت عند شباك السواق وظلت تطق على الشباك بس

محد فتح الشباك

مشاعل" اكيد السياره مافيها أحد , لاتكون بس هذي عبير واخوها مسوين مقلب فيني"

وفجأة انفتح الشباك انصدمت مشاعل من اللي شافته جوا السياره

شاب ملك جمال جسمه مبين معضل ولونه برونزي عيونه ماكانت متاكده هي زرقاء والا

خضراء والا رماديه المهم انه لونها يجنن كانه نجم من نجوم هوليود باين عليه اسباني او

يمكن ايطالي لالا يمكن استرالي مدري المهم انه مو عربي شاب من أوسم الشباب اللي

قابلتهم مشاعل او ممكن تقابلهم بحياتها فيه كل معاني الرجوله والجمال والأناقه شعره كان

مرتب ولبسه قمه في الأناقه كان لابس جينز وتيشرت مبين بروز صدره وواضح انه يمارس

الرياضه مو اقل من 5 سنوات ولما فتح الشباك تحس ان السياره جواها حديقه من الريحه

الحلوه الي طلعت منها تأكدت ان الشاب مو عربي لأن لوحته كانت من السفاره يالله كان

نفسها تعرف اسباني والا ايطالي لالا يمكن امريكي كانت مشاعرها مختلطه بالإعجاب و

التعصيبه من الحر وحركته اللي سواها مع سواقها فما كانت تعرف ايش تسوي تبتسم

لهالوسيم والا تصارخ بوجهه بس اللي كانت مستغربته ان الأجانب مايسوون هالحركات انه

يعاند وحده على موقف سياره قررت اخيراً تهزأه وتوقفه عند حده

مشاعل : ار يو كريزي هاه ...؟

الاسباني : سمي

مشاعل فتحت عيونها على آآخر شي اسباني وسمي لالا مستحيل اكيد هذي ضربه شمس

مستحيل مستحيل يكون عربي مو بس خليجي لالا اكيد انا انهبلت اكيد

ايش رايح يصير مع الشاب الأسباني الخليجي ؟

>>

[AZالرهيبAZ]

مشاعل: ماراح اوديه لحد مااسمع خالتي تقول يامشاعل وديهم

ام سلطان: خلاص مشاعل خذيهم للملاهي بس لاتتأخروا اوكي

مشاعل تجاهلت نبرت الأمر في صوتها وقررت تتجاهل الأمر ولاترد عليها وكأنها ماسمعتها

مشاعل : يللا فهودي وفصولي من قدكم الساعه 4 العصر تكونوا جاهزين اوكي

فهد وفيصل: اوكي

فهد ابتسم مع انه صغير بس كان يفم مشاعل كويس يعرف ان السالفه مافيه حفله ولا شي

بس كان عذر علشان توافق امه

============================

شخصية مريضة وتحتاج لدكتور نفسي^^

الله يشفيها ويهديها

في انتظار

ايش رايح يصير مع الشاب الأسباني الخليجي ؟





ايش رايح يصير مع الشاب الأسباني الخليجي ؟

[القيصر]

بصراحة مشاعل وام سلطان مع بعض يكونون ديناميت

وياسلام اسباني خليجي
خخخخخخخخخخ

يمكن ايطالي ونحن ماندري

تسسلمين اختي شيخة ع الطرح وماتقصرين

وفي انتظار البقية

[لاتكدرمزاجي]

قويه هذي البنت

تسلمين على البارت الحلو
اساتنست فيه وانا ف الكلاس

اتريا البارت الى عقبه احس انه مشوق

[●● شيخة ♥ الغــيد ●●]

السموووووووحه على التأخير يالاعضاء
وان شاء الله راح اعوضكم عن الغياب وانز لكذا جزء
مع تنمياتي لكم بالاستمتاع

.....................................



الجزء الثالث

مشاعل كانت في قمة الذهول من اللي صار ومن اللي شافت ماتدري ايش تسوي تبتسم او

تعصب تذكرت انها جت علشان تهزأه على الحركه اللي سوَّاها ولازم تستجمع شجاعتها وتبدأ

مثل عادتها بالهجوم بس كيف راح تقدر ترفع صوتها على أوسم رجل قابلته بحياتها وهي في

دوامه التفكير قطع عليها صوته الهادي الصوت اللي اي بنت راح تطرب له

الشاب : ماأتوقع انك طلبتي مني أفتح الشباك علشان تطالعيني ؟

مشاعل حست بالإحراج ايش راح يقول عني مشفوحه يا ألله

مشاعل بدت تتكلم بكل نعومه ودلع : سوري .. امممم... بس حبيت اقول لك ممكن تبعد

سيارتك لأنك ساد علينا الطريق ؟ وعطته ابتسامه كلها دلع

الشاب عطى مشاعل نظرة احتقار واشمئزاز من فوق لتحت وقال : لما تتكلمي معاي مره

ثانيه ياليت تبعدي فمك عني لأن ريحتك مو حلوه واقرفتيني ؟ مدري اهلك ماعلموك شلون

تهتمي بنظافتك ؟

وتجاهلها حتى ماانتظر انها ترد عليه

التفت على الشاب اللي جنبه وقال له: ابو خليل تصدق كنت ميت جوع والحين أوف لو تجيب

لي أحلى أكله صدقني مستحيل تدخل فمي ايش القرف هذا على الظهر ريحه خايسه وشكل

معفن أووف يالله وين بطتي بس ؟

ابو خليل يوجه كلامه لصاحبه وكأنها مو موجوده : ههههه شوي شوي على البنت لا

تخدش مشاعرها ههههه

الوسيم : هههه ليش والأشكال هذي تتوقع انها انثى انا اشك وبعدين هذي ماعندها

احساس هههههه

ابو خليل : على قولتك ههههه

الحين حست مشاعل أنها مثل التنين اللي يطلع من خشمه نار بس هي الحين حست ان كل

مكان يطلع منه نار ولو معها سكين ماراح تكتفي بقتله لا اتوقع راح تقطعه مكعبات علشان تتأكد

انه مافيه امل يعيش

وأخيراً تذكر ان فيه وحده واقفه عند الشباك والتفت لها

الوسيم : اووه انتي للحين هنا تحزني هههههه

مشاعل بكل هدوء: انا مدري ليه اتكلم مع واحد همجي ومتخلف مثلك لاتفكر انك بتنرفزني

بهالكلام انا مايهمني رايك فيني انت حشره بالنسبه لي واذا انا قبيحه وخايسه مثل ماتقول

بعد سيارتك علشان ماتضطر تشوفني او تبيني اتصل على الشرطه وهم يحلون المشكله
بمعرفتهم

الوسيم: انا ماأبديت رايي فيك لأنك مو من مستواي لا ماديا ولا بالشكل ولا حتى بالثقافه

هههه انا كنت اكلم صاحبي هذا اولاً وثانياً انتي اسمك التخصصي ؟

مشاعل : التخصصي ؟

الوسيم: الشارع هذا اسمه التخصصي وماأتوقع ان هذا شارعك وأنا حُرّ أوقف وين ماأبي

محد يقول لي وقف هنا أو لاتوقف هنا فاهمه ياشاطره يله روحي العبي بعيد

وبكل احتقار طالعها وسكر الشباك

مشاعل ماتدري تبكي والا تكسر الشباك ولا تصارخ حقير جد ماحد تجرأ يهينها أبد كيف

يتجرء ...

لاشعورياً مشاعل صارت تضرب الشباك بأقوى ماعندها فتح الشباك ونظرته

كله برود وكأن اللي قدامه حيوان مو بنت ولها مشاعر جد مغرور

مشاعل بدت تتكلم بصراخ بدون ماتحس بنفسها: اسمع انت وربي لو ماحركت سيارتك والله

ماراح يصير لك خير تفهم والا لاء ... صدق انك مو متربي

وللمره الثانيه تجاهلها والتفت لصاحبه كأنها ماكانت تتكلم ولاحتى فكر انه يبين انه عصب

لا بالعكس قمه التجاهل والبرود وكأنها شحاذة عنده صار له ساعه يطلب منه حسنه وهو
مطنشها

كان يقول لصاحبه: ابو خليل والله انا خايف الحين بطتي تجي وتشوف هالشينه واقفه والله
جد ماله داعي

ابو خليل : تخيل عاد تحسبها خويتك والله فشيله لو البنت حلوه قلنا اوكي بس مقشع

الوسيم : اعوذ بالله اخاوي هالأشكال وع فال الله ولا فالك لا لو بطتي شافتها بتحسبها

خدامه تعرف هي زين ان ذوقي راقي

ابو خليل: اقول شوف أظن هذي خويتك اللي واقفه هناك ؟

مشاعل: انت هيه والله لاخليك تندم على كل كلمه قلتها لي وتشوف اذا ماخــ ..

رد على موبايله ومو غريبه عليه انه يطنشها وهي تتكلم اصلاً هو كان معتبرها حشرة من
اول ماشافها

الوسيم : هلا بطتي.. اوكي شفتك.. ايه هذا انا معاي ابو خليل.. يالله حبيبتي هذا انا جاي

حركي سيارتك ,,,, لالا هذي شحاذه مسكينه قلنا لها الله يعطيك مو راضيه تفهم تعرفين

هالشحاذات ماعندهم كرامه..هههههه اوكي بطتي باي

التفت عليها وقال: يالله انا طالع انتي حره الحين تقدر تطلعي سيارتك بس بنصحك نصيحه

غطي وجهك احسن علشان الشباب يرقموك لأنهم لو شافوا وجهك اكيد محد بيرقمك إلا إذا

كان اعمى هههه باي وقفل الشباك وحرك السياره

مشاعل صارت تصارخ بالشارع : ليه ماتشوف وجهك انت يالشين يالخايس صدق انك حقير

لو انت رجال ارجع كلمني لكن انت بزر

السواق يوسف : عمتي مايسمعك السياره بعيده

مشاعل : مالك شغل انت وخر عن وجهي

وراحت ركبت السياره وهي منهاره ماتدري هي في حلم والا علم جد الي صار لالا اكيد حلم

مابعمرها احد عاملها بهالطريقه ولا احد فكر يهينها وهو من اول ماكلمها وهو يهينها

بس ليش قال هالكلام

مشاعل " انا مو قبيحه ليش قال عني اني قبيحه وليش يقول اني آخر وحده يفكر اي واحد

انه يتعرف عليها ياما شباب منجنين علي ويتمنوا انهم يرقموني,, طيب ليش قال هالكلام ؟

هو مايعرفني يعني ماله مصلحه انه يهيني ,, اكيد انا قبيحه ؟ لابس انا مو قبيحه !

طيب وين كنت لما كان يهزأني ؟ ليش مارديت ؟ وين لساني ؟ انا عمري ماسمحت

لأحد يقاطعني , وهذا مو بس قاطعني, أهاني وهزأني قدام الناس , ليش مارديت,

يالله انا غبيه وين كان لسااني وين ؟

مشاعل كانت منصدمه ماعمر احد تجرأ ورفع صوته عليها أو أهانها يمكن الصدمه هي اللي

خلتها تسكت وماتعرف ايش تقول لحظتها كانت مو مستوعبه اللي يصير ساعات الإنسان

مايقدر يستوعب بعض المواقف إلا لحد ماتنتهي ويبدأ يلوم نفسه ليش ماقلت وليش ماسويت

وأظن هذا اللي صار مع مشاعل

السواق : عمتي وصلنا للبيت

مشاعل بدون ماترد نزلت وهي تبكي من القهر ومو مستوعبه اللي صار وتذكرت ان اليوم

السبت وهو يوم ام مشعل يعني ابوها موجود اليوم كويس علشان مايشوفها وهي تبكي

السواق : عمتي متى اروح للوكاله علشان شباك السياره

مشاعل ماردت ودخلت البيت كان في الصاله فيصل اخوها (5 سنوات) جالس عند التلفزيون

ويطالع افلام كرتون تحاشت انها حتى تتكلم معاه علشان مايلاحظ انها تبكي ويقول لأمه

طلعت غرفتها والحمدلله محد حس فيها قفلت الباب وقفت متسنده على الباب حست انها

ماتقدر تمشي لحد السرير حست انها منهاره مو قادره تتحرك وجلست على الأرض وظلت
تبكي ...

" انا ميشو واحد حقير يهيني ليش ؟ يالله ليش سكت ليش ؟ قهر ياليت الزمن ينعاد

والله لوريه شغله , بس ليش عاملني بهالطريقه , حتى لو كنت قبيحه على الأقل يراعي
شعوري قبيحه ؟

بدت علامات الإستفهام على وجه مشاعل وقامت وراحت عند المرايه ووقفت تطالع نفسها
انا قبيحه ؟

وظلت تطالع ملامحها بدقه

"بس كل البنات يقولوا عني حلوه وكل الشباب اللي تعرفت عليهم ينجنوا علي ؟ ليش هذا

يقول اني مو حلوه ؟ قهر الولد كان مره عاجبني اكثر من اي واحد قابلته بحياتي , ليش

حظي كذا ؟ اووووه انا افكر في هالواطي وهو من اول ماشافني وهو يهينني ,,, طيب انا

أوريه ,, بنشوف أنا والا انت وبتشوف"

اخذت مشاعل موبايلها ودقت على السواق

مشاعل: الو يوسف

يوسف السواق : سمي

مشاعل : تذكر السياره الفراري اليوم اللي عند فدركرز ؟

ماكانت تبي تقول له اللي تطاقيت معاه لأنها ماتبي تتذكر الكلام اللي قاله لها

السواق: ايه طال عمرك

مشاعل: كم رقم لوحته ؟

السواق: ماحفظتها طال عمرك

مشاعل: شلون يعني ماحفظتها ؟ انت السواق والا انا ؟

السواق : انا طال عمرك بس مانتبهت الا انها لوحه من السفارات

مشاعل: لا والله مااسمع شي جديد انا ابي رقم اللوحه

السواق : والله ماقريتها عمتي انا اسف

طوط طوط طووط

قطعت الخط

مشاعل: اف والحل ايش اسوي من وين بجيب لوحته لازم اعرف هو ولد مين ,, ايش اسوي

دق موبايل مشاعل وكان راكان يتصل وطبعً مو فاضيه ولا رايقه له فطنشته

مشاعل: يالله نسيت ساره داقه علي مليون مره خليني ادق عليها واشوف ايش صار

بموضوع فهده

مشاعل خذت الموبايل ودقت على ساره اللي لقت معاها خط وطبعا ميشو ماتحب تدق على اي

شخص حتى لو كانت اعز صديقه لها ساره ويكون معاها خط ماتحب تكون على الإنتظار

علشان كذا قفلت وارسلت لساره رساله

" سارونه لما تنتهي من مكالمتك دقي علي "

دخلت الحمام وأخذت دش يهدي أعصابها خاصة بعد الوقفه بالشمس مع صاحب الفراري

طلعت من الحمام وحاولت تنام وتتقلب يمين يسار بس كل مانقلبت لقت صورته قدامها

وتاخذ المخده وتضرب في المكان اللي تتخيل صورته فيه يمكن تقدر تطفي نار كرهها

وحقدها وأخيراً استسلمت للنوم

==================

اما ساره فأول مارجعت من الجامعه تغدت وطلعت غرفتها تكلم احمد المخدوع وبدت تطنش

بدر ونواف ... وكل الشله وبدت سوالفهم من بعد مارجعت من الجامعه لما صلاة المغرب

والبنت مسكينه مانامت لأنها راحت للجامعه مواصله وماتقدر تنام الحين لأنها مواعدة فهده

تجيها ببيتها علشان تراضيها

ساره بنت حبوبه ومتواضعه بس عيبها انها مغزلجيه وكل ماقررت انها تحب واحد وتخلص

له مشاعل تلعب براسها وتقول لها بلا أخلاص بلا هم تخلصي لواحد وتحبيه بعدين يخونك

خليك كذا صدقيني اريح وبما ان سارونه شخصيه مهزوزه تتأثر بسرعه بكلام مشاعل

قامت ساره تلبس ونزلت تحت تدور امها علشان تقول لها انها طالعه بيت فهده بس مالقتها

ام ساره سيده اعمال ومو فاضيه أبد لبنتها وأبوها 24 ساعه مسافر واخواتها متزوجات

وماعندها إلا أخ واحد ومسافر برا يدرس وماباقي له إلا 3 شهور ويرجع وصح ان ساره

مشتاقه لأخوها بس كانت خايفه اذا رجع ماتصير تقدر تطلع مثل قبل

ركبت ساره السيارة واخذت موبايلها وشافت اتصال من مشاعل وقرت الرساله واتصلت

على مشاعل

ساره : الو

مشاعل صوتها كله نوم لأنها توها صاحيه: هلا

ساره : وحشتيني

مشاعل : شكرا خير ايش تبي تراك صحيتيني من النوم

ساره : يالله نايمه للحين اصحي أذن المغرب

مشاعل : يالله ماصليت المغرب

ساره : يالله روحي صلي وكلميني انا في الطريق رايحه لفهده

مشاعل : اووه كنت ابيك تمريني

ساره : ليش وين ناويه تروحين

مشاعل : ماراح اطلع بس ابي اشوفك وحشتيني , اليوم ماشفتك بالجامعه

ساره : بكره اشوفك بالجامعه اوكي

مشاعل : اوكي حبيبتي تيك كير

ساره : اوكي باي قلبي

مشاعل : باي

ساره نست تدق على احمد لأنه قال لاتطلعي لحد ماتدقي علي الولد صار يقلق عليها حركات

ساره بنعومه: الو

احمد : فديت الالو يالبى قلبك طلعتي ياقمر

ساره : قلت لك اسمي ريم مو قمر

احمد : لا انتي قمري انا ,, وينك يادبا برا

ساره : ايه سوري مادقيت عليك اول ماطلعت لأن صاحبتي كلمتني وحاولت اصرفها مو
قادره

احمد : ياليتني صاحبتك علشان اشوفك

ساره: ههههه

احمد : انا برا الحين وينك ابي اشوفك ولو من بعيد

هنا ساره خافت تنفضح

ساره : لالا مقدر انا بسيارتي وسواقي يقول لأهلي كل شي

احمد: طيب ماراح يحس بشي من بعيد ماراح اكلمك حتى

ساره: لالا مقدر اعذرني بكره انشالله

احمد: وعد

ساره : وعد

احمد: اوكي انتبهي على نفسك ولا تطالعي احد ولا احد يطالعك

ساره: هههه بدينا نغار

احمد : انا اغار عليك من اول ماجابتك امك

ساره تحس بالمراره رغم الكلام الحلو الي يقوله احمد الا انه مو لها

ساره: اوكي احمد اكلمك اول مااطلع من صاحبتي

احمد: اوكي قلبي باي

ساره: باي

=================

[●● شيخة ♥ الغــيد ●●]

مشاعل طفشت من الغرفة وطفشت من التفكير قررت انها تروح لأي وحده من صاحباتها

وأخذت موبايلها ودقت على مها

مشاعل : الو

مها : هلا والله بالقاطعه كيفك ؟

مشاعل : تمام انتي كيفك

مها : الحمدلله وينك ماأشوفك بالجامعه حذفتي الترم ؟

مشاعل : لا بس جدولي الترم هذا مضغوط يعني من السياره للمحاضره ومن المحاضره للسياره

ماصرت اشوف البنات

مها : الله يعينك وليش ضاغطه جدولك تبي تخلصي بدري ؟ ايش عندك بتتزوجي ؟

مشاعل : هههه يالله انتم يالبنات ماعندكم سالفة إلا الزواج

مها : هههههه ليش انتي مو بنت ؟

مشاعل تذكرت كلام الوقح صاحب الفراري عنها لما قال ليش هذي بنت

مشاعل : احيانا احس اني مو بنت احس اني عربجيه

كانت تنتظر ردة فعل مها هل بيكون رايها نفس رايه فيها ؟

مها : حرام عليك اذا انتي عربجيه احنا ايش نصير ؟ انتي ياميشو كلك نعومه وانوثه

مشالله عليك الله يحفظك

مشاعل : تسلمي مهاوي

بدت تحس شوي بالثقه بالنفس اللي قدر هالشخص يهزها

مشاعل : مهاوي قلبي ليش ماتجي عندي ؟

مها : لا مقدر اليوم أمي معزومه وصعبه اطلع تعرفين امي لازم هي اللي توديني وتجيبني

تعالي انتي طيب

مشاعل : اممم مدري اخاف ابوك أو اخوانك موجودين

مها : لا أبوي معزوم مع امي اما اخواني مااراح ياكلوك تعالي نجلس بغرفتي

مشاعل: اممم اتوقع اني وافقت

مها: ههههه لا انا متأكده انك موافقه

مشاعل: هههه اوكي حبيبتي ألبس واجي

مها : انتظرك

مشاعل: اوكي باي

مها : باي

قفلت مشاعل وراحت تلبس بسرعه وطالعت نفسها بالمرايه وقفت تتأمل

مشاعل" لازم أحط شوية ميك اب "

وعلى غير عادتها كان الميك اب اوفر مو عادتها كانت ماتحب تحط الا ميك اب خفيف على

شان يبين طبيعي

وطلعت بدون ماتستأذن لأنها مو من عادتها تطلب الأذن من احد لأن أمها ميته اما ابوها

يكفي عليه زوجاته

ركبت السياره واتجهت لبيت مها اللي يبعد عن بيتها تقريبا 20 دقيقه ,, في هالوقت كانت

مشاعل تحس بالطفش فقررت تدق على سلمان خويها اللي صار شوية قريب لها خاصه

هاليومين لأنها زي مايقولوا شله ميشو (مطفره) يعني ماعندها احد راكان وتركته بعد ماقال

بشوفك وماعندها الا سلمان وخاصةً انه مؤدب وحبوب وولد ناس ويكفي انه يحبها

مشاعل: الو

سلمان : مقدر على الدلع مقدر اليوم داقه علي مرتين مستحيل اكيد في شي صاير

مشاعل بدلع: هههه شسوي وحشتني يادب

سلمان: اااه ياقلبي والله انتي اكثر

مشاعل : سلومي وينك برا والا بالبيت ؟

سلمان : وانا اتجرأ اطلع من غير مااقول لك ؟

مشاعل : اممم قهر كنت ابي اشوفك

سلمان : الحين اطلع هوا

مشاعل : لالا خليك انا طالعه لبيت وحده من صاحباتي وكنت ابي اشوفك بالطريق

سلمان : ياحبيبتي لو عارف كان طلعت من العصر استناك

مشاعل: هههه لا مايحتاج , المهم كيفك انت وكيف حسين ولد عمك اكرهه

سلمان: هههه حتى هو يكرهك

مشاعل: كش عليه وينه والله واحشني

سلمان : لا انا اغار كذا

مشاعل : من جدك تغار منه .... اتعرف على طباخنا ولا عليه خويك مره مغزلجي

سلمان : قلت لك خلينا نعرفه على وحده من صاحباتك يمكن تعقله انتي مو راضيه

مشاعل : لاشكراً مابي احد يدعي علي , وينه هو عندك ؟

سلمان : ايه جالسين نلعب بلي ستيشن وهازمه 5 \0 هههه

مشاعل: هههههه يستاهل , اقول سلومي عطني بكلمه بسلم عليه

سلمان : تعال حسين حبيبتي تبي تكلمك

حسين : هلا والله بالورده

مشاعل: ههههه هيه انت انا خوية ولد عمك , وبعدين مين قال اني ورده انا صباح

حسين: هههه حلوه , أخبارك يادبا ؟

مشاعل : تمام انت كيفك واحشني

حسين : انتي اكثر والله شكلك عقلتي طلعت امس وقبله ماشفتك تدورين وش عندك تزوجتي ؟

مشاعل : لا موكله بمهمه ههههه

حسين : اخس والله منتي سهله وش هالمهمه يمكن اقدر اساعدك

مشاعل : اصلاً محد يقدر يساعدني الا أنت وترى المهمه سريه ولو ماأعرف قدراتك ماكان

قلت لك

حسين : ايش السالفه ؟

مشاعل : اسمع احنا جالسين ندور على سياره وبما أنك خبرة بالسيارات اللي تدور نبيك

تعطينا أي معلومات عن صاحب السياره اوكي

حسين : فله هذي المهمه والا بلاش بس هو خوي مين ؟

مشاعل : خوي وحده من البنات اسمها هدى اوكي

حسين : ههههه هدى اسمها يضحك بس يالله علشانك بساعدها

مشاعل : اوكي السياره فراري لونها اصفر مرت عليك ؟

حسين : اشوف كل يوم سيارات فراري لونها اصفر عطيني شي مميز

مشاعل : امممم اللوحه مو لوحه عاديه لا لوحه من السفاره

حسين : اممم لوحه من السفاره لوحه من الس.. ايه ايه عرفته

مشاعل انجنت من الفرح أخيراً بتعرف هو مين علشان ترد له الحركه

مشاعل : مين هو بسرعه قول

حسين : ههههه جريتك شفتي انه مو لخويتك شكلك انتي اللي تكلمينه لو كانت خويتك

ماراح تتحمسي لهالدرجه ,انا انسان ذكي ... عموماً ماراح اقول لسلمان شي سرك في بير

مشاعل : يالله محد قال لك قبل انك ظريف وخفيف

حسين : الله يسلمك مجامله مقبوله

مشاعل: اخلص تعرفه والا لا

حسين : صراحه السيارة مامرت علي بس بسأل العيال يمكن يعرفوه

مشاعل : ومتى ترد لي اكلمك اليوم بالليل ؟

حسين : لهالدرجه مستعجله ؟ لالا انا بكرة بالليل اكلمك بيجتمعون العيال عندي وارد لك

مشاعل : طيب بس ضروري مرره

حسين : شوفي اذا قلتي لي الحقيقه والله لسوي المستحيل علشان اجيب لك قراره

مشاعل: اممم اوكي هذا واحد شفته بمكان وغلط علي وبصراحه انا ابي ارد له

الحركه ابي اذله

حسين : اها تبين فزعه ترانا تحت امرك تبين ينجلد ؟

مشاعل : لالا شكراً انا باخذ ثاري بنفسي

حسين : فله احب الأكشن اوكي بكرة انشالله اجيب لك شجرة العايله حقته

مشاعل: ههههه تسلم والله ماانسى لك هالخدمه ابد

حسين : لا حبيبتي انا مااسوي شي الا مقابل شي

مشاعل : آآمر

حسين : مايامر عليك عدو احرجتيني ,, اوكي ابيك تعرفيني على أي وحده من صاحباتك ايش

قلتي

مشاعل : ابشر ياحسونه

حسين : حسونه بعينك خلِّي حبيبتي اللي تدلعني وتقول لي ياحسونه

مشاعل : اخس صرت تحب ؟

حسين : لا ,,, حبيبتي اللي بتعرفيني عليها هههههه

مشاعل : ههههه انقلع بس وعطني حبي

حسين : الولد يطالعني بعين حاقد من جد ووده يعرف سالفة راعي الفراري

مشاعل : لاتقول له شي انت عارف انه غيور اذا قال لك شي قول له سالفه هدى اللي قلت لك

اتفقنا

حسين : اكيد , وخلاص انا بكره انشالله بكلمك

مشاعل : اوكي بايو

حسين : بايات

سلمان : اشوف اعجبك الوضع ساعه تسولفي معاه

مشاعل : قلبي كنت بس اختبر غيرتك علي

سلمان : وايش طلع معاك

مشاعل : انك تغار علي وتحبني وتموت فيني

سلمان : وايش سالفة الفراري ؟

مشاعل : حبيبي هذي وحده من صاحباتي اسمها هدى تكلمه وتبي تعرف هو يدور ويرقم غيرها
والا لاء بس

سلمان : وانتي ايش دخلك فيها تراقبين خويها

مشاعل : حبيبي لو انا شكيت فيك اكيد بلجأ لأحد يساعدني لأني أحبك واغار عليك والبنت

حرام تحبه وتبي تعرف اذا يخونها من حقها

سلمان : طيب وبعدين صار يعرفه حسين ؟

مشاعل : لا بس وعدني يسأل عنه

سلمان : ولعيونك إذا شفت سيارته بقول لك

مشاعل : الله لايحرمني منك

سلمان : يعني ماتغاري علي اني ادور واتمشى ماتخافي اتعرف على بنت غيرك ؟

مشاعل : لا انا واثقه فيك

مشاعل في نفسها" يالله ذبحني هذا مصدق نفسه انه يحب بس يخلص الموضوع اذا

ماسحبت عليك ياسلمان ماأكون ميشو"

ووصلت مشاعل بيت مها وظلت عندها لحد الساعه 11 وطلعت ورجعت لبيتها ونامت علشان
الجامعه بكره

===============

يوم الأحد في الجامعه

ساره : خلاص يكفي تكشير ايش قلنا امس

فهده : اوكي خلاص بس جد شايله بخاطري على ميشو مافكرت حتى تجي تسلم علي

ساره : انتي عارفتها تخاف تجي تسلم عليك وترديها وهي ماتحب احد يهينها انتي عارفه

فهده : وهي يعني بنت مين علشان تنغر بنفسها

ساره : فهده هذي صاحبتنا وعيب نتكلم عنها بهالشكل بعدين اعذريها انتي عارفه ظروفها في

البيت وكل هذا يأثر على نفسيتها اذا أحنا ماعذرناها مين بيعذرها

فهده : صادقه بس انا ماراح اكلمها اذا جت هي تسلم انا بسلم واسولف معاها ولا كأنه شي صار

بس مو انا اللي أبدأ

ساره : اوكي خليني بروح شوي لها وبجي

ساره مشت لعند مشاعل اللي كانت جالسه مع عبير ومجموعة من البنات

ساره : ميشو تعالي شوي ابيك

مشاعل : اوكي جايه

وجلست ساره مع ميشو تكلمها عن فهده وانها متضايقه منها علشان مااتصلت عليها وقالت

لها عن اللي سواه اخوها فيها وانهم لازم يوقفوا معاها

مشاعل : حرام مسكينه وربي ماعرفت ان اخوها سوا كذا فيها ياقلبي

ساره : ايه ميشو خلينا نروح نجلس معاها احنا صاحباتها

مشاعل : اوكي بس اخاف ماتبيني

ساره : لا هي تعبانه نفسيتها لأنك مو معاها

مشاعل : اوكي يله خلينا نروح لها

ومشت ساره ومشاعل لحد ماوصلوا لفهده وبدأ الموقف محرج شوي بين فهده ومشاعل

وبعدين مشت الأمور سمنه على عسل ولا كأن شي صار فهده بطبعها متسامحه وماتحب

النكد والزعل اما ميشو فهي مغروره ومو متعوده تعتذر لأحد بس بنفس الوقت تحب فهده

وماودها تخسرها علشان كذا بدت الشله تجتمع مثل قبل مشاعل وساره وفهده وعبير وكل

البنات ولا كان شي صار
=================

[●● شيخة ♥ الغــيد ●●]

مشاعل وساره انتهت محاضراتهم بس سارة قررت انها تجلس بالجامعه مع ميشو لوحدهم قبل

يرجعون للبيت علشان تحكي لها عن خويها الجديد احمد وكانت خايفه من ردة فعل مشاعل

بس ايش تسوي لازم تقول لها اليوم لأنها وعدت احمد انها تشوفه اليوم ولازم مشاعل تطلع

معاها لأنه يتوقع أن اللي يكلمها هي مشاعل مو ساره

وبدت ساره بالموضوع

ساره : ميشو تتذكري اللي رقمنا يوم الخميس ؟

مشاعل : رقمونا كثير اي واحد فيهم ؟ بعدين تعالي مخليتني اجلس بالجامعه علشان تذكريني

باللي رقمونا والله انك فاضية خليني بس ارجع للبيت والله تعبانه ومرهقه

ساره : استني ليه انتي مستعجله , خليني اكمل , المهم تذكرين اللي كان معاه كااين؟

مشاعل : كاين كاين اممم ايه ايه ذكرته اللي بغت عيونك تطلع لما شفتيه .. لاتقولي انك
كلمتيه

ساره: ايه

وكانت تنتظر ردة فعل مشاعل

مشاعل : ههههه والله اني كنت عارفه انك منجنه عليه .. هاه ايش صار قولي

بسرعه تحمست , كيف صوته , واسلوبه ... حبوب ,, مغرور... كاش ... ملحط ؟

سارونه ليش ساكته تكلمي

وهنا سارة بدت ترتاح على الأقل مشاعل ماقالت ليش تكلميه وهو يبيني انا

ساره : اممم بصراحة انا ماعمري كلمت واحد اسلوبه حلو مثله وصوته ياميشو يجنن وكلامه

وسوالفه مدري شقول ,,, ميشو انا منجنه عليه

مشاعل : ههههه ادري والله وناسه بس اصحي تحبيه انتي عارفه شعارنا لا للحب

ساره : امممم لا حتى لو حبيته ماراح اقدر استمر معاه

هنا مشاعل ضاقت عيونها وبدت تطالع ساره بنظره تساؤل ؟

مشاعل : سارونه فيه شي ؟ خوفتيني ؟

ساره : ميشو بقول شي بس ابيك توعديني انك ماتزعلي مهما قلت

مشاعل : سارونه تكلمي خوفتيني

ساره : مو قبل ماتوعديني

مشاعل : اوكي اوعدك

ساره : احم ... امممم .... هو يكلمك

مشاعل : يكلمني ؟ مو فاهمه ؟ وضحي ؟ انا كنت اكلمه قبل ؟ تعرفت عليه ؟

سارونه ياشينك وضحي كلامك مو فاهمه ؟

ساره : بصراحه مدري شقول هو يكلمني ويكلمك ... يعني .... امممم ... الصوت صوتي بس

الشكل شكلك فهمتي

كانت ساره خايفه من ردة فعل مشاعل وماتدري وش بتقول

مشاعل ساكته وتطالع ساره بنظرة حقد : ساره تكلمي واحد وتقولي له انك انا ليش تسوي كذا

حرام عليك تخوني صاحبتك ؟

ساره : لالا انا ماخنتك لو انا عندي نية خيانة ماكان قلت لك بعدين انا ماقلت له ان اسمي

مشاعل قلت له ان اسمي ريم ,,, صدقيني كنت خايفة يقفل الخط ولايكلمي ,,, وانا آسفه الحين

احذف رقمه

مشاعل ماقدرت تمسك نفسها من الضحك حاولت تمثل الزعل بس ماقدرت : هههههه

شكلك يجنن وانتي خايفه ههههه بطنيييي ههههههه

من جد بموت من الضحك

ساره : والله انك بايخه وسخيفه طيحتي قلبي

مشاعل : ههههههه المهم ماعلينا ايش راح تسوي لما يقول لك ابي اشوفك ؟

هنا ساره صار وجهها احمر

ساره : مو هذى الموضوع اللي أبي اقوله لك

وطالعت مشاعل نظرة فهمت على طول مشاعل اللي تبي تقوله ساره

مشاعل : اكيد انتي مجنوونه مستحيل اللي جالسه تقوليه تبيني أقابله عنك ايش

صار لك سارونه ؟

ساره : بليز ميشو بس مرة وحده وبعدين بقول له انه مو انتي اللي تكلميه بليز ميشو لاترديني

مشاعل انصدمت من طلب صاحبتها الغريب بس بنفس الوقت فرحت على الأقل رجع لها

ثقتها بنفسها بعد ماهزها صاحب الفراري على الأقل فيه واحد معجب فيها ومايبي إلا هي

يعني هي مرغوبه مو مثل ماقال إن مستحيل احد يطالع بوجهها

مشاعل : اوكي موافقه بس متى ؟

ساره : اليوم بعد العشاء قال بعزمك على كوفي

مشاعل : مجنونه تبيني انزل معاه كوفي بيفرق بالصوت

ساره : لالا انا بقول له معاي صاحبتي اللي هي انا وماقدر , خلها مرة ثانيه حلو بس خليك

جاهزة الساعه 8 بمرك اوكي

مشاعل: الساعه 8 اكون جاهزه خدامة عندك انا ... ليش خايفة تتأخرين عليه؟

المهم انا اللي بمرك لاتمريني اوكي انا ماأحب سواقك عصبي ودايماً اتطاق معاه اذا تبين خويك

يشوفني حلوه بعديني عن سواقك الكريه

ساره : هههههه ... اتفقنا بس بليز لاتتأخري ونامي اول ماترجعي من الجامعه علشان شكلك

مايكون مرهق , تعالي مبين عليك مانمتي امس كويس صح ؟

خافت مشاعل تنفضح قدام صديقتها ماله داعي تعرف باللي صار مشاعل كتومه ماتحب تطلع

أسرارها حتى لصاحباتها بعكس صاحباتها اللي يرتاحوا لما

يتكلموا معاها ويحكوا لها عن كل شي يضايقهم يمكن علشان كانت وحيدة من صغرها تعودت

انها ماتشكي لحد تحب تكون قويه مايهزها شي

مشاعل: لا أبد مافيه شي بس امس سلمان كان يكلمني ومارضى يسكر إلا 5 الفجر علشان كذا

شكلي مرهقه

ساره : لا الله يخليك نامي وارتاحي تبين اجيب لك غداء تبين اسوي لك مساج وش تبين بس

آآمري وتدللي ؟

مشاعل : يامصلحجيه ههههه ايه ايه ابي شي

ساره : امري

مشاعل : طلعي عبايتي من الشنطه

ساره : ابشري

وطلعت العبايه لمشاعل

مشاعل : لبسيني عبايتي بسرعه بروح انام بسرعه يله

ساره وهي معصبه : طيب

مشاعل : ههههه ههههههههه


===================

[●● شيخة ♥ الغــيد ●●]

الساعه 7 كانت مشاعل لابسة وجاهزة ومن أحلى مايكون كانت تبي تثبت لنفسها انها حلوه

وماراح ترجع للبيت بأقل من 10 أرقام تبي تعرف ان كلام الوقح اللي جرحها كله كذب

وأصلاً هو كان مقهور لأنها اكيد ماراح تعطيه وجه علشان كذا بدا يهزأها بس الصراحه انه

لو بس ابتسم لها ابتسامه كان ماتحركت من مكانها إلا لما يعطيها رقمه

مشاعل من عادتها ماتركض ورى اي واحد بس معاه الوضع غير وهي متأكده ان أي بنت

بتشوفه اكيد بتسوي اكثر من كذا

مشاعل فيه طريقها لبيت ساره " يالله ليش افكر فيه لهالدرجه كل هذا حقد يالله متى اشوفه ابي

انتقم علشان ارتاح بس غسان سوى فيني حركه كمان مو حلوه ليش مو قادرة احقد عليه ليش ؟

وصلت مشاعل عند بيت ساره ودقت عليها

مشاعل : هلا سارونه

ساره : هلا ميشو هاه وصلتي

مشاعل : ايه انا تحت استناك

ساره : اوكي يله انا طالعه

وركبت ساره السياره مع مشاعل

ساره : ميشو اشوف وجهك لايكون الميك اب مو حلو

مشاعل : خلاص ياختي احس اني رايحه اقابل ان ريكي مو احمد

ساره : تعالي فيه مشكله

مشاعل : الله يستر ايش المشكله

ساره : اذا وقف جنبنا كيف حرد عليه بيعرف اني مو انتي

مشاعل : بسيطه قولي له مابي اكلمك وانت جنبنا علشان السواق مايشك

ساره : ياذيبه دايماً عندك حل لمشاكلي

مشاعل : علشان بس تحسي بقيمتي

ساره : بس غريبه خلصتي بدري الساعه 7 ونص توقعت ماراح تمري علي الا 8 ونص

مشاعل : لا بس وحده من صاحباتي ماتعرفيها موصيتني ادور لها خويها قلت ناخذ لفه بالعليا

يمكن نشوفه قبل يجي سيد الحسن والدلال

ساره : مااسمح لك ترى

مشاعل : هههههه طيب

وصاروا يدوروا من 7ونص لما الساعه 8وربع بالعليا عند الفيصليه عند المملكه بالثلاثين

بالتحليه وانواع المواكب والاستهبال

لحد مااتصل احمد وساره خلاص انجنت

مشاعل : ردي يله خلينا نخلص

ساره : ميشو خايفه مره

مشاعل : خايفه ليه انا المفروض اللي اخاف انا اللي بقابله

ساره: اوكي اسكتي برد

ردت ساره على موبايلها

ساره : الو

احمد : هلا قلبي , وينك الحين

ساره : انا الحين بالثلاثين تجي

احمد : اوكي تعرفي لازرتيج

ساره : ايه

احمد : اوكي انزلي انتي وصاحبتك ولما اوصل بدق عليك تطلعي علشان اشوفك وانت تمشي

ابي املي عيوني منك

ساره : اوكي قلبي بس مقدر اكلمك وانا بالسياره أخاف السواق يحس

احمد : انشالله حبيبتي

ساره : اوكي لما توصل دق باي

احمد :باي

ساره : ميشو يقول انزلوا (لازرتيج) ولما اوصل بدق عليك تطلعي من هناك

مشاعل : اوكي يوسف روح لازرتيج

سويف : ابشري

ووصلوا هناك ونزلوا وتوهقوا لأن اللي هناك نشبوا لهم على بالهم بيشتروا لما جاء الفرج

ودق احمد على ساره

ساره : هلا وصلت

احمد : ايه حبيبتي انا برا اطلعي

ساره : اوكي

ساره : ميشو يله برا هو

مشاعل : أخيراً نفتك من هالنشبات الا تشتروا

وطلعت ساره قبل وعيونها على سياره احمد الكاين وشافته وانجنت عليه وابتسم لها وبعدها

طلعت مشاعل ولحظتها عين احمد ما نزلت عنها كانت عيونه كلها اعجاب لدرجه انه ماحس

بوجود ساره

ساره لحظتها حست بالقهر وابد ماتوقعت انها بتتضايق لهالدرجه انا قدامه ومافكر حتى

يطالعني

ركبوا السياره

مشاعل : خويك هذا ماشاف خير والله كنت بطيح من كثر مايطالع انحرجت

ساره بضيق : ايه لاحظت

مشاعل : سارونه انتي زعلانه

ساره : لاعادي ليش اتضايق انا عارفه من اول مارقمنا انه يبيك

مشاعل : وربي مايستاهلك

ساره : يمكن انا اللي مااستاهله

مشاعل : سارونه لاتكبري الموضوع ترى كله واحد لاراح ولاجا طنشيه وياكثر اللي يتمنوك

ساره : على قولتك شكلي ماراح ارد عليه

مشاعل : يكون احسن

وصاروا يدوروا من شارع لشارع واحمد اتصل على ساره يمكن 70 مره وهي ماترد

مشاعل : تعبت من الدوران راسي صار يدور , سارونه شرايك ناخذ لفه بالتحليه ونرجع
للبيت

ساره: يله انا ودي بعد اخذ لي كم رقم قبل الأختبارات لأن امي اكيد ماراح تخليني اطلع

وبعدها انتي عارفه الصيفيه يعني بسافر ودي اتعرف على احد قبل اسافر علشان اشوفه برا

مشاعل : مشينا

تذكرت مشاعل ان حسين مادق عليها لايكون بس مع سلمان لأن سلمان دق عليها كثير

وماردت خافت تدق على حسين ويكون سلمان جنبه ويقول ليش مارديتي علي

مشاعل في نفسها" يالله خليني ادق على سلمان واشوف اذا حسين جنبه"

مشاعل : هلا سلومي

سلمان : هلا وينك اتصلت عليك 1000000 مره حسين كان يبي رقمك

مشاعل : طيب كان عطيته بعدين هو يعرف رقمي

سلمان : مو شريحته احترقت وانحذفت كل الارقام وقلت بسألك اول قبل اعطيه الرقم

مشاعل : شكرا ياقلبي خلاص انا بدق عليه

سلمان : خلاص حبيبتي وكلميني اول ماتقفلي منه

مشاعل : باي (مشاعل ماتحب احد يآآمرها اذا بتكلم بتكلم بكيفها مو هو اللي يقول لها )

دقت مشاعل على حسين

حسين : الو

مشاعل : هلا بالاف بي اي

حسين: وينك انتي ذبحتيني لي ساعه اترجى سلمان يعطيني رقمك مو راضي والله مربيته
صح يخاف منك

مشاعل : هذا مو خوف هذا حب ياغبي

حسين : ايه طيب المهم ماتبين علوم عن خوينا راعي الفراري ؟

مشاعل : احلف بالله عرفت شي

حسين : هههه جبت لك قراره افااا عليك بس

مشاعل : قول بسرعه

حسين : لا سلم واستلم عطيني رقم اي وحده من خوياتك واعطيك المعلومات

مشاعل : لا والله البنت تبي تفكر وتقرر وبعدين انا مابي اعرفك على اي وحده ابي اختار لك

وحده تستاهلك

حسين : اجل اكيد بتعرفيني على جنيه لأنك تكرهيني , المهم بلا حركات نص كم اشم ريحه

خيانه في صوتك اخلصي بس عطيني الرقم

مشاعل : ماراح اعطيك شي لحد مااستأذن من البنت

حسين : اوكي اذا خويتك قررت علميني علشان اعطيك المعلومات

مشاعل : حسينوه بتعطيني والا شلون ... انا وعدتك

حسين : نو وي مستحيل اذا جبتي الرقم تاخذي المعلومات وتذكري ان المعلومات قيمه

مشاعل : اوكي شكراً مابي شي خل المعلومات لك تآآمر شي انا بقفل

حسين : لاتسوي نفسك زعلانه , انا مو سلمان ... عطيني رقم اي وحده يله

مشاعل : طيب لحظه

مشاعل تحاول تقنع ساره انها تعطي حسين رقمها وساره وافقت على طول

مشاعل : خلاص خذ الرقم ياللزقة

حسين : ومتى ادق عليها لازم اتأكد أخاف تصير شنب

مشاعل : شنب بعينك بتتلكم والا شلون ؟

حسين : طيب طيب اسمعي الله يسلمك

الاسم : طلال ال....

العمر : 27 سنه

لوحته : .....

وبدا يعطيها معلومات عنه

حسين : هاه ايش رايك فيني ؟

مشاعل : بطل , وكيف عرفت هالمعلومات

حسين : ابد هو عنده بالبيت مجلس كبير يجتمعون فيه الشباب كل يوم وكل واحد يجيب اخوياه

وواحد من اللي اعرفهم يروح هناك وقال لي عنه وتراه توه راجع من السفر كان عايش برا

5 سنوات كان عايش عند امه لأنها اجنبيه

مشاعل : اها حلو

حسين : بس يقول لي الولد انه وسيم مره لايكون بس انتي معجبه فيه وتبين تشبكين وتسحبين

على ولد عمي سلمان

مشاعل : حسين لاتسوي فاهم بس على فكره معلوماتك مافادتني

حسين : ايوه ,,, وليش انشالله

مشاعل : انا ابي اعرف وين يطلع وين يروح ,, يعني تبيني ادخل بيتهم مثلاً ايش راح استفيد

من اسمه والا بيته والا لوحته

حسين : طيب انتي أصلاً ماينفع معك المعروف باي

مشاعل : حسينوه امزح المهم اذا شفته بأي مكان بليز دق علي وقول لأصحابك كمان اذا

شافوه لازم يقولوا لي , لو استدعت الحاله عطهم رقمي اوكي

حسين : والله اني بديت اشك فيك ايش هالحرص معقوله كل هذا على شاان انتقام , عموماً

انا بروح اليوم لبيته مع الولد اللي يروح له وبشوفه

مشاعل: طيب كلمني وانت هناك بليز

حسين: طيب ,, اقطع يدي ياميشو اذا ماكنتي خاقه مع الولد

مشاعل : اذا تحسبني ابي اتعرف عليه فأنت ماعرفتني

حسين : طيب نشوف يقولوا المصريين الميه تكذب الغطاس ويقولوا بعد ياخبر النهار ده

بفلوس بكره يبقى ببلاش والا ؟

مشاعل : اوكي نشوف اذا ماخليت التحليه كلها يتكلموا عنه ويضحكوا عليه ماكون ميشو

حسين : طيب وش راح يكون اسمك لأنك اكيد ماراح تكوني ميشو ههههه

مشاعل : انقلع بس ولاتنسى اذا شفته واتصلت علي راح تكسب جائزه

حسين : جائزه ؟ وش هالجائزه علشان اتحمس ؟

مشاعل : رقم بنت ثاني ههههه

حسين : والله لأحفر الأرض علشان اجيبه واستني علي

مشاعل : اوكي بايو

حسين : يله باي

ساره كانت مذهوله من الكلام اللي سمعته مين هالشاب اللي مشاعل حريصه تعرف عنه كل

شي واتضايقت لأن مشاعل مخبيه عليها السالفه

اما مشاعل فانتبهت أخيراً ان ساره معاها بالسياره وهي اللي نست ان معاها احد لما اتصلت

على حسين وقال انه يعرف معلومات عن طلال وشلون بتبرر لساره الحين اكيد ساره زعلانه

وظلوا كلهم ساكتين , وعند إشاره بيت ساره قررت مشاعل تبدأ بالكلام وتدور أي تصريفه

تقنع فيه ساره بس قبل لاتتكلم كان صوت بوري السياره اللي جنبه مزعج التفت مشاعل

وانصدمت لأنها شافت سياره صفراء تعرفها كويس ومظلله وأكيد اللي داخلها الحقير طلال

حست بفرح لأنها تقدر الحين تنتقم وبنفس الوقت انقهرت لأنها بالإشاره ماراح تقدر تسوي
شي

انفتح الشباك وكانت مشاعل متحمسه تبي تشوف طلال هل هو وسيم والا يمكن لما شافته
كانت تتوهم انه وسيم

بس للأسف كان اكثر وسامه كان مسوي ديرتي فيس وشكله خطير ولابس تيشرت اصفر كان

مبين لأن الفيراري نازله مره وتقدر مشاعل بسهوله انها تشوف اللي جوا السيارة لأن مستوى

اللكزس اعلى من الفيراري

استغربت مشاعل لأن طلال كان يأشر لها تفتح الشباك

بدون ماتحس لقت نفسها تفتح الشباك وتطيع أمره وهي اللي ماتحب احد يأمرها

طلال يطلب من مشاعل تفتح الشباك ليه ؟



> > > > >

بالجزء الرابع راح يبين

[القيصر]

ول ول ول ول


قصة خطيرة

بس مشاعل ماعرفنالها

قوية على كل الخلايق وضعيفة ع الإيطالي

بسـ الحركة اقوى بمليون مرة من حركة غسان

بس حسون صراحة طلع مب هين اقوى من اف بي أي ههههه



تسسسسسسلمين حبوبة ع القصة وماتقصرين


وفي انتظار الجزء التالي

[AZالرهيبAZ]

تسلم يمناج على هالجزء الرائــعــ

اشكرج على مجهودج الطيب

ونتريا الجزء القادم بفارغ الصبر

دمتي بصحة وعافية

[●● شيخة ♥ الغــيد ●●]

شفتوااا عاد البنات مش هينات
لا تفكروون تحطون دوبكم بدوبهم خخخخخخخ
مشكورين على المرورو والمتابعه
القيصر والرهيب

[لاتكدرمزاجي]

شيخة الغييييد

تسلمين على الاجزاء والله القصه حلوه

ونتريا الباقي

[●● شيخة ♥ الغــيد ●●]

افاااا عليكم بس
وانا بتواصـــل معاكـــم لنهـــايه القصه
وان شـــاء تستانســـون ويا القصه ويايه ^_^

[●● شيخة ♥ الغــيد ●●]

هاااا وقد عدنا من جديد
ها اشتقتوا لي ولا لأ ؟؟؟
ادري بكم اشتتقوا للقصه لووووووول
يالله نبدى بالجزء الرابع المثير

/


/


/




الجزء الرابع
=========

استغربت مشاعل لأن طلال كان يأشر لها تفتح الشباك

بدون ماتحس لقت نفسها تفتح الشباك وتطيع أمره وهي اللي ماتحب احد يأمرها

طلال : اقول لو انا منك مااطلع مع البنت هذي

استغربت مشاعل من كلامه وبان في وجهها علامات التساؤل

كمل طلال كلامه : يعني وحده مثلك المفروض تطلع مع بنات بمستواها مو تطلع مع قمر مثل

اللي جنبك بصراحه انتي جنبها مالك اي كرت ولا دور

مشاعل قررت انها ماتنخدع بجماله لازم تعلمه من هو

مشاعل : على فكره يااخ طلال ... لا تحسب نفسك قوي وذكي لأنك جزمه وحقير وماعندك اي

ذوق وأخلاق بس مو غريبه ,,, امك مو عربيه وأكيد كافره ربتك على ..

قاطعها

طلال : اووووه البنت علاقات ماشالله كويس اللي عرفتي عني هالمعلومات وفرتي علي شي

كثير

استغربت مشاعل ايش ممكن أوفر عليه وفتحت الإشاره وصارت البواري تطلع من كل

سياره الناس كلها تبي تمشي وسياره طلال ومشاعل ساده الشارع

السواق : عمتي الإشاره فتحت بمشي

مشاعل : لا استنى لاتمشي

طلال : اسمعي بما انك تعرفي عني هالمعلومات ,,, بسألك قدرتي تجيبي رقمي ؟

مشاعل : مايشرفني اعرف رقمك

طلال : قهر ,,, يالله مو مشكله كنت ابيك تعطيه اللي جنبك ,,, اوكي لحظه

وراح اخذ قلم وصار يكتب شي على كوب ورق مبين عليه كوب عصير

طلال : اسمعي كتبت رقمي فيه عطيه للحلوه اللي جنبك اوكي

وكانت مشاعل بتقفل الشباك قبل لايجيها الكوب كله على وجهها

مشاعل انصدمت دايما كانت تكب اي شي بيدها على أقرب واحد يغازلها والحين هالحشره

يكب عليها هي وقدام مين صاحبتها ,, مااستوعبت الموقف التفتت بتنزل من السياره

علشان تضربه ,,, او تقتله ,,, المهم تنتقم لقته مشى والبواري مزعجه وسواقها المسكين

ينتظر امر العمه

السواق : امشي الشارع صار زحمه والإشاره بتسكر

مشاعل صرخت : امشي ايش تستنى ؟

ساره كانت مصدومه من اللي شافته وماتدري ايش تقول أول مره يمر عليها هالموقف ولمين

لمشاعل المغرورة اللي ماترضى احد يمس كرامتها والولد اللي من شوي مو هز كرامتها إلا

مسح بها الأرض

طالعت مشاعل الكوب لقت رقم طلال مكتوب عليه ومكتوب فوقه ياليت اسمع صوتك اليوم

طلال

ظلت ساكته لحد ماوصلوا بيت ساره

ساره كانت تبي تقول لمشاعل تنزل تغسل وجهها من آثار العصير بس كانت خايفه لأن شكل

مشاعل كأنها كلمه وحده وتنفجر وخافت تنفجر عليها

ساره وهي تفتح باب السياره بتنزل : باي

مشاعل : ساره ,,, لو سمحتي ممكن اروح للحمام

ساره : اكيد حبيبتي البيت بيتك تفضلي

مشاعل دخلت الحمام وغسلت وجهها ويدينها وشعرها وماتبي تتذكر ايش صار علشان

ماتنهار فقررت انها ماترجع للبيت خلاص الموضوع مكشوف واكيد ساره عرفت كل شي

بعد مافضحها طلال وشرشحها قدام صاحبتها لازم تصارحها ومنها تشكي لها لأنها تعبت

من الكتمان واذا ماصارحت صاحبتها مين تصارح

طلعت مشاعل من الحمام ولقت ساره مجهزة لها ملابس علشان تغير وعبايه من عبايات ساره

لأن عباية مشاعل غرقت بالعصير

مشاعل : اممممم سارونه ماعندك بيجاما ؟

ساره : اكيد عندي لحظه اجيب لك

مشاعل : سارونه ممكن انام عندك اليوم ؟

ساره بدت الفرحه عليها : من جد ميشو لاتفرحيني بعدين تقولي امزح

مشاعل : انا في وضع مقدر امزح فيه

ساره : الله يحييك هذا بيتك قبل يكون بيتي

مشاعل : تسلمي , بدق على السواق علشان يرجع للبيت ويمرني بكرة الصباح علشان اروح

البس علشان الجامعه

ساره : ميشو شرايك بكره نطنش الجامعه ونسهر ونفلها ؟

مشاعل ابتسمت أخيراً : براسك نفلها هههههه

ساره فرحت لفرحة صاحبتها

وبدت السهرة بتوتر لأن ساره تنتظر مشاعل تتكلم عن اللي شافته اليوم ومشاعل كانت

منحرجه ماتدري من وين تبدأ

وأخيراً تجرأت مشاعل وحكت لساره عن كل شي من اول يوم شافت طلال فيه لحد اليوم

ساره : صدق انه حقير , بس حركته غريبه , يعني ليش يعاملك كذا , ميشو انتي مره حلوه

وماحد يختلف على هالشي , ايش اللي خلاه يقول عنك قبيحه , أكيد الموضوع فيه شي هو

باين عليه يبي ينرفزك , بس ليه ماعرف ..


مشاعل : ولا أنا , بصراحه من حقارت الكلمات اللي يقولها احس اني مقدر ارد

ساره : غريبه احس انه يتعمد ينرفزك وعارف ان البنت اكثر شي ينرفزها لما احد يسب

شكلها , وهو باين عليه متعمد انه ينرفزك

مشاعل : ايه انا لاحظت هالشي , بس ماعرف ليه ؟

ساره : ميشو تذكري يمكن كلمتيه قبل وسحبتي عليه وحقد عليك تذكري

مشاعل : وربي اول مره اشوفه , مستحيل انه رقمني قبل لأنه لو كان مرقمني كنت اكيد

بتذكره , شكله مميز ومستحيل انساه

ساره تطالع مشاعل بخبث : مميز هههههه انا اشهد انه يجنن يجنن شكله خطير تصدقين من

اول ماشفته لحد ما مشى وانا مانزلت عيني عنه , على كثر ماأحمد يجنن صار عنده ولا

شي بس على طاري مميز شكلك غارقه لشوشتك ههههههه

مشاعل : الله ياخذه هو وشكله , وووع أصلاً عادي انتبهي له كويس من قريب ترى مره

عادي , وبعدين ليش غرقانه حبيبتي ماشفت خير , لو أبي واحد احلا منه كان بنظره مني

اخليه يركض وراي , ولاتنسين طلال مو من الأشكال اللي تعجبني

ساره : ايه بس مو اي واحد بيركض وراك واظن طلال اثبت لك هالشي

مشاعل : صدقيني لو ابيه بجيبه بس صدقيني مايعجبني

ساره : عموماً حلو والا مو حلو احنا ماراح نخليه , يعني لاهو اول واحد حلو يمر علينا

ولا آخر واحد , لازم نفكر شلون نخليه يجي يتأسف لك ويبوس راسك بعد

مشاعل : لا لا , لايبوس راسي ولا أبي اشوفه اصلاً , بس قبل لاأقفل سيرته من حياتي

بخليه يندم على اللي سواه صدقيني

ساره : ايش راح تسوي قولي لي بليز انا صاحبتك

مشاعل : لسى مافكرت , بس انتي خلّي علاقتك مع حسين حلوه لأن اكيد راح احتاجه

ساره : يالله بضطر اني اتحمل حسين وثقل دمه , تكفين خلصي الموضوع بسرعه

مشاعل : انا مستعجله اكثر منك , الا تعالي ماقلتي لي بتردين على احمد والا لاء ؟

ساره : مدري محتاره ياميشو , اخاف ارد واقول له الحقيقه يزعل ويتركني واخاف اسكت

اموت بقهري

مشاعل : بعد عمر طويل انشالله , ماتلاحظين انك معطيته اكبر من حجمه ؟

ساره : لا هو مقاسه اكس اكس لارج هههههه

مشاعل : ههههههه ايه هذي سارونه اللي اعرفها

ساره : الا تعالي ايش صار على اخوك مشعل ماخطب ؟

مشاعل : لا للحين ليش ناويه تخطبيه ؟

ساره : ودي صراحه اخوك يجنن ماشالله وعاقل , اقول اخطبيني له , ايش هذا خويه ماتنفع

مشاعل : هههههه ياليته يوافق يتزوج , مسكين سعود بينجن يبي يتزوج الهنوف

وابوي مو راضي يزوجه قبل مشعل , يقول لو الهنوف طارت مني والله لدعي عليك تعنس ههههههههه

ساره : ههههههه , الا على طاري الهنوف ماشفتيها ؟

مشاعل : لا , يقول سعود بعزمك على العشاء وبقول للهنوف تجي , تدري منجنه ابي

اشوفها احسها مره قرويه

ساره : ليش ايش اللي خلاك تحسي هالإحساس ؟

مشاعل : مدري من كلامه عنها , اقول له من وين تشتري ملابسها الهنوف وقال لي اسماء

محلات حتى خداماتنا مانشتري لهم منها

ساره : ياااي مره قرويه , بس حرام اخوك يحبها واذا تزوجته انتي عاد كشخيها

مشاعل : ياشيخه اذا هو راضي بقراوتها بكيفهم ياداخل بين البصله وقشرتها ماينوبكش الا

ساره : ريحتها هههههه

مشاعل : هههههههههههههه

وتمت السهره كلها ضحك ووناسه وناموا الساعه 7

=====================

[●● شيخة ♥ الغــيد ●●]

================

في بيت طلال كانت السهرة مثل كل يوم الشباب متجمعين وكان مجلس طلال عبارة عن كوخ

خشب كبير مكون من دورين الدور الأول كان جلسه وتلفزيون اما الدور الثاني كان مفتوح

على الدور الأول وهو عباره عن صاله بلياردو كان كل يوم يمتلي هالمجلس فوق 40 شاب

البعض اصحاب طلال والبعض حتى مايعرفهم

عبدالله : طلال

طلال : سم ابو عابد

عبدالله : سم الله عدوك , من هو اللي جالس يسولف مع ابو خليل

طلال : والله مدري يمكن هو عازمه

عبدالله : طلال الولد هذا مارتحت له من اول ماجاء وهو يطالعك , الله يهديك صاير مجلسك

كل من هب ودب يدخله

طلال : شسوي ياعبد الله صعبه اطرد الناس من مجلسي واذا اتصل علي واحد وقال بجيب

خويي معي صعبه اقول له لا ,, مو من عوايدي

عبدالله : بس انت ماتعرف حتى هم مين , ولا ايش اخلاقهم , بكره تجيك مشكله والا مصيبه

محد ينفعك والله

طلال : اهم شي ان مجلسي مو في البيت , ولو كان مجلسي في البيت مستحيل ادخل احد الا

اذا كنت عارفه تعرف علشان اهلي

كان بيت طلال في حي من ارقى الأحياء وكان بيت كبير جدا وكان يعيش معاه ابوه واخوه

الأصغر منه نواف واخته هيفاء ولمياء وامه , وفي الجهه المقابله من البيت تقع استراحه

ابو طلال اللي كانت كلها مجالس للشباب ولأبو طلال بحيث اذا جت عزيمه رجال تكون في

الإستراحه وكان يفصل بين بيتهم والإستراحه شارع علشان كذا طلال واخوه يجمعون

اخوياهم كل يوم

عبدالله : انا معك ياطلال بس انتبه شوف بس الأشكال اللي تجي عندك والله احسهم مجرمين

طلال : هههههههه لا تكبر الموضوع وعموماً اجازتي خلاص قربت تنتهي يعني مافيه سهر

ولا راح تشوف هالأشكال

دخل حمد بالسالفه وكان طول الوقت قاط اذنه : افهم من كلامك انك تطردنا ؟

طلال : هههههه انا قلت هالأشكال ليش انت اشكال ؟

حمد : ههههههه ايه , واحلى شكل بعد

طلال : اعجاب المرء بنفسه دليل على صغر عقله

حمد : ايه مثل خويتنا مشاعل ههههه اللي معجبه بنفسها

طلال : ههههههههه مسكينه وربي حزنتني , اليوم كبيت عليها العصير اللي اشتريته من ماما

نوره وطلع بايخ طعمه , قلت فيها ولا في الزباله هههههه

عبدالله : هههههههه اكيد دخنت أذانها من التعصيب

طلال : اوووه ياليتك شفتها , لا ومعاها خويتها ساره بعد هههههه

حمد: ههههههه خلها تستاهل , اقول طلال خلنا نسوي حركه فيها حلوه تخليها تكره

تطلع من بيتها ايش قلت ؟

طلال : مثل ايش ؟

حمد : يعني مثلا وهي راجعه من الجامعه نحدها ونركبها السياره وناخذها مزرعتكم والله فله

ولاتنسى البنت حلوه والله بننبسط

طلال : اسمع ياحمد انا وعدت الرجال اني اهينها واعلمها قدر نفسها مو معنى كلامي اني

اضيع مستقبلها , وبعدين عيب عليك هالحركات والله عيب انت رجال , ماتستحي تستقوي

على حرمه

حمد : ليش هذي تسميها حرمه , هذي حتى ماتجلس بالبيت لو عندها اهل يربوها كان ماسوت

اللي تسويه

طلال : ايش سوت ؟ خانت خوينا خلها تخونه هو عارف اصلاً انها ماتحبه , بس انا قهرني

اسلوبها معاه قلت باعلمها قدر نفسها وبيني وبينك مليت من هالدور انا اهنتها بمافيه الكفايه

وخلاص اظن اني اكتفيت والرجال شكرني على اللي سويته فيها , وانت ياحمد مالك دخل

بالبنت اتركها بحالها , ترى عندك خوات

حمد : أفاااااااا ياطلال والله تشبه خواتي بهذي , كرم خواتي , مايسون مثلها ولو حسيت ان

خواتي ممكن يسون ربع اللي تسويه والله لدفنهم عند باب البيت

طلال : طيب مشالله عليك رجال , بس ياليت تثبت رجولتك بأشياء ثانيه

حمد : ايش قصدك ؟

طلال : قصدي ابوك اللي عينه ماجفت من الدموع وهو يتمنى يشوفك رجال تهتم بمسؤليات

البيت ابوك كبر ياحمد ولازم يرتاح , ومن واجبك انك تريحه وتشيل عنه الحمل يكفي انه رباك

واهتم فيك وانت صغير , جاء دورك انت اللي تهتم فيه لما كبر

حمد : انا مو مقصر مع ابوي بشي .. بعدين انت ايش عرفك شاكي لك هو ؟

طلال : ابوك مايشكي بس الحزن يتكلم بعيونه

حمد : صاير محلل نفسي ماشالله عليك

عبدالله : ياشباب اذكروا الله وهدوا مايسوى تراكم اخويا

طلال : حمد تكلم زين ترى انت قدام رجال مو بزر عندك تعلم شلون تحشم الرجال

حمد : لاتعلمني ياطلال شلون اتكلم انا احشم الرجال بس مااحشم اللي يتدخل في اللي مايخصه

طلال : مايخصني اني انصحك هاه , الشرهه مو عليك الشرهه على اللي معتبرك رجال

ومدخلك مجلسه , قم من مجلسي واذا شفتك هنا لحش رجولك حش

طلع حمد معصب وطلال كان هادي لأن من طبعه مايهزه واحد مثل حمد

هذي حياه طلال ببساطه


=========================== =

[●● شيخة ♥ الغــيد ●●]

موبايل مشاعل يدق اكثر من 10000 مره وازعجها الصوت وأخيراً قررت ترحم اللي يتصل

وترد عليه , كانت الساعه 3 العصر

مشاعل : الو

ام مشعل : هلا حبيبتي وينك خوفتيني عليك

مشاعل : هلا خالتي , انا في بيت ساره صاحبتي

ام مشعل : خفت عليك يابنتي شفت سيارتك بالكراج قلت اكيد ماراحت للجامعه واتصل على

خط غرفتك ماتردي ولا جوالك قلت اكيد صار لها شي بسم الله عليك

مشاعل : تسلمين ياخالتي , بس امس رجعنا متأخرين وقلت ماودي ارجع للبيت مع السواق
لوحدي


ام مشعل: الله يكملك بعقلك يابنيتي ... والسموحه اني صحيتك

مشاعل : خالتي لاتقولي كذا وصدقيني لو ما انتي تدوريني وتسألي عني كان انا منحاشه من
زمان هههههه

ام مشعل : بسم الله عليك انشالله انا وياك اللي بنحاش ام سلطان

مشاعل : ههههههه انشالله

ام مشعل : يالله حبيبتي كملي نومك بس قومي صلي العصر ترى اذن

مشاعل : ابشري ياخالتي

ام مشعل : مع السلامه

مشاعل : مع السلامه

قامت مشاعل تتوضأ وتصلي وصحت ساره علشان تصلي الظهر والعصر

ساره : شرايك نروح نتغدا

مشاعل : غدا الحين قولي عشاء الساعه 4

ساره : ايش عرفك هذا غدا متأخر وعشاء مبكر

مشاعل : مو الحين خلي الشمس شويه تروح حررر

ساره : يله بس انا ميته جوع

مشاعل : مشينا يله من يقدر عليك

طلعت ساره مع مشاعل وكانت مشاعل فيها نوم وحطت راسها على شباك السياره

وغمضت عيونها

ساره : شرايك نروح الريف اللبناني ؟

مشاعل : اي مكان بس خلصينا

حست مشاعل ان السياره وقفت اكيد عند الإشاره لأن المطعم مو قريب لهالدرجه فتحت

مشاعل عيونها كانت جالسه يمين طالعه كوفي المساء وفكرت ليش المساء مايدخلون الا

شباب واحنا يالبنات ليش ماحطوا قسم لنا وش هالنذاله فيهم

مشاعل : سارونه بسرعه ماتعرفي محل حلويات هنا بسرعه

ساره : ايش حلوياته نبي نروح نتغدا

مشاعل : يالله منك بسرعه أي محل ماني قادرة افكر بسرعه

ساره : طيب طيب

واتجهوا لأقرب محل حلويات , نزلت مشاعل اسرع يمكن من البرق حتى انها كانت بتطيح

اكثر من مره

مشاعل : لو سمحت ابي اكبر كيكه عندكم

البائع : حاظر , بس شو بدك شوكولا ولا فرواله ولا..

مشاعل قاطعته : اي شي بس خلصني بسرعه

البائع : اوكي تعي شوفي الأشكال واختاري

مشاعل قفلت اخلاقها من برودته أحر ماعندها ابرد ماعنده : اوكي هذي

كان اختيارها كيكه متوسطه الحجم , دفعت له بأسرع من السرعه وركبت السياره قبل حتى
ساره ماتركب

مشاعل : بسرعه روح على طول

ساره : ممكن افهم ايش السالفه

مشاعل وهي فرحانه : راح تعرفي بس استني شوي

ساره : مدري ايش صار لك هاليومين غامضه

مشاعل: يالله هالإشاره الله ياخذها طولت مره

ساره : ميشو بليز قولي لي ايش فيك

مشاعل : اوكي بس بس وقف هنا

ساره : مجنونه انتي وين بتروحي هذا الكوفي مافيه قسم عوائل و...

ماسمعتها مشاعل لأنها نزلت

كان كوفي المساء كله درج يعني كانها طالعه قلعه وماهتمت صارت تركض وتركض

وتركض لحد ماوصلت الباب وكان برا جلسات كلها شباب بس كويس انها كانت فاضيه لأن

الشمس ماتساعد احد يجلس فيها

دخلت من الباب وكانت كل الأنظار عليها من هالبنت الجريئه اللي تدخل مكان كله شباب

ومافيه قسم عوائل وممنوع اصلاً انها تدخل

جاء واحد يركض لها : بليز ممنوع تدخلي هون ... هيدا بس للشباب ممنوع الصبايا يفوتوا هون,, ازا بدك شي

ابعتي الشوفير وانا ببعت لك طلبك معو

مشاعل : اسمع بعطيك اللي تبي بس بعد عني

,,, : بليز ممنو ..

ماكمل كلامه لأن مشاعل من اول مادخلت وهي تدور بين الشباب وكأنها لقت اللي تدور عليه

وطنشت اللي كان يكلمها ومشت للمكان اللي كانت تطالع فيه , مشاعل طبعاً ماكانت تتغطى

بس لما دخلت الكوفي تلثمت ,

ساره مره استغربت حركتها وصارت المسكينه تلحقها من مكان لمكان يمكن تقدر تلحق المصيبه

اللي اكيد بتسويها ميشو

وقفت مشاعل عند طاوله فيه 5 شباب وكانوا يطالعونها منصدمين

حطت مشاعل كرتون الكيكه على الطاوله وطلعت الكيكه وعلى طول في وجه طلال

كل اللي بالكوفي انصدموا ايش الجرأة اللي تخلي بنت تدخل مكان شباب وتبعد اي واحد

يحاول يمنعها او يعترض طريقها وتوقف عند طاوله شاب وتطلع كيكه وتغرسها في وجه

واحد

كل الشباب اللي كانوا موجودين ماتوا ضحك , اما اصحاب طلال محد تكلم مصدومين وفي

هاللحظه خذت مشاعل منديل ومسحت عيون طلال وفكت لثامها

مشاعل : مره ثانيه لاتتجراء حتى انك تتحداني

ومشت وكأنها ماسوت شي

وماكانت تسمع الا صوت ضحك الشباب وصوت اللي حاول يمنعها من الدخول يتكلم بكلام

فهمت بعضه وبعضه لا , بس الأكيد انه كله سب فيها واهم صوت سمعته واللي اعجبها صوت

الإنتصار داخلها حست كأنها اخذت جائزه كانت تتمناها من قرون

ركبت السياره وركبت بعدها ساره

مشاعل : اوكي الحين انا ياسارونه ميته جوع روحي وين ماتبي

ساره قالت للسواق يروح للمطعم وسكتت ماتدري ايش تقول عن هالموقف اللي شافته

وبعد ثواني انفجرت ساره من الضحك ومعاها مشاعل وظلوا يضحكوا لما وصلوا للمطعم

حتى بعد ماطلبوا الأكل وهم يضحوا

بعد ماهدت ساره

ساره : تدري انك اجن بنت قابلتها بحياتي وهذا اللي عاجبني فيك

مشاعل : حبيبتي انا قلت ماراح امشيها له وشوفي ايش سويت

ساره : بس شلون عرفتي انه هناك

مشاعل : ههههههه بالصدفه طاحت عيني ع الكوفي وقلت غريبه انه مافيه قسم عائلات

وصرت اطالع السيارات اللي موقفه برا وشفت سيارة الغبي طلالوه وقلت هذي فرصتي

ساره : ههههههههه ايش موقفك لو مالقيتيه

مشاعل : كنت بتحطم ويمكن احذف الترم هذا واقضي يومي بالشارع ادور عليه ههههه

ساره : ههههههههه , شفتي ردة فعله هو واصحابه ؟

مشاعل : لا بصراحه كنت ابي اهرب اخاف يسوي لي شي

ساره : فاتك وربي , تخيلي اصحابه ودهم يضحكوا بس الظاهر خايفين منه ههههههههه

مشاعل : هههههههه

ساره : وهو كان مو مصدق يطالعك وياطلع اخوياه وكأنه يقول لهم قولوا لي انه حلم

مشاعل : ههههههه خلاص يكفي سارونه وربي بيصير لي شي اليوم من كثر
ماضحكت

ساره : بس انتي بايخه ليش ماقلتي لي علشان اصور الموقف وربي حرام يروح كذا بدون
تصوير

مشاعل : اسكتي انا كنت مره خايفه كنت بضرب الكيكه بوجهي مو بوجهه لما شفت نظراته
لي يمه مره يخوف

ساره : غريبه ماعرف عيونك

مشاعل : هو شكله استغرب مين هالبنت الي تطالعني هههههههه

ساره : ااااه وربي احلى موقف مر علي بحياتي

مشاعل : ههههههه وياما بتشوفي منه كثير اذا ماتركني بحالي

ساره : هههههههههه


============================

/

/

/




تشويق أكثرر وأحداث قوية وحلوة
بس انتظروني بالأجزاء القادمة ....

[AZالرهيبAZ]

تسلمين على مجهودج الرائعــ،،

ونتريا الاجزاء القادمة بفارغ الصبر


دمتي بصحة وعافية..

[لاتكدرمزاجي]

لووووووووووووولز

نتريا التطورات اليديده

[●● شيخة ♥ الغــيد ●●]

مشكــورين على المتأأأأبعه
واسمحولي قبل تاخرت عليكم بالتنزيل كان عندي امتحانات
والحمدلله الحينه خلصتها ورديت للمنتدى ....
بس لا تنسوني من دعوااتكم ....
ومشكورين مره ثانيه على المتابعه ..

[@@@@]

شيخه الغيد \ الصراحه انا انتظر الجزء الياي بلهفه
تسلم ايدج ثانكس القصه روعه بس ما راح تكمل الا بالجزء الناقص
يسلمووووو:AW04_000:

[●● شيخة ♥ الغــيد ●●]

مشكور اخوي وتسلم
وبمناسبه عيد الاضحى
انا بنزل مجموعه اجزاء عيديه مني
لوووووووووول

[●● شيخة ♥ الغــيد ●●]

رجعت ساره مشاعل للبيت
في الصاله كان فهد وفيصل وسلطان يطالعون التلفزيون
مشاعل : هلا والله بأحلى اخوان بالدنيا
محد رد
مشاعل : يؤؤؤ ليش كذا مسوين ايقنور علي ,, عطوني وجه
سلطان بغير نفس : هلا
مشاعل : ايش صاير ؟
سلطان : ماما حرمتنا من الطلعه الأربعاء والخميس والجمعه الجايه
مشاعل : ليش ؟
سلطان: علشان فهد درجاته مو كويسه
مشاعل : وليش فهد درجاته مو كويسه ؟
سلطان : ماذاكر طبعاً
مشاعل : فهد مو انا قلت لك لاتهمل دروسك ؟ شوف شلون الحين لاأنت بتطلع ولا أخوانك
فهد : عادي اسبوع واحد مايهم ,, انا لو ذاكرت راح احرم نفسي من المتعه سنه كامله كل
يوم مذاكره
مشاعل : تفكيرك غريب فهودي ,, طيب اسمع خلنا نسوي اتفاق شرايك
فهد: إذا الموضوع يخص الدراسه ,, مابي
مشاعل : هيه انت فيصل شارك في السوالف والا فهد مو اخوك ؟
فيصل: اسكتي ميشو انا صغير ماعرف شي
مشاعل وفهد وسلطان : ههههههههه
مشاعل: طيب فهودي شرايك يوم السبت نطلع نتمشى انا وانت وسلطان والصغير اللي
مايعرف شي
فيصل : هيه بنطلع هيه ,,, ميشو وديني للملاهي طيب
مشاعل : الحين عرفت تتكلم وماصرت صغير هاه
فيصل : اووووه ماما
سلطان : اسكت لاتجي الحين وتقول مافيه طلعه
مشاعل : فيصل ماراح اوديكم الملاهي بوديكم مكان احلى من الملاهي
فيصل : لاااااااااا ابي الملاهي
مشاعل : خلاص انا وفهد وسلطان نروح مكان حلو وانت نوديك لحالك للملاهي
فيصل : لااا روحو معي الملاهي
مشاعل : والله الأناني طيب خلاص اذا جاء يوم السبت اتفاهمنا فهودي حبيبي تعال ابيك شوي
فهد : اوكي
دخلت مشاعل وفهد لغرفتها
مشاعل: فهدوي حبيبي ممكن اسولف معاك شوي
فهد : ايه بس مو عن الدراسه
مشاعل : هو عن الدراسه ومو عنها
فهد: شلوون يعني ؟
مشاعل : اممم ,, فهودي انت كنت من المتفوقين بالدراسه ايش صار لك فيه احد
مزعلك او احد مضايقك ؟ علمني انا اختك وانشالله اقدر اساعدك وانت عارف ان
الموضوع راح يكون بيننا يعني محد راح يعرف
فهد : مافيه شي بس كذا مالي خلق اذاكر
مشاعل : اها وليش مالك خلق اكيد فيه شي مطفشك او مزعلك ؟ ممكن اعرفه
فهد : لا مافيه بس طفش كذا اذاكر واحفظ
مشاعل : طيب ماتبي تنجح مثل اصحابك والا تبي اصحابك ينجحوا وانت تعيد السنه
ويضحكوا عليك
فهد : وبعدين اذا نجحت
مشاعل : تروح للمتوسط
فهد : وبعدين
مشاعل : تروح للثانوي
فهد : وبعدين
مشاعل : تدخل الجامعه
فهد : وبعدين
مشاعل : فهد ايش اللي صاير لك اليوم
فهد : كملي وبعدين ؟
مشاعل : اكيد تشتغل
فهد : وين
مشاعل : مع بابا بالشركه
فهد : انا مابي اشتغل مع بابا ابي اصير طيار وماما تقول لا لازم تشتغل مع ابوك علشان
اخوانك مايسرقون فلوسنا
مشاعل : يالله يافهودي علشان تخلص ثانوي باقي لك 9 سنوات ,,, ومن الحين تفكر وين
تشتغل ههههههه
فهد : لاتضحكي ,,, ليش ادرس واتعب نفسي وانا اصلاً بشتغل مع ابوي
مشاعل : طيب واللي يكلم ابوي ويخليك تصير طيار ايش له
فهد : والله ميشو ,, لك والله اللي تبيه
مشاعل : ابي بوسه ممكن
وباسها بوسه كبيره
مشاعل : بس توعدني انك تهتم بدروسك
فهد : مشاعل تدري اني احبك اكثر من ماما
مشاعل : لا حبيبي هذي ماما وعيب تقول هالكلام
فهد : بس هي دايما تهزأك وتهزأني انا وسلطان وفيصل انا اخاف منها بس انتي ماأخاف منك
واقول لك كل شي
مشاعل : حبيبي ابيك توعدني ان أي شي يزعلك لازم تقول لي عليه وانت عارفني اني ماراح
اقول لأحد حتى لسلطان
فهد : شكراً ياميشو
مشاعل : العفو حبيبي ولاتشيل هم الحبسه انا انشالله السبت اطلعكم ونعوض ايام الحبسه

[●● شيخة ♥ الغــيد ●●]

بعد الموقف اللي صار لمشاعل هذي اول لحظه تكون لوحدها وبدت تفكر في طلال وضحكت
لما تذكرت الموقف
مشاعل" مسكين اكيد الحين معصب , وبطته اللي يقول عنها اكيد قال لها عن السالفه ,
والا مسكينه ماتدري , مسوي عندها انه الولد القوي اللي محد يقدر يهزه مسكين , الحين
بس انام وانا مرتاحه , واصلاً بعد هالموقف ماأتوقع انه اصلاً يفكر يطلع من الفشيله
تذكرت ان حسين دق عليها 7 مرات لما كانت نايمه في بيت ساره
اخذت موبايلها ودقت على حسين
مشاعل : هلا حسونه
حسين : هلا بالنصابه
مشاعل : ليش نصابه ؟
حسين : خويتك ماردت علي والا بس عطيتيني رقمها تسكيته ؟
مشاعل : لالا انا قلت لها ماترد عليك , لأني كنت نايمه عندها ومانبي نخرب السهره
حسين : آه يالبجيحه بعد تقوليها بوجهي المهم ماعلينا كانت عندي اخبار لك عن خوينا طلال
مشاعل : ايش قول ؟
حسين : مو انا اخرب السهرات ماراح اقول
مشاعل : حسينوه بتقول والا شلون
حسين : لا
مشاعل : عادي اصلاً خلاص الموضوع مايهمني
حسين : شلون ؟
مشاعل : اليوم انتقمت منه وماراح اقول لك شلون
حسين : احلفي
مشاعل : والله
حسين : ايش صار ؟ قولي لاتتغلين
مشاعل : اول قول اللي عندك
حسين : مو خلاص مايهمك ؟ والا عشش في القلب وبنا قصور ؟
مشاعل : والله انك سخيف اقول لك اكرهه تقول في القلب
حسين : مابعد كره الا محبه والا ؟
بس الولد يستاهل .. فلوس .. وشكل .. واسلوب .. ورجل ..
يعني صراحه مايعيبه شي , كامل والكامل وجه الله ... الا انه مايطيقك بس
مشاعل بنتباه وتركيز : ايش عرفك ؟
حسين : أبد امس سولفت انا وياه وحكى لي عنك
مشاعل : ايش قال ؟
حسين : قال انه مايطيقك وانه اذا طلع وشاف سيارتك يرجع للبيت وانك شينه مره وثقيله دم
مشاعل عصبت : من زينه هو عاد مصدق نفسه احسن اليوم سوّيت فيه حركه اسمع ايش
سويت وبدت تحكي له كل شي
حسين : هههههه , وربي انك مجنونه ياليتني كنت هناك اشوف , بس عموماً ترى
الكلام اللي قلت عنه كذب اصلاً الولد ماكلمني ولاأعرفه الا من بعيد امس رحت عنده مع
واحد من الشباب قلت بشوف بيته والله مشالله الولد كاش ومؤدب ومحترم غريبه يسوي
معك كذا
مشاعل : يالنصاب تكذب بعد كل هذا علشان تعرف السالفه يالملقوف , المهم قول لي ماصار
شي هناك ؟
حسين : لا عادي شباب ومجتمعين ايش الشي اللي ممكن يصير
مشاعل : يعني جو بنات شي
حسين : لالا الولد واضح عليه مو راعي هالحركات ابد , يمكن فيه وحده يحبها , بس
واضح الولد مو راعي ابد حركات الغزل والهبال , علشان كذا انا مستغرب
مشاعل : ايش عرفك ان فيه وحده يحبها ؟
حسين : هذا اللي همك ؟ اقول ترى سلمان يسأل عنك شكلك ساحبه عليه حرام عليك ترى
سلوم يحبك لا تصيري ثقيله عليه
مشاعل : ايش جاب طاري سلمان الحين انا اسألك عن طلال
حسين : ميشو ماتلاحظي انك مهتمه فيه بزياده تبين اجيب لك رقمه
مشاعل : الشرهه مو عليك الشرهه على اللي يسولف معاك
حسين : ادري انك ماتقدري تزعلي علي لأني سكرتيرك وماتقدري تستغني عن خدماتي الشبابيه
مشاعل : لاتصير واثق مره , اصلاً انا خلاص نويت اترك كل اللي اعرفهم خلاص مليت من
المكالمات
حسين : والله باين السناره غرزت , طحتي ياميشو ولا أحد سمى عليك , اقول انسي الولد
ترى والله مايصلح لك ابد
مشاعل : يوووه باي بس انت سخيف وتفسر الأمور على كيفك
حسين : اوكي باي باي بس بتدقين علي وانتي تعترفين بحبك له ادري
مشاعل : باي
,’,’,’,’,’,’,’,’,’,’,’,’,’,’,
مرت أيام الأسبوع عاديه من الجامعه للبيت ومشاكل ام سلطان اللي ماتخلص ومن البيت
للجامعه
مشاعل قلّت طلعاتها وبدت شوي تنتبه لدروسها لأن الإمتحانات قربت
دق موبايل مشاعل المتصل حسين
مشاعل : الو
حسين : هلا براعيه الألو
مشاعل : هلا والله كيفك
حسين : سلمان ماخلاني انام ولاارتاح بس قلقان عليك , ردي وريحيني منه
مشاعل : انا قلت له عندي اختبارات مايقدر ؟
حسين : المهم ماعلينا غريبه ماصرت اشوفك تدوري كثير ايش عندك ؟
مشاعل : مليت قلت آخذ فتره نقاهه ههههههه
حسين : نقاهه والا خايفه من بعض الناس ؟
مشاعل مو فاهمه قصده : بعض الناس ..؟
حسين : علينا , طلال , لو تشوفيه كل يوم بالعليا احس انه يدورك , والله شكله بيقتلك
مشاعل : من جدك انت , اخاف انا من هالأشكال اصلاً مايهز شعره مني
حسين : طيب اذا انتي مو خايفه اطلعي اليوم
مشاعل : واذا طلعت وهو مو موجود كذا ماراح استفيد لامذاكره ولا أثبت لك اني مو خايفه منه
حسين : لا تخافي سيارته قدامي معه واحد وشكلهم يدورون يرقمو يعني ماتوقع يرجعوا بدري
مشاعل : يرقموا مو انت تقول انه مو راعي هالحركات ؟
حسين : مدري يمكن فطرتي قلبه هههههه
مشاعل : اوكي انا طالعه بس خلك قريب منه علشان ماجلس ادور عليه
حسين : انتظرك ميشو لاتطولي
مشاعل : باي
ولبست مشاعل في ظرف 10 دقايق وطلعت من البيت
مشاعل بعد ماوصلت العليا والزحمه قالت ادق على حسين اشوف وينه
حسين : هاه وينك ؟
مشاعل: انا عند ستار بوكس العليا وينك انت ؟
حسين : انا ورا حبيب القلب
مشاعل : حبيب القلب بعينك , انت بأي شارع
مشاعل كانت متحمسه تبي تشوفه يمكن علشان تقهره بعد الحركه اللي سوتها فيه ويمكن شي
ثاني بس اللي تعرفه انها من آخر مره شافته فيها وهي ماتفكر الا فيه
حسين : الو الو وين رحتي
مشاعل : معاك , ايه وين قلت لي
حسين : تعالي تقاطع الثلاثين مع الضباب بسرعه
مشاعل : اوكي اذا وصلت دقيت
وقفت ميشو عند توتي كوفي وكان المكان مره زحمه كله سيارات وقالت ادق على حسين
اشوف وينه ورفعت الموبايل بتدق بس سمعت بوري سياره , التفتت لقت حسين يأشر لها ,
فتحت الشباك
حسين : هلا والله ايش عندك كل يوم تحلوين
مشاعل : ههههه ياملحك بس مين معاك
حسين : معاي واحد لازم تعرفي كل اخوياي , مو معقوله انتي ياميشو لهالدرجه تغاري علي
حتى من اصحابي ؟
مشاعل : انا اغار عليك انت , ليش خلصوا الشباب ؟
حسين : هههههه
مشاعل : ماودك ترد على موبايلك انا اتصل
حسين : ايه ايه مانتبهت , يالله ميشو حتى اتصال تتصلي علي مايكفيك اني قدامك خلاص
خنقتيني بهالحب
مشاعل : حسينوه ايش فيك اليوم صاير لعقلك شي , رد يادرج
رد على موبايله وقفل الشباك
حسين : ياغبيه طلال جنبك ويسمع كل شي , حبيت اقهره , لأنه مبين عليه متحمس يبي يسمع
مشاعل : احلف وينه
حسين : السياره اللي على يمينك بس مو الفراري طالع بسيارته الثانيه ترى مو مضلله بس
لا تلتفتي الحين علشان مايحس اننا نتكلم عنه
مشاعل : اوكي باي
قفلت واستنت شوي والتفتت
لقته يطالعها ارتبكت شوي من المشاعر اللي حستها جد كانت مشتاقه تشوفه حست نبضات
قلبها بدت تسرع حست قلبها بيطلع من صدرها نفسها تبتسم له وتقول خلنا ننسى اللي راح ...
بس المشكله هي ماتعجبه ويكرهها مو معقوله تذل نفسها له ,, واكيد بعد اللي سوت له
مستحيل يفكر فيها
رجعت طالعت لقته يحاسب عن الكوفي اللي طلبه له ولصاحبه
مشاعل : يالله , يابخت اللي يحبها , اكيد اسعد وحده بالدنيا , شلون ماتكون مبسوطه وفيه
كل معاني الرجوله .. لو انا حبيبته تكفيني بس عيونه , يابختها خويته
بعد مادفع الحساب طالع طلال مشاعل وأشر للفلبيني على سياره بنات كانت واقفه جنب طلال
والبنات كانوا كاشفين ويطالعوا طلال وخويه
انتظرت ميشو تبي تشوف ايش راح يصير , رجع الفلبيني لطلال وتكلم معاه , وابتسم
طلال للكلام اللي قاله الفلبيني واخذ موبايله طلال وكانه يتصل او يمكن يرسل رساله ,
لاحظت مشاعل ان وحده من البنات كانت تطالع موبايلها وكأنها تنتظر شي
مشاعل خافت ان اللي في بالها يكون صح ان طلال يرقم البنت
البنت اللي كانت بالسياره طالعت طلال وابتسمت وأشرت له انها خلاص وصلها الرقم
مشاعل"يعني كان يرسلها بالبلوتوث رقمه الحقير مسوي اخلاق طيب"
طالعته لقته يطالعها وهو ماسك ضحكته , فتحت شباكها وقالت له
مشاعل : الله لايعمينا اذا تبي ترقم اعرف مين تختار مو هالشينه اللي ماتعرف الحلا
طلال : يمكن تكون شينه , بس احلى منك . وابتسم
مشاعل : انت اصلاً مغرور وشايف نفسك وهذي الشينه كفوك صدق الطيور على اشكالها تقع
طلال : هههههه صادقه لأني ماوقعت عليك لأنك مو من اشكالي , بس اهنيك على خويك
باين عليه خروف تتحكمي فيه زي ماتبي
مشاعل تذكرت ان حسين موجود وتمنت ينقذ الموقف ماودها تدخل في مشاكل مع طلال
طلال : اسمعي يابنت الناس
مشاعل : خير
طلال : بليز اذا شفتيني تخيلي اني مو موجود وانا كمان نفس الشي , خلاص اخذتي بثارك
المره الي فاتت , وماتوقع بينا كلام , علشان كذا خلينا نتحاشى بعض احسن
اتفقنا
مشاعل حست بحزن ماتدري ايش سببه يمكن علشان يطلب منها انها تبتعد عنه , اشمعنا انا مايبيني , ليه
مشاعل : اتفقنا , بس مو اذا شفتني بمكان تتميلح عندي اوكي
طلال ابتسم ابتسامه استهتار ورفع حواجبه : ابشري ماراح اتميلح على قولتك , تبين شي ثاني ؟
مشاعل : ايه
طلال حس انه عطاها وجه : خير
مشاعل : لاترقم صاحباتي اوكي
طلال : وليش انا اي بنت برقمها لازم اسألها اذا تعرف مشاعل او لاء ؟
ايش عرفه بأسمي ... الحين تأكدت انه يعرفني قبل
مشاعل : كيف عرفت اسمي ؟
طلال : اللي يسأل مايتوه .. وانتي اشهر من نار على علم
مشاعل : ايش قصدك مشهوره ؟
طلال : انتي اعرف بنفسك .. اسمعي مشاعل انا مو فاضي لسوالفك خلاص مثل ماتفقنا
مشاعل : اوكي لي الشرف اني اتجاهلك , واصلاً ماراح اطلع الأيام هذي ارتاح عندي اختبارات
كانت تبي تتكلم معاه بأي موضوع يمكن تخف حدة التوتر الي بينهم
طلال : الله يوفقك .. مع السلامه
مشاعل : باي
ابتعد طلال بسيارته البنتلي وهي تطالعه
مشاعل" يالله ليش انا حريصه عليه ابي اطلعه من راسي مو قادره"
حسين كان يدق ويدق , التفتت جنبها لقته واقف بسيارته معصب ويأشر على موبايله
ردت عليه وهي متضايقه
حسين : خلاص اذا هو جنبك تصفطيني على جنب ؟
مشاعل : خلاص اصلاً اتفقنا اننا مانكلم بعض وكل واحد يتحاشى الثاني
حسين : وليش تقوليها بمراره
مشاعل : حسين
حسين : هلا
مشاعل : احس اني مقدر اشوفه يرقم بنات . مقدر اسمعه يكلم اي بنت , احس الغيره بتذبحني
مقدر اشوفه ومااكلمه ... مقدر اشوفه وماحط عيني بعينه
حسين : يالله كل هذا وانا مدري , كل هالمشاعر ماطلعتيها الا لهذا , والله الا منتي لاقيه منه ريق حلو
مشاعل : حسين الله يخليك اوقف معاي
حسين : والله ياميشو ماتوقعت انك رومانسيه لهالدرجه
مشاعل : حسين قول له اني ابيه بليز
حسين : وكرامتك يالمجنونه
مشاعل : حسين شسوي طيب جيب لي رقمه وانت ماعليك
حسين : مشاعل فكري زين بالموضوع لاتتسرعي يمكن يردك وهذيك الساعه بتكرهي نفسك
مشاعل : تتوقع يرفضني ؟
حسين : لا انا متأكد
مشاعل : ايش اللي يخليك متاكد ؟
حسين : نظراته لك وكلامه معاك.. لو يبيك كان رقمك اول مره شافك فيها
مشاعل : حسين يمكن هو يعرفني لأنه يعرف اسمي
حسين : اذا هو يعرفك انا أبصم لك على المليون انه ماراح يتعرف عليك
مشاعل : ليش انشالله
حسين : ببساطه بيعرف انك مغزلجيه واكيد ماراح يدخل نفسه في متاهات مع وحده تعرف
غيره 10000000 واحد
مشاعل : حسين حرام عليك انا مو كذا
حسين : اجل انتي ايش ؟ ماتكلمي ؟ ماتعرفتي على نص الشباب الي يدوروا اذا ماكنوا كلهم
تتوقعي يكلمك ليه علشان انتي حلوه ؟ فيه غيرك حلوات .. علشان اسلوبك معاه ؟ انتي
شفتي شلون تعامليه .. بالله قولي لي ليش يكلمك ؟
مشاعل تتكلم وصوتها مبحوح كانت العبره تخنق صوتها : حسين , بعدين اكلمك
وغطت وجهها بالطرحه وهذي اول مره تسويها ماكانت تبي حسين يشوف دموعها
وقتها عرف حسين انها كانت جاده بكلامها وانه اكيد جرحها بس حسين يحب مشاعل كصديقه
ولازم يصارحها ماوده يكذب عليها
,’,’,’,’,’,’,’,’,’,’,’,’,’,

[●● شيخة ♥ الغــيد ●●]

وصلت البيت وهي شبه منهاره تفكر ايش اللي خلاها تكلم شباب وتتعرف على هذا وذاك
يمكن وضعها في البيت او يمكن تبي تحس انها مرغوبه , وفيه شباب يتمنوها ... طيب كانت
حياتها ماشيه بشكل حلو لحد ماطلع طلال ,, اشمعنا طلال ,, يمكن علشان هو غير الشباب ,,
ماكانت تهمه او تحرك فيه شي ... يمكن... ليش ماتعتبره مثل اي واحد ,, لأنه حسسها انها
ولاشي وهذي اول مره تحس بهالإحساس ,, اكيد هذا السبب اللي خلاها تتعلق فيه ,, بس مجرد
ماتتعرف عليه اكيد راح يكون مثله مثل غيره
,’,’,’,’,’,’,’,’,’,’,’,’,’,’,’,’,’,’,’,’,’,’,
في سيارة طلال
عبدالله : اقول شفت خوي مشاعل
طلال : ايه ايش فيه
عبدالله : ماعرفته
طلال : لا
عبدالله : هذا اللي سألتك عنه بالمجلس
طلال باستغراب : كان عندي بالمجلس
عبدالله : ايه شلون مانتبهت له ,,, قلت لك ان فيه ناس يجوك وانت ماتدري عنهم ,, شكله هو
اللي عطاها معلومات عنك ,, لما اقول لك لاتدخل مجلسك ناس ماتعرفهم تسمع كلامي
طلال : صادق والله ... بس غريبه شلون دخل مجلسي اكيد يعرف احد من العيال
عبدالله : ايه شكله يعرف أبو خليل لأني شفته يسولف معاه
طلال : ماعلينا خله يقول لها اي شي انا مو خايف من شي ,,, بعدين خلاص انا حددت موقفي
معاها وماظنها بتضايقني او تفكر فيني حتى
عبدالله : أشك ,,, انت ماشفت لما رقمت البنات كيف كانت بتاكلك بعيونها ,,, تدري لو انا
ماأعرف شخصيتها كويس ,,, كان قلت انها تحبك
طلال : ههههههه حب مره وحده والله كلمة الحب اشوفها سهله على لسانك
عبدالله : لو انت شفتها كان قلت اكبر من هالكلمه
طلال : يمكن تكون انقهرت لأني مارقمتها وهي متعوده انها تترقم دايما علشان كذا حست بالغيره
من البنات بس حب ماتوصل ابد
عبدالله : بصراحه البنت هذي احس حتى ابوها ماتحبه
طلال : بعكسي احس عندها مشاعر ماتملكها اي انثى ,, بس محتاجه من يفجرها
عبدالله يتكلم بخوف : ومن اللي بيفجرها لايكون انت بس ..؟
طلال ضحك على خويه اللي خاف : يمكن ليش لا هههههه
عبدالله : اقول بس خلك بعيد عن الشر وغني له
طلال : تدري من كثر ماتهاجموها بديت ارحمها
عبدالله : اقول ترى طاريها يحسسني بالاشمئزاز غير السالفه تكفى
طلال : احلى يااشمئزاز , ليش حامل ؟
عبدالله : هههههه , ايش دخل الحمل يالدلخ
طلال : مدري عنك ,, تدري ابو عابد حسيت في عيونها كلام كان ودي اسمع ايش تبي تقول
عبدالله : طلال ,, انت اللي عندك كلام تبي تقوله ,,, قول وخلصني ,, تبيها ؟
طلال : مجنون انت ,, ولا افكر حتى ,, اول شي انا مشغول بالمؤسسه ,, وبعدين مع امي واخواتي
اللي مو قادرين يتأقلمون هنا ,, تعرف احنا عايشين برا وتعودنا على بيتنا هناك والبيئه والناس
هناك غير هنا يمكن انا قدرت اتأقلم لأني أجي هنا كثير علشان المؤسسه بس هم لسى ,, وبعدين
لو فكرت احب مستحيل احب البنت هذي لسببين اول شي انا مااثق فيها ,,
ثانيا مستحيل اخون غسان
عبدالله : بس غسان انتهت العلاقه بينهم من زمان
طلال : ادري بس كانت خويته بيوم من الأيام
عبدالله : افهم من كلامك انك كنت مفكر بالموضوع
طلال : اممم يمكن لو كانت الظروف غير يمكن ,, بس في هالأوضاع مستحيل
عبدالله : الحمدلله انه مستحيل ,, مدري ليش البنت هذي عندها سحر اي واحد يشوفها يحبها
طلال : المشكله ياعبودي المظاهر دايما خداعه
عبدالله : ماعلينا البنات اللي شفناهم هاه رقمتهم
طلال : هههههه ايه ارسلت لهم الرقم ناقص
عبدالله : مجنون ليش ؟
طلال : انت عارف اني ماحب ارقم بس كنت ابي اقهر مشاعل ,,, بشوف ايش راح تسوي
عبدالله : وتقوم تنقص رقم كان عطيتهم رقمي انا ياشيخ
طلال : مره ثانيه انشالله اذا شفت مشاعل اعطيهم رقمك
عبدالله : وليش انت ماترقم الا اذا شفتها
طلال : تدري عبودي احب نظرتها لما تشوفني ارقم غيرها
عبدالله : الله يستر شكلك بتقلب غسان الثاني
طلال : لاتقارني بغسان ,, يمكن غسان ماعرف شلون يوصل لقلبها
عبدالله : وانت ناوي توصل انشالله
طلال : قلت لك البنت ماتصلح لي بس مومعنى كلامي اني ماقدر اوصل لقلبها
عبدالله : مصدقك انك تقدر بس الله يخليك فكنا من المشاكل اخاف بعدين هي اللي توصل لقلبك
طلال : هههههههههه تبطي
ورفعوا على صوت الأغاني وكملوا مشوارهم
,’,’,’,’,’,’,’,’,’,’,’,’,’,’,’,’,’,’,’,’,

[القيصر]

شو اقول بعد

السالفة تحولت من انتقام الى شفقة وحب

قصة غريبة


تسسسسسسسسسسسسلمين اختي ششيخة

احلى عيدية

ودمتِ بود

[AZالرهيبAZ]

ههههههههههههه القصه تحـــولــت 180 درجــة

بس الاثاره والتشويق تزيد وتزيد...

يسلمو على هالعيديه

ونتريا الاجزاء اليايه

دمتي بود

[●● شيخة ♥ الغــيد ●●]

انتوا تامروون امر
وهذي هي الاجزاء الباقيه ..

جاري التنزيل

/

/

/

[●● شيخة ♥ الغــيد ●●]

الجزء الخامس
,’,’,’,’,’,’,’,’,’,’,’,’,’
مشاعل بدت تحس احاسيس غريبه اول مره تحس فيها تجاه اي شخص ,, تعرفت على شباب
كثير ارتاحت لبعضهم ,, والبعض كرهتهم ,, يمكن بعضهم حبوها بصدق ,, واكيد البعض كانوا
يكذبوا عليها ,, من ناحيتها ما كانت تعتبر المكالمات غير تسليه وتضيع وقت ومايهمها اذا
فيه شخص يحبها وهي تخدعه ,, المهم انها تتسلى ,, وماهمها ايش تترك من أثر في حياة الشاب
اللي تكلمه ,, بس بعد ماطلع طلال بحياتها ,, حست بأحاسيس مشوشه ماتعرف هي حقد
والاتملك
يمكن علشان ماحسسها انه يبيها وهذي اول مره واحد يطنشها ,, حست المفروض تتملكه ,, بس
الكلام اللي قالته لحسين مايدل الا على (حب)
مشاعل" انا لازم ماأشغل نفسي به ,, اهم ماعندي الحين أني أركز على دراستي مابي احمل
مواد لأن ورانا سفره وماأبي ابوي يحرمني منها ,, اما موضوع طلال راح اخليه للأيام ,, وهي كفيله
انها تنسيني واحد اسمه طلال "
اول ماقالت هالكلمه حست ألم في قلبها ,, هنا طرا على بال مشاعل ألف سؤال وسؤال ليش
لما افكر اني انساه احس اني مقدر ,, نزلت دمعه من عينها ,, كانت خايفه من اللي يصير لها
خافت من تطور مشاعرها بهالسرعه
فتحت المسجل يمكن تقدر تنسى طلال ,,, اشتغلت اغنيه اليسا (حكايتي معاك ) طرى على
بالها طلال وبدت انغام الموسيقى تملى الغرفه وحست بالحنين والشوق لطلال مع انغام هالأغنيه
الرومنسيه وبدت اليسا تغني ,, بس مشاعل حست انها هي اللي تغني لطلال لأنها حست
الكلمات كأنها تطلع من قلبها
((في اول الحكايات حكايتي معاك ,, بقى لي زمان واخدني هواك ,, وجوى في قلبي ليك ايام مابتتنسيش ))
تذكرت اول مره شافت طلال وش الأحاسيس اللي حست فيها صح انها كانت مجرد اعجاب بس
شلون الحين بدت تتطور وهم مابينهم شي شلون لو صار شي ايش راح يصير لها
((وآخر الحكايات حكايتي معاك خلاص حبيت وانا اتحبيت وعايشه معاك كأني اول مره اعيش ))
تخيلت نفسها في الزفه تنزف في يوم عرسها على طلال
يالله قديش هالأحساس حلو ان طلال يكون لها لوحدها وهي له وماتفكر ابد بغيره يكون فارسها
وهي انشالله تكون جاريته المهم تكون معاه
غمضت عيونها وهي تستمتع بنغمات الموسيقى وقطع عليها صوت الباب
مشاعل : مين
الخدامه : مدام يور موبايل
مشاعل : مشاعل تذكرت انها لما رجعت من برا تذكرت انها نست موبايلها تحت بالصاله
فتحت لها الباب واخذت الموبايل ,, شافت الإتصالات ومن بينها رقم اخوها مشعل ,,
غريبه مشعل أيش يبي بهالوقت ,, اتصل عليه
مشاعل : الو
مشعل : هلا ميشو
مشاعل : هلا والله ,, و أخيراً تذكرت ان عندك اخت
مشعل : لا انا كنت فاقد الذاكره ,, المهم تعالي الحين الحقيني
مشاعل وبان الخوف في صوتها : مشعل ليش ايش صار خالتي فيها شي ؟
مشعل : خالتك ,, لاحبيبتي انا اللي فيني ,, خالتك بتذبحني تعالي بسرعه
مشاعل : هههههه اوكي جايه ,, الله يعنين على مشاكلكم ,, مدري بدوني شلون تمشون حياتكم
مشعل : عن الهذره تعالي بس
مشاعل : يله جايه باي
مشعل : باي
نزلت مشاعل من غرفتها لقت بالصاله ام سلطان جالسه لوحدها ,, غريبه مو طالعه اليوم
الأربعاء ومو من عادتها تجلس بالبيت لأنها كل أربعاء تروح لأهلها
مشاعل : السلام عليكم
ام سلطان : ......
مشاعل : عليكم السلام
ام سلطان : .........
مشاعل : ترى رد السلام واجب ,, بس علشان اعلمك ,, بس براحتك اذا ماتبي تردي
ام سلطان : غريبه نزلتي من قوقعتك ,, اكيد بتطلعي ,, لأنك يابرا يابغرفتك
مشاعل : لا بروح للناس اللي يحبوني وانا احبهم
ام سلطان تطالع مشاعل بحقد : كفوك
مشاعل : تصدقين اشتقت لخالتي ام مشعل ,, اليوم اللي ماأشوفها فيه مااعده من عمري
ام سلطان: الله يقصر عمرك انتي وياها انشالله
مشاعل : انتي قبلنا انشالله , بعدين تعالي ليش مارحتي لأهلك ,, ههههه ولامايبونك
ام سلطان : تخسين ,, ومالك شغل اروح والا ماروح
مشاعل : لا قلت اذا تبين احد يونسك ,, ممكن انادي الخدامات يسولفوا معك لأني مايشرفني اسولف معاك
ام سلطان : وانا بعد مايشرفني ,, لأني ماأحب اسولف مع بنات منحرفات
مشاعل عصبت منها ايش قصدها بمنحرفه بس سوت نفسها انها مو مهمته : طيب يامؤدبه ياام وجهين باي
ام سلطان : الله لايسلم منك مغز أبره
مشاعل : ايه ام سوسو نسيت اقول لك تبين اقول لخالتي حبيبتي ام مشعل شي ,, يعني انك
مثلا تكرهيها ,, او تغاري منها ,,, لأن الناس يحبوها اكثر منك
ههههه تصدقين اني ارحمك احيانا ,, فيه ناس يعزموا ام مشعل وانتي لا تدري ليه ,,
لأن محد يحبك ههههه
ام سلطان : صدقيني مايهموني هالناس لأنهم مو من مستواي
مشاعل : ههههه مو من مستواك حلوه هذي ,, ليش انتي نسيتي نفسك قبل تتزوجي ابوي ,,
كنت حافيه منتفه ,, وابوي اللي رزك
ام سلطان : تخسين ,, انا من يومي وانا معززه مكرمه في بيت اهلي
مشاعل : ههههه ,, لاتكذبي علي انا عارفتك زين وفاهمتك اكثر من نفسك ,, يالله بس خالتي ام
مشعل بنت ناس ومو مشفوحه مثلك ,, ماشالله متعوده على العز قبل ما تتزوج ابوي
ام سلطان انقهرت وحقدت على مشاعل اللي دايما تذكرها بعيشتها ببيت اهلها وتعايرها بفقرها:
هذا انتي بنت العز وماتربيتي ,, ايش فادتك فلوسك
مشاعل : اذا تعتبريني ماتربيت فإنتي ماتسبيني تسبي ابوي ,, وماودك يدخل ويسمع كلامك
ام سلطان : تهدديني ,, تدري لو ابوك سمع كلامك لي صدقيني ماراح يصير لك خير
مشاعل : تدري يله بس انا بروح لحبيبتي ام مشعل ,, بصراحه ماأبي اضيع دقيقه من عمري معك
وطلعت ماخلت ام سلطان حتى ترد ..
كان بيت ام مشعل وبيت ام سلطان فلتين بجنب بعض مايفصل بينهم شي وكانت ميشو لما تبي
تروح لبيت ام مشعل مايحتاج تلبس عبايه لأن مافيه احد برا الا السواقين وهي مو متعوده تتغطى
عن السواقين
دخلت مشاعل بيت ام مشعل وسمعت صراخ مشعل
مشاعل : السلام عليكم
ام مشعل ومشعل : عليكم السلام
مشاعل : شفيكم اصواتكم واصله آخر الشارع
مشعل : الحقيني ميشو محد يقدر يساعدني الا انتي
مشاعل : ايش صاير
مشعل : امي تبي تزوجني
مشاعل : ههههه بس والله قلت لايكون احد مات بس
مشعل : ايه امي تبي تموت العزوبيه ,, وهذا مايكفيك
مشاعل : ههههه ,, مشعل لاتبالغ
ام مشعل : قولي له ذبحني ,, اللي بعمره تزوجوا وجابوا عيال ,, مشعل ابي اشوف عيالك قبل
اموت
مشاعل: الله يطول عمرك انشالله وتشوفي عيال عياله
مشعل : يمه ايش عرفك يمكن اكون عقيم
ام مشعل: اعوذ بالله فال الله ولافالك
مشاعل : طيب مشعل انا عندي لك حل
مشعل : تكفين الحقيني به
مشاعل : تزوج زواج مسيار هههههه
,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

أم مشعل: مشاعل انهبلتي ,, لاتحطين الفكره براسه ,, وش مسياره ,, نبيه يعرس عرس
المسلمين
مشاعل : هههههه ,, هذا الحل اللي يرضي كل الأطراف
مشعل : والله ماعندي مانع ,, بس انتي اللي تخطبين لي
مشاعل : هههههه ,, لا والله تفشلني بعد مابقى الا هذي اخوي يتزوج مسيار ,, طيب مشعل
خلني ادور لك ع بنت الحلال واذا ماعجبتك خلاص لاتتزوج ,, ايش قلت
مشعل : اوكي تخيلوا اني شفتها وماعجبتني ... خلاص انتهت المشكله
ام مشعل : مشيعل ,, انت في بالك بنت قول لي وانا اخطبها لك ,, ان كانت بنت ناس ومتربيه
ماعندي مانع
مشعل: ايه يمه ودي اتزوج وحده رقاصه ,, واذا ماخطبتوها لي ماراح اتزوج
مشاعل : هههههه مين لاتكون فيفي عبده
ام مشعل : هو حرمه واسمها فيصل
مشاعل ومشعل استغربوا ايش جاب طاري فيصل
مشاعل : يمه ايش دخل فيصل في فيفي عبده
ام مشعل : مو فيفي دلع فيصل ,, انتي تنادين اخوك فيصل فيفي
مشاعل ومشعل : ههههههه
مشعل : لايمه هذي فيفي عبده وحده مزيونه يمه وترقص عند الرجاجيل الله لايخزينا ,, بس يمه
تراها عجيز تصلح لك ,, يمكن تعلمك الرقص ,, تصيرين ترقصين عند ابوي ,, وتدلعينه
مشاعل : ههههههه ,, لالا مقدر اتخيل خالتي ترقص
مشعل : ههههههه, لا وتخيلها تهز خصرها بالشيله اللي لابستها
مشاعل : هههههههه
ام مشعل : وجعن يوجعكم ,, انهبلت ارقص انا عقب هالعمر
مشعل : اي عمر توك شباب ,,, انا لو القى وحده ربع جمالك لاتزوج على طول
مشاعل : ايه خالتي ماشالله عليك ,, بس ناقصه شويه ميك اب ,, ايش رايك نروح للصالون
اليوم ,, والله لأخلي ابوي يسعبل لما يشوفك
ام مشعل ابتسمت بخجل : انهبلتي انتي مير يامشاعل ,, الحين احنا نتكلم عن مشعل ,, وقلبتوا
السالفه علي
مشاعل تبي تنقذ مشعل : هاه خالتي ترا بكره بحجز لك ,, ونروح انا وياك ومنها ابوي عندك بكره ,,
خليه ينهبل
ام مشعل من الحيا ماقدرت قامت : الشرهه مو عليكم ,, على اللي يجلس معكم
مشاعل ومشعل : هههههه
مشاعل : مشعل ,, انا حبيت اصرف خالتي ابي اكلمك بجديه شوي
مشعل : احلى ياجديه
مشاعل : مشعل لاتاخذ الأمور كلها مزح ,, مشعل انت كبرت ولازم تتزوج ,, مشعل لازم تستقر
مشعل : يالله ميشو ,, جتنا امي الثانيه
مشاعل :صدقني لو احنا مانحبك ماكان اهتمينا اذا تزوجت ولا لا
مشعل : مشكورين بس انا مرتاح كذا
مشاعل : طيب اسمع انا عارفه انك خايف من خالتي تخطب لك وحده شينه وتتوهق ,, شرايك
تخلي هالموضوع علي , انا ادور لك وحده فيها كل المواصفات الي تبيها ,, ايش قلت
مشعل : لالا فكينا صاحباتك بزرات انا ابي وحده اصغر مني ب5 سنوات اقصى حد مابي
بزر اربيها من جديد
مشاعل : مشيعل ايش قصدك انا بزر
مشعل : يعني
مشاعل : طيب مشكور بس لاتخاف ماراح ازعل ,, بخلي الزعل بعدين لما توافق
مشعل : طيب اسمعي انا موافق تخطبين لي بس بشرط
مشاعل : اشرط وتدلل
مشعل : يؤؤؤ لهالدرجه متحمسه ,, والله شكلك تبي تفتكين مني
مشاعل : اووف أخيراً فهمت هههههه
مشعل : هههههه طيب شكراً
مشاعل : ماقلت ايش الشرط
مشعل : ماتخطبين لي لحد ماشوف صوره البنت ,, مابي اروح اخطبها بعدين اشوفها
وماتعجبني ,, بعدين تتحطم البنت
مشاعل : والله الثقه ايش عرفك يمكن انت ماتعجبها
مشعل : لا حبيبتي واثق الخطوة يمشي ملكاً
مشاعل : ههههه طيب ياملك ,, خلاص الأسبوع هذا انشالله تكون عندك الصور
مشعل : صور ؟ انا قلت ابي وحده ماقلت ابي 4
مشاعل : يمكن لما تشوف البنات تغير رايك وتطق لك 4 مره وحده ههههههه
مشعل : والله مو شينه
مشاعل : ههههههه
مشعل : بس زي ماقلت لك ابي وحده ما تقل عن 25
مشاعل : انشالله اوامر ثانيه
مشعل : لا الشكل مايهم ,, اهم شي تكون دينه ,, وبنت ناس ومتربيه ,, اممم بس مو تجبين لي
وحده مقشع
مشاعل : يعني ماتثق في ذوقي ؟
مشعل : بصراحه لا
مشاعل : مشعلوه ترى خذت وجه تلاحظ
مشعل : لاوالله هذا وجهي من زمان ,, لاتتبلين
مشاعل : هههههه
مشعل : ههههههههه
دخل سعود
سعود : ايش عندكم تضحكون
مشعل : ياخي سلم اول
سعود : السلام عليكم
مشاعل : عليكم السلام
مشعل : عليكم السلام
مشاعل : سعود بارك لمشعل بيتزوج
سعود والفرحه شقت وجهه : لوووليش ,, الف الف مبروك بتطس من وجهي وتفتح لي المجال اخيراً
مشاعل : ههههه لابس عنده شروط ,, ادع ربك اننا نلقى له وحده تنفع له والا قول ياسعود على الهنوف السلام هههههه
سعود : فاله الله ولافالك ,, ايش المواصفات اللي تبيها طال عمرك علشان اقول الهنوف تدور لك
مشعل : لا شكراً انا عندي سكرتيرتي ميشو ,, بصراحه ماأثق في خويتك
سعود : مالت عليك لك الشرف انها تدور لك ,, بس ماتستاهل
مشعل : عاد شوف انا قلت لميشو دوروا على أقل من مهلكم ,, ايش ورانا
سعود : لاااا ميشو يرحم والديك ,, عجلي ,,, ترى الهنوف ذبحتني كل يوم واحد جاي يخطبها
وتهددني اذا ماجيت بتتزوج ,, تكفين خلصينا من هالدب ,, تراه واقف لي مثل العظم بالبلعوم
مشاعل : ههههه وانا اقول ليش صوتك متغير هاليومين من هالعظم الي ناشب
سعود : هاهاها بايخه
مشاعل : ياعمري يامشعل ,, احسك شخص غير مرغوب فيه
مشعل : الشكوى لله تجي انشالله ام سامي وتدلعني
مشاعل وسعود صرخوا صرخه وحده : ساااامي
مشعل : بسم الله ايش فيكم ايه سامي ,, ولدي انشالله بسميه سامي ,, اذا مو عاجبكم الأسم
خلاص هونا من العرس
مشاعل : ايه هون احسن لك ,, اصلاً استحي اقول ولد اخوي اسمه سامي
سعود : لالا يرحم والديك خليه يسميه ياشيخه مو سامي انشالله جربان بس يخلصنا يتزوج
مشعل : ايش قصدك تبي الناس ينادوني يابو جربان
مشاعل : ههههههه , تصدق لايق عليك , خاصة هالحبوب اللي طلعت بوجهك ,, شكلها حبوب
شياب لأن ماتوقع حبوب الشباب تطلع فيك شيبت عليها ههههههه
مشعل : ايه والله ميشو مدري شفيني طالع لي حبوب هالأيام ,,, لازم اعالج أخاف ام سامي
ترفضني اذا شافتها
سعود : هي بس على الحبوب ,, الله يستر ماتردك بس ,, ميشو دوري له وحده عمياء يمكن
ترضى فيه
مشعل : ماتدري ان العمياء احاسيسها تكون اقوى لأنها تعوض عن حاسه البصر يعني مثلاً حاسه
الشم تكون أقوى
وأخاف تشم ريحتي ترفضني
سعود : لاتخاف اذا رحت تشوفها انا اللي بحممك
مشاعل ومشعل : ههههههههه
,’,’,’,’,’,’,’,’,’,’,’,’,’,’,’,’,’,

[القيصر]

ههههههههههههههههههههههه

سوالف

بس مشاعل خلاص لقت فارس احلامها خخخخخ


تسسسسسلمين ع الأجزاء وماتقصرين اختي شيخة الغيد

وفي انتظار االجزء التالي

[لاتكدرمزاجي]

لوووول

حلوه القصه

نتريا الباقي

[●● شيخة ♥ الغــيد ●●]

انا اعرف ان البنات يحبن يقرن القصص
هب الشباب
ع العموم مشكورين على المتابعه
وانشاء الله اليوم بنزل اللي اقدر عليه
ولكم تحيتي ,,

[●● شيخة ♥ الغــيد ●●]

يوم السبت كانت واعده اخوانها تمشيهم ,, وطلعت معاهم ,, ومشتهم وودتهم للملاهي وعشتهم
ورجعتهم للبيت كانت الساعه وقتها 11
في الصاله كانت ام سلطان جالسه
ام سلطان : خير انشالله مرجعه عيالي 11 ماتدرين انهم عندهم مدارس والا تحسبين عيالي
ماوراهم احد مثلك لاحسيب ولارقيب ,, ترى انا عايشه ما مت اذا مت سوي اللي تبين ,, والا
خلاص امك ماتت تحسبين الناس مثلك ؟
مشاعل تذكرت امها وحست شلون هي وحيده بدونها ,, صح ان علاقتها بام سلطان مو حلوه
بس جرحها ان ام سلطان تعايرها بموت امها
طلعت غرفتها وهي تبكي
توضت وصلت ودعت من قلبها على ام سلطان ودعت لامها ان الله يغفر لها ويسكنها الجنه
حست بوحده ماحست فيها قبل ,, "ياليتك يمه معاي ,, يمه انا محتاجه لك ,, صح ان ام مشعل
ماتقصر معاي بس محد يقدر يعوضني عنك ,, الله يغفر لك"
,’,’,’,’,’,’,’,’,’,’,’,’,’,’,’,’,
الإختبارات مابقى عليها الا 3 اسابيع وتنتهي سنه من الدراسه
مشاعل كانت في المستوى الرابع يعني كذا تكون قطعت نص المشوار مابقى الا اربع مستويات
وتفتك من هالجامعه ,, واكيد ماراح تشتغل ,, ابوها ماهو مقصر عليها ,, بس هي هوايتها الرسم
كانت تفكر تدخل في معارض ,, وتعرض لوحاتها ,, نفسها تكون رسامه مشهوره ,, كانت الفن يجري
بدمها ,, حتى ان ابوها مصمم لها غرفه بالبيت خاصه للرسم ,, ووقت الفراغ تروح ترسم
كانت جالسه بغرفتها تتصفح مجله فواصل ,, دق موبايلها
مشاعل : الو
ساره : اهلين
مشاعل : هلا حبيبتي سارونه كيفك ؟
ساره: تمام انتي كيفك ؟
مشاعل : تمام
ساره : وينك اليوم بالجامعه دورتك قالوا انك طلعتي وموبايلك كان مقفل اكيد متمشكله مع سلمان ع شان كذا
مقفله موبايلك
مشاعل : هههههه , قديمه انتي اي سلمان
ساره : يالله والله انك نذله ,, تعرفتي على احد وماقلتي لي
مشاعل : لالا ماتعرفت لاتخافي ,, اصلاً الأيام هذي مالي خلق اكلم احد لاسلمان ولاغيره
ساره: ليه مشاعل فيه شي ؟ صار لك شي بالبيت ؟
مشاعل : لا والله ماصار شي .. بس بيني وبينك مليت من المكالمات .. وبعدين الإختبارت جايه
ساره : علينا الاختبارات ؟ قولي بس ايش فيك ؟
مشاعل : والله ياسارونه مدري احس مانبسط لما اكلم ,, مو زي اول , احس اطفش بسرعه,,
يمكن مليت من اللي عندي
ساره : طيب ايش رايك نطلع اليوم نغير جو من زمان ماطلعنا ,, مسويه انتي هالأيام دافوره
مشاعل : ههههههه ,, اي دافوره ,, انا خايفه احمل ماده ,, والله ان يذبحني ابوي
ساره: لا انشالله ماينخاف عليك ماشالله
مشاعل: الله يسمع منك
ساره: قلبي اليوم بطلع انا وحنان ,, شرايك تطلعي معانا ؟
مشاعل : وين بتروحوا ؟
ساره : والله مدري ,, تعالي معانا غيري جو البيت ميشو بليز لاترديني
مشاعل: متى راح تطلعوا ؟
ساره: تقريبا 7 ,, خلاص ميشو انتي موافقه,, بمرك 6ونص باي
مشاعل : اسمعي ط..
طوط طوط طوط
مشاعل"الوصخه قفلت بوجهي"
رجعت دقت عليها لقتها مقفله موبايلها
مشاعل" يله خليني اغير جو البيت شوي لي فتره ماطلعت"
نزلت مشاعل لغرفه الرسم تحاول تضيع وقت لما تمرها ساره
من طبعها مشاعل لما ترسم تحب تشغل موسيقى هاديه وتبدا ترسم احتارت ايش ترسم
شغلت الأغنيه اللي تحبها واللي تذكرها بطلال
فكرت ليش ماارسم طلال صحيح اني ماتذكر ملامحه بدقه بس بحاول وبدت ترسم وترسم
وهي حاسه بالحنين له صورته قدامها والأغنيه اللي تحبها تجمعت الدموع بعينها وقفت رسم
وجلست على اقرب كرسي وغمضت عيونها تخيلت كيف بتكون حياتها مع طلال لو تزوجوا
تخيلت ان عندها 4 توائم من طلال تخيلت مشهد
مشاعل : يالله طلال اولادك ذبحوني ... يعني انا امهم وانت مو ابوهم .. شيل واحد معاي
طلال : لا حبيبتي انتي امهم ,, انتي اللي لازم تشيليهم ,, انا مسؤول بس عن اكلهم ,, والا
نسيتي اني الرجال
مشاعل : انت اناني
طلال : وانتي طماعه ,, تبيني اخذ اكثر من دور بالحياه ,, دور الام والاب
مشاعل : اوووووووه طلال الحليب خلص روح جيب حليب
طلال : ارسلي السواق انا اطالع مباراه
مشاعل : يوووووه انت زوجي والا السواق
طلال : السواق زوجك هاه .. انا اوريك
ولحقها وهي تركض في البيت ... دخلت غرفتها وسكرت الباب وصار يضرب الباب
وفجأه قامت من احلام اليقظه الي كانت عايشه فيها على صوت طق خفيف ع الباب
مشاعل : مين
فيصل : انا ميشو افتحي شوفي سلطان ضربني
,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مرتها ساره الساعه 7
نزلت مشاعل ولما طلعت تفاجأت ان السياره مو سياره ساره كانوا طالعين بسياره حنان
مشاعل : السلام عليكم
حنان وساره : عليكم السلام
ساره : ميشو ايش هالورقه اللي معاك
مشاعل : ماراح اخليك تشوفيها هنا بالسياره ,, خلونا ننزل اي كوفي نجلس فيه واخليك تشوفيها
حنان : لا بنات خلونا ندور
مشاعل : بنات والله مصدعه مالي خلق ادور ,, خلونا نروح كوفي وبعد صلاة العشاء ادق على
سواقي يمرني وانتوا اطلعوا تمشوا
حنان : اوكي صادقه اصلاً المغرب ماتكون الشوارع زحمه ,, طيب وين تبوا نروح اي كوفي
مشاعل : ايش رايكم في تي قاردن
ساره : يله اي مكان متحمسه ابي اشوف اللي معاك .. طيب قربي لي ايش فيها
مشاعل : بلا لقافه ,, بس انا متأكده انك بتنصدمي
ووصلوا الكوفي ونزلوا
ساره : يله جلسنا عطيني اللي معاك بسرعه مقدر استنى
مشاعل : لا اول خلينا نطلب
حنان : يوووه ميشو بلا دلع
مشاعل : هههههه طيب طيب لا تاكلوني
فتحت مشاعل الورقه اللي معاها كانت كبيره ومطويه ورابطتها بشريطه بينك ,, فكت الشريطه
وعلى طول طاحت الرسمه
حنان وساره : الللللله
حنان : من هالحلو ,, لايكون اخوك ؟
ساره منصدمه : طلال
مشاعل : هاه شرايك ؟ نفس شكله ؟
ساره : بصراحه احس انه قدامي
حنان : تكلموا مين طلال ؟ اخوك ميشو ؟
مشاعل : امممم يعني
حنان : شلون يعني يااخوك والا لا
مشاعل : يعني واحد يقرب لي
حنان : يالله مره يجنن
ساره : اذكري الله
حنان : ماشالله بس ميشو احسه كانه ممثل اجنبي
مشاعل : ايه هو صناعه اسبانيه تركيب سعودي هههههه
ساره وحنان : ههههههه
ساره : شلون رسمتيه ؟ عندك صورته ؟
مشاعل : لا بس انتي عارفتني شاطره بالرسم بالذاكره .. يعني حاولت اتذكر شكله ,, وهذا الي
طلع معاي
ساره : ميشو لازم تشوفها الدكتوره بالجامعه والله على طول بتنجحك
مشاعل :ههههههه .. علشان رسمتي والا اللي جوا الرسمه
ساره : بصراحه كلهم هههههه
حنان : اقول متزوج ؟
مشاعل عصبت : خير ايش دخلك لايكون بس مخططه عليه
ساره تغمز لحنان : حنونه لاتجين ممتلكات ميشو ,, تراها مثل القطوه ماتحب اللي يجي عيالها
واذا احد فكر يجي عيالها تاكل عيالها ولاتخلي احد يلمسهم
حنان : خلاص هونا ماله داعي بكره يموت الولد هههههه
ساره ومشاعل : ههههههه
بعد ماخلصوا قرروا حنان وساره يكملوا وناستهم بالدوران اما ميشو اتصلت على سواقها
يمرها بالكوفي ,, مالها خلق تدور ,, والحاله هذي مو جديده عند مشاعل تجيها فتره تكره الطلعات
بس ترجع بعدين لحالتها ,, وهالشي ماخلى ساره وحنان يستغربوا من تصرفها
بس مشاعل كانت تتحاشى تطلع ماتبي تقابل شخص كانت خايفه انها لما تشوفه تضعف ,,
وخاصه انها حست بتطور كبير في مشاعرها تجاهه ,, وخايفه ماتقدر تتحكم في نفسها ,,, يكفي
انها للحين قويه
وقادره تكبت رغباتها ,, ولازم تستمر لحد ماتنساه
مشاعل كانت في الطريق لبيتها غرقانه في بحر من الأفكار
اما ساره وحنان فهم غرقانين في (التميلح)
,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

وصلت مشاعل للبيت وكانت ام سلطان وابوها جالسين بالصاله قررت تسلم على ابوها لأن
مالها خلق تلبس قناع الطيبه قدام ابوها ,, مالها خلق المجاملات ,, والكلمات الحب اللي تقولها
لها ام سلطان سلمت على ابوها وباست راسه وسلمت على ام سلطان واعتذرت منهم لأن
عندها مذاكره
دخلت غرفتها ,, غيرت ملابسها ,, وفتحت التلفزيون ,, كان فيه فلم (فورتي ير اولد فيرجن)
الفيلم كان كوميدي عن رجل اعزب عمره 40 يخجل من النساء ,, واصحابه يحاولوا يطلعوه من عزلته
ضحكت من قلب ,, حست ان اخوها فهد عنده نفس المشكله
قطع انسجامها رنه الموبايل
مشاعل : هلا حسين
حسين بحزن : هلا ميشو
مشاعل : حسونه ,, ايش فيه صوتك ؟ خرعتني
حسين : ميشو ابي فزعتك
مشاعل : من عيوني ,, بس ايش فيك ؟
حسين : ميشو انا في ورطه ومحد يقدر يساعدني الاانتي ... ميشو انا تعرفت على وحده من
3 سنين ,, ومدري شصار لها يرد اخوها على موبايلها
مشاعل : ههههه, احسن
حسين : ميشو لاتضحكي .. احر ماعندي ابرد ماعندك
مشاعل : طيب واذا ,, يمكن اخوها موبايله مفصول ههههه
حسين : يووه ميشو ,, لالا مره وانا اكلمها قفلت بسرعه ومن بعدها واخوها يرد
مشاعل : يعني المطلوب ؟
حسين : ابيك تدقين على موبايلها وتطلبيها
مشاعل : طيب هات رقمها ,, بس لحظه اذا كلمتني ايش اقول لها
حسين : قولي لها انك مشاعل ال.. , وهي على طول بتعرف انك من طرفي
مشاعل: طيب وبعدين ايش راح تستفيد
حسين : اعرف ايش فيها
مشاعل : طيب عطني رقمها
دقت ميشو على البنت
مشاعل : الو
.... : نعم
مشاعل: السلام عليكم
.... : عليكم السلام ,, من انتي
مشاعل: انا مشاعل صاحبه العنود ,, مو هذا موبايلها
.... : لا,, غلطانه
مشاعل : غريبه ,, متأكده ان هذا رقمها ,, مين انت
..... : انا واحد
((شكل الولد مغزلجي))
مشاعل بدلع: تصدق حسبتك ثنين ,, اخلص بس بتنادي البنت والا لا ؟
.... : ليش مو راضيه تصدقين ان هذا مو رقم العنود ,, بس اصير العنود لعيونك
مشاعل : مشالله عليك, ايش تشرب ع الصبح دمك خفيف
..... : حليب نياق
مشاعل : اااااه يامصلك ,, اقول بتعطيني العنود والا اقفل ؟
.... : قلت لك انا العنود
مشاعل: هاي العنود كيفك ؟
... : تمام ,, هلا والله بصوت الغزال
مشاعل: ليش انت سامع صوت الغزال ؟ احس حدك صوت الضب
.... : اكيد عندنا مزرعه كلها غزلان
مشاعل: ايه عاد انتم شكلكم غزلانكم شغالات هههههه
...... : ههههههه ,, مقبوله ممكن نتعرف ياقمر
مشاعل: اقول شوي واطلبك طيب
.... : لاتطولين ياقمر
طوط طوط
مشاعل ماقدرت تتحمل مصالته
دقت على حسين
مشاعل: حسينوه ,,, ايش هالي مخليني اكلمه ,, مو طبيعي
حسين : ليش ؟
مشاعل : جالس يغازل , حتى ماعنده اسلوب
حسين : طيب مانادى العنود
مشاعل : لا يقول هو العنود
حسين : يالله اكيد صار لها شي ,, اجل ليش اخذ موبايلها
مشاعل : والله مدري عنك ,, بس انا اللي علي سويته
حسين : ميشو تكفين طلبتك
مشاعل : ايش ؟
حسين : كلميه كم يوم يمكن تقدري تعرفي ايش صار
مشاعل : مستحيل هذا لو اكلمه 5 دقايق رجعت كل اكلي ,, لالا مستحيل
حسين : تكفين طلبتك ,,, لو انتي طالبه مني شي وربي ماردك ,, تكفين ميشو ماعمري طلبت
منك شي
مشاعل: طيب طيب لاتبكي ,, بس اسمع هي مكالمه وحده ولو ماقال لي شي ماراح ادق
حسين : طيب انتي بس كلميه
مشاعل : اقول حسين يقول عندهم مزرعه كلها غزلان جد ؟
حسين : هههههه والله عندهم حوش كله غنم ههههههه
مشاعل : هههههههه
,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل (اضطرت)تكلم اخو العنود (حاتم)على امل تعرف اي شي عن العنود علشان اعز
صديق لها حسين ماكانت تبي حسين يزعل عليها لأن له معزه ,, تغليه مثل اخوانها ,, ويكفي
انه متفهم ,, وهو الإنسان الوحيد اللي تقدر تحكي له كل شي يخصها ,, ولاممكن تخبي عنه
اي شي ,, حتى هو تعرف عنه اشياء مايعرفوها اخوياه ,, كانوا اكثر من اخوان ,, بس
مسكلة حسين فالَّها مع مشاعل يعني مخليها تكلم وتطلع ولاعمره نصحها ,, يمكن لأنه مراهق
وعنده كل شي (قدام) كان عمره 18,,, اصغر من مشاعل بسنتين
قفلت مشاعل من حاتم اللي استمرت مكالمته 45 دقيقه ,, بس حست انها 45 سنه
استعدت للنوم وقفلت الأنوار والأبجورة ,, طبعاً هي متعوده قبل تنام تخلي موبايلها على
السايلنت ,, كانت الغرفه ظلام ,, حست بنور يأشر في غرفتها ,, طالعت موبايلها لقت فيه
رسالة وصلتها فتحت الرساله لقتها من ساره وكتبت فيها
"ميشو انا سويت حاجه مدري هي غلط او صح بس تأكدي انا ما سويتها الا لأني احبك"
استغربت مشاعل" مجنونه ساره ايش فيها اكيد غلطانه بالرساله كانت بترسلها لأحد وبالغلط
ارسلتها لي ,, بس لا اسمي مكتوب فيها ؟"
جتها رساله ثانيه من ساره
"ميشو انا بقفل موبايلي وبكره ماراح اجي للجامعه ,, بصراحه خايفه منك ,, المهم انتظري اتصال راح يجيك بعد شوي"
مشاعل" انهبلت ,, ايش فيها قامت تخبط بالحكي ؟ بدق عليها اشوف ايش قصتها"
دقت لقت كلامها صدق ,, ساره قفلت موبايلها
استنت الإتصال اللي تحكي عنه ساره ماحد اتصل ,, رجعت موبايلها على الصوت ,, وقفلت النور
واستعدت للنوم
مشاعل" سخيفه ياسارونه مسويه بتخوفيني ,, تشوفين بتروحين مني وين"
جاها مسج
مشاعل" اكيد هذا سويره ,, اف منها ماراح تخليني انام"
فتحت المسج لقته رقم غريب وكان مضمون الرساله
"صباح الخير مشاعل انا آسف اني ازعجك بهالوقت بس حبيت اشكرك على الرسمه بصراحه
روعه تسلم ايدك (طلال)"
يمكن كلمه انصعقت شويه ,, لاشعورياً راحت تركض تدور الرسمه بكل مكان مو لاقيتها
على طول اتصلت على ساره موبايلها مقفل ,, اتصلت على حنان ,, والحمدلله موبايلها مفتوح
ظل يدق ويدق ومحد يرد
ارسلت رساله لحنان
"لو سمحتي حنان ردي ابيك ضروري"
جتها رساله من حنان
"ميشو انا مالي شغل سارونه هي صاحبة الفكره ,, اذا عندك كلام كلمي سارونه ,, انا كنت
رافضه بس هي اصرت ,, ميشو والله انا مالي شغل"
مشاعل مو فاهمه أي فكره واي خرابيط ,, طلال كيف عرف رقمها ,, وشلون عرف بالرسمه
,, لالا سارونه ماتسويها ,, ووين الرسمه كانت معاها ,, وايش قصه المسج ,, معقوله
طلال ؟
ارسلت مشاعل للرقم اللي ارسل لها الرساله
"مين انت ؟"
ارسل لها مسج
"ليش كم طلال تعرفي ؟ وكم طلال رسمتي صورته ؟ شكلهم كثير !"
حست انه مقلب
ارسلت له مسج
"ايش السالفه ؟"
ارسل لها
"ممكن اكلمك لأني مو شاطر بالمسجات ؟ اذا انتي فاضيه"
هنا مشاعل خافت وحست الموضوع جدي ,, لو ماكان طلال ماكان تجرأ يقول لها انه بيتصل
اكيد وقتها بتكتشف انه مقلب ,, بس اللي يرسل المسجات واثق من نفسه
ارسلت له
"انا فاضيه"
ثواني ودق نفس الرقم ,, كان قلب مشاعل بيوقف من الخوف ,, معقوله طلال يدق عليها ؟
ردت عليه
مشاعل بلهفه : الو
طلال : صباح الخير
عرفت انه هو على طول لأن محد يملك هالصوت العذب الا طلال الي عذبها
مشاعل بنعومه : صباح النور
طلال : ليش مانمتي وعندك بكره جامعه ؟
مشاعل : اممم كنت بنام ,,, بس مسجاتك ماخلتني انام
طلال : .......
مشاعل : .........
طلال : ..........
مشاعل : بتطول ساكت ؟
طلال : وليش انتي ماتحكي ؟
,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل : انت اللي عندك كلام مو انا ,, ابي اعرف ايش قصه الرسمه ؟
طلال : يعني ماتعرفي ؟
مشاعل : لا وربي, سارونه ارسلت لي مسج غريب وقفلت موبايلها ,, وحنان مو راضيه ترد
طلال بكل أدب : اول حاجه انا آسف اني ازعجك بهالوقت ,, انا ادري ان عندك جامعه الساعه 9
مشاعل انصدمت وقاطعته : ايش عرفك ؟
طلال بخبث : مو صعب علي اعرف اي شي عنك
مشاعل ارتبكت طلال يكلمها واول مره بدون مشاكل ,, وكان صوته هادي
مشاعل : طلال
طلال : سمي
مشاعل : ممكن تحكي ايش صار
طلال : انا ححكي بس انتي تقاطعيني ... اذا وعدتيني انك تسكتي لما اخلص كلامي .. راح اقول لك كل شي
مشاعل بنعومه وكانت فرحانه انها تسمع كلامه : وعد
طلال : اليوم شفت صاحبتك ساره ,,, وبالصدفه كان معاي واحد من الشباب ,, المهم ان
صاحبتك كلمته وقالت ابي اسلم ,, على صاحبك طلال ,, وبعد ماسلمت عليها ,, قالت لي معي امانه لك
وابتسم طلال : والأمانه كانت الرسمه ,, وكانت خايفة اني آخذها معاي لأنها كانت خايفه تفقديها
وطلبت مني ارجعها ,, بس بصراحه ماقدرت ارجعها تعرفي لي ؟
مشاعل حست بغصه من الربكه وطلع صوتها مخنوق : ليه ؟
طلال : لأنها اعجبتني ,, بصراحه توني اعرف اني وسيم
مشاعل حست بخيبه أمل كانت تتوقع يقول لها لأنك انتي رسمتيها
طلال : بصراحه مشالله عليك جد فنانه ,, بس كيف تذكرتي شكلي ,, وخاصةً انك ماشفتني كثير
مشاعل تجرأت : انا مانسيتك من اول يوم شفتك فيه وانت شكلك ماغاب عني ولا لحظه
طلال : .........
مشاعل :....... انحرجت من الكلام اللي قالته وندمت حست انها تسرعت
طلال : مشاعل شرايك اخليك تنامي علشان تصحي بكره
مشاعل ندمت على كلامها ,, ايش راح يقول عنها : اوكي ,, وانت اكيد عندك دوام ؟
طلال : دوامي الساعه 8
مشاعل : يالله مجنون ,, وللحين مانمت ,,,, الساعه 1 ونص
طلال : مو رسمتك مو مخليتني انام
مشاعل بخجل : ليش ؟
طلال : مدري بس احس اني مقدر اشيل عيني عنها
مشاعل تضحك : ههههه لهالدرجه معجب بنفسك ؟
طلال : لا عندي النسخه الأصليه ,, اللي هي انا ,, بس الرسمه فيها شي حلو غير النسخه الأصليه
مشاعل : ايه انت مو حلو بس انا حاولت لما رسمتك اخفي عيوبك هههههه
طلال: لالا مو على الحلاوه ,, يمكن الأيد اللي رسمتها فيها سحر يخلي الشخص مايقدر يشيل عينه عنها
مشاعل انحرجت وصار وجهها احمر ,, كانت دايما تسمع كلام غزل ومدح بس ماكنت تهتم
بس طلال اي كلمه يقولها تهز مشاعل مهما كانت بسيطه ,, الكلام مو بحلاته ,, لا اكيد بالشخص اللي يقوله
مشاعل : ........ ماكانت تقدر ترد اول مره تحس بفرحه مالها حدود كان نفسها تصرخ
طلال ابتسم : فيه ناس خدودهم صارت حمر ,, ناس اول حرف من اسمهم ميشو
لااااا خلاص مشاعل انجنت بعد يدلعها اول مره تحس ان كلمه ميشو تجنن
طلال : خلاص بقفل لايغمى عليك
مشاعل : لا تخاف الشينات مايغمى عليهم
كانت تبي تذكره بالكلام الي قاله لها
طلال: اكيد علشان كذا انا امدحك لأنك شينه ,, احاول ارفع معنوياتك
ماحست مشاعل بالزعل من الكلام اللي قاله ,,, يمكن علشان هو معاها وهذا يكفيها
طلال : اوكي مشاعل ,,, انا اسف اذا طولت عليك ,,, بس جد انا شاكر لك على الرسمه ,,,واحلام سعيده
اكيد راح تكون احلام سعيده بعد ماسمعت صوتك
مشاعل : لاعادي اصلاً انا اسهر كل يوم ,, وبخصوص الرسمه انا اسفه اني رسمتك بدون مااستاذن
طلال : لالا انا متبرع بوجهي ,, اللي يبي يتدرب عليه ماعندي مانع
مشاعل: ههههههه
طلال: مشاعل
مشاعل : هلا
طلال : تعرفين ان ضحكتك جنان
مشاعل :........ ((انحرجت وماقدرت ترد))
طلال: مشاعل الساعه متأخره ,,, اذا ماصحيت بكره بدعي عليك
مشاعل : تبيني اصحيك ؟
طلال : لالا شكرا انشالله انتي اللي تصحي
مشاعل : لا مو مشكله اذا تبي اصحيك وارجع انام
طلال : لالا انا عندي اللي يصحيني ,,, اهم شي انتي اصحي ,, لاتطنشي الجامعه
مشاعل : اوكي تصبح على خير
طلال : وانتي من اهل الخير
مشاعل : باي
طلال : باي
قفلت مشاعل وراحت ركض لغرفة الملابس وقفلتها وصااارخت بأعلي صوتها خافت تصحي اهلها
رجعت لسريرها
" مو قادره اصدق ان طلال داق علي لاااااااااااااااااا ,,, ساره وربي احبك ,,, لو انا عارفه ان هالرسمه لها هالتأثير الحلو ,, كان رسمته من زمان ,,, سارونه خدمتيني خدمة العمر ,,, عمري ماراح انسى لك هالموقف ,, بس ايش قصده لما قال عندي الي يصحيني ؟
اكيد هذي بطته الي يقول عنها ؟ مو مهم ,,, اهم شي انه كلمني ,,, طيب بيدق بكره ,,
والا بس مجرد شكر على اللوحه وخلاص ,, يالله طلال والله احبك ,, احبك ,, احبك,, من بعد
ماماتت امها مافرحت فرحه قد فرحتها اليوم
,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

صحت الساعه 7ونص على صوت المنبه لأنها تصحى قبل المحاضرة بساعه ونص ,, لزوم الكشخه
كانت مرة تعبانه,, فيها نوم ,, أخّرت الساعه للساعه 8
مشاعل" ساعه تكفيني ألبس"
وكملت نومها ,, والساعه 8 دق المنبه
مشاعل" اوووه فيني نوم ,, بلا جامعه بلا هم"
قفلت المنبه وكملت نومها
’,’,’,’,’,’,’,’,’,’,’,’,’,
العصر كانت في الصاله تحاول تتصل على ساره اللي ذبحتها ماترد ,, اكيد خايفه
مشاعل أرسلت لها مسج
"سارونه ,, من قلبي اشكرك على اللي سويتيه ,, سويتي حاجه انا ماكنت بتجرأ اسويها
بليز ردي بقول لك ايش صار"
ومثل ماتوقعت ساره دقت على طول
مشاعل :الو
ساره بخوف :هلا
مشاعل :بصراحه انتي بايخه وبزر على هالحركه تدرين انه دق يضحك ويقول مصدقه انك تعرفي ترسمي
ساره مصدومه : احلفي ,, شلون ,, لما اعطيته الرسمه ,,, كان منجن عليها ,, يقول مره تجنن
مشاعل : هذا اللي صار ,, يللا ايش تبريرك للي سويتيه ,, وين اودي وجهي الحين اكيد كل الناس عرفوا
ساره :ميشو لاتكبرين الموضوع ,, ترى محد عرف الا هو وصاحبه
مشاعل :لاوحضرتك ,, شغاله تاخذي ارقام ,, حتى خويه اخذتي رقمه
ساره : مين قال لك ؟؟
مشاعل :مو مهم بس انتي خنتيني
ساره : ميشو قسم بالله ماسويت كذا الا اني حسيت انك منجذبه له ,, ماودي اشوفك تفكرين فيه
وماقدر اسوي شي
مشاعل : تدرين انك احسن خويه بالدنيا
ساره منصدمه : مو فاهمه الحين انتي زعلانه والا فرحانه
مشاعل : والله انا مو فرحانه الا بطير من الفرحه
ساره : يله انقلعي المفروض تشكريني مو تهزئيني
مشاعل : اوووه سارونه شسوي احبك .. تدري امس جلسنا نسولف ربع ساعه
ساره : مشالله حاسبتها
مشاعل : شلون ماتبيني احسبها
ساره : هاه قولي ايش حكيتوا فيه وايش صار
مشاعل قالت لساره كل شي
مشاعل : الاتعالي انتي اللي احكي لي شلون عطيتيه الصوره
ساره: ابد امس لما طلعت مع حنونه بالصدفه شفته وتعرفين خويتك شويت تميلح عند خويه
رقمني ودقيت على طول وقلت له يالله عطني طلال بسلم عليه ,, خويه خاف ايش عرفني بطلال
قلت لالا خوي وحده من البنات
مشاعل : ههههه
ساره : المهم ,, وكلمته وسلمت عليه ,, هو كان منجن ,, ماعرفني اول شي لأننا بسياره حنونه
,, قال لي مين انتي ,, قلت انا خوية مشاعل ,, قال مشاعل مين ,, قلت له تبي كلمه السر ,,
تخيلي ايش قلت له كلمه السر
مشاعل : ايش ؟؟
ساره : ههههه الكيكه
مشاعل : ههههههه
ساره : هو مات ضحك ,, قلت عرفتها ,, قال اكيد احد مايعرف ام الشر ,, قلت تراها تسلم عليك
مشاعل : متى قلت لك سلميني عليه
ساره : انتي عاد لاتدققي مره ,, المهم قال الزبــدة ايش تبي ,, قلت له عندي لك امانه تدري ايش قال
مشاعل : ايش ؟؟
ساره : قال لا مابي اماناتكم خليها لك ,, قلت والله شي يخصك ,, وبالموت وافق ,, واحنا عند الإشاره
عطيته الرسمه ولما فتحها انجن ,, قال لي من وين جبتيها ,, قلت له قول اول مين اللي رسمها
انصدم لما قلت له كذا ,, قلت له عموماً هذي لوحه مسروقه من غرفه مشاعل بدون ماتدري
وبليز لاتقول لها شي لأنها بتذبحني ,, و انا شفتها قلت لازم تشوفها انت تعرف هذا وجهك ,,
وحقوق الوجه محفوظه
اخاف بكره ترفع قضيه ملكيه على صاحبتي ,, مات ضحك ,, وماصدق انك رسمتيها ,, بس لما
شافني اترجاه مايقول لك شي
.. استغرب ايش اللي يخليك ترسمين صورته ,, ضحكت وقلت لك انا اعز وحده من صاحباتها
ماعمرها رسمتني ,, وانت رسمتك,, عاد انت شاطر وتفهمها ,, اكيد لك مكان عندها كبير ,, وقتها
تعرفي ايش قال لي
مشاعل : ايش ,, والله احس بتجيني سكته قلبيه من كلامك
ساره : سلامتك ,, المهم قال اوكي الموضوع بيني وبينك بس الصوره انا ابيها ,, قلت تكفى اذا
سألتني ايش راح اقول لها
قال عطيني رقمها وانا استأذن منها ,, هو لما قال عطيني رقمها انا ماصدقت خبر وعطيته ,, وبس
مشاعل : سارونه انا خايفه مايدق اليوم
ساره : امممم انتي طيب دقي ,, هو بدأ ودق ,, انتي عليك الباقي
مشاعل : مجنونه تبيه يقول عني مشفوحه
ساره : والله بكيفك ,, بس لو انا مكانك والله لأزعجه ,, تدرين ميشو لما اشوف طلال مااتخيل الا
انك زوجته
مشاعل : الله يخليك لاتعيشيني احلام ,,, اصدقها بعدين واتحطم
,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

طلال كان المغرب طالع من البيت بيمر واحد من اصحابه ,, اخذ الموبايل ودق على يزيد خويه
اللي رقّم ساره صاحبة مشاعل
طلال : هلا يزيد
يزيد : هلا والله اخبارك
طلال : تمام , انت شلونك
يزيد : تمام ,, شخبار الدوام
طلال : والله ماشي الحمدلله ,, اقول يزيد ماكلمت ساره اليوم
يزيد : الا والله توني مقفل منها
طلال : ماقالت لك شي عن مشاعل
يزيد : لا ,, ليش ماكلمتها
طلال : كلمتها امس بالليل
يزيد : تبي ادق عليها اسألها عنها
طلال : لالا بس ماتدري اذا هم طالعين مع بعض
يزيد : لا ماقالت انها طالعه معها اظن بتطلع مع خويتها اللي امس كانت معاها
طلال : غريبه ماراح تطلع مشاعل معهم
يزيد : والله مدري بس ماقالت تبي ادق اشوف مين بيكون معاها
طلال : لالا خلاص بس انت لاتجيب لها سيره اني سالت عن مشاعل
يزيد : ابشر
طلال: يللا تامر شي
يزيد: سلامتك
طلال: يزيد تكفى العيال لايدرون اني كلمت مشاعل
يزيد ضحك: لاتشيل هم
طلال : ايه عاد مو تمسكها علي تهددني
يزيد: ههههههههههه كأنك تقرأ افكاري
طلال: ايش طلعني معاك لو كنت لحالي كان اصرف
يزيد: لو انا مو معك كان البنت ماعبرتك ,, ماطيحها الا رمش عيوني
طلال : زين انك عارف ان احلى مافيك رموشك والا انت مقشع ههههههه
يزيد : مقشع بعينك
,’,’,’,’,’,’,’,’,’,’,’,
الساعه 1 وطلال مادق
مشاعل" اكيد متصل يشكرني وانا فسرت الموضوع غلط ,, عشت احلام ورديه ,, وتخيلت انه
ممكن يكون شي حلو
بيننا ,, ليش مافهمت لما قال لي فيه احد يصحيني ,, اكيد قصده افهمي انه عندي وحده مابي
اخونها بس انا الغبيه اللي مافهمت"
مشى الأسبوع ومشاعل تنتظر طلال اللي مافكر حتى يتصل
’,’,’,’,’,’,’,’,’,’,’,’,’,’,’,’,’,’,’
الإختبارات اسبوعين وتبدأ ,, خلاص المحاضرات انتهت وكل البنات يستعدون للإختبارات
مشاعل نظمت وقتها ,, تصحى 5 الفجر وتبدأ تذاكر لما 9بالليل وطبعاً فيه اوقات استراحه
للفطور والغداء والعشاء ,, ابتعدت حتى عن صاحباتها ,, ماتبي تحمل مواد لأنها كانت خايفه
من ابوها ,, صح انه معطيها حريتها ,, بس بالدراسه لو حس انها مقصره ,, راح يزعل
,,, الأشخاص الثلاثه اللي مابعدت عنهم حتى بفترت الإختبارات هم صاحبتها ساره لأنها ماتقدر
يمر يوم ماتسمع فيه صوتها ,, واكيد حسين اللي تغليه مثل ساره ,, واكيد حاتم اخو العنود
اللي اجبرها حسين انها تكلمه يمكن يقول لها شي عن العنود
,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

كانت مشاعل نازله تفطر بغرفه الأكل والكل طبعاً نايم
سمعت احد دخل عليها توقعت انه وحده من الخدامات لأن اكيد مافيه احد بيصحى الساعه 8
الصباح سمعت صوت مشعل
مشعل : السلام عليكم
مشاعل : عليكم السلام هلا والله ايش عندك اليوم صاحي ,, ترى اليوم خميس ,, والا تعودت
على القومه ((خافت لما شافت ملامحه ,, كان شبه منهار))
مشعل بارتباك : مشاعل حبيبتي ,, ابوي شوي تعبان وبالمستشفى من امس بالليل خفت
تعرفي امس وتخافي
مشاعل تصارخ : بابا لاااا ايش فيه قولي لي يامشعل انك تمزح
مشعل : اذكري الله الوالد مافيه الا العافيه بس تعرفين السكر مرتفع شوي ,, وانشالله اليوم
والابكره بيطلع
مشاعل : احلف انه بيطلع ,, احلف انه مافيه شي ,, مشعل تكلم قول انك تكذب
مشعل : يالله بصراحه ندمت اني قلت لك ,, قلت اكيد مشاعل هي العاقله صرتي اجن منهم
مشاعل : اجن منهم ؟؟ يعني خالاتي كانوا عارفين وانا آخر مين يدري
مشعل : بصراحه مابغيت اصحيك بالليل علشان اقول لك خبر مثل هذا
مشاعل : ليش تعتقدون انه ابوكم ومو ابوي ولا خلاص علشان امي ماتت ,, انا صرت وحده زايده
في هالبيت يكون في علمك يامشعل هذا ابوي مثل ماهو ابوك ,, واذا امي ماتت انا موجوده .. وانا
اول وحده المفروض تعرف ,, انت واخواني عندكم امهات الا انا ,, لو ابوي صار له شي بكون وحيده
مشعل : اعوذ بالله مشاعل ايش صار لك ابوي انشالله بخير ,, وبعدين احنا وين رحنا نسيتي اننا
اخوانك مالك حق تقولي هالكلام
مشاعل : بعد عني ,, اصلاً كلكم تكرهوني ,, ابوي وين بأي مستشفى
مشعل : مشاعل استهدي بالله والبسي عبايتك وانا بوديك
مشاعل : مين قال لك اني بروح معاك ,, الحمدلله عندي سواقي وماني محتاجه لك
مشعل : مشاعل اذكري ربك لاتخلي الشيطان يلعب بعقلك ,, روحي البسي وانزلي انا استناك
مشاعل : قلت لك ماراح اروح معاك بتقول لي وين المستشفى والا اتصل على سعود يقول لي
مشعل : خلاص هدي نفسك هو بالتخصصي واذا ماتبي اوديك براحتك ,, بس مشاعل هدي نفسك
والله الموضوع مايستاهل ,, والله الوالد مافيه شي
مشاعل : اكيد مافيه شي مو كلكم حوله ,, بس انا بالبيت مرتاحه ونايمه ,, اهم شي عندكم ان
تطلع صورتي عند ابوي اني انا الأنانيه اللي مااهتم فيه ,, ترى هذا ابوي مثل ماهو ابوكم
مشعل : مشاعل اكيد انجنيتي ,,, ايش هالكلام ,, انتي عارفه اني مستحيل افكر هالتفكير ,,
هذا جزاي اللي خايف عليك
مشاعل : شكرا لاتخاف علي ,,, الله لايحدني لك
وراحت تركض لغرفتها واخذت عبايتها وراحت للمستشفى
اول مادخلت غرفه ابوها لقته صاحي وحواليه خالاتها واخوانها الا هي ,, ارتمت بحضن ابوها
مشاعل وهي تبكي : بابا محد قال لي ,,, بابا الله يخليك لاتروح وتخليني ,, انا مالي الاانت ,, بابا
لاتروح مثل ماما
ام مشعل : اذكري الله يامشاعل ,, الحمدلله ابو مشعل بخير وبصحه ,,, وانشالله بكره يطلعونه
مشاعل تتكلم بحقد : انتي تطمنتي عليه ,, بس انا لا
انصدمت ام مشعل من رد مشاعل اللي عمرها ماكلمتها بهاللهجه
اما من جهة ام سلطان فكانت الفرحه مش سيعاها على قوله المصريين ,, اول مره تحس ان
العلاقه بين مشاعل وام مشعل متوتره
قررت مشاعل انها تنام عند ابوها وماحد يقدر يكسر كلمتها لأنهم كانوا خايفين من ثورتها
’,’,’,’,’,’,’,’,’,’,’,’,’,’,’

[●● شيخة ♥ الغــيد ●●]

صحت مشاعل من النوم على صوت الممرضه اللي دخلت الساعه 5 تقيس لأبوها السكر والضغط
طلعت من الغرفه بعد ماشافت مليون اتصال من ساره اللي اتصلت ع البيت وعرفت من الخدامات
انهم بالمستشفى كانت تبي تطمن على ابو مشاعل ,, كلمتها وطمنتها عليه
بعد الدكتور ماشافه قرر انه يطلعه بس اكيد بعد ما اعطاه اوامر ,,, انه ماياكل شي فيه سكر
ولا احد يزعله او ينرفزه ,,, وانه يتبع الحميه ,, وكانت مشاعل تسمع كل شي يقوله الدكتور
علشان تمنع ابوها منه
طلعت مشاعل مع ابوها من المستشفى ,,, واكيد اخذهم مشعل ,,, اول ماوصلوا لقوا ام سلطان
وام مشعل برا يستنونهم ,, وتحمدوا له ع السلامه ,,, وراح غرفته يرتاح
مشاعل كانت مرهقه من نومه المستشفى ,, ممرضه داخله وممرضه طالعه ,, راحت ترتاح في
غرفتها قبل تنام قالت ادق على ساره اطمنها
مشاعل : الو
ساره : هلا والله بهالصوت
مشاعل : هلا سارونه
ساره : هاه بشري كيف ابوك ؟؟
مشاعل : الحمدلله احسن تونا طلعنا من المستشفى
ساره : الحمدلله ع سلامته ,, مايشوف شر
مشاعل : الشر مايجيك ياقلبي ... انتي كيفك ,, وكيف المذاكره ,,, انشالله تمام
ساره : انا الحمدلله ,, بس المذاكره اوووف الله يعين مو فاهمه شي
مشاعل : طيب تعالي عندي هاليومين نذاكر سوا
ساره : وليش انتي ماتجي عندي ؟؟
مشاعل : اول شي انتي تعرفي بابا توه طالع من المستشفى وماودي اروح واخليه وبعدين انا
ماعندي اخوان كبار تنحرجي منهم
ساره : ايه بس عندك السوسه ام سلطان ,, اخاف تطردني
مشاعل : مايخسى الا هي ,, هذا بيتي قبل لايكون بيتها
ساره : عموماً بشوف امي وبرد لك
مشاعل : اسمعي خليني انا اكلمها اكيد ماراح ترفض
ساره : خليني اقول لها اول ونشوف ,, خليك انتي لوقت الحاجه
مشاعل : ههههههه اوكي
,’,’,’,’,’,’,’,’’,’,’,’,’,’,’,’,’,
اتصلت ساره على مشاعل علشان تزف لها خبر الموافقه
مشاعل : الحمدلله الله يبشرك بالخير ,,, زين وافقت ,, اسمعي مستحيل تطلعي من عندي قبل
ماتبدا الاختبارات
ساره : ايه تكفين خليني افتك من هالمزعج ,, لأنه ذبحني بس يسأل عنك
مشاعل : ياحبي له حسونه والله اشتقت له ,,, من زمان عنه ,, وشكله زعلان من زمان ماكلمته
ساره : ومن قال اني اتكلم عن حسين
مشاعل باستغراب : اجل مين تتكلمي عنه ؟؟
ساره : من غيره روميو
مشاعل : مين ...؟
ساره : طلال
مشاعل منصدمه : طلال .........!!
ساره : ايه كل 5 دقايق يتصل يقول اتصلي عليها تطمني ,,, بعدين يتصل طيب اتصلي شوفي
يمكن محتاجين شي بالمستشفى ,,, بعدين يقول اتصلي يمكن مااكلت ,, اكل المستشفى مو
حلو ,, دقي عليها قولي لها من وين تبي عشاء ,, وقولي لها انك انتي اللي بترسلي العشاء ,,
واذا قلت له البنت تعشت يقول دقي اخاف برد في المستشفى خلي الممرضات يجيبوا لها
بطانيه ,, بصراحه مليت منه
,’,’,’,,’,’,’,’,’,’,’,’,’,’,’,’,’,’,’,

[لاتكدرمزاجي]

لي عوده

[القيصر]

هههههههههه
بصراحة اغرب قصة
طريقة صياغة الرواية حلوة
تسسسسسسسسلمين اختي شيخة الغيد ع الاجزاء وفي انتظار البقية

[AZالرهيبAZ]

مشكوره على هالجزء الغريب ^^

ولا تعليق ^^

نتريا الاجزاء القادمة,,,

[●● شيخة ♥ الغــيد ●●]

لا تكدر مزااجي
خذ وقتك وراحتك اخوي ,,,
,,,,,
القيصر ,,
هذه القصص دومها غريبه
وتشكر على تصفحك ومرورك ,,
,,,
وان شاء الله بنزل الاجزاء الباقيه
,,,,

[●● شيخة ♥ الغــيد ●●]

مشكوره على هالجزء الغريب ^^
ولا تعليق ^^
نتريا الاجزاء القادمة,,,


العفو منك اخوي الرهيب
وما قصرت على المرور
لك تحيتي ,,

[لاتكدرمزاجي]

لووووووول

تسلمين على القصه

بس البارت قصير

نبى اكثر عن جيه وشدي حيلج بدأت القصه تحلوو

نتريا الباقي

[●● شيخة ♥ الغــيد ●●]

لا تكدر مزااجي
شو الباارت صغير ... :sm45:
تبااني انزل القصه كلهاا ,, لوووول
يسلمو على المتاابعه ,,

[●● شيخة ♥ الغــيد ●●]

الجزء السادس
,’,’,’,’,’,’,’,’,’,’,’,’,’,’,
ساره جهزت ملابسها وطلعت بعد ماسلمت على امها
في السياره دق موبايلها
ساره : الو
يزيد : اهلين سارونه
ساره : هلا يزيد ,, كيفك ؟
يزيد : تمام انتي شلونك ؟
ساره : اذا اسمع صوتك اكيد بخير
يزيد : حركات ايش هالتطور
ساره : ههههههه شسوي اواكب العصر ههههه
يزيد : ههههههه ,, شكلك برا ؟
ساره : اي والله رايحه لمشاعل ,,, تعرف الاختبارات قربت وبروح اذاكر معاها هالأسبوعين
يزيد : اها ,, طيب اذا وصلتي عندها دقي على ودي اسلم عليها
ساره في نفسها انت الي بتسلم والا بعض الناس : اوكي بس اوصل اطلبك
يزيد : اوكي انتبهي لنفسك باي
ساره : باي
,’,’,’,’,’,’,’,’,’,’,’,’,’,’,’,
في بيت فهده صاحبة مشاعل
فهده كانت بغرفتها تسمع محمد عبده ((الاماكن)) ,,, ودخلت امها
ام فهده : فهدووووه وجعن يوجعتس قصري ع الصوت امرن يلوفتس
فهده : انشالله يمه ,,, بس يكفي تقولي قصري ع الصوت مولازم التهزئ
ام فهده : انتن يالبني ماينفع معكن الا العين الحمراء ,,, انزلي صلحي لخوتس شاهي انا بروح
عند ام سالم جارتنا
فهده : يمه ترى عندي اختبارات هالأيام مو معقوله حتى مذاكره مقدر اذاكر منكم
ام فهده : وش مذاكرته وانتي رافعتن على صوت هاللي ينهق
فهده : يووووه يمه هذا بريك
ام فهده : وشو وش برك ذا ,,, انتي مير بزعتي قمتي تقولين حتسي مدري وشو
فهده : اقول يمه تدرين انزل اسوي الشاهي بس وارتاح من الزن ,,, الله يفكني منكم
ام فهده : امين جعل يجيتس رجلن يطير بتس وراء الشمس
فهده : وراء المريخ انشالله بس يجي
,’,’,’,’,’,’,’,’,’,’,’,’,’,’,’,’,’,’,’,’,
مشاعل كانت ندمانه ع الكلام اللي قالته لمشعل وخالتها ام مشعل وماهي عارفه كيف تعتذر
طالعت موبايلها وفكرت شوي ,,, بعد دقايق دقت على مها
مشاعل : هلا مهاوي
مها : هلا والله ميشو كيفك
مشاعل : تمام ياقلبي انتي كيفك ؟
مها : الحمدلله ,,, كيف المذاكره ؟
مشاعل : الحمدلله انشالله خير ,, حبيبتي لاكون ازعجتك بهالوقت
مها : لا حبيبتي فاضيه ماعندي شي
مشاعل : طيب مهاوي كنت بسألك
مها : تفضلي حبيبتي
مشاعل : بنت خالتك نجود اللي معانا بالجامعه ايش اخبارها ؟
مها مستغربه : الحمدلله ,, غريبه تسألي عنها
مشاعل : لابس اتذكرها لما كنت بأول مستوى بالجامعه
مها : ايه بس ميشو هي تخرجت من الجامعه من سنتين تقريبا ,,, ايش ذكرك فيها ؟
مشاعل : لا بس سمعت انها مخطوبه جد ؟
مها : لا مين اللي طلع هالإشاعه ؟
مشاعل : بصراحه انا ,, مها شوفي الزبده ودي اخطبها لأخوي مشعل
مها : ونعم باخوك بس كان سألتيني ,, لازم يعني الإشاعات والنصبات حقتك
مشاعل : ههههه اخاف انها انخطبت واتفشل ههههه
مها : هههههههههههه ,,, عموماَ هي مو مخطوبه ,,, تبي اعطيك رقم امها ؟
مشاعل : امممممم لا مها ودي بفزعتك
مها : آمري
مشاعل : اخوي شرطه انه يشوف البنت قبل يخطبها
مها : لا ميشو مستحيل توافق هي متدينه مره ومستحيل ترضى تشوفه
مشاعل : ادري حبيبتي بس مثلا انتي ماتقدري تجيبي صورتها علشان يشوفها ؟؟ وتأكدي أنه
الصوره بتكون معاي ,, واظنك تعرفين اني مستحيل اسوي فيها شي ,, بخاف على صورتها
اكثر من نفسي
مها : والله ماعندي لها صوره ,, ولو طلبت منها اكيد بتشك ,,, بس اسمعي انا عندي حل لك
مشاعل : ايش ,,, الحقيني به
مها : شرايك ادق عليها و اقول لها انك عازمه البنات كلهم عندك وانك قلتي لي اعزمها
مشاعل : تتوقعي توافق ؟
مها : مدري عنها خلينا نحاول
مشاعل : اوكي بس ردي علي الله يخليك اليوم اوكي
مها : انشالله الحين برد لك ,, بس ادق عليها واتصل عليك
مشاعل : اوكي مشكوره حبيبتي بتعبك
مها : شسوي دايما تتعبيني بس انشالله يثمر فيك هههههههه
مشاعل : ههههههههههههه
,’,’,’,’,’,’,,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

وصلت ساره بيت مشاعل ودقت عليها
ساره : ميشو تعالي اخاف من الغوله خالتك تشوفني اخاف منها تعالي انتي تدخليني
مشاعل : ههههه اوكي يللا بنزل لك
واستقبلت مشاعل صاحبتها ساره بفرح ع الأقل بيتونسون وقت المذاكره يعني ساعه مذاكره وساعه سوالف
طلعت مشاعل مع ساره للغرفه سمعت موبايلها يدق
مشاعل : هلا مهاوي
مها : هلا
مشاعل : صوتك مايبشر بالخير ؟
مها : لا
مشاعل : ليش ماوافقت ؟
مها : لا
مشاعل : اوووه والحل
مها : مالك الا تخلي خالتك تكلم خالتي وتخطبها ,, وعادي لو ماصار نصيب ,, ترى الزواج مو غصب
مشاعل : مدري بس اخاف من اخوي ماتعجبه بعدين يفشلني ,,, صح ان البنت ماشالله حلوه
بس تدري ماينعرف ذوق الرجال
مها : صادقه ,, اخوي خطبنا له فوق 5 بنات ومره حلوات ,, ورفضهم ,, وشفتي زوجته مره
عاديه ,, سبحان الله
مشاعل : وهذا اللي خايفه منه
مها : لاعادي حبيبتي ,,, الزواج قسمه ونصيب
مشاعل : يللا الله يكتب اللي فيه الخير ,,, عموماً عطيني رقم اهلها اخلي خالتي تدق
وبعد ماعطتها الرقم ,, قفلت مشاعل ,, وحست انها ارتاحت ,, ع الأقل اذا راحت تعتذر لأخوها يدري انها مهتمه فيه
ساره : ميشو ,,, ايش صاير كني اسمع طاري خطبه ؟ لايكون اخوك مشعل
مشاعل : هههههه ايه طار عليك
ساره : لا مالك داعي ,, يالنذله انا صاحبتك
مشاعل : هههههههه ادري بس انتي تحت السن القانوني عند مشعل هههههه
ساره : مالت عليه ,,, اصلاً لو يدور مايلقى ربعي
مشاعل : هههههه صادقه ,, بس يمكن يلقى ثلاث ارباعك
ساره : بايخه
مشاعل : هههههههه فيه ناس عصبوا هههههه
ساره : لاعادي اصلاً انا خلاص حبيت
مشاعل : اخس مين تعيس الحظ
ساره : ميشو انا ببيتك احترميني ,, بعدين اللي حبيته يزيد
مشاعل : مين يزيد بعد ,, ياكثر احبابك
ساره بخبث : هههههه شسوي ,,, مالقيت واحد يحبني ,,, ويسأل عني ,, ويخاف علي ,,,
مثل واحد اول حرف من اسمه طلال
مشاعل انحرجت : تعالي من جدك الكلام اللي قلتيه
ساره : من جد وخال وعم ,, لحظه يزيد يبي يسلم عليك ,, خليني ادق عليه ,, ونشوف اذا طلال جنبه
مشاعل : اصلاً طلال لو يبي يدق كان دق يعرف رقمي
واخذت ساره موبايلها تدق
ساره : ياشيخه يمكن استحى ,, اصص دق
ساره : هلا يزيد
يزيد : هلا والله سويره هاه وصلتي عند مشاعل
ساره : ايه يزيدوه وصلت
يزيد : وكيفها الحين انشالله احسن
ساره : والله اذا تبي تطمن عليها هي جنبي
يزيد : اوكي ممكن اكلمها
ساره : اكيد ممكن بس لاتطول 3 ثواني بس
يزيد : ههههههه طيب
مشاعل : الو
يزيد : هلا مشاعل ,, كيفك ؟
مشاعل : تمام الحمدلله
يزيد : كيف الوالد انشالله احسن
مشاعل : الحمدلله احسن اليوم
يزيد : والله كان ودي اتعرف عليك واكلمك بظروف احسن
مشاعل : مو مشكله ,, فرصه سعيده
يزيد : وانا لي الشرف اني كلمتك
مشاعل : الله يسلمك
يزيد : مدري اذا كنتي فاضيه ,, طلال جنبي وده يسلم عليك
مشاعل تشققت من الفرحه : اوكي
طلال : السلام عليكم
مشاعل : وعليكم السلام
طلال : كيف الحال مشاعل
(الله ياحلو اسمي ع لسانه)
مشاعل : الحمدلله ,, انت كيفك ؟
طلال : انا الحمدلله بخير ,, بشري عن الوالد كيف صحته ؟
مشاعل : والله الحمدلله احسن بكثير عن امس
طلال : سلامته ايش عنده ؟
مشاعل : ابد ارتفع السكر عنده
طلال : وايش قالوا لكم المستشفى ؟
مشاعل : لا الحمدلله طمنونا عليه ... بس تعرف لازم يتبع حميه
طلال : ايه اكيد ,, طيب جبتوا له ممرضه علشان الأدويه والحميه ؟؟
مشاعل : لاوالله ,, انا الممرضه حقته
طلال : ماشالله طيب لو سمحتي يااخت ممرضه انا تعبان ممكن تجي تهتمي فيني
مشاعل انحرجت واعجبها كلامه ع الأقل ماكان رسمي معها
مشاعل : طلال من جد شكراً ع الأهتمام سارونه قالت لي انك سألت عني وانا بالمستشفى
طلال بخبث : قلت انتي قاطعه ,, اسأل انا
مشاعل : انا ماقطعت انت اللي ماتتصل
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,

[●● شيخة ♥ الغــيد ●●]

طلال : مشاعل يضايقك اتصالي ؟
مشاعل بدلع : لا مستحيل
طلال ابتسم : يعني ممكن ازعجك اليوم
مشاعل بخبث : بس اليوم ,, مو تزعجني كل يوم
طلال : ههههه على حسب ,, بفكر اذا عجبني الوضع اكيد بزعجك
مشاعل : لي الشرف اني اسمع صوتك
طلال بعذوبه : انا يامشاعل والله اللي لي الشرف ,, اكيد اذا هالشي مايزعجك
مشاعل : مين قال لك انك تزعجني ؟
طلال : انتي
مشاعل انصدمت : انا ..؟
متى ..؟
طلال : لأنك مادقيتي علي قلت اكيد اني ازعجتك
مشاعل : بليز لاتفسر كل شي ع كيفك
طلال ابتسم : ابشري اوامر ثانيه
مشاعل : هذا مو امر هذا تبرير
طلال : طيب ,, المهم ماودي اطول عليك ,, انا عارف انه ساره عندك اكلمك وقت ثاني انشالله
مشاعل بدون ماتحس قالت : استناك لاتطول
طلال : ..........
حست انها تسرعت شوي ,, وتمنت تهدي الوضع ولاتتسرع بشي وتخلي الأمور تمشي ببطء
طلال : عموماً انا برا بس ارجع للبيت اطلبك
مشاعل : اوكي
طلال : باي
مشاعل : باي
مشاعل كانت كاتمه صرخه اول ماقفلت صارخت بأعلى صوتها
ساره : هيه انتي يامجنونه اسكتي لاتسوي لنا فضيحه صدق انك مشفوحه
مشاعل : سارونه بيتصل بيتصل بيتصل
ساره : طيب واذا
مشاعل : مجنونه يعني بسمع صوته كل يوم
ساره : واذا
مشاعل عصبت من ساره البارده : شلون واذا ,, تخيلي اني اكلمه كل يوم مقدر سارونه اتحمل
الفرحه اخاف بس يصير لعقلي شي
ساره : لا الله يخليك بعد الاختبارات
مشاعل :ااااااه احبه
ساره مصدومه : تحبينه ,, قولي معجبه فيه ,, تستضرفينه ,, يهمك ,, بس حب ,, ميشو لا ,,
لاقولي انك تكذبي
مشاعل : ليش يعني ماعندي قلب انا ؟
ساره : لابس انتي كنتي تنصحيني وتعطيني محاضرات عن الحب ,, والحين انتي اللي تحبي
مشاعل : سارونه صدقيني الحب شي مره حلو ,, وحلاوته انك لما تحسي فيه ماتقدري تتحكمي
فيه ولا تقدري تحددي الشخص اللي راح تحبيه ,,, كنت قبل ياسارونه كل حياتي تمثيل وكذب
وغش حتى اني كنت اكذب كذبه واصدقها ,, بس صدقيني سارونه لما تحبي شخص ,, تحسي
انك على طبيعتك ,, هذا الإحساس الوحيد اللي يخلي الأنسان يتصرف بطبيعته ويحس ان
الحياه حلوه
ساره : واذا انشالله اكتشفتي انه يكذب عليك
مشاعل بمراره : بكون اتعس وحده بالدنيا
ساره : وليش تعذبي نفسك ,, بلاش حب وريحي نفسك
مشاعل : سارونه وربي مو بكيفي ,, ودي احب الشخص اللي انا ابيه ,, بس جد سارونه احس
مع طلال هالأحساس
ساره : الله يستر لاتكون عقوبتك بكل اللي كذبتي عليهم
مشاعل : ياشيخه واللي كنت اعرفهم قبل كانوا يحبوني ,, كل واحد يحسبني لعبه بيده وبيحركني
ع كيفه بإسم الحب ,, والبنت الشاطره اللي ماتنخدع بهالكلام
ساره : ماشالله عليك والكلام اللي تقوليه عن طلال يبين انك مره شاطره هههههه
مشاعل : لالا سارونه مع طلال المشاعر غير ,, طلال ماقال انه يحبني ولا حتى يفكر فيني
ومع كذا احس اني مقدر اعيش بدونه ,, وهذا هو الحب
ساره : والله مدري عنك
مشاعل : المهم ماعلينا شرايك اليوم اعزمك ع العشاء برا
ساره : لاحبيبتي بلا طلعات بلا هم خلينا نذاكر
مشاعل : وانتي بتذاكرين 24 ساعه
ساره : وانتي صادقه
مشاعل : اقول سارونه شرايك تقولي ليزيد يجي ودي اشوفه
ساره بخبث : اوكي ,, بس بقول له تعال لوحدك
مشاعل : سارونه ياشينك
ساره : ههههههه
قرروا آخر شي انهم يتعشوا بالبيت لأن يزيد كان معزوم عند اصحابه وبكذا مشاعل ماراح
تشوف طلال
نزلوا يتعشوا مع ام سلطان وسلطان وفهد وفيصل وكان العشاء باربكيو ,, تعشوا وبعد العشاء
كانت ام سلطان ومشاعل وساره بالصاله عند التلفزيون كانت الساعه 11 وطلال مادق
مشاعل تهمس لساره علشان ام سلطان ماتسمع : اقول سارونه مادق وعنده دوام بكره اخاف
بس مايدق
ساره بهمس : ميشو ذبحتيني والله ,, خليك ثقيله
ام سلطان كانت تقلب بالقنوات وحطت على فلم
ساره : واو ميشو الفلم هذا مره يجنن شفته بالصيف اللي فات بالسينما لايفوتك
ام سلطان عناد بساره ومشاعل غيرت الفلم
مشاعل : ........ (( كانت غارقه بافكارها ))
ساره تأشر بيدها : ياهوه وينك
مشاعل : هاه
ساره بهمس : اقول شكلي بنام واذا مادق لاتزعجيني وتصحيني
ساره : تصبحوا على خير الساعه 11 والوقت تأخر بروح انام
ام سلطان : .......... (( طبعاً مستحيل ترد على صاحبة عدوتها ))
مشاعل : سارونه اجلسي ياشينك تو الناس
ساره : والله صاحيه بدري
مشاعل : اوكي حبيبتي تصبحي على خير
ساره : وانتي من اهله
مشاعل طبعاً اكره ماعندها انها تجلس مع ام سلطان بس هي ماكنت معها تفكر في طلال ليش مادق ؟
غفت على الكنبه وصحت على صوت موبايلها الساعه 12
راحت ركض على غرفتها ,, استغربت ام سلطان حركة مشاعل
ام سلطان : غريبه ايش هالإتصال اللي خلى مشاعل تطمر هالطمره ,, من اللي متصل ...
وبعدين من اللي راح يتصل هالوقت ,, لازم اقول لابوها يراقبها انشالله يكون اللي في بالي
صح ,, ويزوجها ابوها وافتك منها
,’,’,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

اما مشاعل راحت ركض على غرفتها وخافت ترد في الغرفه تصحي ساره اللي كانت نايمه ,,
دخلت غرفه الملابس ,, بس لما وصلت الغرفه قفل ,, رجعت دقت عليه
طلال : الو
(( في نفسها فديت الالو ))
مشاعل : اهلين
طلال: هلا ومرحبا ,, صحيتك ؟؟
مشاعل : لا عادي كنت اطالع فلم
طلال : اوه اكيد قطعت عليك الفلم
(( يوووووه ايش قصته اجيبه من هنا يجيبني من هنا ))
مشاعل : لالا عادي اصلاً خلص
طلال : انا اسف تأخرت عليك
مشاعل : لاعادي اصلاً انا ماانام الا 1 (( في نفسها ,, اشوى انها ماتجي الساعه 9 الاانا في سابع نومه ))
طلال : ليش ماعندك اختبارات ...؟
مشاعل : ايه بس تعرف ماعندي جامعه انام واصحى على راحتي
طلال : يله شدي حيلك الاختبارات قربت
مشاعل : مقدر
طلال : ليش ...؟
مشاعل : مقدر اشد حيلي مسويه دايت
طلال ضحك مجامله
حست انها بايخه ,, مسويه خفيفه دم
مشاعل : وانت ماعندك دوام ؟
طلال : عندي بس عندنا ضيوف وتوهم طلعوا
مشاعل : اكيد فيك نوم ..؟ (( كانت تتمنى يقول لاء ))
طلال : بصراحه ميت نوم بس بسولف معاك شوي
فرحت مشاعل بالشويه هذي ,, المهم انها بتكلمه
استمروا بالسوالف اللي تقريباً رسميه ,, يعني تدور حول طبيعة دوامه ,, ودراسة مشاعل
وطموحها ,, وعن الأحوال والأخبار مو اكثر ,, صح انها كانت سوالف عاديه ,, بس مشاعل
كانت في قمه سعادتها ,, كانت تحس برجولته ,, وبأسلوبه الراقي ,, وبقوة شخصيته ,, حست
فيه انجذاب كبير مو بس منها ,, حست طلال منجذب لها بس يمكن منحرج يبين او يمكن خايف
من مشاعره ,, بس اكيد حست فيه ,, الشويه صارت ساعتين ,, وطبعاً طلال حقد على مشاعل
لأنها اخرته ,,, وهي تتهمه انه هو اللي مو راضي يقفل
,’,’,’,’,’,’,’,’,’,’,’,’,’,’,’,
صحى مشعل الساعه 7 ونص علشان يروح الشركه لقى عنده رساله فتحها لقاها من مشاعل
"حبيبي واخوي وكل دنيتي مشعل ,,, لاتزعل على ,,, وعلى فكره خطيبتك تسلم عليك"
ابتسم مشاعل ماتخلي طبعها مستحيل تتأسف ,,, فرحانه بلاتزعل ,, و من خطيبتي اللي تسلم
علي ..؟
لاتكون خطبت لي وانا مدري .....؟
,’,’,’,’,’,’,’,’,’,’,’,’,’,’,’,’,
اما مشاعل صحت الساعه 10 وكانت موقته المنبه على الساعه 7 بس من كثر النوم سكرت
المنبه كان ودها هي اللي تصحي طلال
دقت عليه الساعه 10 ,, مارد عليها ,, بعد نص ساعه رجع دق عليها
طلال : صباح الخير
مشاعل : صباح النور ,, كويس صحيت
طلال : ليه شايفتني الدلوعه مشاعل انا صاحي من 7 ودعيت عليك 30 دعوه
مشاعل : ههههههههه ياساتر
طلال : مره ثانيه لاتسهريني
مشاعل : ياسلام مو كنت اقول لك قفل علشان ماتتأخر ع النوم
طلال : المفروض تقفلين بوجهي
مشاعل : مايطاوعني قلبي
طلال : يسلم لي قلبك
,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

تطورت الأحداث بالاسبوعين اللي تسبق الاختبارات
ساره نزلت عليها الشطاره فجأه وصارت 24 ساعه تذاكر
مشاعل كانت اسعد وحده بالدنيا كان طلال ماينام لحد مايكلمها ولايصحى الا على صوتها
مع انه كان رسمي شوي معاها
مشعل قرر اخيراً انه يكمل نص دينه ,, واتصلت امه على اهل نجود واتفقوا ان الزياره تكون
السبت
اما سعود كان متشقق من الوناسه لأن الفرج قرب ,, وقريب راح يتزوج الهنوف
,’,’,’,’,’,’,’,’,’,’,’,’,’,’,’,
تعودت مشاعل تصحي طلال كل يوم للدوام ,, كانت تصحيه الساعه الساعه 7 ويتدلع 10 دقايق
بالسرير ويعذبها لحد مايصحى
يوم الأربعاء اللي يسبق اسبوع الاختبارات كانت مشاعل سهرانه مع ساره يذاكروا لما الساعه
5 الفجر صحت الساعه 8 تأخرت على طلال كان المفروض تصحيه 7 ,, دقت عليه مرتين مارد ,,
خافت انه زعل منها ,, وبعد سبع اتصالات رد اخيراً
طلال وصوته كله نوم : الو
مشاعل : انشالله ماصحيت ......؟
طلال : ليش كم الساعه ؟
مشاعل : الساعه 8 اصحى بسرعه ,, مره تأخرت ع الدوام
طلال : وليش توك تصحيني حضرتك ؟
مشاعل : يالله بسرعه اصحى انت الحين بعدين نتفاهم
طلال: لا ماراح اصحى لحد ماتقولي لي ليش ماصحيتيني ,, مانمتي الا متأخره صح ..؟
مشاعل : يا الله ,, والله انك فاضي
طلال : يعني تعاندي ,, ميشو كم مره قلت لك لاتسهري ,, تدري ان السهر مو كويس خاصةً
وقت الاختبارات
سبحان الله زي الاطفال
مشاعل: طيب يالكبير ممكن تصحى ؟
طلال : لا مابي
مشاعل : ايش اللي ماتبي قوم طلول بليز
طلال : قوم يا ايش
مشاعل استحت : طلال مو وقته
طلال : انا عرفت ليش ابوك ارتفع السكر عنده
مشاعل استغربت ايش جاب طاري ابوها : ليش ...؟
طلال : اكيد تدلعيه بلسانك اللي ينقط سكر وعسل ,, خفي ع الشايب شوي
مشاعل : هههههه
نفسها تقول له احبك ,, يا الله هالإنسان قدر باسبوعين يصير كل شي بحياتها ,, وبأي كلمه يهز
عالمها الصغير هز
طلال : ميشو
مشاعل : عيونها
طلال : ماراح اروح للدوام ,, ابي احكي معاك ,, بليز لاترديني
مشاعل : فيه احلى من الوقت اللي اكلمك فيه
طلال : يامجرمه كنت اختبرك ,, بشوف تخافي علي والا لا ,, تبين ابوي يقتلني ادري فيك
مشاعل : ههههههه
طلال : خلاص ميشو بروح البس وانتي نامي بس بصحيك 12 الظهر اوكي
مشاعل : لااا حرام عليك مانمت الا بوقت متأخر
طلال : مالي شغل لازم تعدلي نومك
مشاعل : طلول علشان خاطري خليها 2
طلال : ولا عشر دقايق ماراح أأجل
مشاعل" طيب عادي اقفل موبايلي مو صعبه
طلال : اوكي عادي بس كنت بقول لك ترى المؤسسه حقتنا جنبها بنك
مشاعل : طيب ..؟ ايش اسوي لك
طلال : لابس كنت بقول لك ان البنك يقفل الساعه 12
مشاعل : تستهبل ... ايش تبي اجي اقفله انا
طلال : يعني الساعه 12 يطلعوا موظفات البنك ينتهي دوامهم ويقولون حلوات ... انتي نامي
وخذي راحتك يمكن اشوف لي كم وحده حلوه اكحل عيوني
مشاعل : جعل عيونك العمى لو طالعت ,, اوريك ,, تشوف
طلال : بسم الله على عيوني ,, طيب شسوي قطوتي نايمه
مشاعل : ومين قطوتك هذي ؟
طلال : انتي
مشاعل : طلال ممكن سؤال ..؟
طلال : سمي
مشاعل : تذكر اول مره شفتك فيها كنت تكلم وحده وتقول لها بطتي ؟ مين هذي ؟
طلال مات ضحك : يوووه شكلك حاقده مانسيتي ,, المهم بطتي هذي بنت واحد من اصحابي ,,
صغنونه ,, عمرها 3 سنوات
لو تشوفيها ميشو تاكليها ,, اما قطوتي فهي انتي لأنك شريره ,, وماتحبي احد يحارشك
اما سياره البنت اللي كانت واقفه كانت سياره خوية اللي معاي ,, بس كنت ابي اقهرك
مشاعل : ليش تقهرني ؟
طلال : ميشو بعدين اشرح لك الموضوع بروح البس الحين
مشاعل : قلبي الله يخليك لاتسرع وانت طالع
طلال : ابشري ,, وانتي تغطي كويس
مشاعل : بتوحشني
طلال : ياكذابه كيف اوحشك وانتي نايمه
مشاعل : مدري بتوحشني بالحلم
طلال : اها زل لسانك ... تعالي مين بتحلمي فيه
مشاعل : ههههه يوه طلال خلاص روح لاتتأخر
طلال : ابو التصريف ,, المهم انتظرك الساعه 12 اذا مادقيتي ترى مقدر اتحكم بعيوني
مشاعل : شكلك ودك تنضرب
طلال : اذا انتي اللي راح تضربيني فأنا احبه
مشاعل ماكان عندها اي شك ان طلال كان حبها الأول والأخير ,, ماكان يهمها ايش يحس
ناحيتها .. المهم انها تحبه ,, يكفي انها تسمع صوته كل يوم ,, يكفي انه حنون معاها ,,,
يكفي انه يخاف عليها
ويقلق عليها ,, وهالشي تعتبره حلم وتحقق
,’,’,’,’,’,’,’,’,’,’,’,’,’,’,’,

[القيصر]

حركات ... خخخخخ


تسسسسسسسسسسلمين اختي شيخة الغيد ع الأجزاء وماتقصرين

ودمتِ بود

[●● شيخة ♥ الغــيد ●●]

القيصر تسلم اخوي ع المتابعه
ولا عدمناك ,,,

[●● شيخة ♥ الغــيد ●●]

كان الخوف واضح ع ساره مو الاختبار بكره السبت وماخلصت الماده
اما مشاعل فكانت مطنشه نوعا ما لو ان طلال مايدق عليها كل شوي ويغصبها تذاكر ماكانت
فتحته حتى
ساره: ميشو بنجن الساعه11 وماخلصت الماده
مشاعل: ياشيخه طنشي انتي ع الأقل باقي لك 10 صفحات ,, انا ماخلصت ولا نص الماده ,,
وسعي صدرك
ساره: اذا صرتي مجنونه اصير مجنونه مثلك
مشاعل : ياشيخه ,, اقول ظنك فهده خلصت ؟
ساره: ماتوقع هي ميت قلبها مثلك
مشاعل: تدرين بدق عليها اخرب عليها
دقت مشاعل على فهده
مشاعل: هلا والله بالدافوره
فهده: اي دافوره توني اصحى
مشاعل: ههههههه بالله ,, يعني ماذاكرتي
فهده: والله يقولوا البنات فيه ملخص تصدقين توني ادري
مشاعل: ههههههههه والله انك فله
فهده: اقول اخبار طلال
مشاعل: ياحبي له
فهده: هاه السناره غرزت ؟
مشاعل: الا غرزت وصادت حوت بعد هههههه
فهده : ههههه اقول ليش ماتجوا تذاكروا عندي بكره
مشاعل: والله ماتوقع اذا اجتمعنا انا وانتي ما بنذاكر
فهده: على قولتك ,, مدري ايش اكل ميته جوع
مشاعل: اطلبي لك اكل من اي مطعم
فهده: شرايك من وين اطلب
مشاعل: اسمعي انا بطلب لك
فهده: طيب بس قولي لهم يجون بسرعه ترى ميته جوع
مشاعل: اوكي
فهده : بس ايش حتطلبي يمكن ماحب هالأكله اللي حتطلبيها
مشاعل: لاماعليك بطلب لك شي تحبيه ,, باي الحين قبل يقفلون
فهده: اوكي باي
بعد ماقفلت التفتت مشاعل لساره وسألتها
مشاعل: سارونه ايش المطعم اللي فهده ماتحب اكله
ساره: والله مدري بس ليش ؟
مشاعل: ابي اطلب لها اكل تقول ميته جوع
ساره: والله انك فاضيه مقالب ايام الاختبارات لاتدعي عليك بس
مشاعل: اسكتي انتي بس وكملي مذاكره
مشاعل طلبت من كنتاكي تذكرت ان فهده حلفت اذا دخلوه ان ماتشرب لو بيبسي مره تكرهه
مشاعل : هههههه توهقت فهده ,, شكلها آخر شي حتسوي لها بيض هههههه
ساره : ههههه ,, ميشو يالخبله ذاكري بكره الاختبار ,, هاتي موبايلك
مشاعل : طيب طيب بس شوي
ساره : لا هاتيه
مشاعل: طيب آخر شي بكلم حسين والله مره واحشني
ساره: ميشو ذبحتيني
دقت مشاعل على حسين
مشاعل: هلا حسونه
حسين: هلا ببنات الجامعه
مشاعل: هاه كيف ثالث ثانوي ,, عسى بس ذاكرت
حسين: هههههههه ,, تسمعين بالمذاكره ,, انا برا
مشاعل: اقول والله انك فله ,, بس لما ماتلقى لك قسم يدخلك من نسبتك الخايسه لاتصيح ههههههه
حسين : لاحبيبتي نشغل الواسطات
مشاعل: اخس واسطات
حسين: ايه ايش على بالك ,, وانتي يالفالحه خلصتي
مشاعل: ياشيخ طنش تعش تنتعش
سمعت صوت خط ثاني بالانتظار ,, لقت رقم طلال
حسين: هاه اخبار خوينا حا ..
مشاعل: حسين باي الحين بعدين اكلمك
ماانتظرت يرد ,, على طول ردت على طلال
طلال : ماشالله معاك خط وانتي بكره عندك اختبار
مشاعل: الناس يسلموا اول
طلال: السلام عليكم
مشاعل: عليكم السلام
طلال: مين تكلمي ؟
مشاعل: حسين
طلال: حسين ؟
مشاعل: ايه اخوي
طلال: بس اول مره تقولي ان عندك اخو اسمه حسين
مشاعل: لا هو اخوي ومو اخوي
طلال: مو فاهم ,, اخوك من الرضاع ؟
مشاعل: لا,, يعني هو مو اخوي بس انا اعتبره اخوي
طلال: اها يعني مايقرب لك
مشاعل: لا
طلال: اها
مشاعل: وحشتني ,, تدري ان لك ساعتين ماسمعتني صوتك
طلال: ........
مشاعل: الو
طلال من غير نفس: معاك
مشاعل: ايش فيك ساكت
طلال: ولاشي
مشاعل: طلال ايش فيك ؟
طلال من غير نفس: لا بس شكلي قطعت مكالمتك مع حسين
مشاعل: طلال قلبي حسين مثل اخوي وربي
طلال: ترضي اني اكلم وحده واقول هذي مثل اختي ؟
مشاعل: لا
طلال: اها
مشاعل: طلال بس حسين وربي مثل اخوي اعرفه من زمان
طلال بزعل: الله يهنيك فيه ,, تامرين شي بروح انام
مشاعل: طلول والله مو قصدي ولابينا شي قسم بالله
طلال: طيب انا قلت ان بينكم شي
مشاعل: طلال
طلال بزعل: نعم
مشاعل: ايش فيك ,, طيب اسمع بعطيك رقمه واسأله
طلال: لا مايحتاج ,, ممكن اقفل
مشاعل بدلع: طلال بليز لاتزعل ,, ترضى اروح بكره للاختبار متضايقه ,, بعدين ماعرف احل
واسقط
طلال: خلي حسين يوسع صدرك
مشاعل: طلال خلاص والله ماكلمه الا اذا استأذنت منك
طلال بنرفزه: اقول بس باي ,, صدق انك ماتستحي
مشاعل خافت: حبيبي انا اسفه
طلال: .........
مشاعل: والله آسفه آسفه وربي ماكلمه ابد ابد ابد ,, طلال تدري ان حسين اعتبره اعز صديق
لي ومع كذا وربي لو هالشي يزعلك وربي ماراح ارد عليه ابد
طلال :..........
مشاعل: خلاص طلال وربي اسفه بليز لاتزعل
طلال: ..............
مشاعل: الو
طلال: معاك
مشاعل: ليش ساكت
طلال: مستغرب
مشاعل: من ايش
طلال: فيه كلمه قلتيها مصدوم منها
مشاعل مره خافت: ايش قلت
طلال: آسفه
مشاعل: طيب ؟
طلال: ميشو انتي عمرك ماقلتيها ,, انتي تتأسفي ؟
مشاعل ابتسمت : طلال وربي انت غيرت فيني اشياء كثيره ,, الحين بس احس اني عايشه
احس بطعم الدنيا ,, واشياء كثيره ماكنت راضيه عنها بس كنت الاقي صعوبه في تغيرها ,, اما
الحين القى نفسي ابعد عنها بدون ماحس ... طلال
طلال : لبيه
مشاعل : احــــــــــــــــبـــــــــــــــك

[●● شيخة ♥ الغــيد ●●]

طلال: ...........
مشاعل: .......... (( كانت تتمنى يقفل الخط بس مايسكت ماتدري ايش يفكر فيه ))
مشاعل: طلال
طلال بهدوء: لبيه
مشاعل: انا آسفه ع الكلمه
طلال: ليش ندمتي عليها ؟
مشاعل: لا بس يمكن ضايقتك
طلال: تدري ميشو وربي هذي احلى كلمه سمعتها بحياتي ,, سمعتها كثير بحياتي ,, من امي
واخواتي ,, وعلاقات قديمه ,, بس اول مره احس فيها ,, ميشو قلتيها كلمه وبس ,, والا انتي
حاسه فيها
مشاعل: طلال واللي خلقني اني اموت بالأرض اللي تمشي عليها ,, طلال احبك احبك
طلال : ميشو ايش طلال بحياتك ؟
مشاعل: اااااه
طلال: سلامت قلبك من الآآآه انشالله فيني ولا فيك
مشاعل: انت ياطلال عمري ,, وماراح انساك الا لما ينتهي عمري ويدفنوني ,, طلال انت الدم
اللي بعروقي ,, انا كنت خايفه اني احب واتعذب ,, بس انا مقهوره على 20 سنه اللي راحت
من عمري بدونك ,, ماكنت اتوقع ان الحب شي حلو ,, طلال من بعد امي انا ماحبيت احد
بالدنيا ,, وانت الشخص الوحيد اللي حبيته ,, ماتدري انت ايش سويت بحايتي ,, طلال انت
حياتي ,, بدت مشاعل تبكي يمكن علشانها اول مره تحكي من قلبها ,, يمكن علشان المشاعر
اللي كانت مكبوته
ولما طلعتها حست بدموعها تنزل بدون ماتحس
طلال: ميشو قلبي ليش تبكي ؟
مشاعل: لاني فرحانه ,, هالكلام كان ودي اقوله من زمان بس ماكان عندي جرأة
طلال: الله لايحرمني منك
مشاعل: ولا منك
طلال: انشالله مايفرقنا الاالموت
مشاعل: امين يارب
طلال: حبيبتي لازم نتفق اتفاق اذا نبي نستمر مع بعض
مشاعل: انا رهن اشارتك .. انت طلباتك اوامر
طلال: حبيبتي انا مايهمني اعرف ماضيك ,, ولا مين عرفتي اوكلمتي ,, ولاراح اعاتبك على
ماضيك ,, بس من اليوم ياميشو .. انتي لي ,, وماراح ارضى احد يشاركني فيك ... ميشو
ماتتخيلي الناراللي تحرق صدري لما ادري انك طالعه ,, ميشو مابي احد يطالعك غيري ,, مابي
احد يسمع صوتك غيري ..
مابي تحكي ولاتضحكي مع احد غيري .. ابيك لي لوحدي ,, ملكي ... ميشو بليز انا بتغاضى عن
ماضيك وهذا شي صعب خاصة على شاب شرقي ,, بليز لاتخونيني ,, كوني لي ,, عشان
خاطري ابيك لي ,, لاترديني
صارت مشاعل تبكي اكثر ,, خافت انها ماتقدر تتحمل هالفرحه
مشاعل: والله ما اطالع احد غيرك ولاافكر بغيرك ,, معقوله افكر بغيرك وانت معاي ,, صدقني
مااشوف احد غيرك ,, طلال والله احبك
طلال: ميشو انا غيور مره تقدري تتحملي
مشاعل: لوتقفل علي بغرفه وماتخليني حتى النور اشوفه انا راضيه ,, انت نوري وشمسي
انت الفرحه بقلبي
طلال: ياحبيبتي ,, طيب بليز ميشو لاتبكي علشان خاطري ,, اذا لي خاطر لاتبكي دموعك غاليه
مشاعل: طلال والله من الفرحه
طلال: ميشو اوعديني ماتردي على حسين ولاغيره ,, تدري انا بغير رقمك علشان محد يدق
عليك
مشاعل: ماراح ارد على حسين ولا غيره ,, واذا تبي تغير رقمي غيره ,, اهم شي رضاك علي
طلال : وربي انتي دنيتي ,, ميشو من اليوم وطالع ماتطلعي الا من بعد اذني
مشاعل: ابشر
طلال: ودوران مافيه
مشاعل: ابشر
طلال: وصاحباتك ماراح يزعلوا ؟
مشاعل: ماهموني ,, اهم شي رضاك
طلال: ميشو ابيك تغطي وجهك ,, مابيك تطلعي كاشفه ,, مابي احد يشوفك غيري
مشاعل بسعاده: ابشرررررر , احبك احبك, احبك
ومرت دقايق وهم يتواعدون ان كل واحد مايخون الثاني ,, وكانوا يتبادلون احلى كلمات الحب
قطعها سؤال طلال
طلال: ميشو حبيبتي متى اختبارك بكره ..؟
وكأنه بهالسؤال صحاها من احلى حلم
مشاعل: الساعه11
طلال: وانتي حضرتك جالسه تكلمي ,, خلصتي مذاكره
مشاعل: يعني
طلال: طيب نامي وانا بصحيك الفجر تخلصي الباقي
مشاعل: لالا مايحتاج ,, بس ياليت تصحيني 10 علشان الاختبار
طلال: ابشري حبي ,, تغطي كويس
مشاعل: ابشر
طلال: الله لايحرمني منك
مشاعل: ولامنك
طلال: الله يحفظك باي ياحبيبتي
مشاعل: باي ياعمري
ماكانت تعرف تبكي والا تضحك ولاتصارخ ,, حست انها صارت تمتلك الدنيا كله ,, ولو ان طلال
ماقال لها انه يحبها ,, بس يمكن متردد ,, كل تصرفاته تدل على انه يحبها ,, بس ليش ماقال لها
,, يمكن يبي يتأكد من مشاعره
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,

[AZالرهيبAZ]

wooooooow

I just don't know what to say


but


شكــراً على هالجزء الــرائــعــ من هالقصـة الجميلــة..


ونتريــا رووعـة ااالاجزاء القــــاااادمــــة..

[●● شيخة ♥ الغــيد ●●]

مرحبا بك زود اخوي
وتسلم على المتتااابعه
وان شاء الله تنزل بااقي الاجزاء
عما قريب وتخلص القصه ^ ^

[●● شيخة ♥ الغــيد ●●]

الساعه 10 كان موبايل مشاعل يدق
مشاعل بصوت كله نوم: الو
طلال: صباح الخير على قطوتي
مشاعل: صباح الأنوار والفل والياسمين
طلال: وحشتيني
مشاعل: وانت اكثر
طلال: ياكذابه كنتي نايمه شلون وحشتك
مشاعل: بالحلم ههههههه
طلال: هههههه يللا حبيبتي اصحي ,, مقدر ارجع ادق عليك عندي اجتماع
مشاعل: اوكي يللا صحيت
طالعت مشاعل سرير ساره لقتها صحت اكيد الدافوره تحت تذاكر
لبست بسرعه ونزلت تشوف ساره لقتها لابسه وجالسه تذاكر
طلعوا وركبوا السياره وأول شي سوته مشاعل انها تغطي وجهها اكيد وعدت طلال ومستحيل
تكذب عليه ودق موبايل مشاعل
مشاعل" غريبه طلال داق يقول عنده اجتماع "
طلال: هلا والله باللي تسمع الكلام
مشاعل: ايش ؟
طلال: مشاعل حبيبتي اكشفي
مشاعل: مافهمتك مره تقول تغطي ومره تقول اكشفي
طلال: اكشفي والتفتي يمينك
مشاعل التفتت لقت سياره طلال (( يالله حتى الصباح شكله يجنن )) كان لابس ثوب وشماغ
مرسم الولد علشان الدوام: وين اللي عنده اجتماع
طلال بخبث: وهذا مو اجتماع حب
مشاعل تضحك: ياقلبي احبك
طلال: خلاص تغطي
مشاعل: مابي ,, ابي اشوفك
طلال: قلت تغطي
مشاعل: انشالله ,, تعال ايش طلعك الصباح
طلال: مستحيل اخليك تروحي الجامعه بدون ماوصلك ,, بعدين احد يفوت القمر بالصباح
مشاعل تبي تقهره: مو كنت شينه
طلال: كنت اعمى ,, بعدين ماعندك مرايه علشان تعرفي اني اكبر كذاب
مشاعل: طيب ارجع للدوام جامعتي بعيده
طلال يبي يقهرها: ليش تصرفيني ايش عندك اكيد مواعده حسين
مشاعل: حسين بوجهك
طلال: ايش عندها خويتك ساره بتاكل الكتاب اكل ,, الله يخلف علي خويتي كسلانه ,, يزيد اللي
لاقي له خوية دافوره
اقول ماتعرفين وحده دافوره تعرفيني عليها
مشاعل: وجع ,, مو دافوره لله ,, ابوها حالف انها اذا مانجحت ماراح يسفرها هالصيف
طلال: اها , وانتي ماراح تسافري ؟
مشاعل: اذا نجحت راح نسافر
طلال: يارب ماتنجحي
مشاعل: حرام عليك ليش
طلال: لاني هالصيف ماارح اسافر
مشاعل: ليش
طلال: ماقدر اترك المؤسسه ,, يأانا ياأبوي ,, وأبوي بيسفر اهلي ,, وانا ماراح اسافر الا بعد
مايرجعوا
مشاعل: اها
طلال: اهون عليك تسافري وتتركيني
مشاعل: مشكلتك
طلال: اوكي روحي ,, اتعرف على البنات اللي بالبنك اللي جنبنا
مشاعل: ههههههه والله احسهم شينات
طلال: شينات بعينك ,, الا كل وحده احلى من الثانيه
مشاعل: والله ,, اوكي باي بكلم حسين
طلال: والله لأخليه حسن مو حسين لو فكرتي تدقي عليه
مشاعل: طلال احبك شسوي
طلال: لاتسوي شي عطيني بوسه
مشاعل احمرت خدودها : اقول باي انا وصلت الجامعه
طلال: يالله كذابه عيني عينك ,, ترى انا وراك
مشاعل: طيب البنت معصبه تقول ماخليتيني اذاكر ازعجتيني
طلال: طيب اوكي انا وراك لحد ماتوصلي ,, بعدين برجع للمؤسسه ,, بس قلبي طمنيني اول
ماتطلعي
مشاعل: انشالله
,’,’,’,’,’,’,’,’,’,’,’,’,’,’,’,
خلص الاختبار وكانت مشاعل تدعي بس انها تجح لأن الاسئله جت مره صعبه
ساره: اوف اخيراً خلص مابغينا نفتك
فهده: والله شكلي بحمل الماده
مشاعل: ومن سمعك
مشاعل راحت تكلم طلال تطمنه
مشاعل: والله انشالله اقدر اعدي
طلال: احسن جالسه تكلمي حسين ومدري مين
مشاعل: يالله طلال خلاص ترى ذليتني بحسين
طلال: طيب متى اختبارك الثاني
مشاعل: الثلاثاء
طلال: ثلاث ايام فيه وقت تذاكري
مشاعل: انشالله تتركني اذاكر ماتنشب لي
طلال: ههههههههه والله طيب طيب ,, المهم بتطلعي الحين من الجامعه ؟
مشاعل: ايه
طلال: لاتطلعي انا قريب من الجامعه ,, لاتطلعي لما ادق عليك
مشاعل: ايش عندك جاي الجامعه
طلال: ماراح اخليك ترجعي لوحدك
مشاعل: معاي ساره
طلال: حتى لو ,, حبيبتي ومن حقي اوصلك وارجعك
مشاعل: ياقلبي بس مابي اتعبك ,, والا عذر علشان تشوف البنات
طلال: يعني تقريباً
مشاعل: طيب اذا قربت دق مره تعبانه
,’,’,’,’,’,’,’,’,’,’,’,’,’,’,
مروا أسبوعين الاختبارات اطول من ماكانوا يتوقعوا وصار فيه تقدمات كثير
مشعل راح يشوف الخطيبه وانجن عليها وماصار يتكلم الا عنها وتحدد زواجه بعد شهر
اما مشاعل كانت غرقانه في بحر الحب والغرام مع طلال اللي للحين ماسمعت منه كلمه احبك
وفهده اخيراً انخطبت لولد عمها
بعد ماطلعت النتايج فهده حملت 3 مواد بس ماكانت مهتمه لأن الزواج كان كل همها
ساره نجحت وبتفوق ,,
اما مشاعل حملت مادتين وطبعاً زعل عليها طلال يومين كل ماده بيوم خخخخخخخخ
,’,’’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشعل : ميشو كلمي نجود قولي لها تقنع اهلها يقدمون الزواج ؛؛ تعبت مع ابوي مو راضي
مشاعل : اذا ابوي مو راضي تبي البنت تقول لأهلها يااهلي قدموا الزواج ابي اتزوج بسرعه
مشعل : شسوي مليت من الإنتظار
مشاعل: سبحان الله اللي يشوفك قبل مايقول هذا مشعل ؛؛ كنت كاره شي اسمه زواج ,, اركد
ياخوي الركاده زينه
مشعل: اوووه ميشو بليز سوي شي ماني قادر
مشاعل: اقول مشعل انا مو فاضيه لك ولقضاياك ؛؛ قول لسعود اتوقع يتحمس لمشكلتك
(( طلعت من عنده ميته جوع وماتعرف ايش تاكل ؛؛ ))
دقت على طلال يمكن يعطيها اقتراح
مشاعل: طلول ميته جوع مدري ايش اكل
طلال: امري ؛؛ اطلبي ودقايق ويكون عندك
مشاعل: ايه انشالله وشلون تدخله بيتنا
طلال: عادي خلي الخدامه تطلع تاخذه مني
مشاعل حست انه وقت حلو هي اللي تآخذ منه الأكل
مشاعل: ابي دونات
طلال: غالي والطلب رخيص ؛؛ ثواني البس واطلع
مشاعل: تلبس ليش تعال بالبيجامه ؛؛ الخدامه اللي بتاخذه منك
طلال: اول شي مجنون انا اطلع بالبيجاما ,, بعدين توني راجع من النادي ... وتوني متحمم
تبيني اجيك بالفوطه هههههه
مشاعل انحرجت: اوكي لاتطول
بعد 10 دقايق دق عليها
طلال: هاه قلبي انا بالبيت توني مشغل السياره ,, حبيبتي من وين تبي اجيب لك دونات ؟؟
مشاعل: بيت الدونات
طلال: ترى مادل كويس ؛؛ تعرفي بأي شارع هو
مشاعل: اممم مدري
طلال: طيب ثواني انادي المرشد السياحي
مشاعل استغربت عنده مرشد سياحي ليش الأخ وين رايح ..؟
طلال يكلم اللي عنده: نواف تعال معي بنروح مشوار
(( نواف اخوه الصغير عمره 10 سنوات )) : وين انا مشغول ماني فاضي ايش تبي
طلال: ياطويل العمر ابد ابيك تروح معي بشتري دونات وماأدل
نواف: وكم تعطيني
طلال: يالله فشلتنا ايش بتقول البنت اخوك طماع ,, تعال ياخي اعطيك اللي تبي بس خلصني
نواف: يللا مشينا
(( نواف على صغر سنه بس كان اسلوبه اسلوب شايب عمره 50 يمكن علشان طول الوقت جالس
مع ابوه ))
طلال: هاه وين اروح
نواف: اقرب واحد لنا اللي بطريق الملك عبدالله , يللا روح هناك
طلال: ابشر طال عمرك , ميشو ماتحسين اني اتهزأ ..؟
مشاعل: طلال انا مصدومه كم عمر اخوك
طلال: 10
مشاعل: ماشالله شكله عمره 30
طلال: ايه نسميه بالبيت الشايب
مشاعل: ههههه
نواف: خلصني روح يمين
طلال: ابشر , بس لاتعصب الله يحفظك
نواف : بس هنا
طلال: يللا عاد انزل اطلب
نواف: خدام عندك انزل انت
طلال: نواف عيب انت اخوي الصغير
نواف: طلعتي معك هذي بميه اما لو تبيني انزل تدفع 200
طلال: خلاص يله بس انزل بعطيك اللي تبي
نواف : الحين عطني 300
طلال: وليش انشالله كانت 200
نواف: ماتبي تدفع حق الدونات والا انشالله على بالك انا اللي بدفع
طلال طلع من محفظته 300 واعطاه لاخوه وقال له جيب من كل نوع 10 حبات
مشاعل: مجنون مين راح ياكلها هذي
طلال: انتي
مشاعل: ليش شايفني آآفه
طلال: لا ابيك تسمني
مشاعل: لاجد طلال مره كثيره ,, حرام
طلال: ياحلوك ساكته ,, ايش رايك في هالخبل نوافوه
مشاعل: ماشالله يجنن خطير ,,, بليز هاته عندي يوم
طلال: لا انا اخاف عليك منه مااضمنه صح انه صغير بس عينه زايغه
مشاعل: ههههه
ركب نواف وماكان شايل الأغراض ,, خلى الهندي يشيل عنه
طلال: الله يحييك ليش ماشلت الأغراض
نواف: ياحبيبي فلوسي تخدمني
طلال ومشاعل: هههههه
وهم في الطريق لبيت مشاعل
نواف : اقول طلال مالاقي عندك سلف 100
طلال: ههههه ايش عندك كل شوي ساحب 100 وهذي حقت ايش الرجعه لاتخاف ادل البيت
نواف: لا مو ميه ريال
طلال: اجل
نواف بصدق: ميه الف
طلال ومشاعل اللي على الخط مستمعه : هههههه
طلال: ليش بتتزوج من ورانا
نواف عصب: اتكلم جد
طلال:ليش ايش تبي فيها
نواف : والله طلعت مع السواق قبل امس للعربه (( معرض سيارات )) وشفت لي همر خطير
وقال لي ادفع ميه الف نحجزه لك ,, وقلت لأبوي قال خلها الأسبوع الجاي ,, واخاف يطير علي الموتر
طلال: ههههه ماتبي ماي باخ ..؟
نواف: اقول ترى اكلمك جد وانت تستهبل
طلال: من جدك ابوي وافق ..؟
نواف: اي والله
طلال: وانشالله مين بيسوقه انت ..؟
نواف: لا السواق
طلال: ياخي اشك انك مسوي لأبوي عمل ,, مستحيل يرفض لك طلب
نواف: المهم تسلفني والا لا
طلال: اقول يركدون بس ,, حبيبتي انا برا خلي الخدامه تجي تاخذ الأغراض
راحت مشاعل ركض وكانت الأوضاع تساعد انها تفتح له الباب لأن البيت ماكان فيه احد
فتحت مشاعل الباب ,, انصدم طلال من اللي شافه ؛؛ او ل مره يشوف مشاعل بدون عبايه
وجلس يطالع مصدوم ؛؛ هي بعد اول مره تشوفه من قريب ,, وعينها بعينه ؛؛ ماتكلم عطاها
الأغراض ومشى دق عليها
طلال: الخدامه هاه
مشاعل ميته ضحك: ايه
طلال: تدري ان خدامتكم تجنن ؛؛ نبي زيها
مشاعل: لا مافيه منها الا نسخه وحده
وكانت حياة مشاعل وطلال مررره تجنن ,, ماكان فيها اي مشاكل ,, كانت مشاعل تسمع كلام
طلال كله ,,, ولايمكن تناقشه ابد في امر امرها به
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

يوم الإثنين كان موعد رحلة مشاعل لجدة الساعه 11 بالليل ؛؛؛ كانت رايحه تزور خالاتها
اللي ساكنين بجده ,,, وبعد مااقنعت طلال انه يخليها تروح ؛؛ وافق بس بشرط انه يروح معاها
بنفس الطياره
ويطمن عليها بعدين يرجع بنفس اليوم ,,,
صحت الساعه 2 الظهر ,,, منصدمه ,,, ايش كرم الأخلاق اللي نزلت على طلال ,, خلاها تنام
لحد الساعه 2 الظهر ,,, بالعاده الساعه 12 يصحيها غصب ,,,
طالعت موبايلها مالقت اتصال منه ,,, دقت عليه مارد
قررت تتحمم وتنزل تفطر او تتغدى
انتهت من الغدى بحدود 4 العصر ,,,
تدور موبايلها تذكرت انها نسته بالغرفه ,,, يالله اكيد طلال معصب
طلعت غرفتها ,, استغربت مااتصل عليها ,,, اكيد طلع من الدوام ونام
كانت الساعه 8 وطلال مادق ,, خلاص الرحله باقي عليها 3 ساعات ولازم تكون
بالمطار بعد ساعتين
اتصلت على ساره
مشاعل: سارونه مره خايفه على طلال مادق اليوم كله مو من عوايده
ساره: يمكن مشغول
مشاعل: تكفين عطيني رقم يزيد اكيد شافه اليوم
دقت على يزيد واللي قال انه ماشاف طلال من يومين
دقت على بيت طلال وكان يرد عليها السنترال ( ناصر ) ويقول لها ان سيارته ماهي موجوده
ولاهو بالبيت
حاولت بيزيد انه يروح بيت طلال يدور عليه ,, يمكن لاسمح الله يكون تعبان بغرفته ومو قادر يقوم
كانت في انتظار لحد الساعه 10 وابوها يستعجلها تطلع لاتفوتها الطياره ,,, بلغت ابوها انها
ماراح تروح لأنها تحس بتعب وراح تأجل رحلتها لبكره
كانت الساعه 5 الفجر وطلال مابين وهي ماقدرت تنام من الخوف ,,,
اتصلت على طلال كثير يمكن فوق 200 اتصال ,,,
مو معقوله شخص اذا طول يتصل كل ساعتين يغيب يوم كامل
دقت على يزيد اللي كان نايم وترجته يروح مره ثانيه يمكن يكون رجع للبيت
بلغها انه مو بالبيت وان اهله منجنين قلقانين عليه
وقتها انجنت خلاص واتصلت ع البيت رد عليها السنترال ( ناصر ) يقول انه للحين مو بالبيت
طلال متعود اول مايصحى يدق عليها ,,, ولما تدق يرد حتى لو كان باجتماع ,,, اكيد فيه شي
بس ماتدري ايش هو ؛؛؛ ظلت تدق على موبايله لحد ماتقفل شكل البطاريه خلصت
صارت تبكي وتبكي ,,, دقت على كل المستشفيات ,,, تسأل عن اي حادث ,,, بس ماكان
موجود دقت على كل اقسام المرور ,,, ماكان موجود ,,, خلاص ضاعت حيلتها ماتدري ايش
تسوي يوم كامل ماتسمع صوته ,,, مستحيل ,,, مليون بالمليون فيه شي مانامت طول اليوم ....
كانت الساعه 11 الظهر من اليوم الثاني وهي مانامت يا تتصل على يزيد و تبكي
ولا على بيت طلال ,,, وناصر يقول لها ويأكد انه مو بالبيت واهله كلهم يدوروا عليه
يالله طلال وين راح ..........؟؟
مات ......؟؟ مستحيل ..... مريض ....؟؟ بالمستشفى .......؟؟ وينه .....؟
كانت الساعه 5 العصر من اليوم الثاني لاختفاء طلال ؛؛ طبعاً صار لها يومين مانامت غفت
بدون ماتحس من الإرهاق صحت على صوت موبايلها يدق اخيراً دق طلال بس مو من موبايله ,,,
كان يدق من البيت
مشاعل: طلال حبيبي وينك خوفتني عليك
السنترال : لا انا ناصر
مشاعل هنا انجنت اول مره ناصر اللي يشتغل سنترال في بيت طلال يدق عليها ...؟؟!!!!!!
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,

[لاتكدرمزاجي]

اوووووووووووووووف منج

شو هذا

انا من كم يوم مادخلت القصه عشان اتحطين اكثر عن بارت

ويوم يا على اخره ماتحطين

روووووووووووووعه القصه

اتريا الباقي

[AZالرهيبAZ]

هههههههههههههه

مشكوره ونتريا بقية الاجزاء...

[●● شيخة ♥ الغــيد ●●]

اوووووووووووووووف منج
شو هذا
انا من كم يوم مادخلت القصه عشان اتحطين اكثر عن بارت
ويوم يا على اخره ماتحطين
روووووووووووووعه القصه
اتريا الباقي
لا تكدر مزااجي
لا تأفف مني ^_
وان شاء الله القصه بتخلص عما قريب
وبنزل اكثر عن جزء _

[●● شيخة ♥ الغــيد ●●]

الرهيب
مشكور اخوي على مرورك
والاجزاء (( جاري التنزيل )) ^ ^

[●● شيخة ♥ الغــيد ●●]

..؛؛ الجـــــــزء الســـــــــــابع ؛؛..
,’,’,’,’,’,’,’,’,’,’,’,’,’,’,’,’,’,’,’,’,’,’,
صحت على صوت موبايلها يدق اخيراً دق طلال بس مو من موبايله ,,, كان يدق من البيت
مشاعل: طلال حبيبي وينك خوفتني عليك
السنترال: لا انا ناصر
مشاعل هنا انجنت اول مره ناصر اللي يشتغل سنترال في بيت طلال يدق عليها: وين طلال
السنترال: والله العم طلال مره تعبان ومايقدر يكلمك
هنا مشاعل انجنت : وينه الحين ,, بأي مستشفى ...؟
ناصر: هو بالبيت ,,, مايقدر يكلمك ,, ومره تعبان بلغني اقول لك انه يبي يشوفك
طلال ماطلب منها انه يشوفها قبل غريبه يطلب منها وهو تعبان
مشاعل: طيب حولني عليه ابي اكلمه
ناصر: مايقدر ,,, اهله كلهم عنده ,, بس يقول الحين بيرسل لك السواق يقول يبي يشوفك
ضروري مره
مشاعل : وكيف راح اشوفه ماقال لك ....؟
ناصر : بلغني ارسل السواق لبيتك ,, وطلال بيقول للسواق وين ياخذك
مشاعل ارتبكت مو من عادتها تركب مع سواق واحد تعرفت عليه بس لولا انها تأكدت ان
طلال عنده مصيبه كبيره ويمكن تعبان مايبي يقول لها ماكانت سوت هالشي
خوفها على طلال خلاها ماتفكر بأي شي ,, كان همها تشوفه وتطمن عليه
كان قلبها ناغزها ان فيه شي مره كبير
مشاعل: ناصر اوكي ارسل لي السواق الحين
ناصر : ابشري
راحت مشاعل تلبس وراحت تنتظر السواق
اول ماوصل سواق طلال ركبت معاه وماتدري وين راح ياخذها اهم شي
انها تطمن على طلال ,, نست موضوع سفرتها لجده ,, ونست كل الناس
,’,’,’,’,’,’,’,’,’,’,’,’,’,’,’,’,’,’,’,’,’,’,
فهده: اقول ماما محتاجه اغراض كثيره لسى ماخلصت شي والزواج مابقى عليه الا إسبوعين
ام فهده: خليها يابنيتي بعد العرس ,, علشان زوجتس هو اللي يدفع
فهده: يمه بس مهري ماخلص
ام فهده: يالخبله الهبله ,, خليه ليومتس الأسود
فهده: يمه ترى ماراح اتزوج الا مره بالعمر
ام فهده: ايه وشوله هالخلاقين اللي تشترينها ,,, مغير بربستن ع الفاضي
فهده: يمه ابي اتكشخ عند رجلي
ام فهده: عطيني بس قروشك اشتري بها سجادات اهديها على صديقاتي واشتري بها كم قطعه
قماش تهدينها على خالتس
فهده: يمه خالتي اتفقنا انا وزوجي اننا بعد مانرجع من شهر العسل بنشتري لها هديه
ام فهده: ايه وموب تنسين امتس ,, وتقولين اميمتي ماتزعل ,, الله لايحللتس ,, ولايبيحتس
ان شريتي قطعه لخالتس ولاشريتي لي
فهده بخبث: بدى شغل الحموات ,, طيب يمه انا بشتري لخالتي بنطلون جينز ,, وانتي ماتلبسين
الجينز ,, ايش اسوي
ام فهده: ابد هاتيه واقصه واخيطه لي بلوزتن البسها
فهده: هههههههههه يمه احد يقص الجينز ويخيطه بلوزه
ام فهده: ايه انا ,,,, انتي مير من يوم ملكتي وانتي واطره
فهده: المهم يمه خلي صالح يوديني ,, ابي اكمل اغراضي ,, والا خليني اروح مع ساره صديقتي
ام فهده: مابقى الا ذي ,,,اذا صرتي في بيت رجلتس روحي مع صديقاتس ,, مير وانا راسي
يشم الهواء وانتي في بيتي تخسين تطلعين مع صديقاتس ,, مابقى الا ذي ,, الله لايخزينا ولا
يشمت بنا يوم يبعثون عباده الصالحين
فهده: ياربيه ,,, والله شكلي بخلي ساره هي اللي تكمل اغراضي ,,, لأني مقدر اطلع من
هالسجن اللي الله بلاني به
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,
في بيت ام سلطان
==============
ام سلطان: اقول ابو مشعل ,, خلاص مشاعل بتروح اليوم لخوالها
ابو مشعل: ايه تدرين انها تسافر كل صيف لخالاتها
ام سلطان: ومتى رحلتها
ابو مشعل: 3 الفجر
ام سلطان: هو يابو مشعل ,, وبتخليها تروح لحالها
ابو مشعل: لا مشعل بيوصلها للمطار واخوالها يستقبلونها
ام سلطان: وبتطول هناك
ابو مشعل: والله يمكن اسبوعين تعرفين ورانا سفره لمصر بعد عرس مشعل
ام سلطان : ((قطيعه قلت مانجحت ماراح تسافر معنا )): ايه بس كان البنت ودها تجلس عند
خالاتها لاتمنعها تدري ماتشوفهم كثير
ابو مشعل: لا حرام خليها تغير جو وبعدين السفره ماتحلى الا بمشاعل يكفي ان مشعل هالسنه
مو مسافر معانا
ام سلطان: ايه الله يوفقه ,, الا ماحددتوا العرس
ابو مشعل: الا والله انشالله عقب 4 اسابيع عاد الله الله بالكشخه ابيك تصيرين نجمة الحفل
ام سلطان استحت
كانت ام سلطان المفضلة عند ابو مشعل لأنها الصغيرة
,’,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

’,’,’,’,’,’,’,’,’,’,’,’,’,’,’,’,’,’,’,’,’,’,
مشاعل كان الطريق بالنسبه لها طويل وماله نهايه ,,, وصلت السياره لبيت كبير كان له بوابه
مره كبيره ,,, ضرب السواق بوري علشان يفتحوا الباب ,,, انفتحت البوابه وكان وراها
شخصين كانوا مشغولين بفتح الباب
كانت واجهة البيت عباره عن درج طويل ع اليمين واليسار وينتهي ببوابه ,,, مبين انها تودي
لجوا البيت ,,, كان البيت عباره عن نقطه في ارض خضراء ,,, كانت الحدائق ماليه المكان ,,
اما في طرف الفله فيه ممر سيارات يودي للدور الارضي ,,, يعطيك احساس انك بمواقف
مركز تجاري خذت السياره طريقها للممر اللي يودي للدور الأرضي ( البيسمنت ) للفله كان على
شكل حلزوني يلف حوالي الفله ,,,, وبآآخر الممر ساحه كبيره تحت الفله عباره عن كاراج
للسيارات ,, كان الكراج فيه عمال كثير ,,, لاحظت حركه العمال وكثرتهم ,,, كان الدور
الأرضي عباره عن كراج ومطبخ داخله عدد كبير من الخدم وكان فيه اصنصير واضح انه
يودي للدور الاول والثاني ,, حست ان ابوطلال ماهو شخص عادي ,, كان واضح من البيت ان
صاحبه على درجه عاليه من الثراء ,,,,
وقفت السياره وطلب منها السواق انها تنزل لغرفه كانت مفتوحه ,,, مشت لحد
مادخلت في وسط الغرفه اللي دلها عليها السواق ,,, كانت الغرفه عباره عن مستودع يمكن او
غرفه مهمله كان فيها اثاث قديم ومبين انه مر عليه فتره من الزمن مو قريبه يمكن يكون
المكان خاص للخدم ,,,, ماكانت تدري عن طبيعه هالمكان ,,,, كان همها الوحيد طلال
مشاعل تكلم السواق: لو سمحت ابي اشوف طلال وينه
السواق: هو راح يجيك استريحي هنا
كان فيه كنبه في نص الغرفه ,, جلست عليها ,, سمعت صوت لما طلع السواق انصدمت منه
كان صوت الباب يتقفل
مشاعل " ليش قفل علي الباب ,, الله يستر ,,, يمكن خاف احد يدخل علي ,, اكيد طلال منبه انه
ينتبه لي ,, ولو مافتح الباب ,, يالله لو اجلس هنا لما الفجر وماحد يفتح لي " وواضح ان المكان
مهما صارخت محد راح يسمع لان الدور الارضي مره كبير ومستحيل يخترق صوتها الدور
الارضي علشان يطلع للدور الاول ويسمعوها اهله حست لحظتها انها غبيه كيف سمحت لنفسها
انها تدخل بيت شخص غريب ,,, حتى لو هالشخص طلال ,,, مسحت من عقلها هالأفكار
الشينه واستنت يجيها طلال ,, انتظرت وانتظرت وانتظرت
مرت نص ساعه وهي تستنى ,,, دقت على موبايله كان مقفل ,,, حاولت تفتح الباب ماقدرت
كان مقفل ,, صارت تدور بالغرفه تنتظر الفرج وفي لحظه سمعت اصوات برا الغرفه
والحمدلله الباب انفتح ,, دخل السواق وراه طلال
مشاعل: قلبي وينك مره خفت عليك ايش صــــ ...
انصعقت واندهشت وانصدمت لما شافت الشخص اللي دخل ماكان طلال ,,, كان شخص تعرف
ملامحه كويس ,, ابعد مايكون عن طلال ,, ماكانت تعرف ايش تسوي ولاايش تقول ,, تسكت او
تتكلم ,, تهرب او تستنى
,’,’,’,’,’,’,’,’,’,’,’,’,’,’,’,’,’,’,’,
ساره كانت بالصالون لأنها معزومه على حفله تخرج وحده من صاحبتاهم
ساره: مهاوي شوفي اللي هناك تقص شعرها
مها: ايه ايش فيها
ساره: شكلها يضحك ,,, تقول للكوافيره قصي شعري زي هيفاء وهبي هههههههههه
مها: عاد من زين قصه هيفاء وهبي
ساره: شتسوي يمكن احد لاعب عليها يقول لها انك تشبهي هيفاء وهبي
مها: ههههههههههه
ساره: يقهروني بعض الناس ماعندهم شخصيه اذا الفنانه قصت شعرها يروحوا يقلدوا عليها
مها: شرايك نقص زيها ههههههههه
ساره: تخيلي
مها: تعالي ميشو ليش ماراح تجي ....؟
ساره: ميشو اليوم بتسافر لجده
مها: يابختها تصدقين من زمان مارحت لجده
ساره: حتى انا من الصيف اللي فات ,,, واحنا راجعين من فرنسا مرينا عليها وجسلنا فيها
اسبوع
مها: شرايك نروح نخاوي ميشو ...؟
ساره: لا حبيبتي انا اول مااحظر زواج مشعل اخو ميشو ,, بنسافر
مها: وين بتروحون ...؟
ساره: ايطاليا
مها: مره حلوه ايطاليا ,,, اه شعري
ساره: هههههههههه ايش فيك ...؟
مها: الخبله هذي شدت عليه ,,, شوي شوي على شعري ترى طبيعي مو باروكه
ساره: شرايك مهاوي تركبي اكستينشن مره شعرك خفيف
مها: لا حرام حبيبتي تبين ربي يلعني
ساره: هذا انتي تحددي حواجبك ,, وهي نفس الحكم ,, كلها لعن
مها: لا من قال اني احددها انا اشقرها
ساره: والله تصدقين حلوه مو مبينه كأنك شايله الشعر
مها: الله يهديك انتي بعد وماتحددي حواجبك
مها كانت متدينه نوعا ما
,’,’,’,’,’,’,,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل كانت تفتح وتسكر عيونها يمكن ماشافت كويس ,,, بس متأكده انه اللي قدامها شخص
تعرفه وتكرهه
مشاعل بصدمه: غسان ...!!؟؟
غسان بإستهزاء: لا انا طلال بس سويت عملية تجميل
مشاعل مصدومه
غسان : انصدمتي ,, ولسى ماشفتي شي ,, هذي ربع المفاجأة (( وفتح الباب ودخل واحد ثاني ))
مشاعل انصدمت اكثر لما شافت سلمان ,, ايش جمعهم هنا ببيت طلال ,, مشاعل ماقدرت
تفكر معقوله طلال هو اللي سوى فيها هالمقلب
سلمان ببرود: هاه مشاعل كيفك بعد ماسحبتي علي ,, تصدقين حسين كان يتعذر انك مريضه
ومره مسافره ,, مسكين خلصت اعذاره
هنا جت اللحظه اللي مشاعل كانت تخاف منها ,, دخل طلال
اول مادخل طلال جت عينه بعين مشاعل ,, كانت عيونها كلها تساؤل ,, مو فاهمه اللي
قاعد يصير هل هو يعاتبها لأنها تعرفت على غيره ,, بس هو يعرف انها كانت تكلم ,, وهو
اللي طلب منها انها تنسى الماضي ,, وانه يبي يفتح معاها صفحه جديده ,, طيب ايش اللي تغير ...؟؟
طلال نزل عينه ,, كانت نظرته بارده مافيها حياه وين نظرات الحب اللي كل يوم تشوفها ,,
كان يوصلها للجامعه وكان يرجعها ,, كانت اذا طالعته حتى وهي بسيارتها وهو بسيارته
كانت تحس بالحب بعينه ,, مستحيل احساسها يكذب ,, ليش تغيرت نظرته وصارت كلها
برود
مشاعل بخوف: طلال ايش الموضوع انا وين ,, و .... طلال..... ليش..... ايش صار ؟؟
كانت متلعثمه
طلال: ...... اكتفى يطالعها بنظرات حرقتها حرق نظرات كلها برود
غسان: انا اقول لك ايش فيه ,, شوفي انا صاحب طلال ,, اما سلمان فأنا تعرفت عليه
عشانك ,, الموضوع ببساطه انا وعدتك وعد وانتي عارفه اني دايما اوفي بوعودي ,,
وعدتك اني اخليك تندمي قد شعر راسك ,, خطتي كانت اني اعرفك على اعز اصحابي
واخليه يقنعك انك تجي لبيته وهنا ادخل كل شاب تعرفتي عليه واخليك مضحكه لنا واخليك
تعيشي في رعب طول عمرك ,, بس اعترف ان خطتي تغيرت ولقت نجاح اكبر مما تخيلت
,,, تفاجئت انك بدون ماتحسي حبيتي طلال وعشتي معاه احلام ورديه ,, وآمآل مالها حدود ,,
وعشتي معاه احلى قصه حب ,, حسيت ان دنيتك معاه صارت حلوه وحسيت انه ملا عليك
حياتك والدليل انك تركتي كل الشباب وصرتي عبده له ,, صرتي تتأسفي له لأبسط زله او
غلطه ,, من بعد غرورك صرتي دميه في مسرح طلال يحركك زي مايبي ,, هههههه ,,
اسمع كلمات الحب اللي كنتي تقوليها له ,, حسيت انك بعتي كل الناس لأنك حبيتيه من قلب ,,
صدقيني حبيت المسار الجديد اللي سارت عليه خطتي ,, حسيت انك راح تتعذبي اكثر لما
تتعلقي فيه ويتركك تموتين بشويش ههههه ,, ميشو انا قول وفعل وزي مادخلت طلال
حياتك ,, اليوم بيطلع منها ,, وصدقيني اليوم بتذوقي العذاب اللي عذبتيه لكل واحد تعرفتي
عليه وحبك بصدق ,, مشاعر الناس مو لعبه بيدك يامشاعل ,, واتمنى تكوني استفدتي من
التجربه هذي
مشاعل كانت في ذهول مو مصدقه ماهمها الكلام اللي قاله ,, همها كان طلال معقوله يسوي
كل هذا
طالعت طلال في نظرة تساؤل وصدمه: طلال ايش قاعد يقول هذا ,, يكذب صح ...؟؟
طلال: ....... كان مشغول بالسبحه اللي بيده وكأنه مو مهتم للكلام
اللي يسمعه
مشاعل تصارخ: طلال تكلم لاتسكت قول شي
طلال:.........
غسان: ايش تبيه يقول خليته يكلمك ويتحملك لأني انا ابيه يكلمك ,, كنت عارف ومتأكد انك
راح تحبيه ,, وهو المسكين كان مضطر يتحملك ويتحمل غرورك وعجرفتك ,, كان مضطر
انه يضيع وقته علشان بس يعلمك درس ,, الحين ابيك تشكريه لأنه عرف يربيك ,, اتوقع
انك مدينه له ع الأقل سوى الشي اللي ابوك ماقدر يسويه ,, طلال رباك يا..... ميشو
مشاعل بحسره : يعني ياطلال كنت تكلمني بس عشان غسان ,, وكل الكلام اللي قلته كذب ..؟
طلال: .......
سلمان: مدري ايش تنتظري واحد سافه حتى مافكر يرد عليك ,, لو انا منك اطلع بكرامتي
غسان باستهزاء: يللا حاولي انك تلملمي جروحك ,, ولاتطلعي من هنا الا وانتي لامه كل
جروحك مانبي بكره تجي وتقولي باقي جرح ,, بصراحه انجرحت من طلال انجبر انه
يجاملك كل يوم خلاص المسلسل هذا لازم ينتهي
مشاعل منهاره ودموعها بدت تنزل وراحت ناحية طلال ,, كان لابس ثوب ,, مسكت الثوب
من عند الرقبه وصارت تشده ناحيتها وتصارخ: طلال طلال تكلم قول اي شي
بدأ صراخها يعلى اكثر ودموعها ماتخليها تشوف وجه طلال: طلال الله يخليك قول ان غسان كذاب
غسان يصارخ: بعد كل هالكلام تتوقعي انه يبيك ,, مشاعل برا
مشاعل منهاره وتصارخ: انت مالك شغل انا اسأل طلال ,, اذا قال ان هالكلام صدق راح
اطلع مو بس من هنا راح اطلع من حياته
غسان: طلال قول لها وريحنا
مشاعل تطالع طلال وكأنها تترجاه مايقول: طلال بليز انا اعرفك اكثر منهم ادري انك تحبني
طلال قول انهم يكذبوا قوووول ,, قول لهم مين انا ,, انا حبيبتك صح طلال ... طلاااال
وبدت تهزه مع كتوفه : طلال تكلم ,,, ليش ساكت تكلم
هنا مشاعل وقفت لانها حست بنظرات طلال كلها برود وحست في نظراته موافقه ع الكلام
اللي غسان يقوله
طلال أخيراً نطق: مشاعل كلام غسان كله صدق ,, وانا مابي اي شي يربطني فيك ,, اظن
هذا الكلام اللي تبيه عشان تعرفي ان اللي بيننا انتهى
هنا حست مشاعل ان رجولها ماتشيلها ,, كأن صاعقه نزلت عليها من السماء ولاهي اللي
موتتها ولا اللي خلتها تعيش ....

[AZالرهيبAZ]

Don't play with fire game
^^^

~*¤ô§ô¤*~*¤ô§ô¤*~كـــمـــا تدين تــدان~*¤ô§ô¤*~*¤ô§ô¤*~

مشكوره على مجهودج الطيب ونتريا بقية الاجزاء..

[لاتكدرمزاجي]

قصه روعه

اتريا الباقي

[●● شيخة ♥ الغــيد ●●]

الرهيب ,,
مثل ما قلت اخوي كلما تدين تدان ,,,
لا تكدر مزاجي ,,,
يشرفني تواصلك معانا اخوي
/
/

[●● شيخة ♥ الغــيد ●●]

ام مشعل: هاه حبيبي الحين خلصت آخر دعوه
مشعل: حرام عليك تدري كم دعيتي للحين
ام مشعل: مالي شغل فيك هذولا صديقاتي ,, وش تبيني اقول لهم ماعزمتكم مافيه كروت
مشعل: ايه بس يمه الحين عددهم 300 وهذا غير الكروت اللي راح نعطيها نجود وغير كروت
ام سلطان وغير كروت مشاعل يمه على هالحاله بتعزمين 1000
ام مشعل: حبيبي ام سلطان والله ماتفرح بأي كرت غير الكرت اللي بتدخل به ,, اما مشاعل
بعطيها 50 ؛؛ واهل نجود 150 ,, خير ونعمه 500 كرت زينه
مشعل: اكيد زينه مو انتي اللي بتدفعين
ام مشعل: وانت دافع شي من فلوسك الله يخلي ابوك
مشعل: طيب انشالله بتجيبون طقاقه
ام مشعل: هو لاتقول طقاقه يزعلون
مشعل: اجل ايش اقول
ام مشعل: قول مطربه
مشعل: هههههه والله تطوروا الطقاقات ؛؛ المهم من هي وكم تبي ؟؟
ام مشعل: والله ياوليدي مدري هالموضوع خله على مشاعل هي اخبر
مشعل: على قولتك لو بخيلها لك كان جبتي عايشه المرطا
ام مشعل: هو عايشه المرطا ماتت
مشعل: الله يرحمها ,, يمه مارحنا نعزيهم
ام مشعل: هههههه, الله يقطع شيطانك ,, اركد عرسك بعد شهر ,, لاتقول العروس زوجوني خبل
,’,’,’,’,’,’,’,’,’,’,’,’,’,’,’,’,’,’,
في هالوقت مشاعل كانت في حاله صدمه ؛؛
تكلمت والدموع ماليه وجهها وهي في حاله انهيار: غسان انت صادق نسيت اشكر طلال على انه
عرف يربيني ,, مو بس كذا ,, ودي اشكره بعد على كل لحظه عيشني فيها ملكه ,, وعلى كل
كلمه حلوه ,, على اهم درس وهو اني ما ألعب بمشاعر الناس ...
((وقفت شوي لانها حست بعبره مو مخليتها تقدر تنطق ))
غسان انا الحين قدرت اتخيل الإحساس بالكذب والخيانه ,, ((ابتسمت بحزن)) يمكن لأني
ماحبيت قبل ,, بس بعد ماحبيت طلال بديت احس بحلاوة الدينا وبحلاوة الحب ,, ((ونطقت
كلماتها بصعوبه وبهمس)) وصعبه اني اتخيل كيف بعيش بدونه
طالعت طلال بحزن ,, ورجعت تكلم غسان: بس ياغسان لاتتوقع انك او غيرك من اللي كنت
اعرفهم كنتوا تحبوني لأن لو أي واحد منكم حبني من قلبه ,, ماكنت سويت معاه اللي سويته
,, بس كنتوا تتسلوا مثل ماكنت اتسلى ,, بس صدقني ياغسان لما يجي الحب راح تحس فيه
بدمك وبعقلك ,, راح تحس انه يغزو قلبك ووقتها راح تحس بأحساسي الحين
_ كانت تكلم غسان وكأن طلال مو موجود _
رجعت طالعت طلال وبنظرة مليانه بالحزن تفطر قلب اي شخص يشوفها: طلال الله يوفقك
وين ماتروح انا مو حاقده عليك ,, انت وصلت لي رساله عمري ماراح انساها ,, ان الحب
لعبه والشاطر اللي يغلب ,, بس طلبي اذا تزوجت ابيك تعزمني ابي اشوف البنت اللي راح
تختارها ,, ابي اشوف مكاني اللي كنت احلم فيه
وقتها طلال طلع بدون مايكلمها
مشاعل حست انه ماطلع من الغرفه بس ,, حست انه طلع من حياتها ,, انهارت ,, دموع
وصياح وصراخ
غسان : اذا خلصتي تلقي السواق برا ينتظرك
وطلع وسكر الباب
,’,’,’,’,’,’,’,’,’,’,’,’,’,’,’,’,’,’,’,
ساره كانت في الحفله بحدود 11
ساره: هههههه متخلفات ,, شوفي لابسين مثل بعض قديمين مسوين خويات
مهـا: من جد ,, اكره البنات اللي يلبسوا مثل بعض احسهم قرويات
ساره: لاومسوين رقصه وحده ههههههه
مها: هههههه احس اني بفلم كوميدي
وساره ومها استلموا حش بالبنات ,, وطبعا مايتوقعوا ان احد يسب فيهم ,, لأن هذا طبع الحريم
يسبون بس يقولوا لالا احنا محد يسب فينا خخخخخ
ساره: قهر ياليت ميشو معانا تقطع بهالبنات
مها: من جد
ساره: اقول مهاوي احس اننا عجايز بس جالسين وحش ,, تعالي نرقص
والبنات فالينها بالحفله
,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

أما الطرف الثاني فيه وحده متعذبه ومصدومه ,, مشاعل بعد من انهارت ,, وبعد سيل
الدموع اللي دمعتها قررت تجمع جروحها واللي تبقى من كرامتها وتطلع ,, طالعت الساعه
كانت 11 ونص ,, كم مر من الوقت من بعد ماطلع غسان يمكن ساعتين او ثلاث يمكن اربع
,, ماكانت تدري لأنها كانت في حالة انهيار حتى مافكر طلال يطل عليها يتطمن ,, اخذت
شنطتها وطلعت ,, لقت السياره بالكراج وجنبها السواق ينتظرها
مشاعل " يا الله ياطلال مرتب كل شي ,, ومخطط لكل شي ,, بس ماعرفت انك قتلت انسانه "
ركبت السياره ,, وظلت في السياره ساكته ,, وصلت البيت وكان ابوها ومشعل يركضوا ناحيتها
ابو مشعل: مشاعل وينك لي ساعتين اتصل عليك وينك ..؟؟
مشاعل: بابا انا كنت طالعه لبيت صاحبتي
ابو مشعل: مشاعل ايش في وجهك ,, كنتي تبكين ؟ مشاعل ايش صار ؟
مشاعل تحاول تمسك نفسها: لابابا بس تذكرت ماما هذا كل الموضوع
ابو مشعل بحزن: كلنا نحب شيخه ( ام مشاعل ) بس يامشاعل هذا مو معناه اننا نعذب نفسنا ,,
ادعي لها بالرحمه هذا اللي تحتاج له
مشعل: ميشو حبيبتي تعالي نطلع نتمشى ,, يمكن تتحسن نفسيتك
مشاعل تطالع اخوها بحسره: لا يامشعل اللى مات عمره مايرجع لا الطلعه بتنسيني ولا الجلسه
مالي الا اعد الأيام لما ينتهي عمري
ابو مشعل: لايامشاعل اعوذ بالله ايش هالكلام عقب عمر طويل انشالله حبيبتي لاتقولي كذا ,,
حبيبتي ايش صاير تذكرتي امك بيوم وليله
مشاعل بحزن: انا عمري مانسيتها ,, انا وحيده يابابا
بكت بصوت يقطع القلب ,, وقتها ابوها ضمها لصدره وماتتوقعوا ايش صار ,, ابو مشاعل
الرجل القوي بكى لحزن بنته ,, كان عارف انها قويه ومايهزها شي ,, حزن لحزن بنته الوحيدة
مشعل : ميشو تعوذي من ابليس وتعالي اقرأ عليك قرآن
مشاعل تبعد عن حضن ابوها: مشعل انا تعبانه ابي انام الله يخليكم مابي احد يزعجني
ابو مشعل: والرحله ماراح تروحي
مشاعل: لا بابا بعدين
كانت داخله البيت ولما وصلت الصاله كانت ام سلطان موجودة في الصاله ,, وانصدمت لما
شافت وجه مشاعل
مشاعل: ام سلطان
ام سلطان: نعم
مشاعل: اذا انا غلطت عليك بأي يوم سامحيني ,, الله يخليك سامحيني ,, انا آسفه
ام سلطان انصدمت: لالا مو مشكله
مشاعل: مابي انام اللى لما تقولي انك سامحتيني
ام سلطان: مشاعل ايش صاير ؟
مشاعل تبكي بصمت: الله يخليك ,, اترجاك سامحيني
ام سلطان بصدمه: انا مسامحتك
مشاعل: الله يجزاك خير ,, عن اذنك اسمحي لي بروح غرفتي
ام سلطان مو مصدقه هالأدب اللي نزل على مشاعل بس عرفت ان فيه شي لأن وجه مشاعل يدل
على وحده منهاره من موضوع كبير
طلعت مشاعل غرفتها بصعوبه ,, دخلت الحمام ,, فتحت الدرج الخاص بالأدويه ,, جمعت
كل الحبوب الموجوده عندها ,, دخلت الغرفه وتمددت على السرير ,, فتحت علبة الأدويه
كلها وجمعتها كانت فوق 50 حبه ,, طالعت يدها اللي فيها كل الحبوب ,, ورجعت لذاكرتها
لقبل يوم ,, كانت في قمه السعاده لدرجه ان كل صاحباتها يحسدوها على طلال وعلى
السعاده اللي عايشه فيها ,, بس كل هذا تحطم ,, ومستحيل تقدر تعيش ,, بعد ماحست بطعم
الحياة مستحيل انها ترجع لحياتها قبل ,, اخذت ورقه وقلم وكتبت عليها
(( خاص لسارة ارجوكم رجاء محد يقراها الا ساره )) كتبت في الورقه
ساره انتي أعز وحده من صاحباتي ,, وصدقيني اني احبك ,, انا اعرف انك لما تقري
هالرساله راح تكوني زعلانه مني ,, لأني كنت ضعيفه وماقدرت اصبر واصمد ,, بس انتي
عارفه طلال ايش هو بالنسبه لي ,, بليز سامحيني
تركت القلم ,, طالعت يدها ,, واخذت كل الحبوب ودخلتها بفمها ,,
,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

الجـــزء الثـــامـن
,’,’,’,’,’,’,’,’,’,’,’,’,’,
طالعت الحبوب اللي بيدها عزت عليها نفسها ,, بنت بعمر الزهور ,,
ليش مو قادره تكون سعيده
مشاعل " يارب اغفر لي ,, ضاقت بي الحيله ,, لا أم الجأ لها ولاأخت
الوحيدة اللي كانت تفهمني جدتي الله يرحمها بس حتى جدتي راحت
وتركتني ليش كل اللي احبهم يخلوني ,, ااااه مافيني اصبر اكثر
يارب اغفر لي يارب "
واكلت الحبوب
,’,’,’,’,’,’,’,’,’,’,’,’,’,’,
كان داخل البيت ومتضايق من اللي صار
ام مشعل: مشعل وينك هاه بشر ايش فيها مشاعل
مشعل: والله مدري يمه ,, انا خايف عليها رجعت للبيت منهاره مدري
ايش فيها ؟
ام مشعل: ماعليها يمكن متمشكله مع صديقاتها
مشعل: لايمه مشاعل مافيه شي يهزها ,, لو انها من البنات الدلوعات
كان انحاشت من زمان من معاملة ام سلطان لها ,, بس مشاعل مايهزها
الا الشديد ,, يمه انا خايف عليها
ام مشعل: يويل قلبي على بنيتي ,, لاتخوفني عليها ,, بروح لها
مشعل: لايمه ,, هي طلبت مني ومن ابوي ان محد يزعجها ,, وقالت
تعبانه ابي انام ,, بكره انشالله الصباح بروح لها ولازم اخليها تتكلم ,,
لازم اعرف ايش فيها
ام مشعل : يمه مقدر انام وانا ماتطمنت عليها ,, بدق على تلفونها اتطمن عليها
مشعل: يمه لا ,, خليها ترتاح ,, هي تبي تجلس مع نفسها ,, خليها يمه
وبكره انشالله ماراح نخليها
ام مشعل: ياوليدي قلبي ناغزني انها محتاجه لي
مشعل: لايمه انشالله مافيها شي بس هي تبي ترتاح
سمعوا صوت ابو مشعل: لاتخافون عليها عندها ام سلطان ماتقصر
انشالله
ام مشعل في نفسها : " والله لو تشوفها بتموت والله تتلذذ بموتها "
مشعل: ونعم فيها يايبه ماقلنا شي بس انت عارف مشاعل كتومه
ابو مشعل: ايه علشان كذا انا جيت ابيك ياام مشعل
ام مشعل باستغراب: سم يابو مشعل امرني
ابو مشعل: ابيك تسمحين لي بليلتك ودي انام عند ام سلطان ودي اكون
جنب بنتي
ام مشعل : ايه كذا نكون متطمنين عليها
ام مشعل مستحيل تستغنى عن يومها بس علشان عيون مشاعل تكرم مدينه
مشعل: يبه واذا جد اي شي علمنا
ابو مشعل: انشالله ,, تصبحون على خير
,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

ساره ومها في الحفله ,, دق موبايل ساره
ساره: الو
ام ساره: هلا سارونه حبيبتي
ساره: هلو ماما وحشتيني
ام ساره: وانتي اكثر
ساره: رجعتي والا توك
ام ساره: ايه انا في البيت ,, وانتي توك بالحفله
ساره: ايه ماما لسى الحفله مابدت
ام ساره : ههههههه وانشالله متى بتبدا
ساره: يعني على 2 الفجر ,, لسى ماجوا كل البنات
ام ساره : هاه وناسه وكيف حفلتهم حلوه ....؟
ساره: ايه ماما مررره تجنن ولو انه القراوى في كل مكان ههههههههه
ام سلطان : ومن جايبين مطربه .. ؟
ساره : جايبين العنود ومررره الحفله خطيره وناسه ماما
ام ساره: ومتى بترجعي حبيبتي ..؟
ساره: يعني على 7 الصباح
ام ساره: طيب انتبهي على نفسك
ساره: انشالله ماما تصبحي ع خير
ام ساره تقلد صوت ساره : تصبحي على خير ,, بس كذا ,, وين بوستي ..؟
ساره تحاول تصرف: مانسيت بس كنت بشوف تتذكرين والا لا ,, وعموماً هذي بوستك
اموااااااااه
ام ساره: يله حبيبتي تصبحي ع خير
ساره: وانتي من اهل الخير
كانت ساره ومها والبنات فالينها ومو حاسين بمشاعل
مها : اقول سارونه كم الساعه
ساره: هذي اللي ماتلبس ساعه ,, شوفي الحين تذلين نفسك للي يسوى واللي مايسوى
مها: وانتي اي وحده منهم
ساره عصبت: طبعا اللي يسوون
مها: وكم تسوين ..؟
ساره: يامصلك اقول وين مشاعل بس مو انتي ,, المهم الساعه 1 ونص ليش ..؟
مها: لان اخوي بيمرني الساعة 3
ساره انصدمت: 3 مجنونه الناس يدخلوا وانتي تطلعي
مها: حبيبتي اخوي بينام مو فاضي لي
ساره: طيب خليه ينام انا ارجعك
مها: لالا تبين اخوي يذبحني ,, لاحبيبتي الحمدلله اللي خلوني اهلي اجي ,, لازم انام هنا
علشان تنبسطي ..؟
ساره: ياشينك مهاوي خلينا ننبسط اصلاً السهره ماتبدا الا من بعد الساعة 3
مها: لا انا سهرتي بدت الساعة 12
ساره عصبت منها: انقلعي كيفك ,,, اصلاً انا غلطانه اللي اجلس معاك
مها : ههههههههههههه لاتعصبين البنات كلهم موجودات
ساره: طيب اوريك
,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل تسمع صوت ابوها وهو داخل غرفته مع ام سلطان ,, لها 10 دقايق من كلت الحبوب
بدت تحس بضيق في التنفس وجسمها ثقيل ومو قادره تشيله وحست حرارتها ارتفعت ,,
كان شريط حياتها يمر قدامها ,, موت امها ,, كانت طفله يتيمه مالها ام تشكي لها وتبكي
بحظنها ماعندها ام تنام بحظنها ,, ولا لقت اللي تشتكي لها لما تنضرب او لما تصير لها
مشكله بالمدرسه كانت بكل سنه بالمدرسه لما يسووا حفلة الأمهات تغيب
عن المدرسه اسبوع علشان ماتسمع البنات يحكوا عن امهاتهم وعن
الحفلة ,,, كانت محتاجه لها ,, مالقت اللي يعوضها عن امها كان ابوها
مشغول بجمع الفلوس والسفر ,, اما خالاتها كانوا بجده ومتزوجات كانت
امها اصغر اخواتها وكانوا مشغولين بأزواجهم وبعيالهم ,, اما حريم
ابوها كانت ام مشعل حنونه عليها لكن ماتعوضها عن امها ,, الوحيده
اللي كانت تفرح لما تشوفها وتحبها هي جدتها اللي كانت تحبها بجنون
وكانت تفرح بشوفتها ,, وكانت تتمنى تعيش عندها بس ابوها كان
معارض هالشي كانت تروح تزورها اربعاء وخميس ,, وهي في شده
تعلقها بجدتها ماتت وخلتها وحيده من جديد كانت في 14 من عمرها
وكانت داخله سن المراهقه ومحتاجه لأم ,, وكان حبها لجدتها يخفف
عليها فقدها لأمها ,, بس حتى جدتها اللي حبتها اختفت للأبد ,, ليش اذا
تعلقت بأحد يروح 3 بحياتها اللي اكيد حبتهم من قلبها هم امها وجدتها
وطلال اللي هو سبب بموتها وسبب بعذابها كان ممكن يعوضها عن كل
شي ويعطيها الحنان اللي فقدته وكان ممكن يكون الأم لها والأب والأخ
والأخت ؛؛ كان ممكن يكون حياتها بس ... راح مثل امها وجدتها ,,
مستحيل تقدر تتحمل كانت هذي الافكار اللي تدور براس مشاعل
فجأة حست بطعنه ببطنها مثل السكين ,, حست بأحد قاعد يطعن فيها ببطنها وبكل جسمها
حست انها تلفظ انفاسها ,, حست بكل خليه بجسمها تبكي وتقول ليش
مشاعل ارحميني مو قادره تتحمل الألم ,, كانت تتوقع ان الإنتحار سهل
وبمجرد انك تاكل الحبوب راح يغمى عليها وتموت مثل الأفلام
بس لا ,, الحين الألم يذبحها ,, تخيلت نفسها ميته واهلها يدفنوها ,,
تخيلت نفسها في القبر وحيده ايش راح تقول لربها ,, ليش قتلت نفسها ,,
هل الوحده والهم عذر علشان تقتل نفسها ..؟
الألم يذبحها بس خافت من الألم اللي بتشوفه بعد الموت ,, تذكرت النار
والجنه ,, كان ممكن تصبر وتحتسب الأجر وتتوب لربها ,, مر شريط
حياتها بسرعه بس مالقت الا كل الذنوب والمعاصي ,, تخيلت انها اذا
راحت لأحد من صاحباتها تكون متجهزه ولابسه احلى ماعندها ودايماً
ماتروح ويدها فاضيه ,, بس الحين بتروح للقبر ايش راح تاخذ معها
ايش راح يكون لبسها المعاصي والذنوب ..؟ ندمت دايماً الشخص
اللي ينتحر يندم على اللي سواه اذا حس بقرب الموت ,, فكرت طلال
يستاهل اللي سويته ..؟ اكيد الحين مبسوط مع اخوياه ..؟ وانا ايش مصيري ..؟
حاولت تقاول الألم وحاولت تقوم بس رجولها ماساعدتها لسانها ثقيل مو
قادره تتكلم ناهيك عن الألم اللي بيذبحها والغثيان اللي تحس فيه ,,
حاولت تزحف ,, وتمت تزحف لما وصلت للباب
بذلت جهد كبير علشان توصل يدها للمفتاح ,, وبعد محاولات فتحت الباب
حاولت تزحف تدور اي شخص ,, طالعت غرفه ابوها كانت بعيده
وماتتوقع انها تقدر توصلها اكيد راح تموت قبل توصلها
التفتت يمين ويسار لقت اقرب غرفه لها هي غرفه اخوها فيصل
راحت تزحف لحد ماوصل حاولت تطق الباب بس فيصل كان نايم
حاولت تفتح الباب وبعد مافتحته دخلت وبصعوبه وصلت لسرير فيصل
مشاعل بصعوبه : فيصل قوم قوم
فيصل : اوووه ميشو روحي
مشاعل بهمس : فيصل روح ناد بابا بسرعه انا بموت
فيصل يبكي لأنها خربت نومه معذور صغير مايدري ايش يصير : خلاص
ميشو روحي اووف ابي انام
مشاعل كانت تتكلم بصعوبه لأنها تبذل جهد كبير وجسمها مو متحمل : روح ناد بابا
فيصل الله يخليك
فيصل من ورى الفراش : خليني انام مابي اروح
مشاعل حاولت تصارخ ماقدرت فكرت انها مالها امل الا انها تضرب
فيصل علشان يروح يصحي امه
حست بأن الحياه غاليه وماتبي تموت
حاولت تقوم بس حست بطعنه قويه في صدرها وفجأة حست بغمامه
سوداء ولحظتها اختفت الحياه من عيون مشاعل
,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

والله انك منت رجال ,, قالها حسين وهو متنرفز من الحركه اللي سواها
سلمان في مشاعل
سلمان: تارك الرجوله لك ,, بعدين مو انا اللي خططت ,, غسان هو
صاحب الفكره ,, وانا وطلال نفذنا
حسين: وانتم منتم رجال مالكم كلمه ,, ماتعرفون تقولون لا بس وراه ,,
وين قلبك ياسلمان ,, وين رجولتك والله كنت اظن انك رجال بس طلعت
ورع ويمشونك الناس على كيفهم
سلمان: اخس واقطع ورع بعينك ,, احترم نفسك ياحسين لايصير لك
شي تندم عليه طول عمرك
حسين: لاتهددني انا ماخاف منك ولا عشره من امثالك وامثال غسان ,,
انا ع الأقل عندي شخصيتي واقدر اقرر وارفض وقت اللي مايعجبني
الشي مو اسكت وامشي ورى غسان
سلمان بعصبيه : انا مامشيت وراه ,, بعدين انا مقتنع باللي سواه ,, نسيت
اللي سوت فيني والا حرام علينا وحلال عليها
حسين: هي بنت ياغبي فرق ,, انت حمار ماتفهم ,, ياخي انت رجال مايضرك لو البنت
سوت فيك اي شي لأن الرجال ماينهز بس البنت مسكينه حساسه وتلقاها الحين منهاره ,,
للأسف انك تقرب لي
سلمان: اقول لاتغلط ياحسين ,, واللي انت جاي تصارخ علشانها روح دق
عليها خلها تنفعك تبيع ولد عمك علشان بنت ,, كفوك
حسين : ع الأقل هي ماضرتك ولافكرت تجرحك يوم من الأيام والله مع
انها بنت بس هي أرجل منك
سلمان : ماكذبت علي ..؟ ماكلمت غيري مليون واحد ..؟ ماكذبت علي وقالت لي احبك ..؟
حسين: انت عارف انها ماكانت تحبك ,, ولاانت حبيتها ,, انت كنت
توهم نفسك انك تحبها ,, انت كنت معجب فيها وانا متأكد لو مشاعل مو
حلوه مافكرت فيها ,, ولو لاسمح الله تشوه وجهها انت اول من يتركها
انت ياسلمان تبي تكشخ عند اخوياك ان خويتك حلوه ,, يالله هذا حب ,,
لاتلومها ,, وبعدين حرام عليكم ايش سويتوا فيها
سلمان: لاتخاف قطوه ام 7 ارواح ,, دق عليها وتأكد
حسين: ادق عليها ,, ياليتها ترد علي ,, لها فتره ماترد علي
سلمان: هههههههههه بعد وجاي تدافع عنها ,, مسكين الظاهر انك انت اللي تحبها
حسين: للأسف لا انا ولا انت نستاهلها ,, مشاعل ماترد علي من فتره
تدري ليش ..؟
سلمان: ليش ..؟
حسين : علشان الكلب طلال اللي مايستاهل ظفرها حسبي الله عليه ,,
دقت علي وقالت لي ماتصدق ايش كثر احبك انت اعز صديق واقرب
اخ لي بس انا احترم قرار طلال ,, لأنه زعل لما عرف اني اكلمك وانا
لو مكانه مارضيت يكلم بنات غيري ,, شف الإخلاص كان ممكن تكلمني
وهو ماراح يعرف بس حبها له خلاها تخاف على شعوره ,, والله تمنيت
ان مشاعل حبتني انا والله لاخليها اسعد وحده بالدنيا مشاعل اطيب
انسانه قابلتها يمكن عيشتها مع مرت ابوها وانشغال ابوها هو اللي خلاها
تكلم بس والله هالإنسانه عمري ماراح انساها في قمه حزنها تضحك ,,
تخاف علي اكثر من نفسها ,, القهر انها تعتبرني مثل اخوها ,,
والمشكله الثانيه انها اكبر مني بسنتين ,, انا ماهمني لو اكبر مني
بعشرين سنه ,, بس هي تعتبرني اخوها الصغير ,, سلمان ماتتخيل شلون
حياتي بدونها ,, كانت حنونه علي وتخاف علي ,, اذا تعرفت على بنت
تروح تتعرف عليها عشان تعرف انها ماتتكلم فيني او تكذب علي ,,
كانت تخاف علي من اي شي انسانه تعطي وماتقول هات ,, سلمان انت
ظلمت نفسك قبل تظلمها
سلمان منصدم من ولد عمه اللي طلع مشاعر كاتمها : ليش ..؟
حسين: لأنك ماراح تروح من عقاب الله
سلمان : ههههههه اي عقاب ,, انا اصلاً ربي ارسلني لها عقاب لها وانتقام للشباب
اللي خدعتهم
حسين : تدري الكلام معك ضايع ,, خلني ادق عليها انشالله ترد مابي
اتركها لحالها
سلمان: اوكي سلم لي عليها هههههه
حسين: الله لايسلمك ,, والحقير طلال وينه
سلمان: والله مدري بعد اللي صار ماشفته لأنه طلع من بيته وانا طلعت
وراه تعرف الشباب ماعرفهم زين
حسين: انشالله الطلعه اللي مابعدها رجعه
وقفل الخط
دق حسين على مشاعل مليون مره وهي ماترد

,’,’,’,’,’,’,’,’,’,’,’,’,’,’,’,’,’,’,’,’,’,

,,,,,,
ها المتااابعين للقصه
شو رااايكم بالاحداث اللي استوت ؟؟؟؟
وشو تتوقعون بيصير بالاحداث اليايه ,,؟؟؟
ننتظر ونشوف
/
/

[لاتكدرمزاجي]

قصصصصصصصصصصصه رووووووووووعه
من دون ماتسألين

واتمنى اتنزلين الاجزاء القادمه

[القيصر]

مااعرف شو اقول

احس نفسي عايشت الرواية هههههه

الحركة مب حلوة من طلال انه يسمع كلام غسان

وهي هبلة تاخذ حبوب

متلهف ابي اعرف

اذا ماتت صدق ولا لا

وفي انتظار اجزاء الأخيرة

وشكرج بصراحة ع الطرح المميز وماتقصرين اختي شيخة الغيد

ودمتِ بود

[AZالرهيبAZ]

روووعـة القـصة...وغريبة نوعاً مـــــا...


اشكرج على مجهودج الطيب،،ونتريا النــهــايـة..

[●● شيخة ♥ الغــيد ●●]

لا تكدر مزاجي :
هههههههههه حلوه منك ومشكور اخويه
القيصر :
^ ^ حتى انا ما عبتني حركه غسان بصراحه لا تغتفر ,,
الرهيب ,,
مشكور اخويه ع مرورك الطيب
وان شاء الله جريب بخلص القصه .

[●● شيخة ♥ الغــيد ●●]

ساره كانت تدق على مشاعل ماترد كانت بتطمن عليها قبل تركب
الطياره لأن رحلتها 3 الفجر ,, ولما تعبت دقت على يزيد تبي تعرف
ايش صار على طلال ,, بس مارد ,, ارسلت له رساله
(( يزيد اذا شفت مسجي كلمني ,, ابي اعرف ايش صار على طلال ,, لأن مشاعل ماترد علي ))
بعد دقايق دق يزيد
ساره تصارخ علشان يزيد يسمعها لأن صوت الأغاني مغطي ع صوتها : هلا يزيد
يزيد : هلا ساره ايش هالإزعاج وينك
ساره: انا في حفلة وحده من البنات ,, المهم ماتدري عن طلال وينه ..؟
يزيد بشك : لا ليش مشاعل مو معاك ..؟
ساره : لا مشاعل اكيد الحين بالمطار لأن رحلتها الساعة 3 الفجر ,, بس مدري ايش
فيها ماترد قلت يمكن طلال مارد عليها
يزيد : اها ,, لا مدري عنه ,, بس انتي كلمتيها وماردت ..؟
ساره : مليون مره دقيت عليها ,, قلبي ناغزني ,, بس الوقت متأخر
اخاف ادق على بيتهم ترد زوجة ابوها النسره
يزيد : مدري حتى طلال مارد علي ,, بس اذا ردت عليك علميني
ساره : انشالله وانت اذا دق عليك طلال قول لي
يزيد : انشالله باي
ساره : باي
يزيد رجع طالع موبايله ودق
يزيد : هلا طلال
طلال : هاه يزيد ايش قالت لك ..؟
يزيد : تقول ماترد عليها ,, ورحلتهاالساعة 3 الفجر
طلال : انا في المطار ,, الحين الساعه 2 ونص ورحلتها بعد نص ساعه
وهي مو موجوده
يزيد : طلال مدري تقول البنت انها ماترد عليها
طلال : اكيد ماراح ترد هي ناسيه موبايلها عندي ,, طيب قول لها تدق ع البيت
يزيد : خلاص ياشيخ لاتقلق عمرك اذا البنت تبي موبايلها بتدق عليه
طلال : ايه بس يمكن الحين تدور عليه
يزيد : عادي تلغي الشريحه وتشتري جهاز جديد ,, وانت ماشالله صحى ضميرك ..؟
طلال بعصبيه : ضميري مامات عشان يصحى ,, المهم اذا جد شي اتصل علي
يزيد : انت قلت اتصل علي يعني لاتزعجني كل 5 دقايق ,, اذا صار شي بدق عليك ,,
طلال : سم
يزيد يبي يقهره : متأكد انك مو ندمان
طلال بعصبيه : ياخي دمك ثقيل ليش ..؟ بعدين لو انا ندمان ماكان
سويت اللي سويته
يزيد: يعني قلت يمكن ندم الولد ويبي يرجع لها
طلال باستهزاء : مشكلتك تشوف افلام هنديه كثير الله يصلحك
يزيد: والله عاد الأفلام الهنديه خطيره ,, والله مره شفت فلم هندي
صحت عليه يومين
طلال بضيق : يللا بس عن الهذره ,, لاتنسى تدق ,, واذا اتصلت رد
يزيد : ابشر طال عمرك أوامر ثانيه
طلال : لا باي
,’,’,’,’,’,’,’,’,’,’,’,’,’,’,’,’,’,
كان مشعل وابو مشعل وام مشعل في الممر ينتظرون الدكتور يبشرهم ,,
مرت الدقايق كأنها ساعات
والساعات كأنها دهر
وأخيراً طلع الدكتور ووجهه باين عليه التعب
ابو مشعل: بشرني يادكتور ايش صار ,, بنتي ايش فيها
الدكتور بعصبيه : الحين تسأل عنها وينكم عنها لما حاولت الإنتحار
كلهم انذهلوا مشاعل تنتحر مستحيل
الدكتور : حتى ماقدرنا نشخص الحاله ,, وهذا الشي هو اللي خلانا
مانسوي لها الغسيل بسرعه انتظرنا لحد ماطلعت نتيجه التحاليل
والأشعه ,, شلون انتم عائلتها وينكم عنها ...؟
كلهم انصدموا من اللي سمعوه ومو قادرين يردوا ع الدكتور
مشعل حاول ينطق : دكتور شلون تنتحر مشاعل ماكان فيها شي ليش تنتحر ..؟
الدكتور: انا ماني دكتور نفسي ولا انا عايش معها في البيت عشان اجاوبك المفروض انت
اللي تجاوبني شلون بنت في عمر الزهور من اجمل الناس اللي شافتهم عيني المفروض تكون
سعيده مو تحاول تنتحر ,, وشلون ماتدرون عنها ,, وحتى لما جبتوها ماكنتوا عارفين
ايش فيها كان سهلتوا علينا المهمه وعليها
ابو مشعل برعب: يعني بنتي بتموت ...؟
الدكتور : هذا الحل برايك انها تموت وبس عموماً الشرطه في الطريق واتمنى
تجاوبوا على كل الاسئله
ابو مشعل يصارخ ع الدكتور : تتوقع اني بقتل بنتي ,, انا ماهمتني
الشرطه ,, ابي اعرف بنتي ايش فيها ..؟؟
الدكتور خاف من صراخ ابو مشعل وحس انه مصخها : عموماً احنا
سوينا لها غسيل معده ,, بس المشكله الحبوب بدا مفعلوها ع الجسم اولا
لأنكم ماانقذتوها بسرعه وثانياً لأننا ماكنا نعرف انها ماكله حبوب ومن بعدها
الوقت اللي ضاع في التحاليل والأشعه سوينا لها غسيل معده بس بعد
ماتصحى بنعرف ايش حالتها بالضبط ..؟
ام مشعل تعبت من الغاز هالدكتور وتبي تعرف الزبـده تبي تطمن ع مشاعل: يادكتور علمنا وش
بيصير في بنتي
الدكتور: ماعرف لانها طولت يمكن الحبوب تأثر عليها مثل بعض الحالات وممكن لا ؛؛ يعني يومين
ثلاثه وتطلع
ام مشعل : ومتى بنعرف ..؟؟
الدكتور : لما تصحى انشالله بس انا مابي اخوفكم الحبوب اللي اخذتها قويه مره والله يستر ,,
ادعوا ربكم
ام مشعل اغمى عليها
,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

ساره كانت في الطريق راجعه من الحفله بحدود الساعه 7 الصباح لما دق عليها يزيد
ساره: للحين مانمت ..؟
يزيد: لا حبيبتي كنت خايف عليك ابي اتطمن انك رجعتي (( في نفسه جعلك مارجعتي ))
ساره: يااقلبي ايش راح تسوي لما اسافر لإيطاليا ...؟
يزيد: اكيد راح انجن
ساره : ههههه ياقلبي بسم الله عليك
يزيد: هاه قلبي مادقت صاحبتك مشاعل ..؟
ساره: لا للحين ادق عليها وماترد
يزيد: طيب دقي على بيتهم اكيد اهلها صاحين
ساره: لا بدق اذا صحيت اخاف مرت ابوها نايمه واصحيها وتذبحني
يزيد بعذوبه: واذا قلت لك عشان خاطري ..؟
ساره بدلع : حبيبي مقدر اخاف تهزأني ترضى ام سلطان تهزأني
يزيد: لو تطلبي مني طلب لسويه لو فيه قطع رقبتي
ساره: طيب خلاص بتصل ,, واذا ردت ياويلك مني
يزيد: ههههه الله يستر يللا باي
دقت ساره ع بيت مشاعل محد رد وكانت بتقفل بس سمعت صوت
ام سلطان بتعب: الو
ساره خايفه: خالتي آسفه صحيتك مشاعل ماترد علي وانا خايفه عليها
ام سلطان بعصبيه : هذا وقت تتصلي فيه
ساره: خالتي آسفه بس خفت ع مشاعل بشوف سافرت والا لا
ام سلطان: لا ماسافرت ,, هي في المستشفى
ساره برعب: ليش ايش فيها ...؟
ام سلطان: مدري لقيناها مغمى عليها ووداها ابوها للمستشفى والحين قفلي انتظر ابو مشعل
يطمني
ساره: طيب خالتي بأي مستشفى ..؟
ام سلطان: مدري وقفلت بوجهها
ساره انجنت ولامت نفسها كانت ترقص ومبسوطه ومشاعل تعبانه ,,
كانت راح تتصل على ام سلطان تترجاها تقول لها اسم المستشفى بس
هونت لأنها اكيد ماراح تقولها ,, اتصلت على كل المستشفيات الكبيره
اللي تتوقع مشاعل تروح لها ,, بس كلهم قالوا ان مافيه مريضه بهالإسم ,,
تذكرت ان فيه مستشفى حكومي جنب بيت مشاعل بس مشاعل ماتحب
تروح له لأنه زحمه ومايدخلون المريض الا لما يموت قالت ادق اشوف
,, ولما دقت فعلاً كانت موجوده ,, قالت للسواق يوديها هناك ,, كانت
ميته خوف على صاحبتها
دق عليها يزيد يبي يعرف ايش صار بعد اتصالها على بيت مشاعل
يزيد: ساره ايش في صوتك انتي تبكي ..؟
ساره وصوتها مو مفهوم من الصياح: يزيد الحقني
يزيد : ايش فيك ...؟ خوفتيني
ساره: مشاعل
يزيد بدا عليه الاهتمام : ايش فيها ...؟
ساره وهي تصيح : في المستشفى من امس بالليل وانا طول الوقت
ارقص ومستانسه
يزيد: اهدي انتي ماكنتي تعرفي ,, بس ايش فيها ..؟
ساره : مدري انا في الطريق للمستشفى بروح اشوف ايش فيها
يزيد: طيب طمنيني لاتنسين ,, بعدين هي بأي مستشفى ...؟
ساره قالت له اسم المستشفى وقفلت وهي ندمانه لأنها ماقلقت على صاحبتها ولاحست بغيابها
كانت مشغوله بالرقص والهبال
~.~.~.~.~.~.~.~.~.~.~.~.~.~.~.~

[●● شيخة ♥ الغــيد ●●]

هاه بشرني صحت مشاعل والا بعدها ,,, قالتها نجود اللي تتصل على
مشعل كل شوي تطمن على مشاعل ))
مشعل: لا لسى بس انشالله خير
نجود: وخالتي كيفها الحين ..؟
مشعل: والله مسكينه ماوقفت صياح
نجود: الله يقومها بالسلامه وماتشوف شر ,, انشالله الطيحه ماتأثر فيها وتقوم لكم بالسلامه
(( كان مخبي ع نجود موضوع الإنتحار ,, حتى لو كانت زوجته فهي غريبه ,, خاف من كلام الناس ))
مشعل:امين يارب ,, انتي نامي واذا صار شي بدق عليك
نجود: مقدر انام وانتم في هالحاله مستحيل يجيني النوم ,, ياليتني معكم اخفف عنكم شوي
مشعل: ماتقصرين
لما قفل التفت على صوت بنت كانت تبكي بصوت عالي ,, وشافها اتجهت ناحيه امه ,,
وشاف امه تضمها استغرب من تكون ...؟
ساره: خالتي طمنيني على مشاعل الله يخليك ايش صار ..؟
ام مشعل وهي تبكي: حالها مايطمن ادعي لها يابنتي
ساره حست قلبها بيوقف : ليش خالتي ايش فيها ميشو ...؟
ام مشعل حكت لمشاعل القصه كلها وانجنت ايش اللي خلا مشاعل تنتحر ,,
كانت فرحانه بوجود طلال بحياتها وحست ان مشاعل صارت بنت ثانيه
كلها امل وفرح وسعاده ,, تذكرت انها كانت خايفه على طلال وكانت
تدوره ,, لامت نفسها لأنها ماتذكرت صاحبتها وماحاولت توقف معاها ,,
كانت مشاعل محتاجه لها ,, كانت خايفه من اختفاء طلال يكون صار له
شي ,, بس ساره شافت الموضوع عادي لأن الشباب يختفون فتره
ويرجعون ,, بس ماكانت تعرف ان طلال ومشاعل كانوا يكلموا بعض
كل ساعه ولما طلال يطول ساعتين مايدق عليها كانت مشاعل تسوي
مناحه ,, صح فكرت غريب اختفاء طلال بس ليش توها تفكر بهالشيئ ,,
خافت فكرت ان طلال مات وان مشاعل انتحرت علشانه ,, بدون ماتحس
دقت على يزيد
يزيد : هاه طمنيني
ساره: يزيد طلال ميت
يزيد انصدم شلون مات وهو توه مسكر منه: من قال ..؟
ساره: مشاعل
يزيد انصدم اكثر لان مشاعل ماتكلم طلال : وهي ايش عرفها ..؟
ساره: مشاعل انتحرت
هنا يزيد انصدم صدمه معقوله تحب طلال لدرجه انها تنتحر ,, حس بغلطه
اصحابه في حقها وشلون بيكفرون هالذنب ,, قتلوا انسانه بريئه مالها
ذنب الا انها حبت بصدق
يزيد بصدمه: ماتت
ساره: لا الحمدلله لحقوها اهلها ,, بس اكيد طلال مات ,, مشاعل ليش
تنتحر الا علشان طلال ,, هي كانت خايفه عليه واكيد سمعت خبر عنه
يزيد: هي قالت لك كذا
ساره: لالا هي ماصحت للحين والدكتور خايف ان يصير لها شي بعد
ماتصحى لأن الحبوب اللي كلتها قويه مره وعددها كبير
يزيد باستغراب : وليش سوت كذا ..؟؟!!
ساره بحيره : مدري بس انا متأكده انها سمعت شي عن طلال ,, انا
خايفه يايزيد مره
يزيد: لاتخافي انشالله تقوم بالسلامه
قفل يزيد وهو منصدم من اللي سمعه ,, فيه بنت تقتل نفسها علشان واحد
,,, معقوله تحبه لهالدرجه ,, رحمها وحزن لحالها ,, دق على طلال بيحكي له اللي صار
يزيد: انت لازم تصلي لربك ركعتين شكر
طلال مستغرب: ياشينك انت وهالألغاز
يزيد: تدري كان بيصير لك شي تندم عليه طول عمرك
طلال معصب: بتتكلم والا اقفل
يزيد: مشاعل انتحرت
طلال كان بالسياره يدور من اول ماطلعت مشاعل من بيته للحين مارجع
,,, اول ماسمع ان مشاعل انتحرت مانتبه للسياره اللي جنبه ,, وسمع
طلال صوت الفرامل ,, انتبه وحاول يتحاشى السياره قد مايقدر وطلال
معروف بأنه سواق ماهر ,, ولكن في هالمواقف المهاره ماتنفع ,,
ماينفعك الا رحمه الله ,, رحمة الله نزلت عليه وقدر يتحاشى السياره
بصعوبه ,, ووقف على جنب ,, يبي يستوعب اللي سمعه
يزيد: سلامتك طلال صار لك شي
طلال: .......
يزيد : الــو طلال
طلال بصوت مخنوق :مشاعل ماتت
يزيد : مو انا اقول لك احمد ربك وصل ركعتين شكر انها ماماتت ,,
كنت طول عمرك بتندم
طلال بخوف: ووينها الحين
يزيد: بالمستشفى ,, بس ساره تقول انها ماصحت للحين وان الدكتور
خايف الحبوب اللي كلتها تأثر عليها يمكن تأثر على مخها او يمكن تشلها ,,
تدري بعض الناس اجسامهم مافيها مناعه قويه ,, ادعي لها ياطلال
طلال بصعوبه يطلع الحروف : بأي مستشفى هي
قفل منه بعد ماعرف المستشفى ,, جلس يطالع الشارع اللي كان موقف
فيه ,, كان طريق الدمام خالي تقريباً الا من بعض السيارات ,, بعد
ماطلعت مشاعل من عنده مشى بطريق الدمام لأنه طويل ومو زحمه
مثل شوارع الرياض حب يفكر وينفرد بنفسه ,, حب يفكر باللي سواه صح
والا غلط ؟؟ مو مصدق اللي صار ,, مشاعل من كم ساعه كانت في
بيته تترجاه مايتركها ,, والحين هي تصارع الموت ,, بكى بدون صوت
,, كانت دموعه تاخذ طريقها على خده وهو يحس بأنه حقير وتافهه
طلال نزل من السياره ,, وصار يمشي ويمشي مايدري وين يروح صرخ
صرخه حس ان كل سكان العالم سمعوها ,, جلس على ركبته ويدينه
مغطيه وجهه ,, هو احقر من ان احد يشوفه طلال صرخ صرخه اقوى من
الأولى وحط راسه بالتراب كان ساجد " اااااه
ااااااااااااه اااااااااااه "
ظل يصارخ لما خارت قواه " ليــــــش ,, ليـــــــــش ميشو ,,
تبي تروحي وتخليني لوحدي ميشووووو احبك والله
احبك "
وظل يبكي ويبكي ويبكي لما حس ان دموعه بتغرق المكان ,, حس ان
كل ذره تراب تطالعه وتقول تستاهل انت اللي فرطت فيها
طلال " ااااااه يالقهر ,, ميشو تكفين لاتروحي
وتخليني ,, ميشو تكفين ياليتني انا مكانك ,, ياليت ماتحسي بذره الم ,,
ياليتني اموت مليون مره ولا تحسي بنغزه ,, مشاعل انا اسف تكفين عيشي "
وصار يبكي بصوت عالي كانه طفل ,, حس انه انجن ,, مستحيل يعيش
بدونها طالع السماء كان يدور الشمس يبي يعرف القبله ,, تيمم وصلى ,,
ولما سجد دعاء من قلبه كان الدعاء يحسه يطلع من قلبه ,, كان يتمنى
يموت بس الله يقبل دعاه ,, اتجه لربه
(( رب عبدك قد ضاقت به الأسباب ؛؛ وزاد به الهم والغم والاكتئاب؛؛ وأنت المرجوّ سبحانك لكشف
هذا المصاب ؛؛ يا من إذا دعي أجاب ؛؛ يا سريع الحساب ؛؛ يا كريم يا وهّاب ؛؛ رب لا تحجب
دعوتي ؛؛ ولا ترد مسألتي ؛؛ ولا تدعني بحسرتي ؛؛ ولا تكلني إلى حولي وقوّتي ؛؛ وارح عجزي
فقد ضاق صدري ؛؛ وتاه فكري ؛؛ وأنت العالم سبحانك بسري وجهري ؛؛ المالك لنفعي وضري ؛؛
القادر على تفريج كربي ؛؛ وتيسير عسري ؛؛ اللهم افتح لدعائي أبواب الإجابة ؛؛يا من إذا سأله
المضطر أجاب ؛؛ يا من يقول للشيء كن فيكون ؛؛ اللهم اشف مشاعل ؛؛ اللهم اشفها وعافيها
اللهم ردها الينا ؛؛ اللهم احفظها ؛؛ اللهم ارحمها ؛؛ياارحم الراحمين ))

[●● شيخة ♥ الغــيد ●●]

كان متأكد انه يحب مشاعل بس مو لهدرجه: كان متوقع انه يقدر ينساها
بسهوله بس لما سمع انها انتحرت حس انه ممكن يفقدها ,, حس بأنها
دنيته ,, ومستحيل يفقدها
~~.~~.~~.~~.~~.~~.~~
صحت مشاعل والكل ينتظر مشاعل ايش راح يصير فيها ,, كانوا كلهم
بالانتظار ,, دخل عليهم الدكتور كانت عيونهم ع الدكتور ايش راح
يقول يبشرهم والا يعزيهم ...؟
أحداث مشووقة
بالأجزاء الآتيه
أنتظـــــرونــــــــــي

[القيصر]

احينه حس


الله يهديه
تسسسسسسسسسسسلمين ع الطرح

وفي انتظار التالي

[AZالرهيبAZ]

^^^

شكـراً على مجهودج الطيب

ونتريا بقيـة الاجزاء...

[●● شيخة ♥ الغــيد ●●]

القيصر هاي المشكله
لا صرنا بنقد شيء نحس بقيمته ^ ^
الرهيب : مشكور ع متابعتك
والله يعطيكم العافيه منورين القصه
بس ناقص لا تكدر لوووول

[القيصر]

شكله مشغول شوي ههههه

ااممم


في انتظار الباقي

[لاتكدرمزاجي]

يحليلها

بس مايفيد الندم ياطلال بعد الى راح

ونتريا الباقي

[●● شيخة ♥ الغــيد ●●]

الجزء التاسع

==========
صحت مشاعل والكل ينتظر مشاعل ايش راح يصير فيها ,, كانوا كلهم بالإنتظار ,, دخل
عليهم الدكتور انتظروا يعزيهم والا يبشرهم ..؟
الدكتور : الحمدلله على سلامتها
ابو مشعل بسعاده : صحت ...؟؟؟؟
الدكتور : ايوه الحمدلله
ام مشعل : بشر شلونها
هنا الدكتور بانت في نظرته الجديه وبعض الحزن : مدري ايش اقول لكم ..؟؟
ساره ماقدرت تتحمل : تتكلم بالقطاره انت تكلم زين
الدكتور عصب من طريقه ساره : لو سمتحي لاترفعي صوتك ,, انا هنا أأدي مهنتي وماأبي
اصدمكم بواقع بنتكم الجديد
فهد : الجديد؟؟؟
الدكتور : مشاعل فقدت حاسه من حواسها
ام مشعل : وش تقول انت ...؟
ابو مشعل بصدمه : فقدت حاسه ...؟
الدكتور : مشاعل للأسف فقدت حاسه البصر ,, انا آآسف ,, لكن أهم شي سلامتها
ساره وام مشعل : لاااااا ااااا
ابو مشعل: ايش تقول يادكتور بنتي ماراح تشوف ؟؟ مستحيل انا اعرف بنتي مستحيل
تكون عمياء مستحيل
مشعل : دكتور انت متأكد ...؟؟؟
الدكتور : ايه متأكد لكن ممكن يكون هالشي مؤقت من تأثير الحبوب ,, بس احنا بعد
ماترتاح راح نسوي لها فحص لعيونها ونتأكد
ساره تصارخ : تتأكد من ايش ,, انت غبي ,, مشاعل لازم تشوف ,, اكيد انت دكتور بيطري
مو دكتور بشري مشاعل لازم تشوف مو على كيفك
حاولوا يهدوها لأن الدكتور عصب من اهاناتها المتكرره
مشعل: وهي صاحيه ؟
الدكتور عصب من ساره : ايه تقدرون تشوفوها بس على فكره هي تعبانه ولاتطولون عندها
طلع الدكتور ولحقه مشعل
مشعل: دكتور هي عارفه انها عمياء ...؟
الدكتور: لا انتظر لحد ماتهدا نفسيتها وشوي شوي راح نقول لها ,, اختك ماشالله عليها انسانه
مؤمنه وقويه ,, بصراحه انا كنت انتظر موجه غضب وصراخ لما فتحت عيونها وقالت
دكتور ماشوف بس كانت مؤمنه وسلمت بالواقع ,, وقالت اللي كتب لي الله اكيد فيه خير لي
مشعل : تتوقع حست بشي
الدكتور : هي الحين متأكده انها ماتشوف ,, بس يمكن تتوقع ان الوضع مؤقت
فهد بخوف : بس انت قلت الوضع مؤقت من اثر الحبوب
الدكتور: انا قلت يمكن وكل شي راح يبين بعد الفحوصات
,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

كان مشعل وابوه وامه وساره عند باب غرفه مشاعل خايفين يدخلون مايقدرون يتحملون الموقف
ابو مشعل: مثل ماوصيك ياام مشعل لاتبكين عندها ترى بتذبحيها
ام مشعل تمسح دموعها: بحاول
دخلوا لقوا 8 أسره ,, كانت غرفتها مشتركه ,, وكانت جنبها اللي تكح واللي تون ,, واللي تتكلم
مستحيل الإزعاج ,, 8 مريضات بغرفه وحده حرام ,, مستحيل راح ترتاح مشاعل في
هالزحمه قرر ابوها ينقلها مستشفى خاص كانوا متجهين لسريرها ولما وصلوا ,, شافوا
مشاعل كانت منسدحه على السرير ووجهها شاحب وكانت تبكي بكاء صاامت ,, التفتت على
مصدر الصوت لما سمعت احد وقف عند سريرها مسحت دموعها ,, كانت التفاتها يدل على
ان البصر عندها انتهى وكانت تعتمد على السمع ,, كانت نظرتها تايهه ,, ماتعرف وين
تناظر ,, كانت تناظر بفراغ
ام مشعل طلعت من الغرفه وهي منهاره من شكل مشاعل ,, مشاعل حست بها وحاولت تكون
قويه
ساره وهي تبكي وتحاول يكون صوتها طبيعي: ميشو حبيبتي انا آآسفه لأني مادريت عنك وبكت
ابو مشعل: الحمدلله على سلامتك ياحبيبتي
مشعل كان حزين والحزن مخليه مايقدر يتكلم ,, خاف من كلام الدكتور ان العمى دائم
مشاعل: الله يسلمك ,, بابا معكم احد
مشعل: انا يامشاعل ,, الحمدلله على سلامتك
مشاعل تتصنع الفرح: الله يسلمك ,, ليش ساكت يالدب ,, على بالك ماشوفك يعني ماحس فيك
مشعل: لا ياحبيبتي بس كنت اتأملك
مشاعل : وايش طلع معاك ...؟
مشعل: انك احلى من شافت عيني
مشاعل: هههههههه بقول لنجود
مشعل: والله انك اغلى من مليون نجود ,, مشاعل ترى بدونك البيت ماله طعم ,, نبيك معانا
ابو مشعل يحاول يلطف الجو: ايه والله انك شمعه البيت ومن يوم طلعتي ظلم البيت ,, يله
وانا ابوك مانبي نصرف كهربا
مشاعل:ههههههه ,, ابي اعرف مين هالغبيه اللي اسمع صوتها تبكي ,, سارونه خلاص تكفين
عورتي راسي ,, اللي يسمعك يقول انا ميته ,, لاتخافي علي قطوه بـ سبعة ارواح
ساره: بسم الله عليك ,, ميشو اكرهك تبي تروحي وتتركيني
مشاعل نزلت دمعتها اللي حاولت تمسكها من اول مادخلوا: لاتخافي انا هنا ولاتخافي برجع انكد
عليك عيشتك وسكتت شوي بعدين كملت: بس اللي راح يتغير اني مقدر اشوفك لأن الدكتور قال
لي ان نظري ماراح يرجع كانت تركز تبي تسمع ردهم تبي تأكد شكوكها ان نظرها راح وللأبد
ابو مشعل ماكان عارف ان الدكتور ماقال لها: يابنتي لاتخافين بوديك لالمانيا تتعالجي هناك
وبوديك لكل مكان لحد مايرجع شوفك ,, والله لو اصرف كل فلوسي وعمري ,, بس اشوف
عيونك تشوف ,, لايهمك كلام هالدكتور ,, بوديك لأحسن الأطباء
مشعل عرف ان مشاعل ماكانت تدري بس حاولت توهم اهلها انها تعرف ,, علشان يقولون لها ايش
قال لهم الدكتور ,, وعرفت بطريقتها انها بتعيش كذا عمياء طول عمرها
طلعوا من عندها علشان ترتاح اما ساره جلست
ساره: ميشو ليش حاولتي تنتحري ..؟
مشاعل: ساره الله يخليك لاتفتحي هالموضوع ابد اذا تحبيني
ساره استغربت ردها وحست ان الموضوع يخص طلال ,, وحبت تتكلم عن طلال علشان تعرف اذا هو
السبب
ساره: تصدقين نسيت اطمن يزيد عليك
مشاعل بتركيز : يزيد ؟؟؟ ليش ايش دخله ؟؟؟ وايش عرفه ؟؟؟
ساره حبت تجيب طاري طلال تبي تشوف ايش تسوي مشاعل: لا هو يدور طلال مو لاقيه ,, وقال
اكيد انك عرفتي عنه شي ,, ويمكن علشان كذا امممم ...... يعني صار اللي صار
مشاعل بعصبيه: ساره ,, انا تعبانه ابي ارتاح ممكن تطلعي
ساره تأكدت ان الموضوع يخص طلال ولاهو موت ,, لأن لو طلال مات ماكانت مشاعل عصبت
بالعكس كانت بتسأل عنه ,, او بتبكي ,, عرفت انها مشكله مع طلال ,, واكيد شي كبير اللي
يخلي مشاعل تنتحر علشانه ,, قررت انها ماراح تخلي طلال يتهنى بحياته بعد مادمر حياه اغلى
انسانه عندها
طلعت ساره وهي بالسياره دقت على يزيد اكثر من مره بس شكله نايم وحاولت لما رد عليها
ساره :هلا يزيد
يزيد وكله نوم: كم الساعه
ساره: 2 الظهر
يزيد يحاول يصحصح: يالله توك بالمستشفى
ساره: لاطلعت
يزيد: بشري صحت ..؟
ساره : ايه الحمدلله
يزيد: هاه كيفها عسى بس عدت على خير
ساره بقهر : ليش يهمك الموضوع
يزيد استغرب من ردها: اكيد مو هي صاحبتك اكيد تهمني ,, وبعدين هي حبيبة صاحبي
ساره: ووين صاحبك اللي مافكر حتى فيها
يزيد: الغايب عذره معه
تأكدت ساره انه مو غايب ولاشي ,, واكيد سوى لمشاعل شي خلاها تنهار: المهم ماعلينا ترى
مشاعل تمام ومافيها الا العافيه
يزيد: الله يبشرك بالخير ,, اجل حبيبتي اخليك الحين بكمل نومي
غبيه شلون ماحست انها يتصل يحقق ويقفل ,, اكيد يروح يكلم طلال
يبلغه ,, تذكرت انها تعرف رقم طلال ,, قالت فرصتي الحين ادق واذا
كان مشغول اكيد ان يزيدوه يكلمه ويعلمه ,, دقت من موبايلها الثاني اللي
مايعرف رقمه يزيد ,, وزي ماتوقعت كان خطه انتظار ,, ودقت على
يزيد وكان مشغول تأكدت انه يكلمه
ساره " الكلاب متفقين على مشاعل ,, الله يستر ايش سوو لك ياميشو ,,
ياليتك تقولي لي
,’,’,’,’,’,’,’,’,’,’,’,’,’,’,’,’,’,’,
يزيد: هاه الحين تطمنت نام يا أخي ترااك ذبحتني
طلال: متأكد انت انها صحت ومافيها شي
يزيد: ايه متأكد ,, صاحبتها اللي تقول
طلال: زين زين ,, مشكور يزيد
يزيد: لاهذي يبي لها عزيمه
طلال: ابشر ,, بس نام الحين
طلال حس بسعاده ع الأقل مشاعل مافيها ,, صح انها كرهته اكيد ,, بس اللي همه الحين انها
بخير ,, والله ستر ,, من بعد تعب حس ان النوم تملكه ,, حمدلله على سلامة حبيبة قلبه وعمره
ودنيته كلها مشاعل ..
,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل حست بوحده اكبر واعمق من الوحده اللي عاشتها في الماضي ,, وحده قاتله ,, حست
انها يتيمه مع ان ابوها عايش ومع كذا كانت الوحده صاحبتها من اول مانولدت ,, بس وحدتها الحين
غير ,, كان عالمها كله سواد ماتشوف اي شي ,, وعرفت ان العصا راح
تكون هي صاحبتها وهي عينها اللي تشوف بها لباقي حياتها ,, غريبه هالدنيا ,, فقدت نظري
بلحظه ,, حاولت تتأقلم وتتقبل عالمها
الجديد اللي كله سواد ,, بكت مره على امها اللي موتها كان سبب احساسها بوحده فضيعه ,,
وبكت مره على جدتها اللي تركتها وهي بأمس الحاجه لها ,, كانت مراهقه ومحتاجه لأم
توجهها ,, بس في هالوقت راحت جدتها ,, وبكت مليون مره على طلال اللي بسببه هي عمياء
وياليته يحس فيها حتى لو انها ماتت كانت متأكده انه ماراح يبكي عليها يمكن يحس بالذنب
بس هالشي ماراح يدوم اكثر من يومين ,, حست بغبائها شلون كانت بتخسر دنياها واخرتها
علشان واحد اتفه من انها تفكر فيه ,, الحين خسرت سعادتها وخسرت الأهم وهو نظرها ,,
هالشي مو سهل على اي شخص انه يصدقه او يتقبله
مشاعل كانت قويه وحمدت ربها لأنه مد في عمرها وانقذها ,, صح انها فقدت شوفها يمكن
تكون عقوبه من الله لأنها ماقدرت الحياه والصحه اللي ربي عطاها ,, تذكرت وعسى ان تكرهوا شئ
فهو خير لكم
فكرت ايش الخير اللي ممكن يجي من عماها ؟؟
فكرت في الجانب الحسن لعماها يمكن هذي نعمه من ربي علشان ماتشوف الملذات وتغرق
في بحر المعاصي والذنوب ,, يمكن الله خذ منها الشوف علشان ماتنسى القبر وظلمته
قررت انها تغير كل شي بحياتها ,, وترضى باللي ربي عطاها ,, وكل شي من الله حياه الله
المريضه اللي جنبها: ايش فيش يابنتي ماتسمعي لي ساعه ازهمش
مشاعل: هلا اختي آسفه مانتبهت
المريضه: يابتني ايش فيش ,, ايش يوجعش
مشاعل ابتسمت: عيوني
المريضه: وش فيها تنغزش
مشاعل: لا المشكله انها ماتنغزني المشكله اني ماحس فيها
المريضه مو فاهمه شي: شفيش انتي تكلمي زين ,, انتي سعوديه ؟؟
سكتت لما شافت الضابط دخل عندها
جت الممرضه تقو للمشاعل تتغطى لأن فيه ضابط برا يبي يشوفها ولاكلفت نفسها الممرضه
تعطيها أي غطا راحت وتركتها
الضابط: احم احم
بعد ماتغطت مشاعل دخل عليها (( مشاعل الفتره الأخيره متعوده ع الغطاء لأن طلال مايخليها
تطلع من البيت الا لما تغطي وجهها تذكرته ونزلت دمعه من عينها ))
الضابط: السلام عليكم
مشاعل: عليكم السلام ,, مين انت
الضابط: انا الملازم سعد
مشاعل: ونعم ,, بس ايش تبي ؟؟
الضابط: ماعليك زود ,, عندي كم سؤال عن اللي صار لك
مشاعل: تطمن محد جبرني على هالشئ انا اللي سويته ,, ومااتهم احد بأنه اجبرني ,, اتوقع
كذا خلصت اسئلتك
الضابط: طيب ليش فكرتي بالإنتحار
مشاعل: هذا شي خاص فيني ماتوقع الشرطه لها دخل بنفسيات الناس
الضابط: شلون مالنا دخل ,, ممكن تكوني خطر ع المجتمع
مشاعل انصدمت من وقاحته: طيب ابشرك انا حاولت انتحر علشان مانجحت بالجامعه ,, بترفعون
قضيه ع الدكتوره الله يجزاكم خير
الضابط : لاتاخذين الأمور بضحك ومزح ,, انا موظف حكومي وضابط وجالس أأدي وظيفتي ماله داعي
الإستهبال
مشاعل : من قال اني استهبل قلت لك اسبابي عشان الجامعه ماعندي شي ثاني اقوله
الضابط:طيب وقعي هنا
تنرفزت مشاعل لأنها ماتقدر تشوف وماتدري وين توقع واكتفى بأنه يخلي ابوها يوقع ,, بعد طبعاً
التحقيق مع ابوها واخوانها ,, وام مشعل حتى ام سلطان حقق معها وكانت خايفه يتهمونها بشي
,’,’,’,’,’,’,’,’,’,’,’,’,’,’,’,’,’,’,
صالح: يالله ترى الساعه 4 اذا مالقيتك جاهزه بطلع واخليك
فهده: طيب بس ترى بروح للفيصليه
صالح: فيصليه وجعن ياخذتس ,, بدينا ,, تبين المغازل وقلة الحيا
فهده: من قال في الفيصليه مغازل ,, وبعدين انت معي من بيغازلني وانت معي
صالح: وش دراتس ان مافيها غزل عسى بس منتيب رايحتن لها ياوسيعت الوجه
فهده خافت: لالا بس اسمع من البنات ,, طيب فيه محل مو موجود الا في الفيصليه وش اسوي
صالح: الفيصليه غاليه ,, خليني اوديتس لمعيقليه والا وشيقر وش زينها كل المحلات اللي في
الديره رخيصه
فهده انصدمت: لاوالله وتبيني اروح اشتري ملابسي من الديره ؟؟
صالح: ايه وش فيها الديره ,, انا ماشتري ملابسي الا منها
فهده في نفسها علشان كذا انت قروي : طيب طيب خلاص نروح للعليا مول
صالح: عسى مافيه شباب بس
فهده عصبت: لافاضي مافيه لاشباب ولا بنات مافيه الا انا وانت

[●● شيخة ♥ الغــيد ●●]

كانت مرهقه وحاسه بالنوم ,, حاولت ترتاح ,, قامت لما سمعت صوت سعود
سعود: هلا والله بقمرنا
مشاعل: هلا سعود
سعود يحاول يكون طبيعي: الحمدلله على سلامتك ,, بلا دلع خلاص اطلعي وحشتينا
مشاعل: الله يسلمك ,, اوكي برجع للبيت بس عندي شرط
سعود: آآمري
مشاعل: بنام بغرفتك ,, وانت دبر عمرك
سعود: هههههههه تفداك الغرفه وصاحبها
مشاعل: لامابي صاحبها ,, سعود ليش تتعب نفسك الدكتور قال بيطلعني بكره
سعود بصدمه: بكره ليش ؟؟
مشاعل ابتسمت: مو تقول انك اشتقت لي
سعود: ايه بس مو تصدقين على طول
شمت ريحه ورد
مشاعل : حركات وجايب لي ورده
سعود استغرب اللي سمعه من اهله انها ماتشوف
سعود: ايه تستاهلي ,, اكيد اعجبك لأنه مني
مشاعل: مع اني ماشوفه بس انا متأكده انه حلو ,, المهم اخبار الهنوف ...؟؟
سعود: بخير تسلم عليك وهي جايه تزورك
مشاعل تضايقت ماكان ودها تشوف احد وهي بهالحاله صح انها تحاول تمثل على اهلها انها
مو مهتمه بس كانت خايفه ماتقدر تطول
مشاعل: لاتجي ماله داعي تتعب نفسها ,, انا بخير الحمدلله
سعود: لا واجبها كم عندي من اخت ...؟؟
مشاعل: تسلم ياسعود ,, المهم تعال علمني هاه كيف النفسيه بعد ماقرب مشعل يتزوج ؟؟
سعود استغرب من مشاعل واللي كانت تسولف ولا كان شي صاير: عادي تصدقين بفقده
مشاعل: ليش ماراح يسكن معكم
سعود: لا
مشاعل: يالله الله يوفقه
سعود: آآمين ,, وتطلعين لنا بالسلامه يارب
,’,’,’,’,’,’,’,’,’,’,’,’,’,’,’,’,’,’,
ام سلطان: بس انتم متأكدين انها خلاص ماراح تشوف
ابو مشعل وكله حزن: ايه الدكتور قال لي اليوم بعد الفحوصات اللي سواها يقول الحبوب اللي اخذتها
اثرت على العصب البصري اللي بعينها وماراح تشوف ,, ام سلطان شوري علي ايش اسوي
بموت من الهم على بنيتي ,, انا كنت مقصر معها
ام سلطان: ليش مقصر ,, انت كنت موفر لها كل شي ,, وش تبي زود ,, بس بنات هاليومين
مايرضيهم شي
ابو مشعل عصب: اسمعي يامره اصحي تزعلين بنتي ولا تضايقينها ,, كل رغباتها مجابه ,,
ولااحد يكدر خاطرها مايكفيها اللي هي فيه ؟؟
ام سلطان في نفسها " اف حتى وهي عمياء ماسلمنا منها ,, ليتها ماتت وريحتنا "
ام سلطان: لاتوصينا على بنتي هي بعيوني
ابو مشعل: كفو
,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

حسين تعب وهو يدق على مشاعل وأخيراً ردت عليه
حسين: الو
طلال: هلا حسين
حسين قفل الخط غريبه من اللي رد على موبايل مشاعل ؟؟ لاويعرف اسمه ؟؟
جته رساله من موبايل مشاعل
" حسين رد علي انا طلال موبايل مشاعل عندي "
حسين قفلت معاه " وله وجه يرسل بعد " رد حسين على طلال
طلال: هلا حسين
حسين: خير انشالله ايش جاب موبايل ميشو عندك ؟؟
طلال: مو مهم كيف جاء عندي ,, المهم انا اعرف انك قريب من مشاعل واذا تعرف اي
وحده من صاحباتها بلغها ان موبايلها عندي لأني ابي اعطيها موبايلها
حسين انصدم من وقاحته: انت حقير ,, اسمع ماتبي موبايلها وانا بلغي الشريحه الحين ,,
والجهاز انا بشتري لها جهاز
طلال عصب: احترم نفسك ,, ترى للحين محترمك مو علشانك ,, علشان ادري مشاعل تغليك
حسين: لاتنطق اسمها على لسانك
طلال: تدري انك طفل وانا ماحب اتكلم مع اطفال ,, وبعدين هي حبيبتي واظن المفروض انا
اللي امنعك تنطق اسمها
قفل بدون مايعطي حسين فرصه يتكلم
رجع حسين يدق بس للأسف مارد طلال عليه ,, ارسل مسج
" يالواطي انا اوريك وربي حركتك في مشاعل ماخليها لك ,, بس انت اصبر شوي "
دق على واحد من اصحابه يشتغل في الإتصالات
حسين: هلا خالد
خالد: هلا حسين اخبارك
حسين: الحمدلله ,, شلونك انت
خالد: والله الحمدلله ابشرك اموري طيبه ,, وينك ماتنشاف يالقاطع
حسين: ايش نسوي بهالدنيا ,, اقول خالد ودي اطلبك بخدمه
خالد: سم
حسين: سم الله عدوك ,, اقول عندي شريحه ضايعه وودي الغيها
خالد: ابشر من عيوني ,, باسمك
حسين: لا
خالد: باسم مين ؟؟
حسين: باسم اخت واحد من الشباب انسرقت منها وودنا نكنسلها
خالد: طيب معك رقم السجل المدني اللي بالبطاقه
حسين : لاوالله ,, عشان كذا داق عليك
خالد: اقول حسين ترى مسؤوليه علي لو يشتكوا اهلها بنفصل اذا متأكد ان اهلها ماراح
يشتكوا ماعندي مانع
فكر حسين يمكن اهلها يستغربوا ان موبايلها انفصل ويتصلوا على الإتصالات ويعرفوا
حسين: تدري بجيب لك رقم السجل المدني وادق
خالد: خلاص يكون افضل واعذرني ياخوي
حسين: لالا ماصار شي
فكر حسين من يدق عليه تذكر ساره خوية مشاعل
ساره: الو
حسين: ساره شلونك
ساره: مين ؟؟
حسين: انا حسين ولد عم سلمان
ساره تكش على التلفون: هلا حسين
حسين: لاتكونين مشغوله
ساره: ايه والله مشغوله تبي شي ؟؟
حسين: طيب ماراح اطول ابيك بموضوع يخص مشاعل
ساره بدى الإهتمام عليها : شفيها مشاعل ..؟؟
حسين: مدري من وين ابدا لك ,, بس انا من فتره ماكلمتها تعرفي بعد مامنعها طلال
ساره في نفسها " ياكرهك ترى مو رايقه لك اكيد بيسألني وينها "
حسين: عرفت من سلمان ان مشكله كبيره صارت لمشاعل
ساره بتركيز: مشكله ؟؟ اي مشكله ؟؟
حسين مستغرب: يعني ماقالت لك ؟؟
ساره: لا ماقالت
حسين خاف ان مشاعل مخبيه على خوياتها : طيب اقدر اكلمها عن موضوع يخصها ويخص طلال
ساره خافت حسين يخبي عنها وشكله يعرف شي كبير يمكن تتوصل للشي اللي خلى مشاعل
تسوي اللي سوته
ساره: حسين مشاعل بالمستشفى ,, مره تعبانه ,, حسين تكلم قول لي ايش صاير
حسين: ..........
ساره: الو حسين
حسين عصب: من متى بالمستشفى ؟؟ وايش فيها ؟؟
ساره: مدري انت اكيد عرفت شي بليز قول لي حسين ايش صاير لأن مشاعل حاولت تنتحر
حسين منصدم : تنتحر ؟؟
ساره: ايه وهي الحين تعبانه بالمستشفى
حسين يصارخ: الحقير والله ماخليه والله لاطلع لبيته الحين واقتله الكلب الحيوان
طلع حسين ماشي 10000000000 وتوجه لاستراحه طلال ,, ساره كانت تدق عليه ومافكر حتى
يطالع الرقم كان ناوي يقتل طلال هذا كل همه
وصل بيت طلال كانت البوابه مسكره
نزل وحاول يكون هادي علشان البوابين مايحسوا بشي ,, طق الباب ,, وفتح له واحد
البواب: سم
حسين: لو سمحت ممكن طلال
البواب: من نقول له
حسين: قول له غسان (( كان خايف ان البواب يكتشف انه مو غسان بس الظاهر مادرى لأن اصحاب
طلال كثير ومستحيل يحفظ اسمائهم ))
البواب : ابشر
ودخل وسكر الباب ,, وقف حسين عند الباب ينتظره يطلع ,, لأنه مجهز له مفاجأه في السياره
طلع البواب يقول له ان طلال ماهو في الإستراحه ,, قال له انه في البيت ودقايق ويجيه
حسين " طبعا بيجي لأن غسان حبيب قلبه ,, وماراح يفوت لحظه يكون فيها معه ويتآآمرون
على بنات الناس "
انتظر في السياره لما لمح طلال طالع من بيتهم اللي قدام الاستراحه ويمشي لأن المسافه
ماتحتاج سياره وبما ان اللي يفصل بين بيت طلال والإستراحه شارع فكر حسين بأن خطته الاولى
يمكن ماتنجح ,, فكر انه ينزل معاه عصى الكهرب ويضرب بها طلال كانت فكره حلوه بس لما شاف
جسم طلال خاف ,, يمكن يعصره بثانيه ,, خاصةً ان جسم حسين نحيف اما طلال كان جسم
رياضي ,, قرر انه يغير خطته واللي بتجيب له فايده اكبر بدى ينفذ خطوته ,, كان الشارع بين بيت
طلال والاستراحه كبير لكن كان خالي من السيارات حرك سيارته حسين وبدا يمشي واتجه ناحيه
طلال وكان مركز على هدفه طلال كان يبي يهشمه بسيارته ,, يبي يشوف دمه على سيارته
يبي يشوف كل قطعه من جسمه بمكان وتطلع امه تجمع بقايا ولدها
صار الهدف لحسين واضح وقريب وبدا يزيد بسرعه سيارته
مراهق مايدري عن اللي بيسويه وكيف بيدمر مستقبله
,’,’,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

الجزء العاشر
================
مشاعل كانت تتذكر حالها قبل ,, شلون طلال كذب عليها ,, والكلام الحلو ,, والغيره ,,
والشوق مستحيل يكون فيه انسان يقدر يمثل لهالدرجه ,, كانت تبي تطلع من المستشفى ,, تبي
تنفرد بنفسها تبي تفكر بكل شي ,, تبي تبدأ حياه جديده ,, تبي تبكي حالها ,, تبكي همومها ,,
تبكي عذابها ازعجها صوت ممرضتين دخلوا عندها وقالوا لها تنزل من السرير ,, حاولت
ممرضه تساعدها في النزول ,, نزلت من السرير وجلستها الممرضه على كرسي متحرك
مشاعل: وين راح توديني
الممرضه: فيه انتي روه قورفه تاني
مشاعل: ليش ايش فيها الغرفه هذي
الممرضه : انتي روه قورفه كاصه
مشاعل: غرفه خاصه ؟؟
اخذتها الممرضه لمكان حست انه بعيد لأنها مشت كثير ,, دخلت الأصنصير ومشوا مسافه
ماتقل عن اللي قبلها دخلتها غرفه ,, ماكانت تدري عن حجمها بس حست انها كبيره لأنها
مشت مسافه لما وصلت للسرير مسكتها الممرضه وجلستها ع السرير وقالت لها اذا احتاجت
شي ترن ع الجرس اللي جنب سريرها كانت الممرضه مهتمه في راحتها بعكس اللي بالقسم
الاول كانوا يتأففون ,, وقالت لها ماتتحرك الا اذا كان معاها احد
,’,’,’,’,’,’,’,’,’,’,’,’,’,’,’,’,’,’,
فهده: الله مره يجنن شوف صالح (( كانت تأشر على بنطلون ))
صالح كان مو معاها منجن ع البنات اللي يشوفهم بالسوق ,, معذور اول مره يشوف حريم
بالعاده مايشوف الا تماسيح ,, وخاصةً انه اول مره يدخل سوق
فهده طفشت منه ودخلت محل ملابس داخليه ودخل معاها
فهده: وين رايح ؟؟
صالح: بدخل معتس
فهده: لاحبيبي عيب استحي اشتري هالأشياء معاك ممكن تطلع
صالح : بعد بعد تبين تناظرين هالأشياء عند رجال ,, امشي بس لاكسر رجولتس
فهده: صالح طيب ايش اسوي من وين اشتري
صالح: جعلتس الجزر اشتري من حريم
فهده: اوووووه خلنا نرجع للبيت ,, خلاص هونت مابي شي
صالح: احسن
فهده: اقول صالح ايش رايك اعزمك ع العشاء ؟؟
صالح حمرت عيونه من التعصيب: وشو يالكلبه بعد بعد مطاعم ,, وش تبين الناس يقولوا
عني ,, لو شافوني اخوياي يقولون مودي اخته لمطاعم
فهده مستغربه: ايش فيها المطاعم ترى مطعم مو شقه دعاره
صالح: اخسي واقطعي انت خربتي ,, اسمع طاري المطعم على لسانتي اقطعتس تقطيع
انا صالح اودي حرمه لمطعم ,, تحسبينا في بلاد الكفار
فهده: ايش دخل الكفار ,, ترى الاكل مو حرام
صالح: بس مابي اسمع صوتس ,, دواتس عدي اذا رجعنا ,, مطعم هاه ,, تبين تفضحيني عند
الناس ,, وتخلين اسمي على كل لسان
فهده: اوووووه متى بس تخلص هاليومين اللي باقيه ,, واروح بيت رجلي
,’,’,’,’,’,’,’,’,’,’,’,’,’,’,’,’,’,’

[●● شيخة ♥ الغــيد ●●]

ابو مشعل : ياام مشعل البسي عباتك خلينا نروح
ام مشعل وهي تبكي: مقدر والله يابو مشعل ,, مقدر اشوفها ,, ابو مشعل تكفى خلنا نسفرها
ابو مشعل: خليها الحين تهدا نفسيتها وانشالله بلف بها العالم ولو ان الدكتور قال لاتحاولون
مافيه امل ولا حتى 1 بالميه
ام مشعل تبكي
ابو مشعل تعب من اليوم وهو يهديها ,, طلع من عندها وراح لبيته الثاني ,, دخل لقى ام سلطان
جاهزه وملبسه اولادها
ابو مشعل: يالله ياأم سلطان مشينا الزياره ترى تنتهي 9
ام سلطان: يللا خلاص والعيال جاهزين
ركبوا السياره متجهين لمشاعل
,’,’,’,’,’,’,’,’,’,’,’,’,’,’,’,’,’,’,’,’,
ساره كانت كتومه ماقالت لأي بنت لأنها خايفه على سمعت مشاعل ,, تذكرت حسين ايش
سوا ومن هو الحقير اللي راح يقتله ,, رجعت تدق وتدق بس محد رد ,, تذكرت زواج فهده بعد
اسبوعين وماكانت تعرف شلون بتعتذر منها وتقول لها انها ماتقدر تجي لاهي ولامشاعل ,,
سمعت موبايلها يدق لقت حسين يدق ردت عليه بسرعه
حسين كان منهار وخايف : ساره الحقيني
ساره: ايش فيك
حسين: قتلته .... انا خايف ...... لوحه سيارتي ..... كان فيها دم
ساره مافهمت شي بس حست ان حسين سوا مصيبه ومين قتل: حسين اهدا شوي وقول لي
ايش اللي صار معاك ؟؟
حسين حاول يهدا: ساره بعد اللي سواه في ميشو رحت له ناوي اقتله .... ساره قتلته
ساره برعب: ممكن تتكلم بهدوء علشان افهم كذا ماراح اقدر اساعدك
حكى لها حسين عن اللي سواه طلال وغسان وسلمان في مشاعل
ساره : وايش سويت في طلال ؟؟
حسين بخوف : صدمته
ساره منصدمه : مجنون انت ؟؟ ومات ؟؟
حسين: مدري انا انحشت بس شفته طايح ع الارض وفيه دم
ساره خايفة: طيب مين شافك ؟؟
حسين: البوابين
ساره: شافوا لوحتك
حسين: مدري
ساره: يالغبي كان شلت لوحتك
حسين: مافكرت طلعت معصب ومافكرت بشي
ساره: طيب طيب اهدا الحين وخلني ادق ع المستشفيات اشوف وينه
حسين: تكفين ساره انا خايف اروح للبيت يكونون الشرطه هناك ,, ساعديني
ساره: طيب شوي وادق عليك
ساره دقت على كل المستشفيات اللي بالرياض ماكان موجود ,, رجعت دقت على حسين
ساره: دقيت على كل المستشفيات اللي بالعالم واسمه مو موجود انت متأكد انك صدمته
حسين مات خوف : ايه متأكد ساره ياخوفي انه الحين في ثلاجه الموتى
ساره: لا ياغبي ماراح يحطونه بهالسرعه .. امممم طيب تعال انت ماتعرف احد من اخوياه
حسين: لا ,, هاه الا تذكرت ,, اعرف خويه ابراهيم
ساره: طيب دق عليه اذا فيه شي بيقول لك
حسين : بس هو مو خويه مره اكيد ماعرف
ساره: طيب اسمع انا بجيب لك الخبر شوي بس
,’,’,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

دخل عليها وسلم ,, صوته غريب عليها بس كان صوته هادي وجميل
مشاعل : عليكم السلام
نايف: معك نايف ,, نائب مدير قسم التنويم
مشاعل: هلا فيك اخوي
نايف: آسف على الإزعاج بس حبيت اتطمن اذا انتي مرتاحه في الغرفه هذي او اذا تحبي نغيرها
مشاعل: لا اخوي شكراً الغرفه حلوه (( ضحكت على نفسها شلون عرفت انها حلوه ))
نايف: طيب اذا احتجتي أي شي تلقيني على تحويله 145
مشاعل: تسلم اخوي بس كنت بسألك
نايف: سمي
مشاعل: ليش نقلتوني هنا
نايف: والله جتنا توصيه اننا ننقلك لغرفه خاصه ,, واذا أنتي مو مرتاحه هنا ممكن انقلك لأي غرفه
ثانيه وهذي خدمه مني ,, ودي أخدمك صراحه
مشاعل بحكم خبرتها بالشباب عرفت انه يتميلح : مشكور وماتقصر
نايف : العفو ترى ماسويت شي ,, بس حبيت اذكرك تحويلتي 145
مشاعل: انشالله مع السلامه (( كانت تبي تنهي هالنقاش الغبي ))
طلع نايف على دخلت بنت عرفت انها بنت من صوت كعبها
البنت: مساء الخير
مشاعل تلتفت لمصدر الصوت : مساء النور
البنت: مشاعل الحمدلله ع سلامتك
مشاعل: الله يسلمك بس مين انتي ماعرفتك ..؟؟
البنت : انا الهنوف
عرفت انها خويه اخوها سعود ,, يالله كم كانت تتمنى تشوفها بس الظروف ماسمحت ,,
وسبحان الله الحين جت الهنوف لحد عندها والمشكله ماتقدر تشوفها ,, حست صوتها ناعم
,, غريبه ماكان الصوت يشكل اهميه بالنسبه لمشاعل ,, بس الحين صارت تعرف شعور
الشخص من نبره صوته صار احساسها اقوى ,, كانت تحس بساره لما تحاول انها ماتبكي
قدام مشاعل وكانت تحس بها لما تضحك وتحس بها لما تزعل
الهنوف : حاولت اجيك امس بس ماقدرت والله كنت مره خايفه عليك
مشاعل: الله يسلمك بس لاتخافي علي خافي على حبيب القلب ,, خاصةً بأن الفرج قرب
حست بخجل الهنوف وحاولت تغير الموضوع
مشاعل: هاه كيف التسجيل بالجامعه سجلتي والا لسى
الهنوف: لا لسى التقديم لنسبتي يوم الاثنين
مشاعل: الله يوفقك ,, وايش ناويه تدخلي ..؟؟
الهنوف : انشالله ادارة اعمال
مشاعل: اداره اعمال ..؟؟ مين اللي اجبرك اكيد سعود يبيك تدخلي قسمه صح
الهنوف تضحك : ههههههههه لا ,, بس انا ابي اعرف كل شي بحياته يعني راح ادخل اداره اعمال
علشان يكون بينا اشياء متشابهه
مشاعل : بس بينكم حب واتوقع هالشي يكفي
الهنوف: يكفي الحين ,, بس بعد مانتزوج اكيد بيبرد الحب ,, وابي حاجه تخلينا متشاركين
فيها علشان تكون ميولنا وحده ونكون قريبين من بعض
مشاعل استغربت من تفكير هالبنت ,, حست انها ذكيه وداهيه ,, اكيد فرت راس اخوها لما حبها
مشاعل: بصراحه انا متحمسه ليوم زواجك
دخلت ام سلطان واولادها وابو مشعل ,, في هالوقت طلعت الهنوف علشان تخليهم براحتهم
سلطان : حبيبتي ميشو اشتقنا لك
فهد: ميشو ارجعي معنا البيت نبيك
مشاعل: حبايبي انشالله نرجع سوا لما الدكتور يقول اطلعي
ام سلطان: الحمدلله على سلامتك يامشاعل
مشاعل: الله يسلمك شلونك خالتي
ام سلطان: الحمدلله ,, بشريني عنك حبيبتي
مشاعل: الحمدلله على كل حال
مشاعل حست انها بتاكلها بعيونها
ابو مشعل: شلونك حبيبتي
مشاعل: الحمدلله بابا انا بخير اذا انت جنبي الله لايحرمني منك
ابو مشعل يقاوم دمعه نزلت غصب عنه: يارب ماموت لحد مادخلك بيت زوجك
مشاعل: زوج ..؟؟ مليت مني ..؟؟
ابو مشعل: لاتقولين هالكلام انتي نورنا
فيصل: ميشو تقول ماما انتي ماتشوفيني ,, يالله انا ايش اسوي اتحداك تعرفي
ابو مشعل: فيصلوه برا
فيصل بكى وطلع برا الغرفه وطلعت معاه امه
مشاعل : بابا حرام عليك هو طفل مايعرف شي ,, بعدين يكفي ان الله انقذني على ايده ,,
لو ماصارخ وراح يبكي عند خالتي كنت الحين بالقبر
ابو مشعل: انشالله يومي قبل يومك
وتموا عنده إلى وقت نهايه الزياره 9 لحد ماجت الممرضه تطردهم
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,

[●● شيخة ♥ الغــيد ●●]

فكرت ساره انها لو دقت على يزيد يمكن يكون يعرف شي
ساره: هلا يزيد
يزيد: هلا ساره
ساره: كيفك
كان شكله بالسياره لأن صوت الأغاني مكسر السياره تكسير
يزيد: تمامو انتي كيفك
ساره: الحمدلله ,, شكلك برا
يزيد: ايه برا ,, اطلعي خليني اشوفك
ساره بنفسها " رايق انت ,, وحتى لو بطلع مستحيل اشوفك لأنك من اليوم انت وصاحبك اعدائي "
ساره تتصنع الضحك: لا ياقلبي وقت ثاني انشالله
يزيد: براحتك ,, الا ماقلتي لي كيف مشاعل
ساره: الحمدلله بكره راح تطلع من المستشفى
كانت تكذب لأنها ماتبيه يوصل شي لطلال مثل ماهم ماخذينها عشان تسحيب الكلام هي
بتخلي الوضع يقلب عليهم وبتوهمهم ان مشاعل تمام علشان الضربه اللي راح تجيهم .. لأنها ماتبي اي اتصال بين طلال
ومشاعل ,, يمكن لما يعرف بحالها يرحمها ويدق ,, بس كانت تبين لهم انها تمام ومافيها شي
قفلت منه لما عرفت انه مايعرف اي شي عن طلال
دقت على حسين
حسين: طيب ايش اسوي ارجع للبيت
ساره: ارجع انت الحين ماتوقع ان الشرطه عندكم ولااتوقع انهم شافوا اللوحه ,, لو شافوها
كان الحين ابوك دق عليك
حسين اقتنع بكلام ساره وماقفل منها الا لما وصل للبيت وتطمن ان مافيه احد
كان حسين وساره يبوا يعرفوا ايش صار لطلال
,’,,’,’,’,’,’,’,’,’,’,’,’,’,’,’,’,’,’,’,’,’,
كانت مشاعل تستعد للنوم ماكانت تعرف كم الساعه بس حست ان الوقت متأخر لأن طلعت اهلها
من عندها صار لها وقت طويل
انسدحت وسمت بالله كانت تبي تقول الأدعيه اللي قبل النوم بس للأسف ماتعرف منها شي ,,
عمرها مافكرت تقراها لما كانت بصحتها ,, والحين هذا اللي تجنيه من اهمالها وعصيانها
اكتفت بقراءه المعوذات وتغطت ,, حاولت تنام بس ماقدرت ,, كرهت وضعها الجديد ,, كرهت
انها لما تفتح ماتشوف شي ,, حست بالنعمه اللي كانت فيها بس عمرها ماستشعرتها ولا حمدت الله عليها
حاولت تنام بس الأفكار كانت اقوى ,, كرهت طلال بكل جوارحها ,, بكل نقطه دم فيها تكرهه
,, بكل كيانها تكرهه ,, ياليته اختفى من حياتها بدون ماتخسر نظرها ,, صارت تتحسر على نفسها
وودها تعيد الزمن لورى وماتتهور وتسوي اللي سوته ,, بس خلاص هذا واقعها
قطع عليها حبل افكارها الممرضه اللي دخلت
مشاعل في نفسها " اووف على هالحاله ماارح انام اذا بيضلوا يدخلوا ويطلعوا "
قربت منها اكثر ووقفت ,, طولت وهي واقفه ,, استغربت مشاعل ,, ليش ماتاخذ الضغط والا الحراره
وتطلع ,, كانت ساكته ,, حست بريحه عطر رجالي خفيف وكانت ريحته منعشه
مشاعل: مين هنا
( ؟؟ ) : ..........
مشاعل بخوف : مين انت ....؟؟؟
خافت يكون نايف ,, معقوله يتجرأ ويدخل عليها وبدون أذن وبوقت متأخر
كانت تحاول تركز على الصوت ,, مع اي حركه يمكن تستدل للشخص اللي دخل
مدت يدها تبي تضرب جرس الممرضات ,, بس كانت يده اسرع منها ,, ومسك يدها
حست مشاعل ان قلبها بيوقف ,, مين هالحقير اللي يفكر يمسك يدها
سحبت يدها بقوه ,, وضربت جرس الممرضات
حست به يبتعد لحد ماوصل للباب وطلع وسكره وراه
دخلت الممرضه بعده بثواني
الممرضه: ايوه
مشاعل : مين اللي كان موجود هنا ؟؟
الممرضه: مافيه اهد
مشاعل تصارخ: مو عشان انا ماشوف تحسبيني غبيه ,, مين اللي كان هنا ..؟؟
الممرضه : ايش في ,, انا كلام انتي مافيه شوف اهد
مشاعل طردتها ,, مو معقوله ماشافت لأنها تدخل وهو يطلع مو معقوله ماشافته ,, اكيد نايف
الحقير اكيد بما انه يشتغل بالمستشفى اكيد الممرضات يغطون عليه ,, والا يمكن عطاها فلوس عشان تسكت ؟؟

[●● شيخة ♥ الغــيد ●●]

غسان: هههههههههههههههههه تصدق احس اني الحين مبسوط
فواز: كفو والله انا اشهد انك قول وفعل
غسان: يالله هذي آخر مغامره لي مع البنات ,, كانت مشاعل الخاتمه
فواز مستغرب: ليش ,, قررت تعقل ؟؟
غسان: لا قررت اودع العزوبيه ,, بتزوج
فواز: الف الف الف مبروك ,, ومن هي تعيسة الحظ
غسان يطالع فواز باحتقار: تعيسه هاه ,, وهي تطول يخطبها واحد مثلي
فواز : تقرب لك ..؟؟
غسان : ايه بنت عمي
فواز: أي عم فيهم
غسان : فهد
فواز : ماشالله بس خبري بك تقول مابي اتزوج وحده تقرب لي
غسان: ايه بس انا مابي اتزوج اي وحده ,, او من أي عائله ,, بصراحه ابي وحده من مستواي
وفكرت إن بنات عمي مايقلون عن مستوانا واتوقع انها مناسبه لي ولمركزي
فواز : الله يوفقك ,, هاه وانشالله بتعقل ؟؟
غسان بخبث: بيخف نشاطي في الشوارع ,, بس اكيد المكالمات مستحيل اخليها
فواز : بس لو عمك عرف ماراح يخليك انت عارف من هو عمك
غسان باحتقار: وخير ياطير ,, اظن مركز ابوي مو اقل من عمي وانا حر ,, يكفي اني بتزوج بنته ...
فواز : ومتى العرس
غسان : والله انا طالع اوروبا بكره يعني لفه جنيف على باريس على لندن وبنشطف ماربيا
تعرف لزوم الترزز ,, وانشالله اذا رجعت حددنا الزواج
,’,’,’,’,’,’,’,’,’,’,’,’,’,’,’,’,’,’,’,
استسلمت مشاعل للنوم بعد عناء وارق وسهر ,, على أمل ان بكره يحمل في طياته بعض الفرح والسرور لقلبها
صحت بدري على صوت الممرضه اللي تقول لها ان الدكتور راح يدخل
بعد الكشف
الدكتور: انشالله بكتب لك خروج بكره الصباح
مشاعل بخيبة امل : ليش يادكتور مو اليوم ؟؟
الدكتور: خلاص طفشتي مننا ..؟؟
مشاعل : لايادكتور بس مليت من الجلسه هنا
الدكتور : انشالله بكره ,, بس نبي اليوم نتطمن عليك
مشاعل استسلمت للأمر
مشاعل : دكتور
الدكتور : ايوه
مشاعل بخوف : لو سويت عمليه لعيني ,, (( وبتردد )) فيه نسبه لنجاحها
الدكتور سكت مايعرف ايش يرد عليها خاصة انه للحين ماعرف انها تدري عن حالتها
الدكتور : انشالله خير ,, لاتستعجلي الأمور ,, انتي ارتاحي لك كم يوم وبعدين نتكلم بهالموضوع
,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

حسين كان عايش حاله رعب ,, كان ينتظر بأي وقت الشرطه تجي بيتهم
كانت الساعه 2 الظهر لما دق موبايله ,, كان الرقم غريب
حسين : الو
( ؟؟ ) : السلام عليكم
حسين حس الصوت مو غريب عليه : عليكم السلام
( ؟؟ ) : حسين ماعرفتني ؟؟
حسين : لا مين معاي ؟؟
( ؟؟ ) : معك طلال ,, اكيد تتذكرني خاصة انك امس كنت عند بيتي
حسين طقته ام الركب خخخخخخخ : ..........
طلال بجديه : حسين مابي اكثر الكلام عليك ,, بس في موضوع لازم الحين نتكلم فيه ,, واظنك
عارف ايش هو
حسين بخوف : لاماعرف وياليت تختصر لأن مابينا كلام
طلال بعصبيه : مو انت اللي تقول لي اختصر ,, انا اتكلم وقت اللي ابي واسكت بالوقت اللي ابي
طلال حاول يهدا
طلال : حسين ابيك تعرف اني والله ماكرهك ,, ولااتمنى لك الا كل خير ,, بس بسألك تتوقع
فيه شخص بالدنيا يستاهل تدمر مستقبلك عشانه ؟؟؟؟ حسين عمر الأمور ماتنحل بهالطريقه
حسين : انا مدري عن ايش تتكلم
طلال : حسين انت اكثر واحد عارف اني بإشاره مني اقدر اضرك واضيع مستقبلك وادخلك
السجن ,, لأنك تعرضت لي وحاولت تقتلني ,, بس لا مو هذا اللي تربيت عليه ,, ولا ضميري
يسمح لي اسويها
حسين : ايه بس ضميرك يسمح لك تدمر حياة وحده تحبك
طلال بحزن : حسين انا مادقيت عليك عشان هالموضوع ,, خلنا لو سمحت ما نطلع من موضوعنا
حسين : اي سجن اللي تتكلم عنه لاتتبلى وبعدين مابيننا مواضيع نتكلم فيها
طلال : اوكي حسين انا بحول الموضوع للشرطه وهم يتفاهموا معاك بطريقتهم ,, واذا صرت
رجال تعرف تتكلم مع الرجال دق علي
حسين خاف : المطلوب ياطلال ايش تبي ؟؟
طلال : انا عارف انك ماراح تصدقني لأنك تكرهني وانا بنظرك حقير وكذاب ,, بس ياحسين
الله يشهد ع كلامي اني اعتبرك مثل اخوي الصغير وماودي اضرك ,, اما بالنسبه
لموضوعي انتهى انا وقفت القضيه ,, بس ياحسين لاتدمر مستقبلك ,, انت توك صغير ,,
لاتتهور لأتفه الأسباب لو انا سامحتك غيري ياحسين والله مايخليك
حسين : انت مسوي قصه وقضيه على شي تافه ,, أصلاً انا لما صدمتك ماكنت شايفك ومو
قصدي اني اصدمك
طلال عصب : ليش قطوه عندك ماشفتني ؟؟
عموماً ياحسين انا مقدِّر وضعك ,, ادري انك متضايق عشان مشاعل ,, بس هذا مو مبرر
للي سويته صدقني لو انا مت لما صدمتني ,, كان انت الحين في السجن تنتظر الحكم عليك
بالقتل ومحد بيرحمك
حسين : طيب انت مامت ,, ليش زعلان المفروض تحمد ربك لأني ماقتلتك
طلال : ادري اني مامت ,, وانا مادقيت عليك عشان انتظر منك تتحمد لي ع السلامه ,, انا
دقيت لأني توقعت انك الحين منهار وخايف اني اشتكيت عليك ,, توقعت اسمع صوت واحد
ميت خوف كنت ابي اقول لك ارتاح لأن الصدمه جت بيدي وان الموضوع كسر بيدي ورضوض
حسين بشك : بس انا وقتها شفت دم
طلال : لاتخاف رجلي نزفت شوي ,, المهم مافيه شي خطير ,, اللي ابيه ياحسين اني اوصل لك
نصيحه اعتبرها من اخوك الكبير ,, حسين لاتتهور لو انا رحمتك غيري ماراح يرحمك ,, حسين انت توك
صغير وماعرفت الدنيا زين لاتورط نفسك في امور انت مو قدها ,, بس مو معنى هذا اني اسمح
لك تتعرض لي مره ثانيه لأني لو شفتك مره ثانيه صدقيني حسين ماراح تلحق تتهنى بحياتك
لأني بدمرك ,, وعموماً انا لما كنت بالمستشفى البوابين شافوا لوحة سيارتك بالأماره لوحتك
+++ +++ المهم انهم عطوها الشرطه وقالوا لهم انك صدمتني متعمد وكان الموضوع بيكبر
,, ولما صحيت انكرت انك صدمتني وقفلت القضيه بصعوبه تدري انا ليش سويت كذا
حسين حس براحه نوعاً ما وبدا يرجع لأسلوب الاستهزاء : لاتقول ان كان عندك اخو يشبهني
ومات ,, وانا اذكرك فيه
طلال باحتقار : لوعندي اخو يشبهك انا اللي راح اقتله ,, لأني مابي اخو متهور مثلك
حسين : انا عارف ليش سويت كذا
طلال : ليش ؟؟
حسين : اكيد تبي مصلحه ورى هالطيبه اللي نزلت عليك ,, لاتفكر تطلب شي لأني افضل انسجن
ولاانفذ رغبه من رغباتك
طلال : الله لايحدني عليك بيوم ,, عموماً انا ساعدتك لسببين اول شي لأني ادري انك متهور ومابي
يضيع مستقبلك كان عندي أمل ان الله يهديك وتثقل شوي على يدي بس الظاهر مافيك فايده
حسين باستهزاء : والسبب الثاني
طلال : لأني عارف مكانتك عند مشاعل ,, مابيها تتضايق عشانك او تحزن ,, انت في امان
والفضل لله ثم لمشاعل ,, بس صدقني لو فكرت تعيد هالحركه مره ثانيه ماراح احد يشفع لك عندي
حسين : تبي تقنعني انك تحب ميشو ,, واذا لهالدرجه تحبها ليش سويت فيها اللي سويته
طلال بعصبيه : مالك شغل
وقفل الخط
,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

عبدالله : مدري شلون ساكت على حقك ,, انا لو منك اجرجره بالشرطه
طلال : لا ياعبدالله ترى الولد صغير ,, وراه مستقبل ,, ان توليتم فارحموا ,, ومن لايرحم لايُرحم
عبدالله : وهو مو حرام عليه يمشي ويصدم عيال الناس ؟؟
طلال : يابن الحلال الحمدلله على كل حال جت بسيطه
عبدالله : ايش اللي بسيطه ,, بغيت تموت وتقول بسيطه ,, وبعدين كل هذا عشان بنت ماتسوى
طلال عصب : عبدالله لو سمحت انت غالي ,, بس رجاء الا مشاعل لاتغلط عليها
عبدالله : طلال فيه سؤال محيرني ويقرقع بصدري ودي اسأله
طلال : ادري ,, راح تقول اذا انت تحبها كل هالحب ليش تركتها وليش سويت فيها هالحركه
عبدالله : عليك لمبه ,, وفرت علي السؤال
طلال يبتسم : بصراحه مدري من وين ابدأ ,, ولااعرف كيف اوصف لك شعوري ,, بس انت ماعرفت
ميشو ,, صدقني فيها جاذبيه مو طبيعيه ,, تصدق من اول يوم شفتها فيه لما كنت واقف عند
المطعم حسيت ان البنت هذي بيكون لها دور كبير بحياتي
عبدالله محتار : موفاهم ,, اتذكر كنت تكرهها
طلال يفكر يحاول يرجع لبدايته مع مشااعل : ببدأ لك من البدايه
عبدالله : بسم الله
طلال : في البدايه كنت اسمع عن البنت هذي كلام كثير ,, بعضه كان مدح والبعض سب ,,
بس حسيت البنت هذي مشهوره لأني سمعت غسان يتكلم عنها وبعض الشباب اللي يجو عندي
بالمجلس حاولت احلل شخصيه هالبنت ,, مع اني مو محلل نفسي ولادكتور بس استغربت
بعض تصرفاتها اعجبني شموخها وعزة نفسها وغرورها في اوقات ,, غسان اللي مافيه بنت
غلطت بحقه ,, كل بنت يعرفها كانت تموت رعب اذا كلمته بس هي كانت تكلمه في قمة
البرود ,, حسيت ان هذي البنت اكيد بنت عائله كبيره واكيد ماهي خايفه من غسان لأنها
تعرف وراها ظهر زي مايقولوا ,, بس بعد ماعرفت هي بنت مين عرفت انها من عائله
عاديه ,, صح ابوها مادياً وضعه حلو بس ,, بس كإسم لابوها ومركز كان شخص عادي ,,
وغسان يقدر يدمرها في لحظه ,, اعجبتني قوتها ,, كانت تكذب ع الشباب وهم عارفين بس
حابين كذبها وكان كل واحد يوهم نفسه انه هو المميز عندها ,, استغربت ايش هالسحر اللي
تملكه هالبنت وتجرأت اني اسأل واحد من الشباب كان يعرفها ايش سر تعلقه بها تدري ايش قال
عبدالله : ايش ؟؟
طلال : لا نها ملكه جمال ويقول كل الشباب اللي يكلموها عشان جمالها ,, بصراحه ماكذب
عليك تحمست اني اشوفها وتحمست اكثر اتعمق بشخصيتها الغريبه ,, اللي اسمعه من
الشباب ان اكثر البنات اللي يكلموا شباب تكون محدده هدفها
فيه بنات يكلموا عشان مصلحه وفيه بنات تسليه واللي تبي حب واللي تبي زواج ,,
بس ماحسيت لا انها تبي تتزوج لأنها تتهرب من هالموضوع ولا تبي هدايا او اي مصلحه
ماديه او معنويه ,, والحب انا متأكد انه بعيد عن تفكيرها ,, فكرت ممكن تكون تتسلى بس لو
كانت تتسلى ليش تعلم الشباب عن اسمها الحقيقي ,, والغريبه ان خويتها ساره مستحيل تكلم
واحد وتقول له عن اسمها الحقيقي ,, كنت متشوق ادخل عالمها الصغير
عبدالله : لاتقول لي انك تعرفت عليها عشانها حلوه ,, ماتوقع هذا تفكيرك ياطلال ؟؟
طلال : ماكذب عليك كان سبب من الأسباب
عبدالله : بس انت للحين ماتعرفت عليها ولاحتى شفتها شلون شفتها ,, وشلون دخلت حياتك ؟؟
طلال : في يوم جاني غسان لمجلسي كان معصب ,, سألته ايش اللي مضايقه ,, بدأ يحكي لي عن مشاعل وكيف انها اهانته وقالت له مابي اكلمك وانقلع من وجهي وهالكلام ,, كان وقتها حاقد
عليها سمعته يكلم واحد ويخططون انهم ينتقموا منها ,, كانت خطتهم انهم يعرفون مشاعل
على واحد ويحاول يخليها تطلع معاه وبعدين يدمرون مستقبلها
عبدالله : الحقير غسان ,, مايخاف ربه
طلال : انا وقتها طلبت من غسان اني انا اللي انفذ الخطه
عبدالله منصدم : طلال مستحيل ,, مستحيل انت تسوي كذا ,, تمزح معاي صح ؟؟
طلال : لا ياعبدالله انا وافقت على كل شي قاله لي غسان ,, لأن غسان بي او بدوني راح ينفذ
خطته ,, كنت ابي اوهمه اني راح ادمر مستقبلها وراح اخليها تحب رجله وتقول سامحني
ياغسان ,, كنت ابي ابعد غسان عنها ,, عشان احميها ,, كنت خايف عليها ,, لاني مارضى احد
يسوي بأختي اللي بيسويه غسان فيها
عبدالله : طيب ليش مانصحته ,, والا هددته
طلال : فكرت ,, بس خفت انصحه يجاريني وكأنه اقتنع ,, بعدين يسويها من وراي وخفت
اهدده يعاند ويكبر الموضوع براسه ,, عشان كذا قررت اني اوهمه اني بنتقم منها عشان اضمن انه ماراح يسوي شي الا وانا عارف ,, كنت ابي اقرب من مشاعل علشان احميها من غسان
عبدالله : وايش كان رد غسان
طلال : قال لي انت ياطلال وسيم واسلوبك حلو واكيد راح تسهل هالمهمه
عبدالله : تدري تحمست اعرف شلون كانت بدايتك معاها
طلال حس بحزن عمره ماحس فيه قبل لأنه جالس يتكر ذكريات حزينه وعزيزه ع قلبه
حاول انه يتشجع ويكمل : حاولت افكر شوي واحلل شخصيتها ,, حسيت انها ملت من اسلوب
الدلع والمدح لأنها اكيد تسمعه كل يوم ,, قررت اني اهينها واسبها واكون جاف معاها
اول لقاء بينا كنت مركز على سب شكلها واللي هي متعوده ان الشباب يمدحوه
حسيت بحقدها علي وكرهها ,, خاصة بعد موضوع الكيكه أكيد تتذكره
عبدالله ماسك ضحكته : ايه ,, تصدق شكلك اوسم بالكيكه
طلال : تصدق كانت احلى اهانه انهنتها بحياتي
عبدالله يبي يقهره : افهم من كلامك اني لو بضرب وجهك بأي كيكه بتنبسط
طلال عصب : حاول تسويها ,, والله لخلي امك تحتار ماتعرف وجهك ماتدري انت عبدالله
والا ابو عبدالله والله لاخلي مرض الشيخوخه المبكر يجيك وانت توك في شبابك
عبدالله : هههههههههه ياسلام حلال عليها وحرام علينا
طلال : تقارن يد ميشو اللي كلها نعومه ,, بيدك المرزبه
عبدالله : ههههههه خلاص هونت الحين طلعت مرزبه الله يستر بعد شوي ايش يطلع ,, المهم اسلم
طلال : تصدق بعد موضوع الكيكه خفت منها
عبدالله : صح انها متوحشه على هالحركه بس تراها كيكه مو مويه نار هههههههه
طلال : لا انا ماكنت خايف من الكيكه ,, كنت خايف من مشاعري تجاه هالبنت ,, كنت حاس
بشي يكبر داخلي ,, حاس ان البنت هذي صارت تسيطر ع كل تفكيري ,, كان المفروض انا
اللي اخليها تحبني واظن العكس صار ,, وقتها كلمت غسان وقلت له اني انتقمت له من
مشاعل واهنتها قدام الناس وقدام صاحباتها وبديت اقنعه انه يتركها ,, وفعلاً الولد وافق
وشكرني ,, وقتها انا كنت فرحان لأنها خلاص اختفت من حياتي ,, كنت خايف احبها ,, وفي
يوم دق علي غسان وقال انه شافها في شارع وانها كانت تطالعه باحتقار وقال لي لازم نكمل
خطتنا ,, اضطريت انه اجاريه عشان امنعه يسوي شي لهالبنت اللي سيطرت على افكاري ,,
كنت ابي اكون معاه بكل خطوه يسويها ,, كنت متردد شلون اعطيها رقمي او شلون ابدأ
معاها وانت عارف اني مو من الشباب اللي يرقموا ولاتنسى انها تكرهني بعد اللي سويت لها
,, في يوم كانت صاحبتها طالعه وعطتني شي يثبت ان مشاعل تحبني تدري ايش هو ؟؟
عبدالله : لاتقول الرسمه ؟؟
طلال : ايه ,, هالشي خلاني اتأكد ان مشاعل تحبني ,, لحظتها ماحاولت انكر مشاعري تجاها
بالعكس اعترفت لنفسي ولها اني اموت فيها ,, وصرنا نتقرب من بعض كل يوم اكثر من اللي
قبل
عبدالله : انا متأكد انك تحبها لأني شفت كل شي بعيني ,, بس بعد هالحب ماتوقعت انك حتتركها
طلال : لو انت مكاني كنت بتسوي نفس اللي سويته ,, كان غسان يقنعني اني اطلعها للمزرعه
وينتقم منها هناك ,, كان غسان عارف انها تحبني لانه شاف شلون تغيرت بعد ماتعرفت علي
وكان يصر علي اننا ننتقم منها ,, كان وقت الإختبارات وخفت تحس بشي وتقلق وماتنجح ,,
حاولت اني اصرف غسان لما خلصت اختباراتها ,, وقتها حاولت اني اقنع غسان انه ينسى
موضوع الانتقام ,, بس رفض ,, وقال لي انه غير الخطه
عبدالله : مدري ليش انت تسمع كلامه كان ممكن تحذر مشاعل انها تنتبه منه وخلاص
طلال : انا كنت اوصلها للجامعه وارجعها كل يوم ,, كانت لما تطلع لأي مكان تكون سيارتي
ورى سيارتها تدري ليش
عبدالله : اكيد كنت خايف غسان يسوي لها شي
طلال : ايه ,, وبصراحه انا انسان ,, ماراح اقدر اراقب مشاعل طول عمري ,, وممكن يحاول
يقول لأبوها انها تعرف شباب او يحاول يهز ثقه اخوانها فيها وانا مقدر اراقب كل اللي
بالبيت ولااقدر امنع غسان انت عارف انه عنيد وماودي اكبر الموضوع براسه,ولو قدرت احميها يوم
ماراح اقدر احميها منه العمر كله ,, قررت اني اسمع خطته الثانيه ,, وتخيل ايش كانت خطته
عبدالله باهتمام : ايش ؟؟
طلال : قرر اني اتركها لأنه عرف شلون مشاعل تحبني ,, واكيد هالشي بيصدمها ومستحيل
ترجع مثل اول لأن الصدمه بتهزها
فكرت يوم و يومين واسبوع ,, لقيت ان هذا انسب حل
عبدالله : شلون انسب حل مو فاهم ؟؟مو انت تحبها شلون قدرت تفرط فيها
طلال : عبدالله والله من كثر خوفي عليها ,, ع الأقل اذا سويت اللي قاله غسان اظمن انه ماراح
يتعرض لها مره ثانيه ,, صح اني بتعذب واكيد هي بتتعذب بس هالحل اللي اشوفه انسب حل
وبعدين لو غسان حس بس مجرد احساس اننا نحب بعض وان علاقتنا ماراح تنتهي راح يحقد
اكثر وماراح يخليها ,, ولاتنسى انها هي السبب بهالمشكله ,, لو انها ماتعرفت ع واحد واطي مثل غسان ماكان صار اللي صار
عبدالله : طلال لاتلومها على شي سوته قبل تحبك
طلال بقهر : انا مالومها بس انا مقهور لأني ماتوقعت ان حجم حبي لها كبير لهالدرجه ,,
ولاتوقعت اني غالي عندها حتى اغلى من حياتها ,, والله ياعبدالله اني ماقدر ارتاح ولا انام
ولا حتى دوام ماروح بعد اللي صار ,, احس اني مقدر اكمل حياتي بدونها
عبدالله : ياخي مو غسان رضى بالنصر اللي حققه ؟؟
طلال : الله لايوفقه هو السبب بكل اللي صار
عبدالله : ياخي خلاص ارجع لها واشرح لها كل شي
طلال : صعب ,, لو جتني الجرأة اني اكلمها ,, متأكد انها ماراح تسامحني ابد ,, هي انجرحت مني
واي كلام راح تسمعه مني راح يزيد جروحها ,, صدقني مابيها تحزن ولاتبكي ,, ابيها تكون اسعد انسانه بهاالدنيا
عبدالله : شلون بتكون سعيده بعيد عنك ؟؟
طلال : عبدالله انا متأكد اني لو كلمتها راح تتعذب اكثر ,, وراح تتذكر اللي سويته ,, انا ابيها
تنسى مو أزيد جروحها ,, عشان كذا ببعد عنها لأني ما اتجرأ اني اكلمها بعد اللي سويته
عبدالله : ترى الموضوع توه صاير وعلى قولتهم دق الحديد وهو حامي ,, مو بعدين اذا برد
الموضوع تدق عليها ترى وقتها يمكن تكون نستك
طلال : بعد ماعرفت من يزيد انها بخير وماصار لها شي بعد الحبوب اللي اكلتها وراح تطلع
من المستشفى بكره انا راح اختفي من حياة مشاعل للأبد !!!!
,’,’,’,’,’,’,’,’,’,’,’,’,’,’,’,’,’,’,’,’,

[لاتكدرمزاجي]

حليلها مشاعل

احينه اتضحت الامور

ونتريا الباقي

تسلمين

[القيصر]

مهما قال مايقدر يبرر فعلته وتركه لمشاعل

وتسسسسسسسسسسسسسلمين وخيتي ع القصة

وماتقصرين

وفي انتظار الباقي

[●● شيخة ♥ الغــيد ●●]

لا تكدر مزااجــي
القيـــصر ..
مشكورين على المرور الطيب ,
والله يعطيكم العافيه ...
والاحداث القادمه تحمل تشوق اكثر ^ ^

[AZالرهيبAZ]

عجيب يا بو علوة (حسين) صدق انكـ ريال...^^


مشكـورة على هالمسلسل ^^ اقصد القصـة ونتريا الحلـقة الاخيرة..^^

[●● شيخة ♥ الغــيد ●●]

حسين : ابشرك دق طلال وقال لي انه ماراح يسوي لي شي ..!!
ساره : مو معقوله يساعدك كذا بدون مقابل
حسين : والله انا مثلك استغربت بس عطاني كم نصيحه ,, مسوي مصلح اجتماعي ,, ياليته
يصلح نفسه ويغير طبعه الخايس
ساره : عموما انا قريب راح اخليك تفرح بالكلام اللي راح تسمعه عن طلال ,, راح اخليه يندم
على كل شي سواه في ميشو
حسين : ليش ايش ناويه تسوي
ساره قالت لحسين ع خطتها
حسين برعب : مجنونه لالا انا آسف مقدر اساعدك هو متوعدني وانا بصراحه احمد ربي انه
سامحني وقفل القضيه اللي بالشرطه ,, وبعدين مجنونه اللي راح تسويه شي مستحيل محد راح
يطاوعك فيه
ساره : يعني انت ماتحب ميشو وماتبي تنتقم لها
حسين : انا انتقمت وشفتي ايش صار لي ,, آسف سارونه ,, ترى اللي حتسويه في طلال منتي
قده اسأليني انا لو كان واحد عادي اوكي بس طلال والله ينهيك من الوجود ,, بعدين حرام
عليك مهما كان هو انسان ؛؛ صح انه حقير بس هذا مايمنع اننا نعترف انه من نفس فصيلتنا
ساره : ياشينك وياثقل دمك ,, على بالك تخفف دمك في وقت بايخ ,, المهم انا ماهمني انك
تساعدني او لا بس ياويلك لو وصل كلام لطلال من هنا والا من هنا
حسين : مجنونه انا اللي اترجاك ماتجيبين طاري اسمي على لسانك ,, ولاتدقي علي اخاف
يطلع فواتيري ويدري اني اعرفك ,, ساره تكفين فكري تراك مجنونه
,’,’,’,’,’,’,’,’,’,’,’,’,’,’,’,
جلس يطالع موبايل مشاعل ,, كان متردد يفتح الرسايل لأنه يحس انها خصوصيات ,, بس
بما انه قطع علاقته فيها حب يسترجع الذكريات ويقرا رسايلها
" طلال قلبي وينك ,, ترى انا مره خايفه عليك "
" طلال تكفى طمني عليك لو بمسج "
" موبايلك مقفل ,, بليز افتحه وكلمني قلقانه عليك "
وكل رساله يفتحها تعذبه اكثر ,, ويكتشف الغلطه الكبيره اللي غلطها ,, حس بخوفها عليه ,,
وهو كان يخطط علشان يتركها
ظل يقرا بالرسايل رساله بعد رساله لحد ماوصل لرساله خلت الدم يتجمد بعروقه ,, رساله
ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,
مو مصدق الكلام اللي بالرساله
,’,’,’,’,’,’,’,’,’,’,’,’,’,’,’,’,
انشالله بالجزء اللي بعده راح نعرف سر هالرساله وايش راح يصير لميشو لما ترجع للبيت
اللي راح ترجع له فاقده اهم شي بالنسبه لها
(( نـــظــــرهــا ))

[●● شيخة ♥ الغــيد ●●]

الجزء الحادي عشر
كان طلال يقرا بالرسايل رساله بعد رساله لحد ماوصل لرساله خلت الدم يتجمد بعروقه ,,
رساله ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,
مو مصدق الكلام اللي بالرساله
رجع يقرأ المسج وطالع بأعلى المسج كان مكتوب اسم الشخص اللي مشاعل مرسله له المسج
كان اسم وحده من صاحباتها اسمها (( حياه )) واكيد هالشي مو المهم بالنسبه لطلال انشالله
يكون اسمها عفريته خضراء المهم بالنسبه له هو ان الأسم مو راكب مع الكلام اللي بالمسج
رجع يقرا المسج على أمل انه يلقى تفسير للي يقراه
كان المسج
" حاتم بليز لاتدق علي لأن موبايلي مع ابوي ,, أنا اذا هدت الأوضاع بدق عليك "
جلس يفكر حاتم والأسم حياه (( حاتم كان اخو العنود خوية حسين اللي اختفت وكان حسين قلقان
عليها عشان كذا طلب من ميشو تكلمه عشان يعرف اي شي عن العنود ))
طلال " خلاص الموضوع مفهوم ومايبي له شرح ,, خويها حاتم وعلشان خايفه من اهلها يشوفوا
رقمه خزنته حياه ,, الحقيره كانت تخوني وانا اللي ذابح نفسي من القهر والندم عاللي سويته
,, وهي كانت تكذب علي وتخوني ,, وانا اللي توقعت انها تغيرت "
سكر عيونه طلال بحزن ونزلت دمعة قهر من عينه وبصوت حزين " مشاعل ,, معقوله
قطوتي ميشو تسوي كذا ,, انا كنت معاها بكل دقيقه وبكل ثانيه ,, متى لحقت تخوني ,, كيف
طاوعها قلبها ,, ميشو ليش ,, قطوتي انا ربيتك على إيدي ,, و علمتك كيف تحبي ,, وعلمتك
الإخلاص ,, ولما خنتي خنتيني انا ,, عمرك ماراح تتغيري ,, عمرك ماراح تتركي الغزل
والكذب ياحسافه الوقت اللي قضيته معاك "
جر حسرته وندمه على كل دقيقه ضيعها مع مشاعل ,, البنت الكذابه اللي اخذت قلبه وضحكت
عليه طلع من غرفته واللي كانت تدل على رفاهيه بالعيش ,, كانت جناح مكون من 3 غرف ,,
الغرفه الأولى والأصغر كانت غرفه ملابس فيها من كل الملابس اللي ممكن يتخيلها الانسان
او تخطر بباله مو الولد لبيس يحب الكشخه كانت عباره عن رفوف ومقسمه أربعة أقسام
القسم الأول نسميه القسم السعودي كان عباره عن مجموعه من الثياب
السعوديه والمشالح والأشمغه والغتر ودهن العود والجزم وانتم بكرامه وبعض الشرابات اللي
تمشي مع الثوب
القسم الثاني نسميه القسم الرسمي وهو عباره عن بدل رسميه يحظر فيها بعض اجتماعات
مؤسستهم لأن نشاط مؤسستهم استيراد بعض الأجهزه والمعدات من الخارج ومعظم
اجتماعاته مع اشخاص اجانب فيحتاج دايما للبدل الرسميه ,, وكان يشمل هذا القسم بعض
العطور الرجاليه وبعض الأحذيه الرسميه وبعض الكرافيتات وكانت مرتبه جداً بحيث يسهل
عليه الوصول للي يبي وكان طلال شخص يحب الترتيب جدا بحيث ان الشراب الأسود لازم
يكون جنب الجزمه السوداء والعطر الرسمي لازم يكون جنب قسم الملابس الرسميه وهكذا
كانوا الخدم يتعبوا معاه
اما القسم الثالث كان عباره عن ملابس السبور وبعض ملابس الجيم بالأضافه الى الجزم
والعطور والجل وغيره وغيره كل شي يخص قسم السبور
اما القسم الأخير في هالغرفه وهو قسم البيت على قولته ,, فيه كل شي يخص لبسه بالبيت من
بيجامات وشورتات للنوم وجزم البيت حتى البيت له شرابات خاصه
واهم شي كريم اللي بعد الحلاقه لأن الحلاق بعد مايجيه بالبيت ويحلق له يحط كريم اللي بعد
الحلاقه بس طلال ينقرف من كريمه يخاف انه استخدمه احد قبله فهو عنده كريمه الخاص
والحلاق متعود على طلال اللي يسميه موسوس لأن الحلاق لما يجي طلال يجي ويده فاضيه
بدون امواس وبدون كريمات وبدون اي شي لان طلال يمتلك كل هالأدوات لأنه مايبي احد
يستعملها وبعدين يستعملها هو مو احتقار للناس بس يحس ان هذا من النظافه ,, وفكرة ان
الشخص يستخدم ادوات استخدمها مليون واحد قبله هذا شي مقرف ومقزز مثل المشط او
المقص
حتى مره صار موقف له مع الحلاق
الحلاق : بسم الله ( مسكين نسى وجاب معاه امشاطه ,, وبدأ يمشط شعر طلال عشان بيقصه )
طلال : ابعد يامقرف ماتفهم انت ؟؟
الحلاق ليش ايش سويت
طلال : مدري تبيني اكلمك تركي عشان تفهم ؟؟
الحلاق : ايش صاير
طلال : قلت لك لاتلمس شعري بأشياءك هذي ليش انا قلت لهم يجيبوا المشط والأدوات علشان
تطالعها
مسكين وقتها ارتاع روعه بغى يصيح
بس طلال يحبه ودايما يعطيه القسمه على قولتهم كان مايحب يحلق الا عنده لأنه يضبط له
السكسوكه ....
كان اشطر واحد في محل بلاك هورس ولما يسافر يضطر طلال انه يستعين بأحد زملائه اللي
بنفس الحلاق بس محد كان يضبط سكسوكته على قولته الا هالحلاق ؛؛
نرجع لغرفه طلال كانت هذي بس غرفة ملابسه
اما الغرفه الثانيه كانت غرفه الجلوس وكانت عباره عن كنب مبهر واضح انه باهض الثمن
وتلفزيون 10000000 بوصه يحسسك انك بصاله سينما
وتسمى هذي الغرفه على قولة اخوياه الغرفه السحريه ليش سحريه ؟؟
لأنك ممكن تحولها لصالة سينما اذا قفلت الأنوار ؛؛
وممكن تحولها لديسكو وهالشي ممكن تسويه بضغطت زر عالريموت اللي يتحكم بكل شي
بهالغرفه وبهالضغطه تصير الغرفه كلها انوار صاخبه وكأنك بـ دي جي تصير ماتعرف اللي
جنبك هو اخوك والا ابوك ؛؛
وممكن تحولها لغرفه رومانسيه بعد بضغطه زر تتحكم بالنور ويكون نور خااافت ورومنسي
ناهيك عن الموسيقى الرومانسيه اللي برضوا ممكن تتحكم برقم الـ سي دي ورقم الأغنيه عن
طريقه ؛؛
اما الغرفه الثالثه والأخيره هي عباره عن غرفة نوم طلال وهي اكبر غرفه بجناحه كله
الجدار اللي يفصل بين غرفة النوم وغرفة الجلوس عباره عن حوض للأسماك على شكل جدار
(( ولا أحد يسألني شلون ياكلوا السمك ترى مدري ))
ماعلينا
وفي وسط الغرفه سرير كبير يكفي لـ 4 اشخاص وكانت الوان السرير هاديه والإضاءه
وكل شي مرتب ومحبوك كان السرير مرفوع عن مستوى الارض بثلاث درجات
وموضوع على الارض الرخاميه بعض السجاد الفاخر ؛؛
المهم طلال طلع من غرفته واللي تطل ع البيت لأن غرفته مو جوا البيت كانت في قسم
منفصل وكأنها ملحق بس كانت غرفه كبيره
مشى طلال وقطع الأرض الخضرا ماراً بالجلسه اللي يسموها (( الدكه )) واكمل مشيه لما
وصل الخيمه وكان اهله متجمعين بالخيمه حاول يتجاهلهم بس ابوه وقفه وناداه
ابو طلال : طلال
؟؟؟؟؟؟

[●● شيخة ♥ الغــيد ●●]

--------------------------------------------------------------------------------
ام فهده : فهدوه قومي يللا الساعه 4 العصر قومي بيأذن المغرب وانتي ماصليتي لاظهر ولاعصر
فهده : يوووه يمه خليني نايمه ايش عندي غير النوم ترى احنا اجازه
ام فهده : بكيفتس اذا جاء رجلتس يدور عليتس بقول نايمه
فهده فزت من نومها : رجلي ؟؟ ليش بيجي ؟؟
ام فهده : الحين فزيتي يالتسلبه والا يوم اني اقومتس ماقمتي ,, يوم سمعتي طاري الرجل فزيتي
فهده : يوووووووه يمه هذا رجلي مايتحملني بس انتم اهلي مظطرين تتحملوني ,, ماتقدرون تتبرون مني
ام فهده : ااااااايه قالوها ,, ادق لامي مافيني حيل وادق لرجلي كلي حيل
فهده باستغراب : ايش ادق ,, ادق رقبه يمه
ام فهده عصبت : جعل رقبتس المصع والفهاق ,, جعلتس الزناج اللي يفقع مصارينتس
فهده ارتاعت : يمه حرام عليك بنتك انا ,, وشو هالزناج ؟؟
ام فهده توهقت ماتدري ايش معناه تسمع امها تدعي عليها به بس ماتدري ايش هو : قومي بس
صلحي شاهي لرجلتس وقهوه ترى داقن على اخوتس يقول بيجي يشوفتس
فهده فزت : يمه ماني فاضيه بتكشخ لرجلي تبيه يقول ايش هالشوشه اللي ماخذها
ام فهده : من متى وانتي تنفعيني ,, بنات الكروش ماعاد ينفعن ماينفعنا الا بنات القروش
فهده بغباء : من بنت الكروش يمه انا ماعندي كرش
ام فهده عصبت من غباء بنتها : بنات الكروش انتي ,, مو انتي جايه من كرشتي
فهده : طيب ومن هم بنات القروش يمه بتتبني بنت ؟؟ ماتوقعت انك بتفقديني لهالدرجه لدرجة انك تتبنين بنت
ام فهده : يالخبله الهبله بنات القروش هالشغالات ,, انا بشب على صويلح يجيب لي شغاله ,, مانسقم بدونها
فهده : يمه خليني اتزوج واخلي رجلي يجيب لك خدامتين
ام فهده تميل شفتها على بنتها : قطيعه من بتاخذين ,, ولد عمك حافي منتف
فهده عصبت : يمه لو سمحتي هو الحين منتف بس توه بأول مشوار حياته وانشالله بوقف معاه
لحد مايصير مليونير
دخل صالح معصب مثل كل يوم من الشمس والحر
صالح : وش هالحر اللي يصلا صلي ,, هذا واحنا تونا باول الصيف اجل اذا جانا طباخ التمر وش بنسوي ؟؟
فهده بصدمه : يمه بتجيبون طباخ تمر مره وحده ,, الناس اول يجيبوا طباخ عادي وانتم ماشالله مره وحده طباخ تمر
بعدين من متى التمر يطبخ ؟؟ اللى اعرفه انه يوكل من النخله على طول
صالح يطالع امه بصدمه
ام فهده : لاتستغرب ياوليدي مهيب صويحيه من عقب مااعرست ,, يالخبله طباخ التمر هذا
احر شهر في الصيف من حرارته سموه طباخ التمر لأنه يستوي التمر فيه من الحراره
صالح : ايه وفيه العقارب
فهده : ايش هالعقارب بعد
ام فهده : اسفهها بس وانا امك وخلني اروح اصلح الشاهي والقهوه للرجال
فهده : اها قصدكم طباخ التمر هو شهر اوقست( اغسطس )
صالح يناظرها بعين شريره : منهو قرست ذا ؟؟ صديقتس ؟؟ يالتسلبه
فهده : اووووووه ايش صديقي هذا شهر اسمه اوقست واذا مو مصدقني روح افتح موبايلك وتلقاه مكتوب
تلقاه بالتاريخ
توهق لأنه مايعرف انقليزي معذور ماكمل الابتدائي : ******* " ( ؟؟؟؟ )

[●● شيخة ♥ الغــيد ●●]

ابو طلال : هاه طلال مااقتنعت ياوليدي انك تمسك ادارة فرع مؤسستنا اللي في امريكا
طلال بعد ماتذكر خيانة مشاعل : والله يبا انا فكرت وقررت اني راح امسك مؤسستنا اللي هناك
ابو طلال : بيض الله وجهك ,, هذا ولدي طلال ,, انا عارف انك ماراح ترد لي كلمه
طلال : ابشر يبه متى تبيني اباشر الشغل هناك
ابو طلال : شوف اقرب طياره رايحه هناك
طلال : ابشر ,, بس يبا عندي طلب
ابو طلال : لك ماطلبت
طلال : يبه ماودي الموظفين اللي هناك يكون عندهم خبر اني بكون عندهم
ابو طلال استغرب : ليش ياولدي ابيهم يستقبلونك
طلال : يبا انا ابي اشوف الشغل شلون ماشي هناك ,, انت عارف اني احب النظام وماحب التلاعب بالشغل ,, وابي اعرف اذا الشغل ماشي مثل ماتركته
ابوطلال اعجب بتفكير ولده ,, كان دايما يوجه ابوه مع ان ابوه عنده خبره ,, ولولا الله ثم خبرة ابو طلال ماكان جمع هالأموال والثروه ,, ويبدو انه ورث ولده طلال الذكاء الحاد
وسرعة البديهه ,, ومن كان صغير وهو مع ابوه وهالشي بعده عن امه كثير ,, كان يسافر مع ابوه ويحظر اجتماعات ,, حتى لما كان بـسن 10 سنوات كان يهمتم بكل شي ,, واخذ من طبع ابوه الكثير والاهم انه اكتسب من ابوه الخبره ,, اما نواف فهو دلوع البابا ,, كانت رغباته وطلباته اوامر بالنسبه لابو طلال ,, ابو طلال لما يدخل مجلس يفزون له الرجال ويعملون له الف حساب ,, اما عند ولده نواف فهو ضعيف ومايقدر يقاوم دلع ولده ..
نواف بدلع : بابا ودي اغير لوحه سيارتي
طلال منصدم : ايوه يالشيخ طال عمرك ,, ليش ايش فيها لوحتك
نواف : مالك دخل انت انا اكلم بابا
طلال: احترمني ياحمار انا اخوك الكبير
ابو طلال : طلال شلون تبيه يحترمك وانت تقول له ياحمار
طلال : منت شايف ايش يقول يحمد ربه مافيه ولد بسنه عمره 10 وعنده همر ,, وحضرته يبي يغير اللوحه
ابو طلال : ماعليك منه اذا دفنتني هذيك الساعه سيطر عليه ,, حبيبي نواف ليش تبي تغير لوحتك
نواف يطالع طلال بنظرة انتصار : بابا لوحتي مو عاجبتني ,, ابي لوحه مميزه
ابو طلال : طلال كلم ابو بندر اللي بالشرطه خله يشوف لنواف لوحه زينه ومايهم السعر
طلال منصدم : بابا تدري ان اللوح الحين صارت بالميه والميتين الف ,, ترى ولدك بزر
ويحمد ربه انك شاري له سياره فوق الثلاثميه الف يبه انت تدلعه
ابو طلال : طلال شفيك ع الولد الحمدلله عندنا خير وماظن اننا بنخسر فلوسنا اذا جبرت
بخاطر الولد ,, كلها لوحه
نواف: ايه بابا وقول لولدك اني ابي لوحه فيها ستات ,, يعني لو فيه ن ن ن 666 ابيها
طلال اتشت اخلاقه : وليه ياطويل العمر تبي ن ن ن
نواف : علشان اول حرف من اسمي ,, والستات عشان البنات
طلال منصدم : وانت ايش عرفك بهالحركات
ابو طلال مبسوط : هههههههه خل الولد ينبسط ,, خلاص حبيبي طلال بيشوف لك اللوحه واذا مو موجوده بندور لك اي لوحه فيها 666 امر بس
نواف : لا بابا مابي طلال هو اللي يدور لي ,, اكيد بيجيب لي لوحه خايسه
ابو طلال : ولايهمك انا الحين ادق ع الرجال ونروح انا وياك نشوف اللوح واللي تبيها بس أشر عليها
نواف: ايه وبابا ترى ابي اركب جنوط ,, فيه محل اعرفه بالتحليه صديقي صاحب المحل
طلال : ومتى صادقته انشالله
نواف بغرور : تعلم كيف تتعرف ع الناس لازم تكون اجتماعي ,, ابد كنت رايح لمحله وشفت الجنوط اللي عنده واعجبتني الجنوط المراوح ,, بس هو امين نصحني وقال تراها قديمه فيه انواع احلى واجدد
طلال: ايه عشان هالنصيحه اللي بيلعب عليك فيها وبيسحب فلوس هالضعيف ابوي صار صديقك هاه
نواف : اصلاً انا حاط ايقنور عليك من زمان لاتكلمني بس ,, بابا ابي اوريك شي بموبايلي
ابو طلال : هاه حبيبي ايش ؟؟
نواف فتح موبايله وكان يوري ابوه صورة جمس يدور بالتحليه كان حاط بجمسه سترس كله
نواف : يبه ابي اسوي مثل هذا
ابو طلال : بس حرام حبيبي سيارتك تونا مطلعينها وجديده ليش تخربها بهالخرابيط
طلال قط وجهه وشاف الصوره : انا اموت واعرف ايش عرفك بهالأشياء
نواف : امس لما طلعت انا واخوياي التحليه ومرينا توتي كفي شفنا هالجمس واعجبني وصورته عشان ابوي يسوي لي مثله
طلال كان يطالع ابوه مو معقوله انه طبيعي الحين يعطي سياره لولد عمره 10 قيمتها فوق 300 الف هذا غير اللوحه والجنوط والحركات اللي بيسويها بتطق المليون ,, انهبل الشايب
طلال : يبه لاتكون بتسوي اللي يقول عليه
ابو طلال خايف من طلال ويغمز لنواف ان طلبه مجاب : المهم ماعلينا انا بروح اتوضى ترى بيأذن المغرب يللا عشان نلحق الصلاه
بعد ماطلع ابو طلال منحاش من طلال اللي مل من نصايحه
طلال: نوافوووه
نواف: خير
طلال: ابي صرف 500
نواف بغرور: مامعي
طلال: اقول لاتتغلى انا ادري انك تملك بالبيت اكثر من اللي املكه بالبنوك ,, اخلص روح جيب لي
نواف: ايش تبي بالصرف
طلال: ابي اعطي السواق فلوس يروح للمحطه يعبي سيارتي بنزين
نواف: لا حبيبي انت ديونك كثرت ومقدر اسلفك
طلال مستغرب: ديوني ,, متى اخذت منك يالنصاب ؟؟
نواف: تتذكر لما جاك الحلاق وخذت مني 100 وانا قلت لك بآخذ عليك 50 كل يوم تأخير
ماترجع لي فلوسي ولك الحين اسبوع يعني 7 في 50 يساوي 350 هاتهم بس لاعلم ابوي
طلال : يالكلب تاخذ فوائد ,, حرام ربا
نواف : ماعلي منك هات الفلوس واصرف لك 500 ,, وبعدين لاتعتبرها ربا اعتبرها صدقه لاني ماشرطت عليك الفوائد لما سلفتك
طلال انقهر من هالولد دايما يلقى له مخرج : ايش عرفك بهالكلام
نواف : سألت ابوي ,, وقال لي اذا قالوا لك ربا قول انا ماشرطت
طلال : طيب انت خذ 500 واحذف منها 350 يبقى لي 200
نواف : ههههههه كان غيرك اشطر ,, باقي 150 ,, المهم ايش تبيها عشرات والا مئات والا خمسينات
طلال يستهبل : لا ابيها ريالات
نواف: اوكي دقايق اجيبها
طلال منصدم : ليش عندك ريالات تكفي 150 ؟؟
نواف: لا عندي ريالات يمكن تجي لها 50
طلال : والميه ؟؟
نواف: الميه ياحبيبي لي ,, لأن قيمة طلعتي من الخيمه 20 ومشيتي لما اوصل للبيت 20
ودخلتي للبيت 20 وطلعتي الدرج 20 ولما ادخل غرفتي وافتح المكان السري اللي اخبي فيه فلوسي 20
طلال: يابعد عمري وماتبي لرجعتك 100 بعد
نواف : لا لاني ماراح ارجع ,, انت صاحب الحاجه الحقني لغرفتي
طلال: طيب صلة الأخوه مالها اعتبار عندك ؟؟
نواف: لا آسف ,, يللا تبي فلوسك انا بغرفتي
وطلع وخلاه
طلع طلال من الخيمه واتجه للمكان اللي كان رايح له قبل يناديه ابوه
راح لما وصل البوابه ودخل غرفة الحارس
طلال : آدم
ادم : سم
طلال طلع موبايل مشاعل وتأمله لآخر لحظه : اسمع ياادم بعطيك الموبايل هذا ,, وخله معاك لما يدق عليك صاحب الموبايل قول له انك لقيته عند محل طايح ,, وانك تنتظر صاحبه يدق عشان تسلمه له
ادم مستغرب : ابشر ياعم ,, بس متى بيتصلوا
طلال : والله مدري ,, المهم خليه معاك انشالله سنه بس رد على اي مكالمه ,, واصحى تستخدمه
ادم : ابشر طال عمرك ,, بس اذا طلبوا يرجع لهم الموبايل ,, اخليهم يجوا هنا ياخذوه
طلال : لا خذ اي سياره من سيارات البيت ووده لهم
ادم كان محل ثقة طلال كان من اوفى العمال واخلصهم ,, وهو الشخص الوحيد اللي يثق انه يخلي موبايل مشاعل معاه ,, وخاصةً انه مو سعودي يعني لما يتصل اخو مشاعل والاابوها
يدوروا عالموبايل ماراح يشكوا في مشاعل لأن لو سعودي اللي رد راح يستغربوا شوي
بس اجنبي مافيه امل يشكوا فيه او يشكوا انها تعرفه
وبعد هالخطوه لطلال ,, قرر بأن مشاعل انتهت من حياته للأبد ولايبي اي شي يربطه فيها او يربطها فيه ,, وهذي كانت نهايه علاقة طلال بمشاعل ,, نهاية الحب اللي ممكن يكون اسطوري
لكن تجري الرياح بما لاتشتهي السفن
,’,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

مشاعل كانت تحاول تتأقلم نفسيا للهم اللي راح يجيها ,, بكره الصباح موعد خروجها من
المستشفى ,, راح تطلع للبيت اللي عاشت فيه وهي صغيره بكل مكان فيه ذكرى ,, كل مكان
كان له احساسه بس الحين ماتقدر تعيش هالذكريات ,, لأنها ببساطه ماراح تقدر تشوفه
كان يوم طويل ومتعب بالنسبه لها ؛؛ زارها ابوها وام مشعل اللي من اول مادخلت ماسكتت من
الصياح وزاروها سعود ومشعل وزوجة مشعل اللي كان زواجه هو حديث البيت قبل مشاعل
ماتدخل المستشفى
كانت الساعه 9 الحين طلعوا اهل مشاعل لأن وقت الزيارة انتهى
دق التلفون وكان اللي يدق يستنى ان وقت الزياره ينتهي
مشاعل : الو
نايف بتميلح : مساء الخير
مشاعل عرفته : نعم
نايف : قلت مساء الخير ليش الجفاف بالرد
مشاعل في نفسها يالله عالمصاله : هلا اخوي من معي
نايف : يعني ماعرفتي صوتي ؟؟
مشاعل تقلد تميلحه : لا ماعرفت صوتك
نايف : انا نايف ,, مشغوله او عندك احد ؟؟
مشاعل : اتوقع تجيك الأخبار اول بأول اكيد تعرف ان اللي عندي طلعوا ليش تسألني
نايف : ليش معصبه فيه احد مضايقك
مشاعل : ايه
نايف : مين وشوفي انا ايش اسوي له
مشاعل : فيه واحد يزعجني يدق ع غرفتي ويتميلح تقدر تسوي له شي ؟؟ وبصراحه هو ثقيل دم وماينطاق
نايف باهتمام : عطيني رقمه وانا اوريك فيه
مشاعل : والله انا ماعرف رقمه ولايشرفني اعرفه ,, بس هو يكلمني الحين
سكت من الصدمه
مشاعل : اسمع يااخ يمكن انت متعود ان فيه بنات يستقبلونك بكل حب وحنان ,, بس اصابع
يدك مو سوا ,, انا بنت مالي بهالحركات اوكي ,, وممكن تحترم نفسك وماتدق علي مره
ثانيه
نايف : بس انا ماصار مني اي غلط
مشاعل في نفسها " ابو الكرامه اللي تعرفها " : اوكي يااخ ماصار منك غلط بس انا انسانه
فيني حاله نفسيه اذا حاول واحد يغازلني ,, يجيني انهيار عصبي حاد وممكن ادخل بغيبوبه
سنه ,, تخيل واحد حاول يغازلني بالسوق وشوف ايش كانت النتيجه هذا انا بالمستشفى ,, فأرجوك لاتدق
نايف خاف لأنه كان متأكد ان البنت متهوره اللي حاولت تقتل نفسها اكيد بتسوي اي شي
,’,’,’,’,’,’,’,’,’,’,’,’,’,’,’,’,
ساره كانت مصممه انها تنفذ خطتها اللي راح تدمر طلال كلياً ,, فكرت وخططت بس باقي
التنفيذ ,, كانت محتاجه شخصين ,, الشخص الأول هو صاحبتها سابقا (( منال )) واللي كانت
مشاعل تمنعها انها تروح لها او يكون بينهم اي صله وحبها لمشاعل خلاها تقطع هالبنت
ومنال بتكون هي اللي تنفذ اول الخطه ,, اما الجزء الثاني من الخطه كانت معتمده على حسين ,, بس للأسف حسين خذلها وطلع جبان لما عرف الخطه وبالأخص اذا كان صاحب الموضوع طلال ,, هنا كانت محتاره ماتدري مين تختار ,, تبي شاب ثقه وكل اللي تكلمهم مو ثقه,,, تبي واحد مجرم ,, مو واحد راعي غزل ,, بس مين ,, فكرت انها لازم اول تركز ع الجزء الأول من الخطه ولما تنفذه راح تفكر مين ممكن تستعين ,, ومثل مايقولوا حامي بحامي دقت عالبنت واللي تشكل الجزء الاول من الخطه
ساره : هاااااااااي منوله
منال: هايات سارونه وين الناس توك ذكرتي ان عندك صاحبه
ساره : شسوي مشاغل الدنيا بس مانسيتك ابد قلت اتصل اشوف اخبارك
منال : ياحبيبتي ,, انا تمام الحمدلله ,, ولو ان صدري تاعبني هالأيام
ساره ببراءه : سلامتك ,, ليش عندك ربو ؟؟
منال : هههههههه لا ياقلبي غيرت نوع الدخان وذبحني صدري
ساره : اها ,, حبيبتي ودي اشوفك ابيك بموضوع
منال : تعالي انا فاضيه
ساره : ماعندك احد (( كانت ساره خايفه لايكون عندها احد لأن البنت واحد داخل ببيتها وواحد طالع ))
منال بنت عايشه مع امها ,, واللي من مات زوجها وهي مشغوله عن بنتها بالطلعات
والسفرات وحالياً هي مسافره وبنتها لوحدها بالبيت
منال : لا تعالي ماجد توه طلع من عندي
ساره : مين ماجد ابوك
منال: هههههههه ابوي لي 3 سنوات ماشفته ,, لا ماجد هذا البوي فريند حقي
ساره : اها اهم شي طلع هو
منال : ايوه تعالي
ساره : اوكي انا اصلاً ماراح اطول
منال : عندي احساس انك تبي تديتي عندي
ساره: اديت ؟؟
منال : تبي توهميني انك ماتكلمي وماتديتي ؟؟
ساره : اوكي اكلم بس ماتوصل اني اديت
منال: هههههه ياحليلك المهم استناك
ساره : يله مسافة السكه
,’,’,’,’,’,’,’,’,’,’,’,’,’,’,’,’,’,’,’,’,

[●● شيخة ♥ الغــيد ●●]

استسلمت مشاعل للنوم في وقت مبكر ,, بس قبل النوم اكيد مانست الحوار اللي يدور كل
ليله حتى بهالظروف كانت ماتقدر تنام لحد ماتأنب نفسها على كل اللي مر لها
صحت ميشو على صوت خطوات جايه من الغرفه اللي جنبها وحست بخطوات تطلع من الغرفه
اللي جنبها وتقرب من غرفتها ,, كان المستشفى هااااااااادي ومافيه صوت غير صوت
هالخطوات اللي تقرب منها اكثر واكثر
اختفى صوت هالخطوات عن باب مشاعل كانت تتمنى تهرب كان واضح ان الشخص واقف
ورى باب مشاعل
سمعت صوت فتحت الباب وكأنه انفجار كان الشخص مبين عليه معصب او زعلان حست
بحقده من مشيته
بدت تقرب الخطوات منها اكثر واكثر لحد ماوقفت عند سريرها
مشاعل برعب : مين انت ,, انت اللي امس كنت هنا ,, انت مين ؟؟ ايش تبي مني ؟؟
كان ساكت بس حست بتنفسه يدل على انه شخص في موجه غضب حاااده
وبسرعه وبدون مايترك لمشاعل فرصه تدافع عن نفسها
سحب مخده مشاعل من تحت راسها بعنف ,, ودفن وجهها تحت المخده
كانت مشاعل تحاول تقاوم ,, تحاول تبعد المخده عن وجهها ,, ماتقدر تتنفس ,, حاولت تتنفس
بس كانت انفاسها مكتومه ,, حاولت تضرب يده او تبعدها ,, بس كان اقوى منها ,, بكل
مقاومه تقاومها مشاعل كان يقوي ضغطه عالمخده ....
من هالشخص اللي له مصلحه يقتل مشاعل ,, معقوله طلال يقتلها لانها خانته ؟؟ يمكن ام
سلطان لانها تكرهها !! وليش مايكون غسان !! والا يمكن نايف اللي اهانته !! احتمال يكون
شخص مجهول !!
انشالله بالجزء الجاي راح نعرف ؟؟
!؟!؟!؟!

[لاتكدرمزاجي]

هالمره الاجزاء صغيره

والله يعيينها مشاعل نتريا الباقي

[عــــديــم الإحســاس]

مشكورة
ويعطيج الف عافية

[القيصر]

تسسسسسسسسسسسسسسسسلمين ع الأجزاء ياخويتي شيخة الغيد


وفيـ انتظار الباقيـ

[AZالرهيبAZ]

أثاره ما بعدهــا إثاره..


مشكوره ونتريا البــقية....

[لاتكدرمزاجي]

where are u

[●● شيخة ♥ الغــيد ●●]

مشكورين على المرور
والسموحه منكم ع التأخير
وبقيه الاجزاء جاري تنزيلها

[●● شيخة ♥ الغــيد ●●]

الجزء الثاني عشر




كانت مشاعل تحاول تقاوم ,, تحاول تبعد المخده عن وجهها ,, ماتقدر تتنفس ,, حاولت تتنفس
بس كانت انفاسها مكتومه مخنوقه ,, حاولت تضرب يده او تبعدها ,, بس كان اقوى منها ,,
بكل مقاومه تقاومها مشاعل كان يقوي ضغطه عالمخده
بدت مشاعل تقاوم وتقاوم وتحاول تدفع هالشخص الغريب وبأكبر ماتملك من قوه قدرت
توصل ليده حاولت تبعده عنها ,, حست بيده تهزها وتهزها وفجأة
سمعت صوت الممرضه كانت خايفه : ويك اب ,, ويك اب
مشاعل : انا وين
الممرضه : انتي فيه مستشفى ,, انتي في نوم بعدين انا يسمع انتي فيه صيه
مشاعل : الحمدلله انه حلم الحمدلله
التفتت يسارها ونفثت وتعوذت من الشيطان
حمدت الله انه كان حلم لأنها كانت على وشك الموت
مشاعل في نفسها " ليش مااشوف كوابيس بعد اللي صار ,, فقدت اغلى انسان وبعدين كنت
اواجه الموت ولما الله انقذني من الموت فقدت نظري ,, وتفكيري بالشخص اللي امس كان
بالغرفه ,, كل هذا اكيد بيجيب لي كوابيس "
حست انها ماتقدر تكمل نومها كان ودها تقرا قرآن بس .. ماتقدر ,, قرت اللي حافظته
وحاولت ترجع تنام



~ ~ ~ ~ ~ ~ ~ ~ ~ ~

فهده تكلم زوجها
فهده : شلون اشتقت لي وانت اليوم شفتني
عبدالمجيد : لو اشوفك 24 ساعه مامل منك
فهده متشققه من الوناسه : اووه خلاص استحي
عبدالمجيد يضحك : ياقلبي عالي يستحون
فهده : عبدالمجيد ماقلت لأمك عالموضوع اللي قلت لك عنه
عبدالمجيد : قلت لها بس تقول دفعنا نص المبلغ وماراح يرجعوه لنا
فهده : بس المكان مره قروي ,, ودي يكون زواجي بمكان حلو بصراحه استحي اعزم صاحباتي
عبدالمجيد : انتي عارفه حالتي الماديه قبل تتزوجيني ايش تغير ؟
فهده : ماقلنا شي ,, انتم ادفعوا النص واحنا النص ونحطه بمكان حلو
عبدالمجيد : حبيبتي الكروت انطبعت ,, وكل شي جاهز ,, ترى باقي اقل من اسبوعين واكون اسعد رجال بالدنيا
كانت فهده مخفه اي كلمه حلوه يقولها عبدالمجيد ينسيها كل شي
فهده : طيب وكروتنا متى راح تجيبها
عبدالمجيد : صراحه المفروض اليوم جبتها بس قلت لا ,, عذر عشان اشوفك بكره
فهده خلاص ميته من الفرح أخيراً بتطلع من هالبيت ,, وبتتزوج ولد عمها اللي اكيد حبته
لانها ماتعرف غيره ,, ويكفي انه ولد عمها ولازم تحبه ,, وغير انه زوجها
قفلت فهده واخذت ورقه وراحت عند امها عشان تدون فيها اسماء الناس و البنات اللي راح تعزمهم
عبدالمجيد قال لها انه راح يعطيها 85 كرت قررت انها تاخذ 55 لها و 30 لأمها هذا اذا
وافقت امها ,, وزي ماتوقعت امها رفضت وقالت خليني اخلص من اسماء الحريم اللي
بعزمهن وبعدين خذي الباقي ,, انقهرت من امها ,, بتعزم ناس قراوى يجون يتعشون
ويروحون وهي تبي احد يحيي الزواج ,, وتبيه كله بنات ماتبي عجايز ,, بس امها والله ماتخليها
ام فهده : يللا اكتبي اسماء خالاتك وبناتهم وحريم عيالهم
فهده : كتبتهم يمه كلهم 17
ام فهده : وزوجات خوالك وبناتهم وحريم عيالهم
فهده بطفش : كتبتهم وعددهم 15 للحين وصلنا 32
ام فهده : حطي عماتك وبناتهم وحريم عيالهم
فهده : ماتبين تعزمين شغالاتهم بعد
ام فهده : خلي عنتس البربسه وكملي
فهده : طيب عددهم 9 للحين وصلنا 41 والحين طبعاً عماني وزوجاتهم وبناتهم وحريم
عيالهم خلاص حفظت الموال
ام فهده : ايه واكتبي جارتهم احبها وش حليلها
فهده : يمه انتي تحبيها مو انا
ام فهده : وانا منيب امك ,, ماقلت عليك يابا الفرج ؟
فهده : قلتي ,, المهم هذول القوم مع جارتهم عددهم 38 وصلنا 50 خلاص يمه باقي 35 بعزم صاحباتي
ام فهده : مهبولتن انتي تبين الناس يزعلوا علي كملي بس ,, اكتبي جارتنا ام و..و...و...
وبناتهم وحريم عيالهم
فهده قفلت اخلاقها : الحين الحريم اعزميهم بس بناتهم وحريم عيالهم ليش ؟
ام فهده : تبيهم يزعلون لأني ماقدرتهم وعزمتهم ,, والله ماتطلع مني
فهده : طيب يمه خلاص ماباقي الا 12 كرت خليهم لي
ام فهده : طيب اخر شي اعزمي مرت المقاول ,, ومرت الهندي اللي في المحطه ارحمها ودها
تشوف عرس السعوديين
فهده معصبه : وماتبين مرت اللي يشتغل بالبقاله ,, والا تبي تعزمين مثلا مرت الخباز ترى عادي
ام فهده : احمدي ربتس باقي لتس 10 كروت
هنا دخل صالح : ايش تسوون
ام فهده : نكتب الأسماء اللي بنعزمها
هنا فهده تبي تشكي لأخوها يمكن ينقذها ويتوسط عند امها وتخفظ من عدد المدعوين اللي
على قولت فهده قراوى ,, بس ماامداها تتكلم لانه تكلم قبلها وحطمها
صالح : اقول فهده اعملي حساب 4 كروت لي بعزم اهل صديقي وطلع
فهده راحت غرفتها تبكي 6 كروت مين بتعزم
اكيد ميشو وسارونه ومهاوي هذول اساسيات
وبتشوف الثلاثه مين بتعطيهم لانها ماتبي تعطي احد وتزعل الثاني
خلاص زواجها الاثنين واليوم السبت يعني بالضبط باقي عليه اسبوع ويومين


~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

ساره : لا آسفه منال انا ماشرب معسل
منال : ياغبيه هذا معسل تفاح ,, يخلي راسك يمخمخ
ساره بخوف : منال رجاء لاتضغطي علي
منال : اللي يريحك بس اذا حبيتي تفكري وتخططي لشي مثل اللي قلتي لي يبي لك مخمخه
ومافيه مثل المعسل يخليك عال العال
ظلت تقنعها وتقنعها وان نفس واحد ماراح يخليها مدمنه بعدين المعسل كيف ماهو ادمان
اقتنعت ساره ونفس جذبها له وبدت النفس الثاني والثالث وهكذا
ساره : واو طعمه يجنن
منال : قلت لك
ساره : احس راسي ثقيل
منال : ههههههههههه توك جديده ,, بس والله انك فنانه تعرفي تطلعيه مع خشمك
ساره : هههههههههه لو تبي من اذاني طلعته
منال : هههههههههههههه لا خليها ع خشمك ,, المهم ماقلتي لي كم تبين من كيلو حشيش
ساره : مدري اللي يكفي انه يدخل شخص السجن
منال : ههههههههههههههه حسبتك بتكيفي عليه ,, بس الحشيش غالي
ساره : كم يعني
منال : صدقيني منتي قده وخاصة انك بتشترين كميه كبيره عشان تحطيها بسياره الولد
وتوهمين الشرطه انه يبيع حشيش
ساره : ايه هذا اللي بسويه
منال : بس ودي اعرف ليش انتي حاقده عليه لهالدرجه
ساره : موضوع خاص
منال : طيب ليش ماتاخذي شي ارخص
ساره : مثل ايش ؟؟
منال : خذي حبوب هلوسه اللي يسموها قضوم وياخذوها الطلاب ايام الاختبارات ,, ياخذ له
كم شهر بالسجن
ساره : وكم سعرها هذي
منال : يعني ممكن اتوسط لك يبي لك كميه لابأس بها تقريبا 400 حبه 50000 ريال
ساره انصعقت : 50000 مجنونه انتي ,, اشتري بها شنطه لي ولا اشتري بها مخدرات
منال : تحسبين المخدرات رخيصه ,, حبيبتي هذي تكسب ذهب
ساره : اعوذ بالله فلوس حرام
منال : ههههههههه ماعلينا ايش قلتي اقول للرجال ؟
ساره : لا خليني بفكر
جت الخدامه تقول ان فيه احد عند الباب يبيها ,, وقالت للخدامه انها تدخله
ماجد : هلا حبي
ساره انصدمت ايش هالوقاحه يدخل ويطلع ببيتهم ع كيفه وايش هالبنت اللي مخليه بيتهم
للداخل والطالع
ماجد ماكان لوحده ,, كان معاه وليد صاحبه
وليد كان وسيم ويشبه الممثل احمد عز مررره
هنا ساره صح كانت خايفه بس سعبلت لما شافته ,, تقدر الجمال ,, وماتقدر تقاوم الشاب الوسيم
وليد : مالك حق يامنال ليش ماقلتي ان القمر عندك اليوم تعبنا ندوره
منال : لاتقرب منها ترى البنت عندها ردة فعل غريبه الحين تهجم عليك
وليد طالع ساره بنظره خطيررررررره : ممكن بعد اذنك احكي معاك شوي
ساره : لا بطلع انا
وطلعت بسرعه لما وصل الباب كان وليد يلحقها
وليد : اوكي انا مابي احرجك او ازعجك بس ممكن اعطيك رقمي ,, مقدر انام اليوم قبل اسمع صوتك
ابتسمت وخذت رقمه
في السياره شالت طرحتها وصار تقطع بشعرها ( هبلا ) وتصارخ لدرجه ان السواق وده
يرميها بالشارع ازعجته ماخلته يركز بالسواقه ,, منجنه ,, راحت لمصر مرتين علشان
احمد عز بس مالقته ,, والحين قابلت واحد نسخه منه ويتغزل فيها بعد ,, كانت تبي تدق بالسياره
ساره في نفسها " سويره اعقلي لايقول هالمطفوقه المشفوحه ,, خليك ثقل مثل ميشو ,, ميشو
ثلاث ارباع الشباب منجنين عليها لانها ثقل ماتعطيهم وجه ,, وتسمعهم الكلام الحلو بالقطاره لازم اثقل "


~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

كان يوم الاحد ,, ارتفع قرص الشمس ,, ينبه الناس لبدايه يوم جديد
في المستشفى كان مشعل وابو مشعل يوقعوا الاوراق عشان مشاعل تطلع
كانت بالسياره
مشعل : هلا بنور البيت والله اشتقنا لك
ابو مشعل : عشان كذا سميتها مشاعل لانها شعلة البيت
مشعل : هههههههه اجل يبه فاتورة الكهرب لها لشهر بتجي ضربه
كانت مشاعل طول ماهي بالمستشفى تجامل وتمزح ,, بس هنا ماقدرت لانها في طريقها للبيت
اللي بيتغير كل شي فيه ,, يا الله كيف راح تتحمل
حست بالسياره تآخذ طريقها للكراج ووقفت عند البيت ,, فتح لها مشعل الباب ومد يده عشان
تدخل كانت متردده ومتوتره بس ماتبيهم يحسوا بشئ ,, نزلت واخذت طريقها للبيت ,, كانت
يد مشعل ماسكه بها ,, سمعت صوت فيصل يركض ,, وصل لها وضمها بقووه ,, نزلت
لمستواه وضمته وانظم له سلطان وافهد وبعد كلامات الشوق ,, كملت مشاعل بمساعدت
مشعل تدخل البيت ,, اللي اول مادخلت حست بخوف من المجهول
مشعل : ميشو تبي تطلعي غرفتك ترتاحي او تبي تجلسي بالصاله
مشاعل : لا ابي اروح غرفتي لو سمحت
دخلت غرفتها وطلبت منه يتركها لوحدها
هناااا رجعت الذكريات وكأنها ماغابت ,, حاولت توصل للسرير ,, وصارت تلمس
بيدها لحد ماوصلت بعد عناء ,, تذكرت المكان اللي اكلت فيه الحبوب وبكت على غبائها ,, هنا
كلمت طلال وهنا ضحكت معاه وهنا كلمت غيره وغيره وغيره بس محد قدر يهز مشاعرها
وافكارها ويتسلل لقلبها غيره
مشاعل في نفسها " يالله جد الانسان ضعيف ,, قبل كم يوم كنت اطالع الغرفه ,, وانا مو مهتمه
عادي غرفه ,, والحين اتمنى بس يرجع نظري 5 دقايق اتأمل غرفتي وامتع نفسي بالمتعه
الكبيره اللي ربي عطاها عبده واللي مايحس بعظمها الا من فقدها "
قطع عليها حبل افكارها التلفون كان اتصال داخلي ,, اخذت وقت لحد ماوصلت له
مشاعل : الو
الطباخ سمير : اهلا وسهلا مودموزيل مشاعل ,, والله دا نور البيت كولو
مشاعل ابتسمت : شكرا سمير
سمير : ربنا يخليكي لينا وللعم ابو مشعل دا كان مخضوض عليكي خالص والله وحشتينا
مشاعل : مايوحشكش غالي
سمير : هههههههه دحنا اهوه بنعرف نتكلم مصري
مشاعل : ههههه ايه انا اصلا مصريه
سمير : دي مصر بتتشرف بيكي
مشاعل : والله انا اللي يشرفني ,, دا المصريين ناااس عسل وسكر
سمير : عشان الكلام الحلو ده انا حعمل لك عالغداء الأكله اللي بتحبيها
مشاعل : بس يا سمير عصافير بطني بتصوصو
سمير: ههههههه ,, وعالعشاء حعمل لك حمام محشي وملوخيه بالارانب وكفته وكباب و...
مشاعل : بس بس بس كل هذا لي ,, انا مشاعل مو مكاين
سمير : هههههههه انتي تأمري حضرتك ,, وزي مابتأولوا انتي تامري واحنا بنطامر
مشاعل : ههههههه
قفل سمير وتذكرت مشاعل شي مهم ,, الرساله اللي كتبتها لساره كانت ذاكره فيها اسم طلال
ولازم تلقاها لايشوفها احد ,, ظلت تدور الغرفه تدور عليها مالها اي اثر
نادت الخدامه تدورها يمكن تشوفها بس الخدامه تقول ان مافيه اي اوراق
خافت ,, لايكون بس احد اخذها ,,لاتكون ام سلطان قرتها ,, قالت خلني ادق على سارونه
يتجي تلحقني ,, طلبت من الخدامه تجيب موبايلها ,, وظلت الخدامه تدور بكل مكان بالبيت
مافيه اي موبايل ,, حاولت تتذكر وين ودته مو قادره ,, اخذت تلفون البيت ودقت على امل انها
تسمع صوته يدق ,, دق فتره وانصدمت لما رد عليها رجال
مشاعل : الو
ادم : سمي
مشاعل : مين انت هذا موبايلي
ادم : ايوه طال عمرك انتي نسيتيه في محل وهو معاي ابي اسلمه ليكي بس انتي ماتصلتي
مشاعل استغربت متى راحت لمحل وهي كانت تدق على طلال لما كانت في بيته ,, اصلاً من
بعد ماطلعت من عند طلال ماراحت اي مكان ,, غريبه
قال لها انه مستعد يجيها اي مكان يعطيها الموبايل ,, طلبت منه اسمه وقال لها ان اسمه ادم
تذكرت ان الحارس اللي عند طلال اسمه ادم
مشاعل : انت الحارس اللي ببيت طلال ؟
ادم : ......
مشاعل عرفت انه خايف اكيد طلال منبه عليه مايقول ,, يا الله لهالدرجه يكرهها ومايبي اي
علاقه تربطهم
مشاعل : عموماً طلال كلمني من شوي وقال لي ادم بيرد عليك (( كانت تبي تأكد شكوكها ))
ادم : ايوه العم طلال قال اذا دق احد يسأل عن الموبايل ارجعه
مشاعل : طيب ادم عندك موبايل انت ؟
ادم : ايوه
مشاعل : طيب خذ الجهاز هديه مني لك ,, اما الشريحه انا بلغيها الحين
ادم بخوف : لاالله يخليك ماقدر العم طلال يزعل وبعدين هو مو مقصر علي ,, انا لازم ارجعه
مشاعل : خلاص ارميه وقول له انك رجعته لاني مابيه
ادم : بس انا مقــ ....
طوط طوط طوط
قفلت قبل يكمل كلامه ,, الوقح طلال مايبي اي شي له علاقه بي ,, لو عرف اني عميت
ممكن يتأثر ,, ماتوقع ,, اصلاً هو ماعنده قلب ,, وانا مابيه يشفق علي ,, اذا هو ماحبني ,, انا مابي شفقته



~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

ام سلطان طلعت غرفة مشاعل مجبوره تمثل قدام ابو مشعل انها حزينه عشان مشاعل
ام سلطان بدون نفس : هلا مشاعل الحمدلله ع سلامتك
مشاعل : الله يسلمك خالتي ,, خالتي انا آسفه اني ضايقتكم وخوفتكم علي سامحيني
ام سلطان : لا انا ماخفت عليك ,, تمنيت انك متي ,, بس كتب الله انك تعيشي مريضه
مشاعل انصدمت من وقاحت ام سلطان ,, حتى وهي مريضه
ام سلطان : شوفي حبيبتي لاتفكري اني يوم من الأيام بخدمك ,, عندك خدامتك ,, ولاتفكري
انك تطلبي مني اي شي ,, انا عيالي ويالله استحملهم ,, واجي ارعى بنات الناس ,,
لاوماتشوف بعد ,, انسى اني موجوده ,, ولو تبين تسكنين عند ام مشعل يكون افضل وطلعت
بكت مشاعل من القهر ,, كانت تحاول تصلح الامور بينها وبين ام سلطان لكن للأسف ام سلطان نذله
فكرت بكلامها كانت تتمنى تسكن عند ام مشعل بس المشكله ان ولد اخت ام مشعل ساكن
عندهم علشان الدراسه لانه ساكن بقريه ويجي عند ام مشعل ايام الدراسه عشان الجامعه بس
الحين إجازه واكيد ولد اخت ام مشعل رجع لاهله وتقدر تكمل الاجازه عند ام مشعل
قررت تقول لأبوها انها راح تسكن عند ام مشعل لحد ماتبدا الدراسه
دخل ابوها وكانت تبكي من القهر
ابو مشعل : هلا حبيبتي نورتي البيت
سكت لما شافها تبكي
ابو مشعل : ميشو حبيبتي ايش فيك تبكي ,, ام سلطان زعلتك قالت لك شي ؟
مشاعل : لا يا بابا ,, بس انا متضايقه شوي
خافت تقول له الحين انها تبي تروح عند ام مشعل يشك في ام سلطان انها مزعلتها ,, وماودها تسبب مشاكل



~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

صحت ساره من النوم على صوت موبايلها
ساره وكلها نوم : الو
فهده : كش
ساره : سلامات
فهده : انخطبت وبتزوج ولاوحده منكم جت زارتني
ساره : ياقلبي الف مبروك ,, بس معليش انشغلت مع ميشو شوي
فهده : ليش ميشو انخطبت ؟
ساره : لا تعبانه شوي
فهده خافت : ليش سلامتها ايش فيها انا من زمان ادق ع موبايلها ماترد ,, صار لها شي
ساره : مدري شقول لك ,, بس هي صار معاها حادث بسيط و ..
فهده : و ايش قولي ,, ساره طيحتي قلبي صار لها شي
ساره : ايه ,, فقدت نظرها
فهده : ..........
ساره : فهده ادري انك مصدومه ,, حتى انا انصدمت اول ماعرفت بس ايش نسوي مجبورين
نتقبل هالواقع
فهده بدت تبكي : مستحيل اكيد فيه حل ,, فيه عمليه
ساره : للأسف مافيه ,, لان المشكله عندها من العصب البصري مو من العين نفسها ويقول
الدكتور ماله حل حتى لو سووا لها 10000000 عمليه
فهده صرخت : لااااا
ساره تحاول تهديها : اذكري الله ,, هذا نصيبها ايش نسوي
فهده وهي تبكي : وينها ابي اشوفها
ساره : هي ببيتهم
فهده : بروح لها الحين
ساره : فهده طلبتك لاتضايقيها وتبكي عندها ترى اللي فيها يكفيها
قفلت فهده الخط



~ ~ ~ ~ ~ ~ ~ ~ ~ ~ ~ ~ ~

نجود : يمه شكلي بقول لمشعل نأجل الزواج شوي
ام نجود : بس ياحبيبتي احنا حددناه وطبعنا الكروت وحجزنا الورد وطلبنا الأكل والحلويات
وكل شي
نجود : يمه مشاعل تعبانه ولازم نقدر هالشي
ام نجود : بس انتي تقولي ان عماها ماله حل ,, ايش راح نسوي لها ,, يعني لو اجلتي الزواج بتشوف ؟
نجود : يمه ماراح نتناقش في هالموضوع ,, خلاص يمه بقول لمشعل نأجله والله يكتب اللي
فيه الخير لي وله ولمشاعل


~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

كانت الخدامه ماسكه يدها تنزلها تتغدا مع عايلتها اللي نادر ماتجتمع ع طاوله وحده ,, مشاعل عزت نفسها ع الأقل قدرت تجمع عايلتها ,, هالشي ممكن يدخل البسمه لحياة مشاعل كانت غرفه الأكل عباره عن طاوله كبيره وكان في مقدمة الطاوله ابو مشعل وفي الطرف الآخر كانت تجلس ام مشعل ,, تنازلت لها ام سلطان عن هالمكان لسببين اول شي عشان تمثل عند ابو مشعل انها الطيبه والسبب الثاني عشان تجلس جنب ابو مشعل وتدلعه عند ام مشعل تبي تقهرها
جلست مشاعل على كرسي كان جنبها عاليمين سعود وعلى يسارها فهد
الكل كان هادي ,, كانوا خايفين يحاولوا يغيرون جو الكآبه تتضايق مشاعل وتحس ان محد
مقدر حالتها والكل مستانس وخافوا يسكتوا تتضايق مشاعل
كانت مشاعل حاسه بتوتر البيت ,, حاولت تقطع الصمت
مشاعل : بابا انا متضايقه
ابو مشعل باهتمام : ليش ياحبيبتي تتضايقي واحنا كلنا جنبك
مشاعل : بابا انا حاسه اني مقصره مع ام مشعل (( حست ان الوقت حلو عشان تطلب من ابوها انها تروح عند خالتها ام مشعل ))
ام مشعل باستغراب : انتي مقصره معاي انا ,, والله يابنيتي ماجاء منك قصور
مشاعل : لا خالتي انا مقصره ,, كنتي دايما تطلبيني اجي عندك ,, وكنت كل يوم اقول بكره
بس الحين انا مقدر ارد لك طلب عشان كذا بعد اذن بابا بجي عندك بكل الإجازه
ابو مشعل : خلاص حبيبتي اللي تشوفي اهم شي ترتاحي
هنا ام سلطان حست بفرح مو طبيعي اخيراً ارتاحت منها وصارت حره ببيتها ,, وحبت تقهر
ام مشعل ,, وقربت عند ابو مشعل ومدت له شوكتها كانت فيها قطعه دجاجه
ام سلطان بدلع : يللا يوسف (( ابو مشعل )) افتح فمك
ابو مشعل انحرج قدام ام مشعل وعياله الكبار ,, بس اضطر انه يفتح فمه وياكلها
ام مشعل تغيرت ملامحها وانقهرت بس ماتبي تقول شي خافت على مشاعر مشاعل
اما سعود ومشعل كان يعانون من عذاب كبير في كتم ضحكتهم ,, حست مشاعل بسعود اللي جنبها وانه على وشك الإنفجار من الضحك
مشاعل بهمس تبي تنتقم لام مشعل : سعود ,, يازين العجز اذا تدلعوا
سعود انفجر : هههههههه
ولما مشعل شاف سعود انفجر ماقدر يمسك نفسه مات ضحك هو الثاني
هنا ام مشعل حست انها انتصرت وحست بأن عيالها دايما يفزعون معها وحست بأن ميشو
هي سبب هالضحكه اللي طلعها سعود ,, ضحكت ضحكه استهزاء وجهتها لأم سلطان
ام سلطان بقهر : سعود فيه شي يضحك ,, قول لنا خلنا نضحك
سعود مارد عليها لأنه للحين يضحك
مشاعل : لابس تذكر نكته وبصراحه مالومه يضحك النكته تموت ضحك
ام سلطان تبي تحرجه : سعود قول لنا هالنكته خلنا نضحك
سعود بتحدي : متأكده خالتي انك ودك تسمعيها ؟
ام سلطان : ايه
سعود ماكان عنده نكته يقولها بس قال والله لفشلها : اوكي هذا الله يسلمك شايب وعجوز
محششين الشايب قال للعجوز حبيبتي اكليني من ملعقتك عشان احس بطعم العسل من بعدك
قالت العجوز المحششه من عيوني ولما اكلته تخيلوا ايش صار ,, طلعت الملعقه معاها
طقم الأسنان حقت الشايب ,, ياحليلهم العجايز اذا ماحترموا سنهم طبعاً انا قلت محششين لأن
مافيه عجايز طبيعين يسون كذا ,, والحمدلله عندنا العجز محترمين نفسهم
ام سلطان بقهر : ترى النكته بايخه وماتضحك وعلى فكره ترى امك عجوز
سعود : امي عجوز بس عجوز محترمه سنها
ابو مشعل هنا تدخل : سعود عيب عليك احترم خالتك ام سلطان
هنا سعود سكت كان يخاف من ابوه




~ ~ ~ ~ ~ ~ ~ ~ ~ ~ ~ ~ ~ ~ ~

ساره بعد ماتغدت تذكرت وليد وانها مادقت عليه ,, قررت تتصل عليه وتخربها
ساره بنعومه : الو
وليد : هلا والله
ساره استغربت صوته شييين كأن فيه لحميه ,, مو معقوله هالجمال على هالصوت ,, امس
ماحست انه صوته شين يمكن من كثر ماعجبها مانتبهت لصوته
ساره : كيفك
وليد بلحميه : تمام مين معاي
ساره : اممممم انا ساره اللي شفتني امس عند منوله
وليد بابتسامه : هلا وغلا شلونك ؟
ساره : الحمدلله ,, على فكره انا زعلانه عليك
وليد : ليش ؟
ساره : لانك دخلت علي انت وخويك وانا مو متعوده اجلس مع شباب او احكي معاهم
وليد بخبث : انا دخلني النور اللي شفته غصب عني ,, وعموماً اسف وحقك علي
ساره بدلع : اوكي بس لاتكررها
وليد : اسف بكررها وبكررها ,, لاني مقدر اقاوم هالجمال
ساره بنعومه : لا ياوليد لاتزعلني منك
وليد : ع الاقل لو من بعيد
ساره : اوكي اذا من بعيد
وليد : اوكي حبيبتي متى ؟
ساره بخجل : اممممم اليوم
وليد : حلو متى بس
ساره : يعني 8 اوكي
وليد يفكر شوي : لا خليها 10
ساره فكرت هي اصلاً راح تروح لمشاعل وبعدين قبل ترجع لبيتها تشوف وليد من بعيد



~ ~ ~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

ام فهده : انا مالي شغل قولي لاخوتس
فهده بتوسل : يمه تكفين اقنعيه اقول لك صاحبة عمري تعبانه يمه انا ماطلبت منكم تودوني لحفله او عزيمه او زواج ,, يمه البنت مريضه ,, والرسول امرنا بزياره المريض
ام فهده : عليه الصلاه والسلام ,, والله يابنيتي مدري شقول لك بس بقول لاخوتس وان وافق
بروح معتس
فهده مستغربه : تروحي معاي ؟؟
ام فهده : ايه اخاف هالبنت موب ثقه والا عندها اخوان يخطفونتس والا ابوها يشوفتس
فهده : يمه ايش هالتفكير الغريب
ام فهده : انا قلت لتس تبين تروحين اجي معتس
فهده استسلمت لامها ع الاقل تشوف صاحبتها
بعد مااقنعوا صويلح يوديهم هددهم ان راح يوديهم 6 ويرجع ياخذهم 7 ولو ماطلعوا 7
بالضبط بيروح ويخليهم




===========

مشاعل بعد ماانهت الغدا ,, رفضت كل شخص يحاول يساعدها علشان توصل للمكان اللي
تبيه كانت تبي تعتمد على نفسها ,, كانت تمشي وتمشي وتصدم احيانا بشي واحيانا تسمع تحذير
اخوانها انها تنتبه لأن قدامها شي ,, وصلت للغرفه اللي تقضي معظم وقتها فيها ,,, غرفه
الرسم
دخلت فيها وسكرت الباب ,,, حاولت توصل للفرش وعلب الألوان واوراق الرسم ,, مسكت
الفرشه وحاولت ترسم ,,, كانت ترسم خطوط متعرجه مالها اي دخل لابالفن ولا حتى بالذوق
,,, جلست عالأرض تبكي بحسره وتضرب بيدها عالارض من القهر اللي حست فيه ,, نامت
عالارض ,,, ودموعها تنزل بغزاره ,, هوايتها الوحيده الرسم ,, تحب الرسم بجنون ,,
رجعت بذاكرتها لأيام الثانوي كانت نسبتها حلوه وتدخلها الطب لو تبي ,, وكان ابوها
واخوانها يحاولوا يقنعوها تدخل طب اسنان بس هي رغم نسبتها العاليه وذكائها بالدراسه ,,,
دخلت القسم اللي احب لقلبها ,, الرسم والحين هي محرومه منه


=============

[●● شيخة ♥ الغــيد ●●]

في سيارة صالح الكامري
صالح: اف انتن يالحريم لو ربي ماخلقكن كان احنا بخير
ام فهده: لو احنا مانخلقنا شلون جيت يالفالح
صالح: الله ياخذكن ومشاويركن اللي ماتخلص
فهده: تكفى سوق وانت ساكت
صالح: اسمعوا عاد والله ان جت الساعه 7 وانتن ماطلعتن بمشي وبخليكن
ام فهده: وانشالله من يرجعنا
صالح: ارجعن بليموزين
فهده تبي تقهره: لا يمه نخلي سواق مشاعل يرجعنا
صالح التفت على فهده اللي راكبه ورى : وانتي تبين سواق صديقتس يرجعكن عشان تاخذين راحتس
فهده خافت انهم يصدمون لانه مايطالع الطريق كان يطالعها: تكفى انتبه للطريق ,, بعدين
انت تقول ارجعوا بليموزين ,, يعني اليموزين عادي بس سواق ميشو لا
صالح : وش ميشو ذي ؟
فهده طفشت: هذي مشاعل ,, وبعدين انت شكلك سواق ,, اللي بيشوفنا راح يظنك سواق
صالح عصبت: يالكلبه سواق بعينك ,, شايفتني هندي والا فلبيني
فهده: عشانك مركبني انا وامي ورا وحظرتك قدام لحالك ,, ماحد يجلس لحاله قدام الا السواقين
صالح: بعد بعد تبيني اركب حرمه جنبي قدام عشان يضحكوا علي الناس ,, دقمن يدقمكن
صالح كان معقد مره وعنده افكار غريبه ,, وكان جالس بالسياره ورافع رجل عالشبك
والرجل الثانيه عالفرامل ,, وكان لابس طاقيه طويله (( حقت العرابجه )) ومرجعها لورى
,, وحاط فوق الطاقيه عقال ,, اما الشماغ فكان ع كتوفه (( عربجي بمعنى الكلمه ))




=============

ماتدري كم صار لها تبكي ,, ماتدري ان الشمس راحت والا توها ,, ماكانت تدري كم
الساعه ,, ماتدري كم صار لها نايمه ,, صحتها الخدامه تقول لها ان فيه ثنتين يسألوا عنها
قامت وغسلت وجهها ولبست بسرعه ونزلت عند فهده وام فهده
فهده تبكي : هلا والله ميشو وحشتيني(( وضمتها ))
مشاعل منصدمه لانها عارفه فهده مستحيل اهلها يرضوا يخلوها تطلع لبيت اي وحده من
صاحباتها لوحدها
ام فهده : هلا بنيتي شلونتس الحين
مشاعل عرفت ان هذي ام فهده وعرفت شلون قدرت تجي فهده : بخير ياخالتي الله يسلمك
شلونك انتي ؟
ام فهده : الحمدلله
فهده : ميشو احكي ايش صار ؟
مشاعل كانت تتحاشى تتكلم بالموضوع ماتبي تتذكر اللي صار ,, وخاصة شلون بتتكلم عند ام
فهده
مشاعل : موضوع طويل بعدين اشرح لك ,, تعالي ماقلتي لي ,, ايش اخبار الاستعداد للزواج
فهده بدت تسترسل بتفاصيل زواجها ,, رغم انها تحذف اشياء كثيره عشان امها ماتسمع
فهده بتردد : ميشو انا عارفه انك تعبانه واذا ماتبي تحظري زواجــــ...
قاطعتها مشاعل : بس ولاكلمه والله لو انا في السرير مقدر اتحرك بجي انا وسريري مستحيل
افوت زواجك ياخبله
فهده صاحت ,, تدري ان مشاعل متضايقه ومع كذا راح تجي : ميشو انتي ملاك
سمعوا صوت يقاطعهم كان صوت ساره اللي جايه تركض
ساره: الحقيني ميشو الحقيني شفت واحـــ... سكتت لما شافت فهده وامها
مشاعل : هلا سارونه تفضلي
ساره ارتبكت : هلا خالتي شلونك
ام فهده تطالعها بعين شريه لانها سمعتها تقول شفت واحد : بخير
ساره : هلا ميشو هلا فهوده
مشاعل وفهده : هلا
ساره: اممممممم شفت واحد برا معاه كامري ,, اخوك يافهده
فهده بخبث : ايه ليش عاجبك اشوفك جايه تركضي ومنجنه ترى اعزب هههههههههه
ام فهده تطالع ساره بتفحص : ايه وترى وليدي مايدخن
ساره : ههههههههه لا بس انا حسيته يشبه فهده
كلهم حسوا ان ساره تخبي شي مو معقوله كل هالحماس عشان بس اخوها يشبهها ,, اكيد فيه
سر
ام فهده : قومي فهده لايصول علينا اخوتس ويروح ويخلينا
فهده : لاتخافي يمه هو تلقيه ماراح لما نزلنا ,, يخاف نطلع من دون علمه تعرفين ولدك شكاك
ام فهده قفلت معاها كانت تبي تزين صوره ولدها عند ساره على امل انها تخطبها له
هنا دخلت ام سلطان ,, وطالعت فهده وامها باحتقار ,, كانوا من عائله متواضعه ,, ومبين على
ام فهده انها من الطبقه المتوسطه ,, وام سلطان تحتقر اي شخص ماينتمي لطبقتها
ام فهده قامت لأم سلطان تسلم ,, مدت يدها ,, بس ام سلطان مامدت يدها منقرفه : هلا
وكملت كلامها : ميشو ودي ضيوفك لغرفتك لأن صاحباتي بيجوا عندي
مشاعل قفلت معاها اهانت ام فهده وهي ببيتها : ام سلطان انقلعي لأي مكان انتي وصاحباتك الخمه قبل لاأقوم واعلمك قدرك يالحافيه المنتفه (( كانت مشاعل قويه من اول ماصار اللي صار ,, بس الظاهر كان الهدوء اللي يسبق العاصفه ,, والظاهر العاصفه كانت بوجه ام سلطان ))
ام سلطان انصدمت من كلامها ,, اول مره تهينها قدام الناس
ام فهده هنا تدخلت والمفروض تكحلها اعمتها : كفو يامشاعل والله انتس مره ,, ايه علمي
هالشهباء اللهباء قدرها يوم انها ماتمد يدها لي وسيعه الوجه ,, هي وهالصبغه الصفراء اللي
على راسها كنها جني مروع
ام سلطان صار وجهها احمر وصار فوق راسها مثل الدخان اللي يطلع من القطار مثل
افلام كرتون
فهده : يمه يله نروح صالح برا يستنانا
مشاعل تصارخ : ماراح تطلعوا لأي مكان ,, خلي هالحشره تطلع هذا بيتي مو بيتها ,, مشكله
الملحطات اذا شافوا فلوس فجأة ينغرو ,, نست نفسها من تكون
ام سلطان طلعت من الغرفه تبكي
فهده : اسفين والله ماكنا نبي نسوي لك مشاكل
ام فهده : ايش مشاكله ماشفتي ايش تقول ,, الا تستاهل ,, ليتس يامشاعل خليتيني عليها أأدبها هالعجوز المتصابيه
مشاعل : خليها تستاهل عشان تعرف تحترم ضيوفي




=============

حسين كان يفكر بجنون ساره معقوله كانت تبي تحط لطلال حشيش بسيارته ,, حتى لو كان
طلال حقير بس مايستاهل انها تسوي فيه كذا ,,, حاول ينسى هالموضوع
رجع يدق على خويته العنود اللي مختفيه من زمان ,, ولما يتصل عليها يرد اخوها حاتم ,,
حسين ارسل مشاعل تكلم اخو العنود حاتم عشان تعرف منه اي شي عن العنود بس لاحياة لمن تنادي ,, حاتم ماكان يتكلم عن اخته لما كانت مشاعل تكلمه ,, حاولت تسحب منه الكلام بس هو كان كتوم
لما مشاعل فقدت الأمل انها تعرف اي شي عن العنود ارسلت رساله لحاتم تقول فيها ان
ظروفها صعبه ولايدق عليها وقالت له انه يستناها لحد ماتهدا الظروف ولايدق ,, كانت
تتهرب منه لأن ماعنده ريحة الكرامه ,, ولانها مثل ماقالت لحسين قررت تبتعد عن كل
شي يزعل طلال منها ,, عشان كذا ارسلت لحاتم هالرساله واللي شافها طلال واثرت في طلال كثير
من ناحية مشاعل تحاشت تقول هالشي لطلال اول شي لانه اكيد راح يزعل ثاني شي لانها
انقطعت عن حاتم في بدايه علاقتها بطلال وماله داعي تفتح اشياء قديمه


===================

[●● شيخة ♥ الغــيد ●●]

صالح كان بالسياره يستنى امه واخته ومشغل كسرات ,, كان يفكر بساره اللي شافها نازله من
سيارتها واللي كانت كاشفه ,, اول مره يشوف بنت بجمالها
سمع صوت الباب ينفتح ,, ركبت فهده وامها ورى
صالح : اقول فهده من هالمزيونه اللي دخلت من شوي
فهده : هذي ساره صاحبتي
صالح : يازينها زيناه
ام فهده : اي والله ياوليدي تهبل ,, ودي اخطبها لك
فهده : هههههه يمه اخطبوا ناس قدكم
ام فهده : وش فيه وليدي هي تطول واحد مثله مشالله جمال ودلال
فهده : مره دلال ,, ولدك مافيه شي زين
صالح عصب : ايش قصدك ايش فيني قمر
فهده : اول شي انت ماعندك اسلوب ,, ولاوظيفه ,, ولاحتى شهاده ,, ولافيك جمال حتى
نظافه مافيك ماتتحمم الا كل اسبوعين لما يخيس جسمك ,, وحتى فرشه الاسنان ماتعرفها
الا بالاسم تبي بنت رقيقه مثل سارونه تتزوجك انت ؟
صالح هنا مشى مليوووون لما وصل البيت وكفخ فهده لما زرق جسمها ,,
وصارت تبكي ,, حرام زواجها باقي عليه اسبوع ومو معقول بتروح اثار ضرب صالح من
جسمها ,, ايش راح يقول زوجها عنها


=============

ساره كانت عند مشاعل وكانوا يسولفوا بكل شي ,, مشاعل كانت تشكي لساره همومها خاصة
ان ساره قريبه منها ,, استأذنت ساره من مشاعل بحدود الساعه 9 ونص لما دق عليها وليد
كانت مشتاقه تشوفه ,, طبعا ساره ولاول مره تخبي عن مشاعل شي
ساره كانت في طريقها لكوفي تايم لانها مواعده وليد هناك ,, واليوم كان يوم الاحد انواع الزحمه
معروف الاحد والثلاثاء كان يوم طلعت مشاعل وساره لان الشوارع كلها شباب بهاليومين
تمنت ان مشاعل معاها
وهي بالطريق تذكرت صالح اخو فهده وبخبث " : هذا اللي ابيه محد يقدر ينفذ خطتي في طلال
الا هو ,, مبين عليه عربجي وراعي اجرام ,, واكيد اصحابه كلهم مجرمين ,, وبينفعني ,,
لازم اجيب رقمه من فهده "
وقفت ساره عند كوفي تايم تنتظر وليد يوقف جنب سيارتها ,, قالت خلني اشرب شي لأنه
يقول عطيني 10 دقايق واكون عندك كان بعيد شوي
فتحت الشباك تبي تطلب ,, وطبعا معروفين اللي بكوفي تايم عمالهم كثر الرز ,, من اول
ماتفتحي الشباك يجونك يتراكضون ,, طلبت فرينش كوفي ,, وكانت جالسه تستنى وليد ,,
وقفت جنبها سياره ,, طبعا ساره على طول طالعت نوع السياره اهم شي عندها ,,
ساره : اممم يعني سياره معقوله لكزس بس صغيره (( كامري الشيوخ ))
فكرت آآخذ رقمه والا لا ؟ بس شكله ملحط شوي لو انه تاجر كان شرى لكزس 430 مو
هذي الصغيره ,, قفلت الستاره حقت السياره مو ناقصه لحط
ساره كان معاها كدلك كنكورد قديم شوي ,, لأن اهل ساره مو اغنياء مره
رجعت فتحت الستاره لأن القروي على قولتها راح ,, كانت مشغوله بدفع حساب الكوفي لما دق عليها وليد
وليد : ياهوه التفتي ابي اشوفك
ساره التفتت لقت بي ام دبليو جديده واقفه جنبها مضلله كلها والشباك اللي قدام كان مفتوح
وشافت وليد جالس جنب اللي يسوق يبتسم لها ,, كان اللي يسوق السياره ماجد ,, انقهرت اكيد
هذي سياره ماجد ,, الله يستر لاتكون سياره وليد شينه ,, كان هذا همها سيارة وليد ,, لأن بنظرها
ان الشباب اللي يركبوا مع اخوياهم دايما تكون سيارتهم شينه ,, عشان كذا يشخصوا مع
اخوياهم
كانت تبتسم له
وليد : فيه واحد معنا ورى معجب فيك مره
ساره استغربت وقاحته لو كان صاحبه معجب فيها ليش يقول لها المفروض يزعل
ساره حبت تقهره : اوكي خله يفتح الشباك لأن السياره مضلله ماشوف شي
انفتح الشباك وطلع معروض كبير كان مكتوب فيه رقم ووراه واحد لابس شماغ
ساره : طيب خله يبعد هالمعروض عشان اشوف وجهه
ياليته ماشال المعروض ,, كان واحد شيييييييين كان شين مره ,, قبيح ,, شكله
غريب ,, كأنه مخلوق فضائي ,, مشوه ,, كان محدد حواجبه
ساره بقرف : ابو الرجوله اللي يعرفها يحدد حواجبه ايش ترك للبنات هذا
وليد مات ضحك : عاد هو يموت فيك ,, طالعيه زين انتي تعرفيه
ساره طالعت الولد زين ,, حست انها اول مره تشوف واحد شين كذا ,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زيييييين




===============

يللا عاد مين هالولد اللي تعرفه زين ساره ,, وطبعا هذا مو حلم ,, انشالله بنعرف بالجزء الجديد


===============

[●● شيخة ♥ الغــيد ●●]

ساره طالعت الولد زين ,, حست انها اول مره تشوف واحد شين كذا ,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زييين
الرجال اللي يطالعها ومحدد حواجبه ولابس شماغ مو ولد ,, كان بنت ,, وبالتحديد كانت
صاحبتها منال ,, صح ان منال مو مره شينه ,, يعني كان وجهها مقبول نوعا ما ,, بس مو
لدرجه هالقبح صاير شكلها يخوف بنت في صوره ولد
ساره : وليد يامامي هذي منوله ,, يمه شكلها يخوف ,, لا وطلع لها شنب ؟
وليد مات ضحك على شكل ساره : ههههههه ,, خذيها تبي تكلمك
منال بصوت خشن تقلد الشباب : هاي سارونه
ساره ميته ضحك : يمامي شكلك مرعب
منال : ايش رايك ياقمر تاخذي الرقم (( كانت منال تكلمها وهي رافعه المعروض ))
ساره : وووع والله لو انك ولد وترفعي رقمك لي انتحر
منال : هههههه هاه ايش رايك بالحركه
ساره : تجنن يالله ماتوقعت انك مجنونه لهالدرجه تطلعي ولابسه ثوب ,, الا تعالي منوله متى ماشالله طلع لك شنب ؟
منال : ههههه هذي شنب رسمه لي مجودي
ساره : هههههههه خطير وسكسوكه بعد هههههه
منال : هههههه اقول سارونه تعالي معانا والله فله نجيب لك ثوب من ثياب وليد
ساره برعب : لا حبيبتي اسفه مابي
منال : والله انك خوافه تدري الحين بغير ملابسي والبس جينز وجاكيت وراح نطلع بالدبابات ندور بالعليا
ساره : مجنونه واذا احد عرف انك بنت ؟
منال : ههههههه لا محد راح يدري سويتها مليون مره
ساره : انتي دووبا شلون مابين جسمك
منال بزعل : احترمي نفسك انا ماني دبا وبعدين مجودي يلبسني جاكيت كبير يغطي كل شي
وكأني ولد
ساره اعجبها هبال منال وتمنت انهم كانوا يطلعوا معاها قبل هي وميشو وفلوها معها
منال : اوكي حبيبتي باي قلنا بنمر نستهبل عليك
ساره : هههههههه يللا باي




==============


حاولت تركز اكثر يمكن تتذكر الرساله وين ودتها بس كانت متأكده انها حطتها عند السرير
وين راحت الله يستر لو طاحت بيد ام سلطان والله توديها بداهيه ,, توقعت ان اكيد وحده
من الخدامات رمتها
تذكرت زواج فهده واخوها مشعل كيف راح تشتري فستان وهي ماتشوف ,, قررت انها
تعتمد على ذوق ساره وتخليها تشتري لها فستانين واحد لزواج فهده والثاني لزواج اخوها
مشعل ,, نادت عالخدامه علشان تدق لها على ساره من تلفون البيت
مشاعل : هلا سارونه شكلك برا صوت ازعاج
ساره : ايه حبيبتي مريت اخذ كوفي ,, والحين بروح للبيت
تذكرت مشاعل طلعاتها ودورانها واللي قطعتهم من بعد علاقتها بطلال ,, وهالشي ضايق
ساره لانها تركتها تدور وحيده ومالها الا حنان اللي كانت معاها لما عطت طلال الرسمه حقت
مشاعل ,, ومن هذاك اليوم ماعند حنان سالفه الا طلال وجمال طلال ,, كانت ساره تضطر
تطلع مع حنان لأن عندها نفس ميول ساره من الغزل والتميلح عن الشباب والدوران ,, بس
كانت تكره فيها شفاحتها عالشباب ,, خاصة لما تشوف واحد حلو شوي وتنكسر رقبتها ,, اما
ساره كانت تكتفي بالسعابيل بس تحب تبين ان الولد مو عاجبها وتحب تتغلى ,, المشكله ان
حنان ماتعطي ساره فرصه تاخذ ارقام لانها تكوش عليهم قبل ساره ,, وساره تستحي تقول لها
خلي هذا لي انا ابي رقمه عشان كذا قلت طلعاتها معاها
مشاعل : طيب سارونه ابي منك طلب
ساره : عيوني لك ياميشو امري
مشاعل بحزن : لا مابي عيونك الله يخليها لك ,, سارونه اشتريتي فستان لزواج فهده
ساره مستغربه : لا وليش اشتري احنا ماراح نروح
مشاعل : وليش مانروح مو هي صاحبتنا ,, عيب نخليها بهالوقت وبهالحظات
ساره : بس ياميشو انتي تعـــ...
قاطعتها مشاعل : مافيني الا العافيه وانتي راح تروحي معاي
ساره : اوكي عموماً ماشريت شي والزواج مابقى عليه الا اسبوع مايمدي
مشاعل : سارونه ماعليك يمدينا نشتري شي
ساره : لا حبيبتي انشالله تبيني اشتري فستان جاهز ,, مستحيل ,, لازم اروح مصممه
مشاعل : طيب حبيبتي مين قال لاتروحي مصممه
ساره : اذا رحت مااراح تخلص الفستان الا بعد شهر
مشاعل : لا مين قال ,, خلينا نروح للمصممه اللي بفانتيل ,, تصاميمها روعه وماتطول
ساره : اممم طيب ايش رايك نمرها بكره
مشاعل : اوكي اتفقنا ,, متى تمريني ؟
ساره : انشالله بعد المغرب
مشاعل : اتفقنا مو تنسين
ساره : اوكي ميشو
ساره كانت بطريقها للبيت ,, شافت طبعاً واحد ورقمها كان معاه مرسيدس ( شبح ) قديم شكله
من 200 سنه
قالت خليني اخذ رقمه اضحك عليه وعلى سيارته




==================


نجود : ياقلبي لو أخرنا الزواج شهر زيادة ماراح يضرنا ,, اختك يامشعل تعبانه
مشعل : بس ياقلبي انا مشتاق لك وودي نتزوج اليوم قبل بكره ,, وماظن مشاعل راح تتضايق
نجود : طيب حبيبي عندي حل يرضينا كلنا
مشعل : الحقيني به
نجود : نلغي الحفله ويكون زواج عائلي في بيتنا ,, اهلي واهلك
مشعل اعجبته الفكره : والله حلو ,, بس نجود هذي ليله عمرك واكيد ودك تفرحي فيها
نجود : لا ياحبيبي اهم شي اني اكون معاك وصدقني لا الحفله ولا الناس ولا صاحباتي اللي
راح يجوا بيقدروا يسعدوني ,, اهم ماعندي انك تكون مبسوط ومرتاح ,, واذا الحين ماقدرت
ظروفك متى راح اقدرها ,, عموماً لاتهتم لموضوع الزواج لأنه مايشكل اهميه بالنسبه لي
مشعل ابهره تفكير نجود واللي يدل على عقل كبير وقلب محب ,, وحمد ربه على انه ارسل له
زوجه صالحه تخاف عليه وتهتم لمشاعره


===================


مشاعل وصت الخدامه تجهز لها بعض ملابسها عشان تنقلها بيت ام مشعل واتجهت لبيت ام
مشعل مع الخدامه ,, كانت تحس بسعاده لأنها بتفارق الشريره ام سلطان
دخلت بالصاله ,, سمعت صوت التلفزيون ,, بس ماتدري من اللي عنده ,, استحت تسأل مين
دخلت بهدوء وطلعتها الخدامه بالدرج متجهه لغرفتها ,, وهي بنص الدرج ,, حس فيها أخيراً
الشخص اللي كان عند التلفزيون ,, واضح انه كان منسجم مع الفلم
سعود : اهلين ميشو متى دخلتي ماشفتك ؟
مشاعل : من كثر الانسجام بالفلم مشالله عليك
سعود : معليش انا طالب فلم عالشوتايم مره حلو ميشو لايفوتك (( تذكر انها ماتقدر تشوفه وسكت ))
مشاعل حاولت تبين لسعود انها ماتضايقت وانها متحمسه معه : قول لي ايش اسم الفلم اكيد
شفته لاني احس ان افلام الشوتايم كلها شفتها
سعود : امريكان ويدينق
مشاعل : هههههه ,, ايه شفته قبل سنه مررره يجنن
سعود : قهر ميشو تتذكري كان معروض بالسينما وقلت لك انتي ومشعل خلونا ندخله
شكله حلو ,, قلتوا لا شكله خايس ,, ومارضيتوا ندخل ,, والحين تقولي حلو
مشاعل توهقت : ايه احياناً المظاهر خداعه
سعود : هههه صرفيها ,, المهم ميشو خلاص راح تنورينا هنا
مشاعل : اذا تبي ,, واذا ماتبيني ترى عادي اطلعك واجلس انا ههههه
سعود : ايه هذي اختي اللي اعرفها وقحه وماتثمن كلامها
مشاعل كان ودها تمسكه تنتفه ,, عالاقل ارتاحت نفسياً لما طلعت من بيت الجنيه ام سلطان

[●● شيخة ♥ الغــيد ●●]

في بيت منال
منال كانت تدخن ,, وكان عندها ماجد ووليد
وليد : منوله ايش قصه صاحبتك هذي مسويه عاقله ,, خليها تطلع معانا
منال : والله هالبنت اشك ان فيها حاله نفسيه ,, لاهي المطوعه اللي ماتكلم شباب ولا هي
الفري اللي تطلع مع شباب ,, بصراحه غريبه
وليد : المهم شوفي لها حل ابي اشوفها
منال : ماعليك انا بدبرها لك ,, مالك الا تكون هنا وانت موجود
وليد : بس مو تغصبيها او تجبريها ابيها برضاها
منال : ههههههه ايش رايك انها هي اللي راح تدق عليك وتقول لك تعال
وليد يضحك : ادري فيك داهيه ومافيه شي بعيد عليك
منال : اقول مجودي ترى الاسبوع هذا مابي اشوف خشتك
ماجد ترك المعسل اللي بفمه : ليش حبيبتي ,, ايش حصل مني ؟
منال : ماحصل شي بس ماما راح ترجع بكره
ماجد بطفش : اف متى انشالله بتسافر مره ثانيه
منال : مدري عنها ,, عادي ليش ماتكون جمعتنا في بيت وليد
كانوا يعتبرون منال واحد من الشباب يجوا يسهروا عندها ,, ومعسل ودخان وطلعات فله
على قولتهم مجانين ,, يحبوا الاستهبال ,, وكانت منال مهبوله مثلهم تحب الفله
وليد : مجنونه لا ياحبيبتي الشايب عندي ,, وقبل ماينام لازم يدخل مجلسي ,, تخيلي دخل
ولقاك ترى صدقتي انك واحد من الشباب
منال : اف مليت منكم دايما ضافتكم (( نادت الخدامه تجيب لها المعسل حقها ))
الخدامه : مافيه كلاص امس انا كلام انتي
منال طفشت هذا وقته يخلص
منال : ماجدوه قوم جيب لي معسل
ماجد : وليد قوم جيب اصغر القوم خادمهم
منال : اصغر القوم مين انا اصغركم
وليد ضحك : اجل انتي روحي جيبي
منال : ياحوش قوموا تحركوا ,, روح جيب لي معسل تفاح
وليد : والله ماروح اذا بطلع من هنا بروح للبيت
ماجد : خلاص لاتزنين بروح



===============

ساره كانت تفكر تدق عالي رقمها اليوم بعد ماقفلت من ميشو ,, كان قروي وسيارته قديمه
قالت خليني اوسع صدر معاه لحد مايدق احمد عز اقصد وليد
ساره بدون نفس : الو
القروي : هلا بهالصوت
ساره : شلون هلا بهالصوت وانت ماتعرفني ليش انت مشفوح ؟
القروي : انا اقدر الاصوات الحلوه
ساره : اقول اخلص ايش اسمك
القروي : محسوبك غالي
ساره : ههههههههههههه
غالي قفلت معاه ايش اللي يضحكها : ليش تضحكي
ساره : ههههههههههههههه
غالي : بتطولي تضحكي ؟
ساره : لابس حسبتك رخيص ,, اقول ابوك فرعون ؟
غالي مستغرب : ايش دخل فرعون ؟
ساره : لاقلت يمكن ابوك فرعون وشاري لك هالسياره في عهد الفراعنه لاني الحين ماشوف
هالسياره انقرضت من ايام الفراعنه ههههههههه لا واسمك غالي
بما انك غالي ,, بيع نفسك واشتري سياره جديده
غالي : ليش تبيني استأجر سيارات وادور بالتحليه عشان البنات يفكوا معاي
ساره : محد قال استأجر سياره
غالي : لاقلت يمكن مثل خويك اللي كان يكلم بالتحليه ,, ترى على فكره سيارته مأجره مو
تحسبين ان الـ بي ام حقته
ساره انصدمت شلون شافها وشلون عرف ان السياره مأجره
ساره : كيف شفته ؟
غالي : انا كنت وراك من زمان بس انتي مو معبرتني
ساره : وكيف عرفت ان سيارته مستأجره ؟
غالي : معروفه هالسياره عند الشباب يستأجروها ويدوروا فيها لوحتها معروفه
ساره انصدمت ليش يستاجروا السياره وانصدمت اكثر ليش ماقالت لها منال
قفلت منه ودقت على منال
منال لما دقت ساره عليها كان عندها وليد وقالت له يسكت
منال : هلا سارونه حبيبتي
ساره : هلا وغلا ,, هاه كيفك بعد الشنب والسكسوكه ؟
منال : ههههههههه والله فاتك ,, تعالي ايش رايك بكره نطلع انا وياك ناخذ لفه
ساره تذكرت انها مواعده ميشو
ساره : لاخليها بعد بكره ايش رايك
منال : ولا يهمك
ساره : منوله كنت بسألك ,, السياره اللي كنت فيها اليوم حقت مين ؟
منال : مستأجره
ارتاحت عالاقل منال ماكذبت عليها
ساره : وليش مستأجريها ؟
منال : حبيبتي مجودي ولد ناس ومايبي يدور بسيارته ,, خايف على سمعته
ساره : اها
منال : المهم لاتتهربي ترى وعدنا بعد بكره
ساره : اوكي




==============


تحاول تركز وتحسب عدد الخطوات اللي لازم تمشيها عشان توصل لسريرها تقريبا 7
خطوات ,, ترجع مره ثانيه من السرير للباب ,, نفس الشي 7 خطوات ,, اما الحمام وانتم
بكرامه ماكان عندها فكره كيف توصل له ,, حاولت تركز على عدد الخطوات والاتجاه الصح
اللي لازم تسلكه عشان توصل للحمام ,, ظلت طول الليل تمشي رايحه وراجعه ,, تحاول
تتعايش مع عالمها الجديد ,, وتحاول تتعرف عالمكان ,, عشان ماتحتاج لأحد تعبت وحاولت
تنام ,, ولأول مره من اول ماصار لها الموقف مع طلال ,, نامت بدون ماتفكر فيه
حست ان طلال بدا يختفي من حياتها والاهم انه بدا يختفي من
قـــلــــــــــــبــــهــــــا




=============

يوم الاثنين بحدود الساعه 2 الظهر كان مشعل بالصاله مع ام مشعل
مشعل : يمه نجود مصممه على ان الزواج يكون عائلي عشان مشاعل
ام مشعل : والله هالبنت كبرت بعيني زود ,, مشالله عليها صدق حرمه ,, فعلا امها عرفت تربي
مشعل بفخر : ايه والله يمه بصراحه لو لفيت الدنيا كلها ماراح القى مثلها
ام مشعل : اكيد ماراح تلقى ,, مستحيل وحده تستغنى عن حفله زواجها عشان اخت زوجها
والله البنت طلعت كفو
مشعل : ايه يمه بس اصحي مشاعل تحس بشي ,, ترى لو درت اكيد بتتضايق
ام مشعل : طيب اذا سألتني ليش راح تلغوا الحفله ؟
مشعل : يمه قولي لها اهل نجود مارضوا
انصدموا لما سمعوا مشاعل تقول : ومو حرام تكذب يامشعل ,, ولاهو حرام تكسر بخاطر
نجود عشان سبب انت اللي خالقه
مشعل ارتبك : ااا ..... ميشو ..... نجود هي اللي ...... ماتبي زواج
مشاعل : حتى لو ماتبي ,, انا بقول لك كلمه واتمنى تسمعها زين ,, لو انلغت الحفله ,, سواء
منك او من نجود ,, اعتبرني مو اختك ,, ولاتفكر حتى انك تكلمني
مشعل : بس ميشو خلاص الغــــ
قاطعته مشاعل : مشعل خلاص انا قلت لك اللي عندي ,, زواجك بعد 3 اسابيع من اليوم واذا
ماسويت الحفله انا راح اطلع من بيتكم ,, وارجع لبيت ام سلطان وماراح تشوفني ابد ,, ولو
شفتني راح اتجنب اتكلم معاك
مشعل : طيب اسمعيني
مشاعل : الموضوع انتهى ,, مشعل روح كلم نجود وقول لها لاتسوي شي ولاتلغي شي ,, اذا تبي رضاي


====================

[●● شيخة ♥ الغــيد ●●]

دقيت عليك ابي اتطمن على ميشو من زمان ماسمعت صوتها ,, قالها حسين
ساره : والله على حالها مافيه جديد
حسين : طيب ماعندها موبايل ودي اسلم عليها
ساره : حسين ميشو تغيرت كثير ,, ماصارت تكلم
حسين : ايه بس هي تركت طلال
ساره : ادري ,, بس هي تقول مابي اغضب ربي ,, وتقول ان الشباب كلهم كذابين ,, وانها
ملت عيشتها القديمه ومستحيل ترجع لها
حسين : يعني مافيه امل اسمع صوتها
ساره : لا اكيد فيه امل وحصه بعد
حسين تحمس : شلون
ساره : بالحلم ياشاطر
حسين : اف منك ,, اقول ماودك ربي يهديك انتي بعد وتتركي هالمغازل ,, ترى ريحتك فاحت
ساره : اسكت بس ,, قال ايش قال ريحتي فاحت ,, اصلاً انا لما اكلم ماعلمهم اسمي الحقيقي
حسين : ايه بس انتي تطلعي بسيارتك ,, وسيارتك باسمك
ساره جد راحت عنها هالفكره : اقول مو انت كنت تقول لي ماراح ادق عليك ,, ليش دقيت ؟
حسين : اي والله نسيت ,, الا تعالي ايش سويتي بموضوع طلال
ساره : ابد سألت عن الأسعار وصارت ناااار
حسين : ايه احسن اتركي عنك بس هالخرابيط
ساره : والله حاليا الاحوال الماديه زفت ,, فيه طفره ,, يعني انا عالحديده هالأيام ,, وامي
صاكه عالفلوس هالفتره ,, تدري سفرتنا قربت ولازم نقتصد عشان مصاريف السفر ,,
ولاتنسى زواج اخو مشاعل وزواج فهده ,, يعني لازمني فساتين ولازمني اروح للصالون
وكل هالأشياء تبي فلوس
حسين : ساره مدري ليش احس انك تلمحين تبي فلوس ,, اسمعي ترى انا ولد فقر
ساره : وووع ماتسلفت الا منك ,, اقول باي بس جاني خط
طوط طوط
كان طبع ساره نادر ماتقول باي ومو غريبه انها قفلت بوجه حسين




============

في بيت ام سلطان
فهد : سلطان اشتقت لميشوو وانت ؟
سلطان : ايه باحاول اقنعها ترجع
ام سلطان : اقول انطمو وش هالخرابيط هي راحت وما تبي تجي .. اسمع واحد يقولها شي
فهد : اووووه
ام سلطان : عيب لاتقول لامك اوه هذى كلا من جلستك مع مشاعل خربتك




===============

في اليوم اللي بعده كانت مشاعل لابسه وتنتظر ساره
في بيت ام مشعل
مشاعل : تراني طالعه الحين
ام مشعل : وين ياحبيبتي بتروحين ؟
مشاعل : بتمرني ساره بدور فستان لزواج مشعل وصاحبتي فهده
ام مشعل : ياحبيلها هالساره طيب حبيبتي خذي الخدامه معاك
مشاعل : اوكي
ام مشعل : خذي موبايلي عشان اذا قلقنا عليك نتصل
مشاعل : لاخل موبايلك الخدامه معاها موبايلها دقي عليها
ام مشعل : في امان الله
ودخلت الخدامه تقول ان ساره وصلت
وطلعت مشاعل مع الخدامه وركبت السياره
مشاعل : السلام عليكم
ساره : وعليكم السلام ,, ايش اخبارك
مشاعل : تمام انتي كيفك
ساره : الحمدلله
السواق : فين روه مدام ؟
ساره : روح لفانتيل اللي في طريق الملك عبدالعزيز
السواق : هادا جنب اكسترا
ساره : ايه اخلص بس روح هناك
ودق جوال ساره
ساره : الووو
وليد : هلا قلبي
ساره : هلا وغلا كيفك
وليد : الحمدلله ,, انتي كيفك ؟
ساره : بخير
وليد : وينك قلبي بمر اشوفك
ساره : لا مااقدر
وليد : ليش حياتي وربي واحشتني مووت
ساره : لحقت !
وليد : انا اشتاق لك وانتي جنبي كيف اذا بعدتي عني اصلا انا اغار من عيوني لانها تطالعك
ساره وهي مستحيه وخااقه : طيب انا اكلمك بعدين
وليد : ليش قلبي؟
ساره : انا عند المحل بنزل
وليد : اوكي باي وانتبهي لنفسك ,, وباقرب وقت ابي اشوفك مررره وحشتيني
ساره : باي
ونزلو وراحو للمحل وساره عانت الأمرين الاول اختيار فستانها والثاني اختيار فستان
لصاحبتها ميشوو
واختارت ساره فستان لها عباره عن قطعتين بنطلون شيفون يغطيه فستان قصير ممزوج
بالالوان المتناسقه
اما مشاعل فاختارت لها ساره فستان ناعم قصير من قدام ,, وطويل من ورا وكان قماشه حرير
ولونه اسود وعليه بعض السترس الذهبي
وفي السياره
ساره : ايش رايك نروح لصالون نحجز
مشاعل : يلا
وراحو صالون الملتقى وكان مره زحمه وحجزوا عند مدام تريزا عشان تجيهم بيت ساره
لانه الاقرب للقاعه اللي راح تتزوج فيها فهده
وطلعوا من الصالون ,, واتجهو الى شارع العليا ,, كانوا يفكروا من وين يشتروا فستان زواج مشعل
ساره : ميشو ايش رايك نمر المصممه ميسون والا المصمم بدوي
مشاعل : مو انتي رايحه العليا نروح بدوي اقرب
ساره : اوكي


=====================

[AZالرهيبAZ]

مشكوره اختي ما تقصـرين،،

[لاتكدرمزاجي]

تسلمين على القصه

ونتريا الباقي

[مركز الغويفات]

مشكووووووووره ع الموضوع الرائع شيخة الغد وننتظر يديدج

اخوكم مركز الغويفات

[شحرووورة بوظبي]

رووووووووووووعه القصه ...
قريتها من أول جزء لين أخر جزء نزلتيه في يوووم واااااحد ...
الصرااااحه أول مره تجذبني قصه جي ...
مشكووووره ...
ونترى الجزء اليااااااي ...
لااااااااااااااااااااااااااااااااااا تتأخرين ...

[الطير]

القصة حلووووووووووو والله يكون ف عونها مع تحيات الطير

[●● شيخة ♥ الغــيد ●●]

مشــكورين ع المرور يا الاعضاء
وربي يحفظكم ويديمكم
وان شاء الله مستنانسين ويا القصه
والسمووحه تأخرت عليكم
شحروره أبوظبي ومركز الغويفات والطير
منورين القصه زود
وجاري تنزيل باقي الاجزاء ..

[●● شيخة ♥ الغــيد ●●]

وعند صالح
صالح : اقول متعب وش رايك باللي كاتبه انا ورا سيارتي
متعب : ايه حلوه وراك كاتب لعيون سلطان ؟ وين راح مشاري ؟
صالح : ولا زمان اول كلن قام يخون
متعب : طيب وش رايك نهجول بشارع القراطيس ؟
صالح : لا يارجال وش رايك نروح العليا في راس امي اهبل بدورية اليوم
متعب : والله شكلك بتجيب العيد انت وهالمهايط
صالح : اقول انت رجال ولا لا ؟ ما خبرتك ذروق وخواف ؟ الرجال يقول قدام على كل شي
متعب : افا والله يابو انا راعيها ويلعن ابو الكوره بعد
صالح : ايه خلك رجالن تكانه موب خكرين قاعد
,, وراحو العليا يفحطون عند الفيصليه




=============

ساره : تسمعين صوت هالتفحيط ؟
مشاعل : ايه الله يهديه
ساره : شوفي مرو من عندنا ,, اصبري اصبري كأنها سيارة اخو فهده !!
مشاعل : والله ايش دراني ,, وانتي ايش عرفك بسيارته!!
ساره : لما جتك فهده شفت كامري اخوها لونها اخضر فاتح
مشاعل : الله يعين امه اذا كان هذا صالح ,, مسكينه ماتستاهل ولدها الوحيد
ساره : ماعلينا ميشو ايش رايك ننزل المحل




============


في سيارة صالح
متعب : صويلح شف شف السياره اللي جنبنا الكدلك فيها بنت بازعه ماتغطت
صالح : ايه يازينها زيناه تهبل تصرع
متعب : ماخبرتك تحب البنات ميولك ثانيه
صالح : ياخي لازم نفكر بالاستقرار ,, ودي اعرس
متعب : اف اف تعرس مره وحده
صالح : اقول ايش رايك تشطف جنبهم ,, ننطل عليهم النمره ,, بس جوالي مافيه رصيد
متعب : ليت معانا اخوي عبدالعزيز عنده هالبلوتوث اللي طايحين فيه
صالح : اصبر اصبر شف سواقهم يازينه زيناه
متعب : المهم خلنا نروح مقهى الشلال نضرب لنا كم راس شيشه
صالح : لايخوي اليوم فيه جلسه طرب
متعب : سرينا هناك ,, بس مين بيغني هناك وين فيه
صالح : في الروضه والظاهر اللي يغني يا ظافر يابو فيصل
متعب : قدام


=================


كانت مشاعل وساره يسمعوا المصمم وهو يشرح لهم ويتكلم عن الموديلات وعن الاقمشه
وعن الأسعار وعن الستايلات الجديده
مشاعل قررت تاخذ فستان على حسب وصف ساره لها مره اعجبها ,, وكان ينفع لزواج اخوها
مشعل ,, وكان سعره 9 الاف
اما ساره اخذت فستان حلو وكيوت وكان سعره 5 الاف
بعد ماطلعوا كانت ساره متحمسه تبي تشوف صالح على امل انه يرقمها وتكمل خطتها
بس للأسف الظاهر انه مادرى عنها ,,
قبل لاتوصل ساره مشاعل لبيتها طلبت منها مشاعل تمر على محل اشرطه اسلاميه
مشاعل تقول للسواق : لو سمحت قول للي يبيع يعطيك القران كامل بصوت الشيخ ناصر القطامي
السواق : ابشري
ساره مصدومه : ايش تبي فيها
مشاعل : تعرفين وضعي الحين سارونه ,, ودي اقرى قران وماقدر ,, احسن حل اني اسمعه
وبعدها وصلت ساره مشاعل للبيت ورجعت لبيتها


=======================




كانت الحفله اللي حظرها صالح ومتعب فيها ظافر ,, والحفله زحمه وكلها شباب ورقص
وكان صالح ومتعب فالينها مع الأغنيه اللي غناها ظافر واللي ذكرتهم بهمومهم
وهو فنان مشهور بأغاني الكسرات واللي صالح مدمن عليها
وكلمات الاغنيه تقول


يااهل الروضه اسمعوا الاعلان
كسرات ظافر يغنيها
ظافر ترى بطل الورعان
تكفي سنين مضت فيها
ياليت ياحبيبي مارحت
محبتي كيف تنساها
مريت دار الوليف وصحت
ابكي على ايام عشناها
احط غتره واحط عقال
وامشي مع ناس حونشيه
البنت ماتنبغى بريال
والورع نسوقه بالميه
احرق زقاير واحرق كنت
واحرق مع الكنت مارلبورو
كلن تزوج وخلف بنت
وانا مع الورع سهاري
الله واكبر عقب ماكنت
طالب وماصه قدامي
واليوم جندي وحالي زفت
وان غبت يخصم من ايامي
الله واكبر عقب ماكنت
طالب وقدامك الماصه
واليوم تحرق زقاير كنت
واول حلاوه ومصاصه
خلي هجرني وخلي كان
في القلب ياكبر ميزانه
كانك ع بعدنا شفقان
قلبي يبي يشوف خلانه
ناصر حبيبي عليك اشكي
ناصر وبالوقت كاويني
لاغاب ناصر جلست ابكي
مين غير ناصر يداويني
حي الروضه انا مريت
من جنب ناصر وعبدالله
ناصر كما الكهربا بالبيت
والنور كله بعبدالله
حي الروضه بعد روحي
من شان ناصر سكن فيها
وان كنت ياصاحبي توحي
وجروحي منهو يداويها
اكتم الم واكتم الهوجاس
بين العرب كني لحالي
وان جيت بسلى مع الجلاس
يطري خيالك ع بالي
خرمان ياعالم خرمان
ابي زقاره تنسيني
والا وايت من لبنان
تمد ليه وتسقيني
شربت لاجلك كثير سموم
يمكن مع الشرب انا انساك
قالوا شراب يزيل هموم
وكل مااشرب انا القاك
خالد اتعبتني بالشرب
راحت حياتي وانا اشرب
مالي رجاوي ولالي طب
عذبتني يوم تتهرب
سبحان من صورك يازين
وخلاك تثقل ع ظافر
تمشي مع ورع اسمه حسين
والله خساره يابو عامر
من عاش في شلته ورعان
هذي مشاكل يعانيها
معروف ماتشتعل النيران
الا ع رجل واطيها
مقهور ياصاحبي مقهور
قلبي في بحر الشقا عايم
ياقلبي صبرك ع مايصير
خل الصبر عادتك دايم
خلودي بالصد جنني
وافضل الموت من دونه
ااشر بعيني ويفهمني
وكل المزايين يفدونه
خالد له عيون فتانه
تسهر وانا ظافر المجروح
الحن واغني عشانه
والقلب في حبهم مجروح




===================


يوم الاثنين كان وقت الغداء ,, مجتمعين مشاعل ومشعل وسعود وام مشعل وابو مشعل
مشاعل : بابا بعد اذنك ودي واذن خالتي ام مشعل ودي اعزم بنات عمي من زمان ماشفتهم
(( كانت مشاعل مقصره معاهم ,, ونادر ماتزورهم او تحظر اجتماعاتهم ,, كانت مشغوله
بأمور حياتها ,, ويمكن وفاة امها خلتها تبتعد عن كل الناس ,, لأن دايما البنت تتبع امها ,,
واذا مافيه احد يعينها ع صله الرحم ,, مستحيل بتوصل بهم ))
ابو مشعل : الله يحييهم ,, وانا بعزم اخوي ابو تركي من زمان ماجاء ,, وانتي يا ام مشعل
اتصلي ع ام تركي واعزميها ترى من زمان مادخلوا بيتنا
ام مشعل : والله لي اسبوعين وانا احاول في ام تركي يجونا مو راضيه تقول مشغوله مع
العيال بس اذا اتصلت عليها مشاعل اكيد ماراح ترفض لها طلب
مشاعل : انشالله اليوم اتصل عليهم واعزمهم



=======================

[●● شيخة ♥ الغــيد ●●]

في بيت ساره
تذكرت ساره انها واعده منال تطلع معاها وقالت بدق عليها اشوف اذا كنسلت
منال : هلا والله بالغلا كله
ساره : هلا حبيبتي مره وحشتيني ,, هاه كيفك اليوم
منال : زفت
ساره : ليش ؟
منال : امي وصلت من السفر
ساره منصدمه : المفروض تفرحي
منال : لاياشيخه ,, اذا جت ماتخليني اخذ راحتي ,, لادخان ولا معسل ولامجودي
ساره : حرام عليك هذي امك تقارنيها بهالاشياء التافهه
منال : اقول روقينا
ساره : الا تعالي انتي قلتي لي ان ابوك ماشفتيه من 3 سنوات ؟ ليش مسافر هو
منال بكل بساطه : لا ميت
ساره انحرجت : الله يرحمه
منال : عادي وسعي صدرك
ساره استغربت اسلوبها : عموماً حبيبتي اكيد انتي اليوم مشغوله مع امك ,, خلينا نأجل
الطلعه يوم ثاني
منال : لااا ,, ايش اللي نأجل
ساره : امك توها واصله لازم تجلسي معاها
منال : اقول بس لاتسوين اخلاق ,, اسمعي راح امرك انا 8 اوكي
ساره : اوكي
منال : اتفقنا مو تتأخري علي وتلطعيني برا
ساره : لا اوكي 8 يعني 8




=============


مشاعل دقت على بنت عمها الجوهره
مشاعل : هلا جوجو ,, كيفك حبيبتي
الجوهره : هلااا وغلاااا بميشو ,, والله انا بخير ,, كيفك انتي وربي ,, لك وحشه يالدبا
مشاعل : الحمدلله بخير ,,حتى انتي مررره واحشتني ,, من بعد الـ دي جي اللي هذيك المره ما ادري عنك
الجوهره : اتني اللي قطعتي من بعده شكله ماعجبك
مشاعل : الا والله كان مره يجنن
الجوهره : اخيراً تذكرتينا
مشاعل : انا مانسيتكم عشان اتذكركم
الجوهره : تسلمي ياقلبي ,, اقول تصدقي واحشتني شرايك تجي اليوم عندنا
مشاعل : لا انا اللي متصله اعزمكم عالعشاء ,, لاتقولين ماتقدرون تجو
الجوهره : واحنا نقدر نرفض لميشو طلب ,, بس ايش المناسبه
مشاعل : بدون مناسبه ,, والله واحشيني
الجوهره : ياقلبي تسلمي ,, عموماً بقول لأمي وانشالله راح نجيكم





==============


كانت جاهزه 7 ونص وتنتظر منال
ام ساره : هاه حبيبتي طالعه
ساره : ايه ماما طالعه مع صاحبتي منال
ام ساره : غريبه اول مره اسمع بها
ساره : ماما هذي واحده اعرفها ايام الثانوي بس علاقتي فيها مو قويه مره
ام ساره : طيب حبيبتي انتي تثقي فيها عشان تطلعي معاها
ساره دق موبايلها كانت منال اللي داقه اكيد وصلت
ساره : ماما صاحبتي وصلت ,, عموماً انا لو مو واثقه فيها ماكنت طلعت معاها
ام ساره : بحفظ الله
ساره : باي ماما
طلعت ساره وركبت مع منال واللي كانت سيارتها جمس
ساره : هااااي منوله
منال : هايات
ساره التفتت على بنتين جالسات جنب منال ,, كانوا متلثمات وحده منهم عيونها تجنن وحواجبها
مرسومه من الله ,, كانت رسمة حواجبها تجنن ,, ومبين عليها انها مو محددتها او لامستها
حتى مبين انها طبيعيه ,, اما كحل عيونها يجنن راسمته باتقان ,, بس بحكم خبرة ساره
بالميك اب حست انه يبي له تعديل شوي
اما البنت الثانيه كانت عيونها كبيره بزياده ,,كأنها وحده توها صاحيه من النوم ,, وكان
الفون ديشن حقها مره كثير ,, وكمان الكونسيلر طبقات وكانها حطته بملعقه مو بيدها ,, هذا
غير الشدو والآي لاينر اللي زايد حجم عيونها ,, كان المفروض تحط شدو غامق عشان
يعطي لعينها حجم اصغر من ماهي عليه ,, كانوا هادين وساكتين ,, حستهم غامضات
وغريبات
منال : ميشو هذول صاحباتي قالوا حنطلع معاكم ,, ترى مره حبوبات
ساره : هلا فيكم
البنات الغامضات : هلا سويره
انصدمت ساره لسببين الاول انهم يمونون يقولوا لها سويره ,, والثاني اصواتهم مافيه ذره
النعومه كانت اصوات شباب
طالعتهم بصدمه ,, فيه صوت عرفته زين ,, صوت مبين عليه فيه لحميه ,, هذا صوت وليد
شالوا اللثمه ,, وطلعت الشنبات
ساره انصدمت ايش مسوين بنفسهم هذولا المجانين


=====================

[●● شيخة ♥ الغــيد ●●]

الجزء الرابع عشر
============


ساره التفتت على بنتين جالسات جنب منال ,, كانوا متلثمات وحده منهم
عيونها تجنن وحواجبها مرسومه من الله ,, كانت رسمه حواجبها تجنن
,, ومبين عليها انها مو محددتها او لامستها حتى مبين انها طبيعيه ,,
اما كحل عيونها يجنن راسمته باتقان ,, بس بحكم خبره ساره بالميك اب
حست انه يبي له تعديل شوي
اما البنت الثانيه كانت عيونها كبيره بزياده ,, كأنها وحده توها صاحيه
من النوم ,, وكان الفون ديشن حقها مره كثير ,,
وكمان الكونسيلر طبقات وكأنها حاطته بملعقه مو بيدها ,, هذا غير الشدو
والآي لاينر اللي زاد حجم عيونها ,, كان المفروض تحط شدو غامق عشان يعطي لعينها حجم اصغر من ماهي عليه ,, كانوا هادين وساكتين ,, حستهم غامضات وغريبات
منال: ساره هذول صاحباتي قالوا حنطلع معاكم ,, ترى مره حبوبات
ساره : هلا فيكم
البنات الغامضات : هلا سويره
انصدمت ساره لسببين الأول انهم يمونون يقولوا لها سويره ,, والثاني اصواتهم مافيه ذره النعومه كانت اصوات شباب
طالعتهم بصدمه ,, فيه صوت عرفته زين ,, صوت مبين عليه فيه لحميه ,, هذا صوت وليد شالوا اللثمه ,, وطلعت الشنبات
ساره انصدمت ايش مسوين بنفسهم هذولا المجانين
ساره : وليد !!!
وليد ميت ضحك : هلا ساره كيف اللوك الجديد
ساره : ......
وليد : وش فيك منصدمه عادي تيكت ايزي
ماجد : اقول فكونا وين بتروحون الحين !!!
ساره : فكنا انت ,, آسفه انا اخاف اركب مع عيال
ماجد وهو يقلد صوتها : لا حبيبتي احنا بنوتات كيوت ولا خايفه نغطي عليك ونشطب عالعيال ترا سوقي ماشي هاليومين هههههههه
منال : اقول ايش حبيبتي انت بتتكفخ اليوم
ساره : الله يرجكم مره تحولون البنت ولد ومره الولد بنت ههههههه
وليد : ياعمري ع الرقه ,, مو مثل منيل المسترجله (( ويقلد صوت منال )) بتتكفخ
منال ضربته بموبايلها ع جبهته
وليد : اااااه ,, لو سمحتي الا الجبهه لا يتأثر الميك اب
ساره : طيب ايش الحكمه من هالشي اللي تسووه ؟؟
ماجد : ابد نبي نسحب العيال على وجيهم ونجرهم ورانا وبعدين نكشف ههههههه
ساره : هههههه وربي انكم شله مجانين ,, شله حسب الله
وليد وماجد ومنال : ههههههه
وخذوا لهم لفه بالتحليه ,, عالعليا , عالثلاثين ,, عالتخصصي ,, حتى طريق الملك فهد ماخلوه ,, وجروا وراهم بشريه ,, وخاصه وليد كان نجم السياره ,, كل الشباب خقوا مع عيونه ورقموه ,, وبعد هاللفه الطويله ,, اخيراً قرر ماجد ووليد انهم يكشفوا ,, ويصدموا الشباب اللي انفتنوا فيهم ,, وجت اللحظه
وليد : ماجدوه اسمع لما اقول لك شيل على طول طلع الشنب اوكي
ماجد : اوكي بس خلنا نبدا براعي الفورد اللي جنبنا شكله حبك
وليد : حبته جنيه صفراء مالها سنون
ماجد: عن المصاله يللا ترى فطست حر ,, مدري هالبنات شلون
يستحملون هالطرحه
وليد : اوكي ركز 1 - 2 - 3 شــــــــــــيــــــــــــــل
وكشفوا وبانت الشنبات اللي كانت مخفيه تحت الطرح ,, وطلع المستخبي والسكسوكات ومسكين راعي الفورد ,, تحول من شاب يتميلح عند وليد ,, لشاب منصدم ووده يسطره انصدموا الشباب ,, وارتفع ضغطهم .. راحت عليهم الصيده ,, وقرروا يحدوهم وينتقموا منهم بس سواق منال متعود على هالمواقف ,, وبدا يطلع مهارته في السواقه ,, ويضيع البشريه ,, بس فيه 3 ناشبين ومو قادر يضيعهم ,, وابسط حل واللي متعودين عليه ,, ووقفوا عند دوريه وقالت له منال ان هالشباب يضايقوهم ,, وطبعاً فزع معاهم الشرطي ووصلهم للبيت ,, بيت وليد ونزلت منال وساره وماجد ووليد في مجلس وليد لأن الشايب على قولته مو موجود





====================

[●● شيخة ♥ الغــيد ●●]

مشاعل كانت لابسه ومتجهزه عشان بيت عمها بيجون ,, وام مشعل كانت مشغوله مع الخدامات والطباخ ,, عشان القهوه والشاي والعشاء
دخلت ام تركي مع بناتها الجوهره وغاده وخلود ,, دلتهم الخدامه عالصاله اللي كانت فاضيه
دخلت ام مشعل : هلا والله وسهلا نور البيت ياأم تركي
ام تركي : منور بوجودك ياام مشعل
وبعد السلام
ام مشعل للخدامه : روحي نادي مشاعل وقولي لها بنات عمك فيه
ام تركي : والله يام مشعل لنا زماان ماجتمعنا
ام مشعل : اي والله ,, قاطعين ,, بس ايش رايك نسوي دوريه كل اسبوع نزور بعض
ام تركي : ياليت والله ,, عالاقل نشوف بعض
هنا مشاعل نزلت بمساعدة الخدامه
ام تركي والجوهره وغاده وخلود استغربوا ,, ليش مشاعل تنزل ماسكه
يد الخدامه ,, طبعاً ماكانوا يعروفوا عن اللي صار
وصلت مشاعل لآخر الدرج اللي كان موجود بالصاله ,, دلتها الخدامه عالمكان اللي جالسين فيه ,, مدت يدها ام تركي تسلم على مشاعل : هلا مشاعل حبيبتي شلونك
مشاعل كانت ماده يدها تدور على يد ام تركي
هنا كلهم تأكدوا انها ماتشوفهم
وبعد السلام
ام تركي بتساؤل : سلامتك يامشاعل عيونك فيها شي
مشاعل قالت لهم كل شي بس طبعاً قالت انه حادث
الجوهره وغاده بكوا ,, اما ام تركي كانت قويه ,, وخلود صغيره ماتدري
الجوهره : طيب ميشو اكيد فيه حل روحي لأي دكتور غير اللي رحتي له
مشاعل : لا يالجوهره انا عارفه انه مافيه امل ليش اروح و أوهم نفسي
غاده : بس ياميشو مو معقوله انك ترضي بهالواقع من كلام دكتور واحد
عالاقل استشيري 3 دكاتره
مشاعل : والله مدري اخاف يقولوا لي نفس الكلام واتحطم
ام تركي : ادعي الله يامشاعل ,, ترى من رجى ربه ماخيبه
مشاعل: ونعم بالله ,, بصراحه مدري ايش اقول لكم انا محتاره
ام مشعل هنا تدخلت : مشاعل احنا راح نوديك لأحسن دكتور بالعالم
وساعتها اذا قال لك ماتنفع لك العمليه خلاص ماراح نفتح معاك الموضوع
مشاعل : اللي تشوفوه
ام تركي : ايه الله يعافيكم ايش تنتظروا ,, والا خلوني اوديها انا وتركي
ام مشعل : لا والله هذا ابوها سأل عن دكتور قالوا انه زين ,, وانشالله بيشوف مواعيده ونحجز عنده ونودي مشاعل




=============


ام فهده : اقول يا بنيتي قلت لصديقتي ام منصور تسوي مريقيقات وام محمد تسوي مريصيعات وام فهد تسوي جريشه وخلي صديقاتس يسون مطيزيزات وعصيده وكليجا صديقاتن ببلاش
فهده : لا ياماما لاتخلي احد يسوي شي المطعم راح يتكفلوا بكل شي بعدين ايش مراصيع ومرقوق هذا زواج مو جلسه شعبيه خلاص فيه بوفيه مفتوح ..
ام فهده : لا انا صديقاتي موب يحبن الا اكل البيت اما خرابيط هالمطاعم منب نقبله يحوم التسبد(( الكبد )) وغالي على غير سنع
فهده : خلاص يا ماما كيفك كيفك
ام فهده : اقول فهدوه قومي قومي اخوتس لصلاته بتفوته
فهده : لا ياماما هو نايم اخاف يهاوشني
ام فهده : والله ان مافيكن نفع يابني هالأيام موب مثلنا في زمن اول نقرص القرصان ونحلب البقر ونخض اللبن اجل انتن يابني الحين متمدنات ولا تنبغن وحتى كلامكن قمتن تغيرنه وتحتسن عنقليزي والله ,, ان العربي وش زينه يالله من فضلك الجنه حتسي المسلمين موب
عوكيه وموكيه
فهده : ياربيه في كل شي انتقادات ولا يعجبكم العجب ولا الصيام في رجب
صالح : وش فيكم عالصباح الله اسمع حتسيكم واصلن غرفتي
ام فهده : اختك ماتبي مريقيقات ولامريصيعات بعرسها متمدنه
صالح يلمس بطنه : يمه تكفين لاتشهويني بمريقيقتس وش زينها ,, ياليت من يشبع منها
ام فهده : من عيوني بكره ارق لك ,, لاتخليها في نفيستك

[●● شيخة ♥ الغــيد ●●]

ماجد : هاه سارونه نضمك لقائمتنا
ساره كانت مرتبكه اول مره تدخل بيت واحد تكلمه ,, بس الظروف جت فجأة وماقدرت تعترض او ترفض لأن الدوريه كانت وراهم وماودها
ترجع لبيتها ووراها دوريه
ساره : لا حبيبي اسفه ,, منوله توصليني ابي ارجع للبيت تأخرت
منال : اوكي حبيبتي ,, ارجعي مع السواق ,, انا بجلس معاهم شوي
وليد : لاحبيبتي انتي راعيه طويله ,, واخاف ابوي يدخل
منال : ياحمار تطردني وانا ضافتك ببيتي
وليد : قامت تمن اقول بس ماودكم تطلعون ابي سارونه بكلمه راس
ساره مرره خافت : لالا بروح انا تجي منوله معاي او ارجع لوحدي
منال وساره كانوا بطريق البيت
منال : سارونه هاه ايش قلتي بشلتي وليد ومجودي
ساره : بصراحه كلكم مجانين
منال : هههههه ادري بس جنونا حلو
ساره : من جد ,, والله انكم فله
منال : طيب خلاص اذا طلعنا راح اقول لك عشان تطلعي معانا
ساره : لا انا اخاف على نفسي انتم ناس متهورين
منال : براحتك انتي الخسرانه




===============


طلعت مشاعل غرفتها بعد ماراحوا بنات عمها
مشاعل في نفسها " خلاص انا مقدر اتحمل هالوضع كثير ,, حاولت اكون قويه بس تعبت ,, اكيد فيه امل للعمليه ,, ياليت ارجع اشوف ,, مليت من هالسواد اللي ماشوف غيره ,, مليت ابي اشوف تعابير الناس ووجيهم ,, اشتقت اشوف وجهي ووجه سارونه وكل صاحباتي واخواني ,, اااااه يالقهر ياليت الوقت يرجع ياليت وافكر مليون مره قبل اسوي شي مجنون افقد فيه اغلى ماعندي ,, تعبت من شفقه الناس علي ,, تعبت من الإحساس بالضياع ,, كله منك ياطلال ,, ياليتني ماعرفتك
ولاشفتك ,, بس لازم اكلم ابوي يشوف لي اي دكتور ,, ابي ارجع اشوف خلاص مليت استغفرت ربها لأن هذا قدرها وماتقدر تغيره ,, صلت ركعتين ودعت ربها انه يشفيها ويرجع لها نظرها ,, وبعد بكى وحزن واحساس بالضياع استسلمت مشاعل للنوم




============


وبعد اسبوع ,, جاء اليوم اللي تنتظره فهده بفارغ الصبر ,, وهو يوم زواجها والكل كان مشغول ,, فهده كانت مشغوله بالميك اب والفستان وتفكر كيف تكون الزفه وهل زواجها بيكون حلو ..
اما مشاعل كانت في بيت ساره ينتظروا مدام تيريزا عشان تسوي لهم شعرهم ,, وبعدها راح تجي روبي عشان الميك اب
ساره : ميشو تصدقي اليوم مانمت كويس شكلي راح انام في الزواج
مشاعل : هههههههه تخيلي تنامي وانتي ترقصي
ساره : هههههههه
رن الجرس ,, وجت الخدامه تقول ان مدام تيريزا موجوده ,, اتفقوا انها
تبدأ بمشاعل اول وكانت تسريح’ مشاعل مره كيوت ,, سوت لها شعرها
كله ويفي ولمته على جنب وربطته بشريطه ذهبيه
اما تسريحه ساره كانت مرفوعه ولامه شعرها على فوق وحطت لها
اكستنشن على شكل عمايل ولفتها على شعرها

==================

اما ام فهده كانت معصبه وناقده على عمرها بعد هالعمر تحط ميك اب وتنتظر بفارغ الصبر المزينه تخلص منها ,, والمزينه طفشت منها بس تقول لها افتحي عيونك وقفليها مو عارفه ترسم الكحل من حركه ام فهده اللي ماتخلص
المزينه : شو بديك احط لك لون روج ؟؟
ام فهده : الله لايهينتس انا ابي احط ديرم
المزينه : شو ديرم هايدا ماركه جديده ؟؟
ام فهده قامت وحطت ديرم
المزينه مصدومه : شو هيدا لونوا بشع كتير
ام فهده : وشو بشع ؟
المزينه : بشع يعني مو حلو
ام فهده : يامال الحكه اللي تصيبتس ؛؛ هذا الديرم وش زين لونه اجل ذا
الأحمر اللي حاطته فوق خشتس تقول ماكله كبدتن نيه ؟

==================

روبي المزينه كانت في الغرفه تزين مشاعل واللي كان الميك اب حقها
عباره عن شدو اسود ممزوج بالذهبي والبلشر كان برونزي
وبعد ماانتهت كان دور ساره ,, فضلت مشاعل انها تنتظر ساره بالصاله
لما تخلص من الميك اب ويطلعوا لأنهم تأخروا كانت الساعه وقتها 10
نزلت مشاعل للصاله بمساعده الخدامه ,, وكانت ام ساره بالصاله
تتصفح مجله
ام ساره : الله ميشو ايش هالجمال ماشالله عليك
مشاعل انحرجت : تسلمي ياخالتي عيونك الحلوه
ام ساره : بتغطي اليوم عالعروس اكيد
مشاعل : لا بالعكس فهده ماشالله عليها مره حلوه
ام ساره : ميشو ايش تشربي حبيبتي
مشاعل : ولا شي خالتي ارتاحي ,, احنا هناك بنطفش من الشرب
ام ساره : طيب حبيبتي عن اذنك بروح اخذ لي بندول مره مصدعه ,, مدري ايش فيني لي فتره راسي يعورني
مشاعل: روحي للمستشفى ياخالتي يمكن السبب لاسمح الله الضغط
ام ساره : يربيه ميشو فال الله ولا فالك ,, لا انشالله مافيني الا العافيه
بروح اخذ لي بندول وارتاح وانشالله يطيب
مشاعل : اوكي خالتي ماتشوفي شر
وطلعت غرفتها ترتاح ,, استنت مشاعل ساره عشان يطلعوا وكانت
الساعه 11 ,, توجهوا للقاعه دخلت ساره ماسكه يد مشاعل ,, وكانت مشاعل نجمة الحفل زي
مايقولوا الكل يسأل عنها ,, وكل الموجودين زعلوا عشان ميشو ,, البنت الحلوه والأنيقه ,, مسكينه عمياء ,, الكل كان يرقص وفرحان ,, الا ميشو ,, كان الرقص بالنسبه لها هوايه
بس للأسف الحين ماتقدر حتى تتفرج عليه
مشاعل : سارونه ايش رايك نروح نسلم على فهده بغرفتها ,, يمكن محتاجه
شي
ساره : يللا مشينا ....؟؟؟؟



=====================

[●● شيخة ♥ الغــيد ●●]

في بيت ام مشعل
ام مشعل: يابو مشعل هاه ايش سويت بموضوع مشاعل
ابو مشعل: حجزت عند الدكتور ,,, بس هو طلب مني مبلغ عشان
يحجزوا لها غرفه
ام مشعل: طيب ارسله ايش تنتظر؟؟؟
ابو مشعل: ماعندي سيوله الحين ,, انتي عارفه ان كل فلوسي في
الاسهم والبورصه
ام مشعل بصدمه: ومشاعل
ابو مشعل: لاتخافي كلمت رجال اليوم عشان اسحب جزء من فلوسي
بس قال ان السوق نازل شوي وبيرتفع هاليومين انشالله ,, وماودي
اسحبها الحين
ام مشعل: ونأجل موعد مشاعل ع شان كم الف راح تكسبها
ابو مشعل: قصدك كم مليون,, المهم ماعلينا موعد مشاعل الشهر الجاي
يعني بعد زواج مشعل باسبوعين والفلوس انشالله الاسبوع الجاي عندي
,,, يعني فيه وقت طويل ليش معصبه
ام مشعل: الي تشوفه بس مشاعل لازم تسافر تتعالج
ابو مشعل: لاتخافي ,, انا حريص عليها اكثر منك,, ومستحيل اخلي
بنتي كذا بدون مااحاول
ام مشعل:الله يكتب لها الي فيه الخير
ابو مشعل: امين
0000000000000000000000000000000000000000000
ساره : الف مبروك عقبال البكاري ههههههههههههه
فهده: الله يبارك فيك
مشاعل: مبروك حبيبتي ,, منك العيال ومنه المال هههههههههه
فهده : هههههههه اخاف مني العيال والمال ,, وهو يصير ضيف شرف
مشاعل وساره: هههههههههههههههههههه
فهده: عقبالكم
ساره: امين
مشاعل سكتت لانها خايفه انها ماتلقى الي يقبل فيها وهذا وضعها
ساره تبي تقهر فهده : بصراحه شكلك يجنن ,, دايم انتي حوسه ,, اول
مره اشوفك مرتبه
مشاعل :ههههههههههههههه حرام عليك
فهده عصبت : جايه عندي وتسبيني عمى انشالله
مشاعل كان ودها تشوف صاحبتها فهده في هاليوم ,, وزاد عندها القهر
والحماس للعمليه,, مستحيل تفوت ع نفسها مثل هالمواقف ,,,لازم تسوي
العمليه حتى لو ماتنجح ,, المهم تحاول,,, اكيد فيه حل لها,, الطب تقدم
وكان عندها امل كبير بالله ثم بالدكتور الي قال لها ابوها عليه
000000000000000000000000000000000000000000
منال: يا الله ياوليد تراك ذبحتني ,, خلاص قلت لك البنت راح تروح
معانا
وليد: بس كيف راح تقنعيها
منال: خلاص ماراح اقول لها انكم معاي ,, راح اقول لها انا وصاحبتي
وليد: وتتوقعي ماتزعل
منال تغمر لوليد : الله بدينا نخاف ع زعلها ,, شكلنا بدينا نحب
وليد: اي حب واي خرابيط ,, انا مو راعي حب
ماجد : ههههههههه والله شكلك راح تصير خروف بيدها
وليد يبي قهره: ليش تبيني اصير مثلك خروف بيد منوله
ماجد: خروف بعينك ,,, انا ومنوله متفاهمين,, صح منوله
منال بنعومه : ايه حبيبي , ,انا وانت مافيه زينا بالدنيا
وليد: المهم منوله اخاف تقولي لها اننا بنروح للثمامه وماتجي
منال: لا ماعليك انا راح امرها واجيبها عشان اظمن انها ماتنحاش
ماجد:ههههههههههههه,, تنحاش منك ياوليد ههههه ماعندك خبره في
البنات الي تخليك تعرف شلون انت الي تنحاش من البنات مو البنات
ينحاشو منك
هنا وليد حس انه الوقت المناسب الي ينتقم فيه من ماجد: طبعا انا
ماعندي خبرتك في الغزل ,, ولااقدر اخلي البنات يلحقوني مثلك لاني
جديد, مو مثلك معاك شهاد خبره
منال عصبت: ماجدوه ايش جالس يقول وليدوه
ماجد: هاه كلها الحين ياوليد منوله زعلت , ومافيه بكره طلعه مع ساره
هههههههههههههههههه
وليد خاف: لالا وربي منوله امزح معاك ,,,, والله الولد مؤدب وشاطر
ويسمع الكلام
0000000000000000000000000000000000000000000
كان وقت الزفه ,, والكل ينتظر فهده تدخل ,,, وكانت الاضواء مصلطه
ع المكان الي راح تطلع منه فهده ,,, واخيرا انفتح الباب وطلعت فهده ,
,, ومشت بشويش وكانت القاعه مليانه بالناس وبعض المصورات
والطقاقات والصبابات والكل كان يطالع فهده ,,, وبعض الناس كانوا
ينتقدوا ملابسها العاريه والبعض يمدح ,, والبعض يسب
بس فيه وحده جالسه وحيده ,, حزينه,,, في عالم منفصل,,, ماتقدر تعطي
رايها في صاحبتها,,, تسمع ساره ومها وباقي البنات جنبها يتكلموا عن
فهده ,, وعن فستانها ,, وعن مشيتها ,وياشرون لفهده ,, ويضحكوا ع
بعض الحركات الي فهده تسويها لهم ,,,, الا هي ماتقدر تطالع صاحبتها
ولا تقدر تشوف سعادتها ,, تمنت انها ماجت ,,, وانها جلست بالبيت
بحسرتها,,, حزنت حزن ع نفسها يضاعف حزنها لما اكتشفت انها
صارت عمياء
فكرت كيف راح يكون زواج اخوها مشعل,, والي المفروض هي اخته
الوحيده الي تكون فرحانه لزواج اخوها وترقص وتستقبل الناس ,,
وتشوف اخوها لما يدخل,, تاكدت ان كل هالاشياء ماراح تقدر تسويها ,,
حزنت ,,, ونزلت دمعه من عينها ,, خافت لاحد يحس فيها,, وتضايقهم
في زواج اعز صاحبه لهم
0000000000000000000000000000000000000000000
اقول بس رجعوني البيت امي تدق , قاتلها منال لشلتها
ماجد: بدري ياعمري خلينا ناخذ لفه
منال: اي لفه ,, امي دقت علي كثير واخاف اتاخر ,, تسوي لي سالفه
وليد: ماجد تكفى ودها للبيت اخاف امها بكره تصك عليها وماتخليها
تجي معانا الثمامه
منال: ايه طبعا مو عشاني عشان حبيبه القلب
0000000000000000000000000000000000000000000
بعد ماوصلت فهد للكوشه ,,, وبعد ماسلموا عليها الناس ,, جلست معاها
ميشو وساره وتصورا معاها
فهده: سارونه حبيبتي بطلي منك طلب
ساره: امري؟؟؟
فهده: تعرفي الغرفه الي كنت فيها؟؟؟؟
ساره: ايه حبيبتي
فهده: موبايلي هناك ,, اذا ماعليك امر ممكن تاخذيه وتحطيه بشنطتي الي
عند الباب ,, لانه ماراح يمديني ارجع اخذه وماقدر اعتمد ع امي
ساره حست انه الوقت المناسب ع شان تعرف رقم صالح: اوكي من عيوني
كم عندها من فهده
وراحت لمكان الغرفه الي كانت فيها فهده ,, وخذت الموبايل
ودورت ع رقم صالح,,, وماتت من الفرحه لما لقته ,, خزنته عندها بموبايلها
وحطت موبايل فهده بالشنطه
000000000000000000000000000000000000000000
وبعد مانتهى الزواج كانت ساره ومشاعل في الطريق للبيت
ساره: ميشو راح اطلب منك حاجه بس انك ماترديني
مشاعل: قولي
ساره: اول احلفي
مشاعل: والله مااردك
ساره : انا استاذنت من خالتي ام مشعل انك تنامي عندي اليوم,, وخلاص
هي وافقت وانتي انشالله ماراح ترفضي
مشاعل: ههههههههههههه ع كيفك ماشالله تخططي وتنفذي
ساره: انتي حلفتي ماترديني
مشاعل تبي تقهرها: اف يله مع اني ماودي بس ايش اسوي حكم القوي
ع الضعيف
دخلوا البيت وكان البيت فاضي لان ام ساره نامت وابوها توه راجع من
السفر ونايم
ساره: ميشو قبل نغير ملابسنا انا ميته جوع بصراحه الاكل هناك مو
حلو كله اكلات شعبيه وانا ماحبها,, ايش رايك اسوي لنا سندويشات
مشاعل: مو قبل مانغير لان هالفستان احس انه خانقني
ساره: يالله منك ياميشو بس شوي راح اصلح سندويشات بسرعه واجيك
نطلع فوق نغير وناكل
مشاعل بطفش: طيب لاتطولي ترى اذا طولتي راح اطلع فوق لوحدي
ساره عارفه ان مشاعل ماتسويها خاصه ان ابوها موجود تخاف تدخل
غرفته
وهنا ميشو كانت بالصاله لوحدها ,,, تنتظر ساره تخلص من السندويشات
سمعت صوت احد يدخل الصاله وخافت يكون ابو ساره
فجاءه الشخص الي دخل سكر عيون مشاعل بيده وماكانت تدري مين
قال لها: سوربرايز سارونه حبيبتي وحشتيني
مشاعل انجنت وماتحركت كان ودها احد يجي وينقذها عرفت انه رجال
بس مين هالرجال الي في بيت ساره,لان ساره تقول ان ابوها نايم, كانت
متاكده ان ساره ماعندها احد
: ايش فيك انشليتي
هنا مشاعل قررت انها تتصرف وتسوي شي ,, لان الشخص مبين عليه
انه مايدري مين هي يحسبها ساره
قررت اخيرا انها تتحرك ع شان يعرف وينتبه ع انها مو ساره
ابعدت يده عنها ,, ووقفت بشكل سريع وراحت تمشي ماتدري وين
تروح,, ضربت رجلها بالطاوله وحاولت تبتعد عنها,, ورجعت غيرت
طريقها,, كانت تايهه ماتدري وين تروح الرجال قدامها اكيد,, وماتدري
وين تروح ,, حتى غطاء مامعاها ,,,, قررت تاخذ الطريق الي ع يمينها
ومشت بسرعه ع امل انه يكون مخرج ,, واسرعت اكثر بمشيتها ووقفت
لما صدمت بجسم شخص,, والي اكيد هو الشخص نفسه الي كان موجود
رجعت لورا ع امل انها تنحاش,, بس اظاهر كان وراها شي وتعثرت
فيه وكانت راح تطيح لولا الله ثم يد هالشخص الي تدارك الموقف
وبسرعه تصرف منه مسكها وثبتها ع الارض
000000000000000000000000000000000000000000
مين هالشخص الي كان في بيت ساره؟؟؟؟؟؟؟؟

[●● شيخة ♥ الغــيد ●●]

الجزء الخامس عشر



ابتعدت عنه بسرعه وخافت من هالمجهول سمعت خطواته تبتعد عنها وتطلع فوق
انجنت مشاعل ماتدري وين تروح حتى ماتعرف كيف تروح للمطبخ عند ساره خافت
تحاول تدور عالمطبخ وتقابل نفس الشخص قررت انها ماتتحرك من مكانها لحد ماتجي
ساره تشرح لها اللي قاعد يصير
بعد انتظار سمعت خطوات تدخل عندها
ساره : صلحت لك سندويشات راح تاكلي اصابعك وراها
مشاعل بخوف : سارونه مين عندكم ؟
ساره : مو فاهمه شلون مين عندنا ؟
مشاعل : من شوي كان هنا واحد يكلمني ويحسبني انتي ؟
ساره : يمكن بابا
مشاعل بخوف : لالا سارونه انا اعرف صوت ابوك كويس مو هو هذا صوت واحد صغير
ساره : ميشو حبيبتي انا اصغر وحده بالبيت ايش صار لك ؟ ماعندنا اطفال
مشاعل : لالا مو طفل صوت واحد كبير يمكن بالعشرينات بس مو صوت ابوك
ساره قربت من مشاعل ولمست جبينها وكأنها تقيس حرارتها : ميشو بسم الله عليك صاير لك
شي شكلك مو طبيعيه والا الفستان اثر ع عقلك ؟
مشاعل عصبت : سوير بلا حركات مالها داعي اطلعي فوق دوري مين كان فيه والله انا
ماتخيل . روحي شوفي مين فيه
ساره خافت لايكون الحبوب اللي اخذتها اثرت ع عقل مشاعل : طيب ولا يهمك تعالي نطلع
فوق وبعدين ادور عالشخص اللي تحكي عنه
مشاعل وساره دخلو غرفه ساره وعطتها ساره بيجاما علشان تغير ولما غيروا ملابسهم
جلست ساره عشان تاكل
مشاعل : ايش تسوي ؟
ساره بكل برائه : آكل
مشاعل: قومي الحين شوفي مين فيه
ساره : ميشو حبيبتي والله بيتنا مافيه احد بس عشان ماتزعلي بروح اشوف اذا ابوي نايم او لا



~~~~~~~~~~~

فهده كانت بالاوتيل مع زوجها عبدالمجيد
عبدالمجيد : والله وتحقق منايا شوفوا حبيبي معايا
فهده وجهها صار احمر وبكل دلع قالت : عبدالمجيد
عبدالمجيد : عيونه وقلبه وروحه
فهده : خلاص ترى انا حدي ميته من الحيا
عبدالمجيد : اموت عالحيا ,, اقول حبيبتي
فهده : هلا
عبدالمجيد : ماودك تروحي تنامي عالكنبه لأنك دبة واخاف على نفسي
فهده عصبت : لا ياشيخ من زينك يالرشيق شوف نفسك بالمرايه كأنك فقمه لابسه ثوب
عبدالمجيد ميت من الضحك ع فهده : ههههههه فقمه عاد يام كراعين
فهده : الحين ام كراعين ومن شوي يالدبة
عبدالمجيد : ايش اسوي احب البنت الدبة وانا جالس اوهم نفسي انك دبة
فهده بتهديد : تحب البنت الدبة هاه طيب انا اوريك
عبدالمجيد : ايه حبيبتي لازم من اليوم وطالع تفطري شوكولا وتتغدي خروف كامل
وتتعشي حاشي
فهده : لاياشيخ تبي تموتني انت ؟
عبدالمجيد يتصنع البراءه : ليش اموتك ؟
فهده : تبي يجيني السكر والكولسترول
عبدالمجيد : لا حبيبتي ابيك تسمني بأي طريقه بصراحه احس اني متزوج وحده من المجاعه
فهده عصبت : طيب انا بروح انام عالكنبه وخل الشحوم تنفعك
واخذت مخده وفراش وقامت بس كانت يد عبدالمجيد اسرع منها ووقفها
عبدالمجيد يبي يكحلها اعماها : حبيبتي لو انتي في عيون الناس اقبح بنت بالعالم والله انك
في عيوني احلى من اي بنت
فهده : عبدالمجيد ابعد عني لاصارخ انا اقبح بنت هاه
عبدالمجيد : حبيبتي وربي انا مو متعود على اني اقول كلام حلو وماعرف كيف اتغزل فيك
حاولت اقرأ كتب كثير وقصص رومانسيه وافلام رومانسيه على امل اني اتعلم كيف اعبر لك
عن حبي لك بس لساني يخوني لما اشوفك والله اني ماقدر اعبر لك عن حبي الكبير لك
فهده : لاتقول شي ياعبد المجيد يكفي اللي سمعته انشالله اني اقدر اسعدك طول عمرك
عبدالمجيد والله اني احبك ,, احبك ,, احبك
عبدالمجيد : وانا احبك


~~~~~~~~

ساره شافت نور غرفه ابوها وامها مقفل معنى هذا انهم نايمين تأكدت ان مشاعل كانت
تتوهم وكانت في طريقها لغرفتها بس تفاجأت لما لمحت نور اخر غرفه في بيتهم واللي
لها اكثر من سنتين محد دخلها خافت مين ممكن يكون فيها فكرت لو اصحي بابا يروح
يشوف اخاف انه حرامي بس ايش هالحرامي الغبي اللي يفتح النور
قررت تروح تفتح الغرفه وتشوف مين فيها
فتحت الباب بشويش عشان ماتطلع صوت كانت الغرفه منوره بس ماكان فيها احد بس
تفاجأت لما شافت شنطه ملابس فوق السرير مشالله حرامي وجايب ملابسه معاه قبل
ماتلحق تفكر او تحلل موضوع الشنطه انفتح باب حمام الغرفه وطلع منه شخص خلى ساره
تشهق وتوقف مكانها
ساره بفرح ومفاجأة صرخت : بندر
بندر : هلا سارونه حبيبتي وحشتيني
ساره راحت تضمه : وانت وحشتني اكثر متى وصلت ؟
بندر : الحين وصلت وقلت اسويها لكم مفاجأة
ساره: بس احنا متفقين اننا نتقابل بايطاليا
بندر : يؤؤؤ لهالدرجه ماتبوني
ساره : لاحبيبي بس مره وحشتني فوق ماتتخيل
بندر : وانتي اكثر الا تعالي عندك احد ؟
ساره تذكرت مشاعل وانها ظلمتها : ايه عندي صاحبتي ميشو
بندر : ايه وانا داخل ماشفتها كويس كانت معطيتني ظهرها وحسبتها انتي
ساره: ايه مسكينه كانت تقول لي انها شافت احد بالبيت وانا ماصدقتها قلت اكيد تتوهم
بندر : ساره صاحبتك مشاعل ماتشوف ؟
ساره: ايه مسكينه تعرضت لحادث ومن بعدها ماتقدر تشوف
بندر : مسكينه ماتستاهل طيب مافيه امل لعيونها ابد
ساره : لا تقول ان الدكتور يقول مافيه امل
بندر منصدم : معقوله تعتمد على كلام دكتور واحد ليش ماراحت تشوف دكتور ثاني
ساره: ابوها حاجز لها عند دكتور روسي يقولوا مره كويس انشالله بعد زواج اخوها راح
تسافر لعيادته مع ابوها وخالتها
بندر : الله يشفيها حرام كل هذيك العيون الحلوه ماتشوف
ساره استغربت جرأت اخوها : وانت جالس تطالع في عيونها
بندر يبي يقهرها : لا غصب عني ياساره طالعتها حسبتها انتي وقلت مو معقوله اختي
ساره تصير بهالجمال حتى لو سوت كل عمليات التجميل الي بالعالم
ساره : لاياشيخ حبيبي انا حلوه بدون عمليات تجميل
بندر : اصلا انتي احلا اخت بالدنيا واحلى بنت بعد
ساره : ايه صرفها بس المهم بروح اطمن ميشو وراجعه لك
بندر : تطمنيها ع ايش
ساره: لانها هناك ميته خوف ماتدري مين الي دخل عليها
بندر : ايه مسكينه اول مادخلت سكرت عيونها عبالي انتي
ساره : ههههه عشان كذا لما جيت لها كانت شوي وتنهار
بندر : بصراحه انا لما عرفت انها مو انتي توقعت تروح تركض واستغربت انها جالسه
مكانها وبعدين حسيت فيها تركض بأي اتجاه حسيت خطواتها تايهه مو عارفه وين
تروح وتأكدت انها ماتشوف لما ضربت بالطاوله بعدين رجعت لي وضربت فيني
حرام والله البنت ماتستاهل
ساره: كل هذا صار وانت حضرتك ليش مامشيت ووفرت عالبنت الاحراج
بندر : بصراحه انا كنت مصدوم من سببين
ساره: وايش هم؟
بندر : الاول اني انصدمت ان البنت ماتشوف والثاني ابهرني جمالها وماقدرت اتحرك من
مكاني حسيت رجولي ماتقدر تشيلني
ساره تغمز لاخوها : هاه شلون يعني نخطب ؟
بندر يبتسم : لا لسى بدري على هالكلام
ساره : اي بدري عمرك 27 وبدري
بندر : لسى انا توني اخذت الماجستر ووراي الدكتوراه بعدين افكر بالزواج
ساره : ايه وبعد الدكتوراه بتقول ودي اصير بروفسور وآخر شي نزوجك في المقبره صح
بندر: هههههه لا تخافي علي اذا قربت اعنس بتزوج هههههه
ساره : يا الله نسيت البنت تلاقيها الحين تحسبني انخطفت هههههه
بندر : يالله روحي لها كل شي ولا تتضايق مشاعل المهم خليك معاها انا تعبان وراح انام
ساره : لا تنام ابي اسولف معاك
بندر: ايش تسولفي ياعمه روحي بس انا تعبان ترى انا جاي من امريكا مو من الشرقيه
ساره : طيب يابو التصريف المهم بكره لي جلسه معاك
بندر : انشالله سلميني عالقمر مشاعل
ساره : انشالله تامر امر
بندر: وقولي لها تصبح ع خير
ساره تضحك: طيب فيه شي ثاني
بندر: لا
ساره: يللا تصبح ع خير
بندر: وانتي من اهله
~~~~~~~~~~

[●● شيخة ♥ الغــيد ●●]

في غرفة ساره
منال كانت تدق ع ساره ولا حياة لمن تنادي ماترد لأن موبايلها بغرفتها وهي جالسه مع
بندر اخوها
مشاعل: يالله مسكين هاللي يدق قطع الموبايل وهالشينه سويره مدري وين راحت وخلتني
لوحدي الي اتذكره انها ميته جوع وراحت تشوف مين وللحين ماجت شكله حرامي
اختطفها اطلع اشوف ايش صار بس حتى لو طلعت عدمي مثل وجودي ماراح اقدر
اسوي شي قطع عليها حبل افكارها
صوت الباب لما دخلت ساره
ساره: تأخرت عليك ميشو
مشاعل معصبه: لاياشيخه توقعت انك انخطفتي
ساره: ههههههه لا الحمدلله ماحد خطفني قهر توقعت انه حرامي قلت ابي اجرب
عضلاتي عليه بس للاسف صار حرامي يقرب لي عشان كذا ماقدرت اضربه
مشاعل: يقرب لك ؟
ساره: هذا اخوي بندر توه واصل من السفر
مشاعل عصبت : وليش ماقلتي لي انه راح يجي اليوم كنت ماجيت عندك
ساره : مو هو مسويها مفاجأة
مشاعل : اها عشان كذا اول مادخل قال سوربرايز
ساره: الله بعد صار بينكم سوالف
مشاعل: اسكتي بس لاتذكريني اخوك هذا وقح
ساره : يؤؤؤ تراك في بيتنا وتسبي اخوي
مشاعل: مو المفروض لما شافني المفروض انقلع مو جالس يتأملني وانا احاول انحاش
ساره: هههههههه لو تدري ايش قال فيك كان مانمتي
مشاعل باستهتار : لاشكرا لاتقولي ترى ابي انام اليوم
ساره: انتي حره بس انا لو مكانك بفرح بالكلام الي قاله
مشاعل: اقول ترى جعت ماودك تأكليني
ساره: ايه صح نسيت اني جوعانه
مشاعل: ايه سارونه ترى موبايلك دق مليون مره ارحمي هالي يتصل
ساره قامت تشوف مين يدق ع موبايلها شافت رقم منال ودقت عليها
منال: اخيرا دقيتي ياطويله العمر لازم نكتب لك معروض عشان تردي ؟
ساره : اسفه والله كنت عند اخوي لسى واصل من السفر
منال: اها يعني ماراح تروحي معاي بكره
ساره: وين
منال: بكره طالعين المخيم انا والبنات
ساره: مين راح يجي
منال: بنات ماتعرفيهم بس فله لايفوتك ترى هبال ووناسه
ساره: اوكي راح اجي بس ماتوقع اطول لان اخوي موجود
منال : اوكي اجل امرك 7
ساره: لا انا راح اجي بسواقي
منال: لا لأن المخيم يضيع خليني امرك واوعدك وقت ماتقولي نمشي ع طول نمشي
ساره: ايه بس ترى مقدر اطول اكثر من 1
منال : مره حلو
ساره: خلاص اتفقنا بس قبل ماتمريني عطيني خبر عشان اقول لماما
منال: اوكي انشالله 7
ساره : اوكي باي
وبعد ماقفلت ساره
ساره : ميشو هذي بنت خالتي بكره عازمتني ع دي جي ايش رايك تجي معاي
كانت خايفه تقول لها منال وتزعل وكانت متأكده ان مشاعل راح ترفض
مشاعل : لا والله مالي خلق




~~~~~~~~

الهنوف : ترى مالي شغل بعد زواج اخوك مشعل تجي تخطبني ماعندي عذر اتعذر به
عند اهلي تعبت من رفض الناس الي يتقدموا لي
سعود : خلاص لاتزنين انا كلمت امي وقالت لما يتزوج مشعل راح تكلم امك وانشالله
الملكه تكون بعد ماترجع مشاعل من السفر انشالله راح نتزوج
الهنوف: وانشالله اذا مانجحت عمليه اختك ماراح نتزوج
سعود : يوووه الهنوف ماني عارف كيف ارضيك اجيك من هنا تجيني من هنا خلاص
انا قلت لك كلمت امي وبعدين لاتفاولين ع اختي انها ماتنجح عمليتها انشالله تنجح
وترجع احسن من اول
الهنوف : انا مافاولت عليها بالشر بس انت كل يوم يطلع لك عذر
سعود: اقول الهنوف باي الحين انا راح انام تعبان
الهنوف: اوكي روح نام بس تأكد ترى ماراح انتظرك اذا امك ماكلمت امي بعد زواج اخوك
ترى اهلي ذبحـ...
سعود: ادري ذبحوك كل يوم جايك عريس حفظنا الموال خلاص الهنوف ماعندك سالفه
غير هذي خليني اقفل احسن قبل تصير مشكله




~~~~~~~~~

الظهر صحى عبدالمجيد وطلب فطور له ولفهده والي كانت صاحيه قبله بساعه عروس
تبي تكشخ عند زوجها راحت تحممت ولبست وحطت ميك اب خفيف بس باقي شعرها
لسى ماسشورته خاصة ان شعرها خشن شوي يبي لها تسشوره ساعه عالأقل عشان
ينعم خافت تطلع وتسشوره عنده بالغرفه ويشوف شعرها قالت احسن شي اسشوره
بالحمام بس مسكينه نست تقفل الباب كانت توها في بدايه السشوار وكان اسشوار
شعرها ع مراحل المرحله الاولى التجفيف وطبعا بعده يكون شعرها كشه تخوف والمرحله
الثانيه السشوار المهم بدت تسشور شعرها وخلصت الجزء اليمين وكان ناعم نوعا ما
اما الجزء اليسار كان ليفه
كان عبدالمجيد يجهز الطاوله لها وراح يناديها وحب يفاجأها ويدخل عليها بالحمام
ولما فتح الباب خاف من شعر فهده
عبدالمجيد: بسم الله فهده ايش في شعرك
هنا فهده كانت ودها تبكي وتقول له اطلع برا بس فكرت ان التصريف احلى شي: هلا حبيبي
بس مين سمح لك تدخل بدون استئذان ؟
عبدالمجيد منصدم: هاه جيت اناديك عشان تفطري بس ماجاوبتي ايش فيه شعرك ؟
فهده ارتبكت : ااا .. ايش فيه هذي تسريحه جديده قلت اسويها لك
عبدالمجيد : ايش اسمها هالتسريحه
فهده: اسمها اسمها الفطيره
عبدالمجيد: الفطيره ؟ ليش
فهده عصبت: وانا ايش عرفني ليش سموها كذا؟
عبدالمجيد : حبيبتي لاتسوين هالفطيره مره ثانيه مو حلوه
فهده : طيب اطلع
عبدالمجيد: تعالي نفطر
وطلعت معاه بالفطيره حقتها وكان طول وقت الفطور يتأمل شعرها ومستغرب
فهده في نفسها " لو تدري ان الفطيره طبيعيه لاتسريحه ولا شي "




~~~~~~~~~~~


صحت مشاعل وساره العصر نزلت ساره تشوف ايش الاوضاع بعد رجعة بندر
كانت امها وابوها جالسين بالصاله
بندر باستهتار : صباح الخير
ساره ببرود : مساء الخير اهلين ماما (( وباست امها ع راسها )) هاي بابا (( باست ابوها ع راسه ))
بندر: وانا راسي
ساره : لاياشيخ المفروض انت الي تحب راسي توك راجع المفروض تحترمني وتحب راسي
بندر : ههههه تعالي احبه
استغربت ساره معقوله اخوها محترم لهالدرجه راحت له عشان يبوس راسها
نزلت راسها عشان يبوسها سحب شعرها بقوه
ساره تصارخ : اي اي اي فكني ترى تعورني
بندر: مو تبيني ابوس راسك هذي بوستي
ساره: خلاص لاتبوسني فكني بس ياكرهك انت وبوستك
ضحك ابوها وامها ع شكلها
ام ساره : اقول سارونه حبيبتي ماصحت مشاعل ؟
ساره : ايه توها صحت
ام ساره : طيب خلي الخدامات يطلعوا لكم الغداء
بندر : اي غدا ماما قولي عشاء
ام ساره : خلهم يسهروا وينبسطوا اجازه ومن متى مشاعل تنام عندنا

~~~~~~~~~~

بالليل كانت ساره جاهزة وتنتظر منال تمرها عشان يروحوا عالمخيم الي عازمتها عليه منال
ساره : ماما ترى بطلع مع منوله
ام ساره: طيب حبيبتي بس لاتطولي
ساره : انشالله ماما
بندر: وين راح تروحوا
ساره: بيت وحده من البنات عازمتنا
بندر: تعرفي هالبنت كويس ؟
ساره: ايه بندر اعرفها من ايام الثانوي
بندر: طيب تبي اوصلك ؟
ساره: لا ماله داعي البنت راح تمرني
بندر: طيب حبيبتي انتبهي ع نفسك واذا احتجتي اي شي دقي علي
ساره: انشالله يلا باي البنت تدق
طلعت وركبت مع منال بالجمس وتوجهوا للمخيم
~~~~~~~~~~~~

[●● شيخة ♥ الغــيد ●●]

مشاعل : بابا ايش صار ع موعدي مع الدكتور؟
ابو مشاعل : انشالله بعد زواج مشعل باسبوع راح نسافر
مشاعل: انشالله بابا طيب انت متأكد منه
ابو مشعل: انشالله انا سألت عنه ويمدحوه
ام مشعل : حبيبتي لاتعتمدي عليه خلي اعتمادك على الله هو الشافي والمعافي اما
هالدكتور انشالله يكون سبب لشفائك
ابو مشعل : صادقه ياأم مشعل
مشاعل بدا الأمل يتجدد عندها اخيراً راح تسوي العمليه الي انتظرتها كان عندها امل
كبير بأن الله راح يشفيها


~~~~~~~~~

كان عبدالمجيد ماخذ فهده تسلم على اهله واهلها قبل يسافرون لماليزيا
وعند اهلها
صالح : هاه شلونتس مع عبدالمجيد عساتس منتيب مزعلته
فهده: اسأله هو عني اذا مزعلني انا اختك مو هو
عبدالمجيد : ايه ياصالح تراها تزعلني دايما بس بيوم واحد زعلتني 4 مرات اجل بكره
ايش راح تسوي
فهده : لا والله انت الي زعلان والا انا ؟
صالح : بس جعلتس الجني لاترفعين صوتس ع رجلتس
فهده قالت خلني اسكت لاياخذ صالح الدعوه جد ويقوم يضربها عند زوجها
ام فهده : ماعليك من بنيتي اصلاً انا مربيتها وعارفه انها مره
انصدمت فهده اول مره امها تمدحها
وبعد الزياره اللي كانت اعصاب فهده فيها تالفه لانها خافت من صالح يقلل احترامها عند زوجها
واخيراً راح تسافر ولأول مره بحياتها تطلع برا
وفي الطياره
عبدالمجيد : عاد شوفي النقاب لاتشيليه
فهده : لا والله تبيني انزل ماليزيا بعبايه ونقاب بعد
عبدالمجيد : اقول ترى انا رجال في بلدي وفي اي مكان والا الرجوله تتحدد بأماكن واماكن لا
فهده : ايش دخل الرجوله ؟
عبدالمجيد : انا اغار عليك ومارضى احد يشوفك والرجال رجال هنا او بأي مكان
فهده في نفسها " اف طلعت من معقدين وطحت في اعقد "




~~~~~~~~~~~

ساره وصلت اخيراً مع منال للمخيم الي بالثمامه استغربت ساره ان مافيه اثر لأي سياره
او سواق نزلت مع منال ودخلوا الخيمه وبعد ثواني دخل وليد وماجد
ساره انصدمت وخافت وماتوقعت ان منال راح تغدر فيها : وليد ؟!!
وليد : انا عارف انك مصدومه بس هي جت كذا بدون تخطيط
ساره : لاياشيخ وانتي يامنال اهون عليك تسوي هالحركه فيني
منال : سارونه اسمعي انا بصراحه تعبت من وليد ماعنده سالفه الا انتي ولايتكلم الا فيك
ورفض يطلع معاي انا وماجد للمخيم الا وانتي معانا وقلت ماراح يصير شي لو جيتي
معانا ترى والله سعه صدر راح نركب دبابات ونسوي باربكيو وماراح يسويه الا انتي
ووليد والله راح تنبسطي واذا وليد ضايقك او قالك شي يزعلك والله ماراح نسكت له لا انا
ولا ماجد
ساره اتطمنت شوي من كلام منال وبدت تهدا شوي حتى وليد ماحاول يتقرب منها
بعد ماهدا الوضع
منال: ايش رايكم نطلع عالدبابات
ماجد : يللا
منال: ايش رايك سارونه
ساره: اوكي اذا راح تطلعوا انا معاكم ماراح اجلس لوحدي
طلعوا عالدبابات واللي ساره ماتوقعت انها راح تنبسط لهالدرجه وبعد ساعه من الهبال قرروا
انهم يبدوا بالباربكيو
وكان الشيف حقهم وليد والمساعده ساره
وليد : تدري انك راح تخربي الباربكيو
ساره: وليش انشالله
وليد : لانه راح يكون بطعم السكر مو الملح
ساره : شلون ؟
وليد : لأن يدك الي كلها شهد وسكر مسكت الاكل
ساره استحت من وليد والي كان قريب منها في الفتره الاخيره خاصه انها صارت تشوفه
كثير وعن قرب بعكس الشباب الي كانت تعرفهم كان مجرد الي بينهم شوفه بالسياره وتخب
عليهم ع قوله ساره




~~~~~~~~~~~~

مشاعل كانت في غرفتها تفكر بكل شي مر عليها وكل شي راح تعانيه لو مانجحت
عمليتها استغربت انها بالفتره الاخيره ابتعد خيال طلال عنها وصارت نادر ماتفكر فيه
معقوله نسته او كرهته
قطع عليها حبل افكارها الشخص اللي دخل غرفتها استغربت لانه اول مره احد يدخل عليها
بدون استأذان
مشاعل : مين ؟
جاها صوت اخوها مشعل : انا مشعل
خافت من نبره صوت مشعل الي كلها شك وزعل وخافت اكثر لما نطق وقال لها
مشعل : مشاعل مين طلال ؟

[●● شيخة ♥ الغــيد ●●]

الجزء 16
~~~~~~~


مشاعل انجنت ايش جالس يقول مشعل وايش عرفه بطلال ؟ الف سؤال وسؤال طرى على بال
مشاعل بس كانت خايفه تناقش مشعل بأي شي وماتدري ايش يعرف مشعل عن طلال
علشان تقدر تتكلم
مشاعل: ......
مشعل: مشاعل انا اسألك مين طلال ؟
مشاعل: انا اللي اسالك مين طلال ؟
مشعل: اظن الورقه اللي كتبتيها لساره صاحبتك تأكد معرفتك بطلال
مشاعل خلاص حست انها توهقت لأن خطها ع الورقه ومافيه اي مجال للكذب
مشاعل : مو من حقك يامشعل تفتح حاجه خاصه اظن كل شخص عنده اسراره
مشعل بصراخ : لك وجه يامشاعل تردي انا انتظر منك تفسير للرساله وابي اعرف مين
طلال هذا وايش سوا لك علشان تنتحري
مشاعل تبكي: مشعل مالك شغل فيني وطلال مو مثل انت مفكر طلال ماتربطني فيه اي
علاقه وانت فاهم الموضوع غلط
مشعل يحاول يهدا: اوكي ممكن تفسري لي الموضوع
مشاعل: ماراح افسر لك شي وبعدين بأي حق تفتح الرساله
مشعل: بعد مادخلتي المستشفى رحت لغرفتك ادور نوع الحبوب اللي اخذتيها على امل اني لما
اعرف النوع هالشي راح يساعدك وشفت بالصدفه هالرساله واحتفظت فيها بدون
مااقراها وكنت ناوي اسلمها لساره لكن نسيت موضوعها ومن شوي طاحت يدي عليها
واستغربت وجود هالورقه بغرفتي ونسيت انها لك وفتحتها ولما قريتها تفاجأت باللي
قريته مشاعل انا اطالبك بتفسير الحين
مشاعل: مالك شغل فيني تفهم يامشعل انا عمري ماتجسست عليك
مشعل: اوكي انتي حره بس انشالله تلقي تفسير لأبوي
طلع وخلاها
مشاعل تصارخ: لاااا مشعل الله يخليك الا بابا مشعل تعال مــــشــــعـــل
انسدحت عالسرير وبكت بأعلى صوتها " اكرهك ياطلال اكرهك كل اللي انا فيه بسببك
حرام عليك ايش سويت لك كل هذا علشان حبيتك بصدق اكرهك اكرهك اكرهك "



~~~~~~~~~~

كانت ساره في الطريق للبيت لما دق عليها بندر للمره الخامسه
ساره في نفسها " اف وهذا اول يوم يرجع فيه كل شوي داق وينك ومتى راح ترجعي اجل اذا
جلس اسبوع ايش راح يسوي"
رجعت ساره للبيت وكانت مبسوطه مره ووعدت وليد انها تطلع معاهم لما يطلعوا
بالدبابات بالعليا
لما دخلت البيت كانت الساعه 2 طبعاً كانت امها نايمه وابوها سافر كالعاده طلعت غرفتها
وفي الطريق قابلت بندر
بندر: هلا سارونه
ساره: هلا والله
بندر: ماتلاحظي انك تأخرتي شوي
ساره: لا عادي اصلا انا وصاحباتي مانرجع الا هالوقت
بندر: معقوله ياسارونه حبيبتي انتي بنت ناس ومو زين كل يوم ترجعي 2
ساره: لا انا ماطلع معاهم كل يوم مره بالأسبوع
بندر: لا مو مشكله اطلعي كل يوم بس انا ارجعك اذا الوقت متأخر بصراحه اخاف
عليك ترجعي بهالوقت
ساره: لما كنت برا تدرس كنت ارجع متأخره والحمدلله ماصار لي شي
بندر: مو كل مره تسلم الجره واذا انا موجود ليش مااهتم فيك
ساره: تسلم بندر بس انا ماحب الخنقه خلني ع راحتي واذا قصدك خايف اني اسوي شي غلط
تأكد اني مستحيل اسوي شي يزعلكم
بندر: لا ياسارونه عمري ماشكيت فيك بس انا خايف عليك
ساره: تسلم بس مايحتاج انا اعرف كيف انتبه ع نفسي
بندر: عموما ماودي اضغط عليك اكيد انتي تعبانه وودك تنامي خاصه بعد الباربكيو اللي
سويتيه
ساره انجنت كيف عرف : كيف عرفت ؟
بندر: ريحتك باربكيو هههههه
ساره ارتاحت: ايه اليوم سوينا باربكيو انا والبنات وطلع جنان
بندر: حلو اذا تعرفي تسوي ايش رايك بكره نطلع انا وانتي وماما ونسوي باربكيو ونروح
نطعس واخليك انتي الي تطعسين بنا هههههههه
ساره فرحت: ايه بندر يللا بكره ايش رايك
بندر: من عيوني
ساره: تسلم عيونك
بندر: سارونه ودي اكلمك بموضوع يخص صاحبتك مشاعل
ساره استغربت ايش الموضوع اللي ممكن بندر يكلمها فيه: ليش صاير شي
بندر: لا بس انتي قلتي لي انها مااستشارت اي دكتور غير واحد وفيه دكتور الماني مره
كويس وهو رئيس قسم الاطباء في مستشفى معروف بالمانيا راح يجي هنا بعد فتره ايش
رايك احجز لها عنده
ساره ابتسمت: والله اشوف اهتمامك زايد بميشو ايش صاير سكنت القلب ههههههه
بس كنت بسألك بكم الشقه بقلبك ؟ ودي اخذ لي شقه ولأمي شقه قبل ميشو ماتكوش على كل شي
بندر: ههههههه اي شقه واي فله انا ماعندي الا دبلوكس ههههههه
ساره: هههههههههه
بندر : سارونه حبيبتي مو معنى اني اساعدها يعني حبيتها لاسارونه انا مقهور عشانها
لأنها توها بشبابها وودي اسوي شي لها
ساره: عموما انا راح اقول لها ونشوف
بندر: اوكي لما تقولي لها وتوافق عطيني خبر عشان اعرف متى راح يكون هنا وانسق معاه
ساره: انشالله



~~~~~~~~~

صالح كان مقفل انوار الغرفه ويستعد للنوم لما دق موبايله وعصب عاللي داق بهالوقت
صالح: نعم
ساره بنعومه: هاي صلوحي
صالح تلخبط اول مره بنت تفكر تكلمه: هلا والله
ساره : كيفك صلوحي ؟
صالح :الحمدلله من انتي ؟
ساره : اول الناس يقولوا كيفك مو على طول ((تقلد صوته)) مين انتي
صالح : ايه صح شلونتس؟
ساره تغمض عيونها وكأنها شافت شي مقرف (( يالله حتى اسلوب ماعنده )) : تمام تدري
صلوحي وحشتني مرررره<-- الراء حقتها دوخت صالح
صالح: من انتي ؟
ساره: انا وحده من بنات جيرانكم معجبه فيك مرره ومن زمان ادور رقمك واخيراً قدرت
اجيبه بليز صلوحي لاتقول انك ماتبيني ترى اقتل نفسي صلوحي بدونك حياتي ماتسوى
احبك صلوحي انت النور بحياتي صلوحي بليز لاتتركني
صالح مو مصدق نفسه معقوله بنت بهالدلع تدق عليه وتترجاه يكلمها اكيد يحلم
صالح: ياويلي عالصوت يلعن ابو اللي يقفل وهو يسمع هالصوت يالمزيونه
ساره كانت ودها ترجع الأكل من القرف اللي حست فيه: صلوحي لاتفكر انك تبعد عني ترى
راح اقتل نفسي
صالح: وانا مجنون ياويلي بس عليتس يالزينه اروح فدى مواطي رجليتس
وكانت مكالمه ساره وصالح ربع ساعه كانت ساره على اعصابها تبي تقفل لأن صالح مو من
ستايلها ابداً اما صالح كان في قمه الوناسه بنت نعومه تدق عليه وتتغزل فيه
وميته عليه وفوق هذا هي اللي تدق عليه يعني ماراح يتخسر
ساره بعد ماقفلت " الله ياخذه مصدق نفسه هالشين عباله اني ميته عليه كلها يومين
واخليه يسوي اللي في بالي وبعدها راح اسحب عليه"



~~~~~~~~~

مشاعل كانت تبكي بجنون عالي صار وتذكرت اليوم اللي تركها طلال فيه لما بعد
عنها طلال جتها المشاكل كان ودها تدق عليه وتقوله ايش كثر تكرهه
راحت لتلفون الصاله ودقت ع ساره
مشاعل : ساره لاكون صحيتك
ساره: لا حبيبتي لسى ماراح انام الحين
مشاعل: هاه كيف الدي جي ؟
ساره: مره يجنن فاتك بس ميشو ايش في صوتك ؟
مشاعل: سارونه مشعل اخوي عرف كل شي عن طلال
وقبل لا تكمل كلامها دخل مشعل واخذ السماعه منها ماتدري كم له جالس يسمعها
اخذ السماعه وسكت على امل ان ساره تتكلم ويعرف عن طلال اي شي

ساره خافت ع مشاعل لانها حست ان فيه شي كبير وخاصة ان اخوها مشعل اخذ التلفون
وتكلم قررت تروح لمشاعل اول ماتصحى تبي تعرف ايش صار معاها

~~~~~~~~~~~~~

[●● شيخة ♥ الغــيد ●●]

مشاعل طلعت غرفتها وبكت ليش كل هالمشاكل تصير لها علاقتها مع اخوها بدت
تدهور والسبب هو دايما هو السبب بكل شي مو حلو صار لها .
حاولت تنام ماقدرت وكان الارق هو نصيبها بهالليله المشؤومه
تذكرت طلال بموقف صار معاها
طلال: حبيبتي ميشو اليوم مافيه طلعه من البيت
مشاعل: ليش حبيبي ؟ صاحباتي راح يزعلوا انا وعدتهم اني راح اجي
طلال: اليوم الشوارع زحمه وخايف احد يضايقك وانا مقدر اجي اوصلك لأني معزوم
مشاعل: طيب وربي اغطي ومااخلي احد يطالعني
طلال: قطوتي اذا تبي تزعليني روحي حبيبتي وربي اغار عليك ماودي احد يشوف حتى
خيالك احس ودي اقفل عليك بمكان وماتطلعي ابد ولا احد يشوفك غيري
مشاعل: طلال
طلال: لبيه ياعيون طلال
مشاعل: احبك
طلال:.....
تذكرت غبائها طلال عمره ماقال لها انه يحبها شلون ماحست انه يمثل عليها




~ ~ ~ ~ ~ ~ ~ ~ ~ ~ ~

ساره الظهر كانت تلبس عشان تروح عند مشاعل تبي تعرف ايش صار معاها
وهي نازله كانت امها وبندر بالصاله
ساره: هاي ماما هاي بندر
ام ساره: هلا حبيبتي
بندر: هاي سارونه لابسه عبايتك وين طالعه ؟
ساره: ايه والله رايحه ميشو تعبانه وودي اروح اشوفها
بندر بدا عليه الاهتمام: ليش سلامتها ايش فيها
ساره : والله مدري بروح اشوف ايش فيها
ام ساره: طيب حبيبتي تغدي قبل تروحي
ساره: لا ماما راح اتغدى عند ميشو
بندر: طمنينا عليها
ساره : انشالله يللا باي
بعد ماطلعت ساره
بندر: ماما ماتلاحظي ان ساره طلعاتها كثيره
ام ساره: حرام عليك اعز صاحبه لها تعبانه وماتبيها تروح لها
بندر: لاانا ماتكلم عن اليوم بس من اول مارجعت وهي كل يوم طالعه
ام ساره: هذي بنتي وانا مربيتها وادري انها ماتسوي شي غلط وبعدين انا ماحب اعقد
بنتي بعدين تنحرف
بندر: ماما مسألة اننا نخاف على ساره هذا مو معناه اننا نعقدها يمه الناس ماترحم
والناس ماعليهم الا من الظاهر
ام ساره: والله يابندر انت غريب اللي اعرفهم يروحوا يدرسوا برا يجوا متفتحين وانت
العكس
بندر: يمه لاتنسي اني شاب مسلم وانا اغار على اختي
ام ساره: يووووه بندر اختك ماسوت شي غلط وخلاص فكنا من هالموضوع


~ ~ ~ ~ ~ ~ ~ ~ ~ ~

كانت ساره في بيت مشاعل وبالتحديد بالصاله
ام مشعل: هلا والله وغلا ساره
ساره تطمنت شوي عالاقل ام مشعل مو مبين عليها حاسه بشي: هلا خالتي
ام مشعل: شلونك وشلون امك
ساره: الحمدلله تسلم عليك
ام مشعل: الله يسلمها بس الله يهديها امك انا زعلانه منها
ساره: ليش خالتي ؟
ام مشعل: مافكرت تجي تمرني والا تقول اسير ؟
ساره: والله هي مشغوله هاليومين خاصة ان اخوي بندر لسى جاي من السفر بس انشالله
راح نجيكم
ام مشعل: ماشالله اخوك بندر وصل ؟
ساره: ايه خالتي
ام مشعل: الحمدلله على سلامته
ساره: الله يسلمك
ام مشعل: عاد بنعزمه بمنسابه وصوله من السفر وماعلي من امك لو اجيب عشاي لبيتكم
ساره: الله يحييك ياخالتي
ام مشعل: صاحيه امك والا نايمه يابنيتي؟
ساره: لا ماما صاحيه لما جيت
ام مشعل: اجل بدق عليها اتحمد ع سلامة اخوك بندر
ساره: الله يسلمك خالتي مشاعل صاحيه والا نايمه
ام مشعل: والله الظاهر انها نايمه بس اطلعي لها انتي مو غريبه
ساره : اوكي خالتي مع السلامه
ام مشعل: مع السلامه


~ ~ ~ ~ ~ ~ ~ ~ ~ ~ ~ ~ ~ ~ ~


كانت مشاعل منسدحه عالسرير واللي من امس ماقدرت تنام الا ساعه وحده
سمعت احد يدق عالباب خافت يكون مشعل
مشاعل: مين ؟
ساره: انا ساره
مشاعل فرحت : تعالي سارونه
لما دخلت ساره تفاجأت بشكل مشاعل واللي تعودت عليها دايما تكون مرتبه كان شكلها
محيوس وتحت عيونها هالات سوداء
ساره: مشاعل ايش صاير
مشاعل بكت لما سمعت ساره: سارونه الحقيني مشعل عرف موضوع طلال
ساره : كيف عرف ؟
مشاعل حكت لساره موضوع الرساله اللي كتبتها لساره قبل تاكل الحبوب
ساره مسكت راسها: يا الله ياميشو تتوقعي يقول لابوك
مشاعل تبكي وكان بكائها يقطع قلب ساره : ماعرف انا خايفه مره سارونه ساعديني مالي
الا الله ثم انتي سارونه انا خايفه
ساره: طيب لاتخافي هدي نفسك طيب واذا عرف اصلاً علاقتك بطلال انتهت يعني من
ايش تخافي خليه يسوي اللي يسويه
مشاعل: بس ساره امس هددني انه راح يطلع فواتيري كلها وراح يجيب رقم طلال
ساره: خليه يجيبه خلاص ميشو علاقتكم انتهت في ستين داهيه
مشاعل: لا سارونه انا خايفه ع مشعل ادري طلال يقدر يضره مثل ماسوى فيني طلال
ماعنده قلب وممكن يسوي اي شي
ساره: ميشو مدري ايش اقول لك بس انشالله ماراح يوصل الموضوع لهالدرجه خاصة ان
مشعل اخوك ايش راح يقول لطلال ليش تكلم اختي ؟ مستحيل ياميشو صدقيني مشعل راح
ينشغل بزواجه عنك
مشاعل: تتوقعي ؟
ساره: لا انا متأكده انتي بس لاتشيلي هم
مشاعل : الله يسمع منك

~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

ام مشعل كانت تكلم ام ساره
ام مشعل : هلا ام بندر
ام ساره: هلا والله ام مشعل كيفك ؟
ام مشعل: بخير الله يسلمك انتي بشري عنك ؟
ام ساره: والله الحمدلله
ام مشعل: ايش دعوى ياأم بندر يوصل بندر من السفر ولا ادري عالاقل نتحمد له عالسلامه
ام ساره انحرجت : والله السموحه ياام مشعل لهيت مع الولد تدري اني ماشفته من الصيف
الي فات
ام مشعل: قرت عينك
ام ساره: بنبيك
ام مشعل: الحمدلله على سلامته
ام ساره: الله يسلمك
ام مشعل: والله توني اعرف من ساره ,, بس ترى العيال بيكلموا بندر نبي نعزمه عالعشاء وتعالي انتي وساره وانشالله ابو مشعل بيكلم ابو بندر
ام ساره: والله ابو بندر مسافر وماراح يرجع قبل شهر بس ياام مشعل والله ماله داعي
هالعزيمه انشالله نجيكم انا وساره يوم نتقهوى عندك بس ماله داعي الكلافه والعشاء
ام مشعل: لا ياأم بندر ترى قدر بندر عندنا غالي بغلات عيالي والله مالي شغل فيك
العيال بيكلمون بندر انشالله ان كنتوا فاضين بكره عالعشاء
ام بندر: اللي تشوفوه
ام مشعل: الله يحييكم انشالله




~ ~ ~ ~ ~ ~ ~ ~ ~

ساره هدت مشاعل ورجعت لبيتها واول مادخلت لقت بندر يستناها
بندر: هاه سارونه كيف مشاعل الحين ؟
ساره: الحمدلله احسن
بندر: ليش ايش كان فيها
ساره: تعب بسيط والحمدلله هي احسن
ومع السوالف عرفت من بندر ان مشعل دق عليه يعزمه على العشاء وانهم كلهم معزومين
على العشاء في بيت مشاعل
بندر: سارونه قلتي لمشاعل عن موضوع الدكتور ؟
ساره: لا والله نسيت
بندر: انا محرصك انك تقولي لها وبعدين ساره ؟
ساره: قلت لك اني نسيت المهم بكره انشالله اقول لها
طلعت ساره غرفتها تنام
دقت عليها منال
منال : وينك اليوم مختفيه ؟
ساره: كنت مشغوله شوي
منال: وليد عندي يبيك
وليد: هلا سارونتي
ساره : هلا حبيبي
وليد : وحشتيني موووت
ساره: وانت اكثر
وليد يعاتبها: وينك اليوم كنت مره قلقان عليك
ساره: كنت والله مره مشغوله
سمعت خط جاها كان صالح اخو فهده يدق ودق دقه وقفل
ساره في نفسها" بعد دقه ويقفل الله يصبرني عليك لما اخلص من موضوع طلال"
وليد: الو
ساره انتبهت له: هلا معاك
وليد: وين معاي لي ساعه اكلمك
ساره: خلاص وليد بلا دلع
وليد : انا زعلان
ساره: آسفه
وليد: لا مايرضيني الا اني اشوفك
ساره : اوكي حبيبي اصلا مقدر ارفض لك طلب
وليد: ياحبيبتي سارونه بكره راح نطلع انا وماجد ومنال نتمشى ايش رايك تروحي معانا
ساره: اوكي
وليد: عمري بس نبيك تلبسي شماغ وثوب راح نطلع ندور
ساره حست بالإثاره: واو طيب ماعندي ثوب وشماغ من وين اجيب
وليد: ولا يهمك احنا راح نجتمع عند منوله واجيب معاي ثوب وشماغ لك
ساره :بس لحظه ابي سكسوكه
وليد :ههههههه ولايهمك ونحط لك شنب ابظاي بعد على قولة السوريين
ساره ماتت ضحك وتحمست مره: هههههه الله فله متى يجي بكره
تذكرت ان بكره اهل مشاعل عازمينهم : اووووه لحظه وليد بكره انا معزومه مع اهلي مقدر
وليد: خلاص ولايهمك راح نخليها بعد بكره عشان خاطرك




~ ~ ~ ~ ~ ~ ~ ~ ~


باقي اسبوع على زواج مشعل وماكان بين مشاعل ومشعل اي احتكاك كان يتحاشى
يكلمها او يسلم عليها كان ودها تروح تتكلم معاه عالاقل توضح الامور ماودها
يتزوج وهو زعلان عليها
كانت تلبس لأن اهل ساره راح يجوهم
اما سعود كان مشغول بالذبيحه اللي وصاه ابوه عليها طبعاً ذابحين قعود عشان رجعت
بندر بالسلامه كان بندر علاقته باخوان مشاعل رسميه نوعا ما نادر مايشوفهم بس
بحكم ان ام مشعل انسانه اجتماعيه كانت ماتترك احد الا عزمته وتعرفت عليه
دق موبايل سعود
سعود : هلا هنوفتي
الهنوف: ههههه ايش هالأصوات اللي عندك اصوات مبعات
سعود: ياعيني عالامبعات خليك حرمه وقولي خرفان
الهنوف: وليش عندك مبعات
سعود: رايح اصور معاهم اكيد رايح اشتري مبعه على قولتك
الهنوف: ايش تبي بالمبعه ؟
سعود: رايح اتعطر بريحتها يعني ايش ابي فيها ؟
الهنوف: ياي اكيد ريحتك الحين خرفان
سعود: الله ياهنوفتي اذا تزوجنا انشالله بروح سوق الغنم واجيك واضمك واقول لك احبك
الهنوف:هههههه اصلا ماراح ادخلك بيتي وانت بهالريحه
سعود: كويس اللي قلتي لي علشان مااكتب البيت باسمك انتي ماتنضمني
الهنوف: ههههههه ماقلت لي ايش تبي بالخروف
سعود: اليوم عندنا ضيوف
الهنوف: مين هالضيوف ؟
سعود: اخو صاحبة اختي توه واصل من السفر وعازمه الوالد
الهنوف: اها طيب اصحى تاكل من الخروف ترى ماحب اللحم
سعود: الا باكل لما اشبع تدري ايش احلى شي احب آكله بالخروف
الهنوف : ايش ؟
سعود يبي يقرفها : العيون امممم اموت فيها طعمها يجنن تحسينها تذوب بفمك
الهنوف : وووووع ياوسخ يامفترس باي طوط طوط
سعود مات ضحك على الهنوف : صدق البنات خكاريه هههههه
وحب يقهرها اكثر وارسل لها مسج
" حبيبتي ترى انا مقدر ارد عليك لاني الحين رايح اذبح الخروف بيدي وبعدين اصلخه
واتلذذ بشكل الدم امممم انه لذيذ "

~ ~ ~ ~ ~ ~ ~ ~ ~ ~ ~ ~ ~

كانت ام ساره وساره وام مشعل ومشاعل بمجلس الحريم
اما بندر ومشعل وسعود وابو مشعل جالسين بمجلس الرجال
ابو مشعل: الا بندر الماستر اللي اخذتها بأي مجال
بندر: ادارة اعمال
ابو مشعل: ماشالله وين ناوي تشتغل
بندر: انشالله اعمال حره لأني ماحب ارتبط بوظيفه وخاصة ان الراتب ماراح يعيشني
العيشه اللي انا ابيها حبيت ابدأ بأعمال خاصة فيني
مشعل: وايش نوع الاعمال الحره اللي ناويها يمكن نقدر نسوي لك دعايه ههههه
بندر: هههههه اذا دعايه مجانيه اوكي
ابو مشعل: هههههه اجل اذا بتتبع هالأسلوب انشالله كلها سنه وراح تطلع من
اشهر رجال الاعمال
بندر: اي اسلوب
مشعل : القعط (( البخل )) توك تبيني اسوي لك دعايه بدون فلوس
كلهم :ههه ههههه

~ ~ ~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

في مجلس الحريم
ساره بهمس: ميشو يسلم عليك اخوي بندر
مشاعل: يسلم علي انا ؟
ساره: ايه وذبحني كل يوم يسأل عنك
مشاعل استغربت: الله يسلمه
ساره: ترى شكلك سارقه اخوي
مشاعل استغربت غموض ساره : سارقه من اخوك ؟ ايش سرقت منه
ساره اشرت على قلب مشاعل: هذا
مشاعل انحرجت من مزح ساره الثقيل: سويره
ساره: اف مليت منك انتي وياه ماعندكم الا سويره اذا سأل عنك وماعطيته وجه يقول
سويره بلا بياخه انتي عارفه اني ما انام لحد مااسمع اي اخبار عن ميشو (( هذي زياده من
ساره ))
مشاعل انصدمت: ساره ترى هالمواضيع مافيها مزح
ساره : وربي ماامزح ذبحني كل يوم يسأل عنك شكلك راح تحرميه من العزوبيه
مشاعل انحرجت من كلام مشاعل
ساره سكتت لما دق موبايلها وكان اللي يتصل بندر استغربت ايش يبي وهو في المجلس
ساره : ميشو جبنا طاري القط جاء ينط هذا بندر دقيقه راح ارد عليه
ردت ساره على بندر
ساره: هلا بندر
بندر: وينك ؟
ساره: يعني ويني بالمريخ انا بنفس البيت اللي انت فيه والا فقدت الذاكره (( وطالعت
مشاعل بخبث لأنها حست انها جالسه تسمعها )) والا علشان انت في بيت حبيبة القلب نسيت الدنيا ))
مشاعل تأكدت ان كلام ساره مو كذب واستغربت ايش ممكن يخلي شاب مثقف ولسى راجع
من السفر والف بنت تتمناه يفكر فيها هي بالذات وتذكرت شكله لما كانت ساره توريها
صور لبندر كان وسيم ومافيه شي يعيبه
بندر: اقول ابو محمد لا تنسي الموضوع اللي قلت لك
ساره: مين ابو محمد اها عندك الرجال وماتبيهم يعرفوا انك تكلمني ماعلينا ايش
الموضوع اللي ماتبيني انساه
بندر: اي موضوع الله يهديك اللي اتفقنا انك تقوله للرجال
ساره عرفت قصده بس حبت تستهبل ترفع ضغطه: انا ماعندي رجال ماعندي الا ميشو
بندر: ايه هذا هو لاتنسى تقول له عن الموضوع اللي قلت لك عليه وقفل
ساره تتنهد : اااه ياحلو الحب
مشاعل : اي حب ؟
ساره: ابد فيه واحد داق علي وهو في بيتكم يبي يتطمن عليك
مشاعل: سويره تعالي نجلس مع خالاتي انتي ماعندك سالفه
ساره: ميشو ابيك بموضوع كلمني فيه بندر
مشاعل خافت ايش الموضوع اللي ممكن يربط بندر فيها: ايش ؟
ساره: ممكن نروح غرفتك




~ ~ ~ ~ ~ ~ ~ ~ ~ ~

كان بندر معاهم ومو معاهم يفكر بمشاعل وكان حاسد اهلها على هالبنت اللي تمنى انها
تكون معاه طول العمر حس انه وده يكسر الجدار اللي يفصلهم ويكحل عيونه بشوفتها




~ ~ ~ ~ ~ ~ ~ ~ ~ ~

كانت ساره ومشاعل بالغرفه
ساره: شوفي ميشو بندر موصيني اقول لك عن دكتور الماني مره كويس يقول انه رئيس
اطباء بمستشفى مشهور مره بالمانيا وان الدكتور مره شاطر وانه قريب راح يجي
هنا ويبي يحجز لك بندر عنه
مشاعل تفاجأت ليش بندر مهتم فيها لهالدرجه : بس غريبه ليش اخوك مهتم بهالموضوع
ساره : والله تبي الحقيقه مدري عنه بس ياميشو انتي اعز صاحبه لي ومقدر اخبي عنك شي حسيت اخوي لما شافك صار يهتم فيك اهتمام مو طبيعي لدرجه انه يسألني عنك اكثر من مره باليوم ومن فتره وهو قايل لي عن هالدكتور بس بصراحه انا نسيت المهم ايش
اقول له ترى ذبحني كل يوم يفتح معاي نفس الموضوع
مشاعل: ماتوقع ياساره لأن ابوي حجز لي عند دكتور وماودي اتشوش بين دكتورين
عموماً اشكري بندر اخوك بالنيابه عني وجد مدري ايش اقول لك انا مقدره له اهتمامه
بس آسفه انا عطيت ابوي كلمه
ساره : طيب ايش راح يضر لو استشرتي دكتورين ؟
مشاعل: سارونه انا آسفه بلغي اخوك اني مقدر سارونه مابيني وبين اخوك حاجه تخليني
اقبل بس جد انا شاكرة له
ساره انقهرت من مشاعل: ميشو لاتصيرين غبيه اعتبريني انا اللي عارضه عليك هالعرض
مو بندر معقوله ترفضي هالعرض عشان ماتعرفي بندر ؟
مشاعل: لا بس انا خلاص سفرتي بعد اسبوعين ماله داعي اعطي اخوك كلمه بعدين اسافر
ساره : عموماً انتي براحتك هذي حياتك وانتي حره فيها بس تذكري ياميشو ترى
العرض موجود اذا تبي اي وقت اقول لبندر من عيوني




~ ~ ~ ~ ~ ~ ~ ~ ~


بندر كان مع امه وساره بالسياره
بندر: هاه سارونه قلتي لمشاعل عن الموضوع اللي قلت لك
ساره: اها
بندر: طيب ؟ وبعدين ايش قالت ؟
ساره: رفضت
بندر تغيرت ملامحه: ليش ؟
ساره: تقدر تسألها بصراحه تعبت وانا اقنعها تقول ماله داعي لأن ابوي راح يوديني برا
اتعالج
بندر: بس ماراح يضرها انها تكشف عنده
ساره: والله ايش اسوي لها تعبت معاها


~ ~ ~ ~ ~ ~ ~ ~ ~ ~ ~ ~ ~ ~ ~

مشاعل كانت بغرفتها تفكر بكلام ساره واهتمام بندر المفاجئ بها غريبه ايش اللي خلاه
يفكر فيها كانت صاحبة ساره من كانوا صغار ايش معنى الحين يهتم فيها
مشاعل بنفسها " وين راح تفكيرك يامشاعل اكيد الإحساس اللي يحس به الشفقه انا
بالنسبه له بنت تحتاج مساعدته ومستحيل اسمح لأحد يشفق علي مستحيل وين راح
تفكيرك يامشاعل ممكن تتخيلي انك تنحبي او تحبي مستحيل احب لأني مقدر اشوف
الانسان اللي راح احبه ومستحيل اني انحب لأني ببساطه مقدر اقدم للإنسان اللي يحبني اي
شي كيف خطر على بالي انه ممكن يكون معجب فيني "


~ ~ ~ ~ ~ ~ ~ ~ ~ ~ ~ ~ ~ ~ ~

في بيت ساره
ساره كانت في غرفتها تكلم صالح
ساره: اقول صلوحي ودي اطلب منك خدمة
صالح: يلعن ام اللي مايسويها لتس انتي اطلبي بس
ساره: حبيبي فيه واحد يهددني انه راح يفضحني عند اخوي
صالح عصب: وينه عطيني مكانه وانا اوريتس فيه اذا ماشوهت وجهه ماكون صويلح
ساره: لالا انا مابي اشوهه ابي ادخله السجن
سكتت تنتظر ردة فعل صالح
صالح: ايش تبي القضيه بس قتل , مخدرات , سرقه , اشري بس
ساره ماتوقعت انه مجرم لهالدرجه علشان كذا لما فهده تجي الجامعه وجسمها ازرق اكيد من
ضربه باين عليه متوحش ومجرم زين اللي ماقتلها للحين
ساره: لا ابيه يدخل السجن بقضيه مخدرات
صالح: ايش سيارته ؟ ووين القاه
ساره: شوف انا راح اوصف لك المؤسسه حقته واقول لك السياره وعليك الباقي
صالح خاف: عنده مؤسسه
ساره خافت صالح يغير رايه: لا لا مو مؤسسته هو يشتغل فيها
صالح: وايش سيارته ؟
ساره: بنتلي
صالح: ايش بنتلي ذي ؟
ساره: نوع من انواع الروز
صالح: روز من هذا الولد اذا كان ولد ناس فكينا ترى انا مو قد عيال الناس
ساره كانت تعطيه جوه : لا انت قدهم لاني اعرف انك رجال وقدها ولو عندي شك
برجولتك ماطلبت منك هالطلب بعدين هو مو ولد ناس ولاشي اما السياره صاحب
المؤسسه هو اللي عطاه هالسياره
صالح: حلو طيب وين مكان المؤسسه ومتى نبدا الشغل ووين البضاعه
ساره: صلوحي ودي انت تدبر لي البضاعه وترى ماعندي الا 2000 يعني دور لي شي على
قد المبلغ اللي معاي
صالح: ولا يهمك انشالله بكره بالليل ارد لك
ساره: خلاص اتفقنا لاتنسى لأني هالإسبوع ابي كل شي خالص
سكتت لما سمعت احد يطق على باب غرفتها
ساره: مين
بندر: انا بندر
ساره بهمس: اوكي صالح بكره اكلمك اخوي جاء
فتحت الباب لبندر
بندر: مانمتي
ساره: لا لسى
بندر: سارونه كنت ابي اكلمك شوي
ساره : تعال ادخل
دخل بندر وبدوا يتكلمون على موضوع السفره لايطاليا
بندر: انا ماتوقع اروح معاكم هالصيف
ساره: ليش بندر
بندر: يعني اشغال
ساره: حرام بندر والله وناسه تعال معانا
بندر: يمكن الحقكم بعدين
ساره: ياليت بندر حسافه ماتجي معانا
بندر بتردد: سارونه كنت بسألك عن مشاعل
ساره تطالعه بتفحص : ميشو ايش فيها
بندر: لو .... امممم .. ماعرف شلون اقولها لك ... بس ممكن اكلم صاحبتك مشاعل
ساره انصدمت من جرأة اخوها : بندر ترى انت جالس تتكلم عن صاحبتي ؟
بندر: لاتفهميني غلط انا مو قصدي ان يكون بيننا علاقه انا ودي اقنعها بموضوع الدكتور
بصراحه متضايق علشانها ومو قادر انام
ساره : بس بندر ماتوقع ترضى تكلمك بعدين هي ماعندها موبايل كيف راح ادق عليها
بندر: طيب بكره كلميها وقولي لها اني ابي اكلمها حاس اني اقدر اقنعها
ساره بنظره خبث : بندر متأكد انك تبي تكلمها بس علشان الدكتور
بندر ارتبك: ساره ترى ماحب هاللهجه


~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

كانت ساره تلبس لانها راح تطلع مع منال ووليد وماجد يتمشوا خافت من بندر لأنه اكيد
راح ينشب لها مثل كل مره يشوفها طالعه
وحمدت ربها انه ماكان موجود استأذنت من امها وطلعت
وهي في الطريق لبيت منال قررت ترحم حسين وترد على مكالماته
حسين: سارونه والله انك بايخه انتي عارفه اني قلقان على ميشو ولا تردي علي
ساره: ايش تبيني اسوي ماعندي الا انت ؟
حسين: سارونه تكفين خليها تكلمني اليوم
ساره: ميشو اكتشفها اخوها مشعل انها تكلم طلال
حسين منصدم: شلووون ؟
ساره: كانت كاتبه لي رساله لما كانت في المستشفى ومن ظمن الرساله مذكور اسم طلال وطبعاً قراها مشعل
حسين: مسكينه وايش سوت ؟
ساره: اخوها صار يشك فيها مره
حسين: طيب طلبتك سارونه روحي عندها ابي اسمع صوتها
ساره: انا مشغوله انشالله بكره امرها
حسين: وعد
ساره : انشالله
ووصلت ساره لبيت منال وشافت السياره اللأي يأجروها وليد وماجد داخل البيت وكانت مظلله
كلها
دخلت وقالت لسواقها يمرها 12 بالليل
لما دخلت لقت وليد ينتظرها
وليد: هلا والله بحبيبة قلبي
ساره استحت: هاي حبيبي
منال تطل على ساره وكانت لابسه ثوب وكان ماجد مشغول يرسم لها السكسوكه
ماجد : ياحماره قلت لك لاتتحركي كذا ماراح اضبطها لك
منال: طيب لاتصارخ
ساره ووليد : هههههه
وليد يبتسم : هاه حبيبتي مستعده للتنكر
ساره مستحيه: اوكي
وليد عطاها ثوب: اكيد راح يكون كبير وطويل عليك بس مشي الحال انتي ماراح تنزلي من
السياره
ساره: اوكي ثواني
دخلت غرفه وغيرت وطلعت لهم وهي بالثوب بس كانت متعذبه مو عارفه تلبس الشماغ
منال : الله شكلك خطير
ماجد: اي خطيره تذكرني بالأولاد اللي اول مره يلبسوا شماغ ههههههه
وليد: لو سمحت لاتغلط على حبيبتي
ماجد: مالت عليك انت وحبيبتك زي منوله مافيه
ساره: ايه مره خاصة اني لما شفتها بذاك اليوم بغيت انجن من قبحها
منال: قبح بعينك نشوف اليوم من يرقم بنات اكثر انا او انتي
ساره: اوكي تحدي
منال: تحدي
ماجد: اسمعوا اللي منكم ترقم لي بنات اكثر بعزمها عالعشاء
منال طلع من خشمها نار من التعصيب: مااجدوه
ماجد: امزح بسم الله
جلست ساره عشان تسمح لوليد انه يرسم لها شنب ابظاي ع قولته وسكسوكه
ساره: وليد مابي سكسوكه ابي تسوي لي ديرتي فيس
وليد: هههههه انشالله
كانت مرتبكه لقرب وليد منها وتمنت انه ينتهي بسرعه





مشاعل كانت في الصاله لوحدها جالسه لأن ام مشعل معزومه عند وحده من الجيران اما
ابوها كان طالع وسعود ع قولته طالع يشوف الهنوف اما مشعل كان بغرفته كان
يتحاشى يجلس معاها تشجعت تطلع له غرفته تعتذر منه
وصلت غرفه مشعل طقت الباب
مشعل: نعم
مشاعل : مشعل ممكن تفتح ابيك شوي
مشعل فتح الباب وكان ساكت
مشاعل: مافيه تفضلي ؟
مشعل: الباب مفتوح اذا تبي تدخلي ادخلي
مشاعل: مشعل ماعرف ايش اقول لك ولاادري من وين ابدأ لكن انا ماجيت انكر اللي
قريته انا جايه افسر لك واشرح لك الكلام اللي فالرساله وجيتي لك وتفسيري له
سببين (( وسكتت ))
مشعل: ....
مشاعل: ماتبي تسألني ايش السببين ؟
مشعل: انا اسمع اذا تبي تتكلمي
مشاعل عرفت انه مو رايق بس هذي فرصتها الوحيده علشان تكلمه لأن مافيه احد بالبيت
مشاعل: السبب الاول اني ابي اصارحك علشان زواجك قريب ومابيك تروح وانت زعلان
مني اما السبب الثاني فلأني احبك وانت اخوي ومن حقك اني افسر لك اللي صار
مشعل: ......
مشاعل: مشعل انا فعلاً كنت اعرف واحد اسمه طلال بس مو بالشكل اللي انت تتخيله
يعني ماكان بينا شي ممكن يخليك تخجل من اني اكون اختك مشعل كانت علاقتنا بريئه
كانت علاقه حب بس ماتتعدى التلفون صدقني يامشعل حتى طلال ماكان يطلب مني
انه يشوفني مشعل صدقني انا ندمانه قد شعر راسي عاللي سويته واظن انت تشوف
بعينك ايش صار لي وهذا سبب كافي علشان مافكر أرجع لطلال
مشعل:كيف عرفتيه
مشاعل: اعطاني الرقم
مشعل : ومن متى تاخذي ارقام ؟
مشاعل: اول مره واخر مره (( كنت تبي تهدي الوضع ماتزيده سوء ))
مشعل: وايش اللي خلاك تاخذيه
مشاعل: مشعل يمكن كنت احس بالوحده يمكن احساسي بالطفش مدري يامشعل بس المهم اني كلمته بس صدقني هذي اخر مره افكر اني اكلم فيها وترى مو سهل علي اني اجي لحد عندك واعترف لك بس اتوقع اللي صار لي يخليني افكر الف مره قبل اكلم اي واحد
مشعل: وليش حاولتي تنتحري ايش سواء لك ايش الشي اللي سواه وخلاك تفقدي الأمل
بالحياة
مشاعل : لاتخاف يامشعل ماصار شي من اللي تفكر فيه بس انا كنت (( وسكتت ))
مشعل: كنتي ايش ؟
مشاعل حاولت تمنع دموعها بس كانت دمعه اقوى من ان تحبسها : مشعل انا كنت احبه
وانصدمت لما عرفت انه يكذب علي وصدقني هذا الشي الحلو بعلاقتي فيه لأني عرفت
ان مافيه شي بالدنيا اسمه حب وهالشي راح يخليني مافكر اتعلق او اتعرف على احد
مشعل ابيك تتزوج وانت متطمن ان اختك مستحيل تغلط نفس الغلطه وانا اشكرك يامشعل انك ماطلعت الموضوع
كانت راح تطلع من الغرفه بس قبل ماتطلع وقفت وقالت له وهي معطيته ظهرها :مشعل الله يخليك سامحني لاتحسبني مو ندمانه على اللي صار انا خسرت اغلى ماعندي يامشعل
وانتم نايمين انا مايهنالي النوم كل يوم اتذكر اللي صار وتهوري وابكي عيوني اللي
خسرتها كل لحظه وكل دقيقه لاتزيد يامشعل همي هم وتركته واتجهت لغرفتها بس كانت يد مشعل اسرع ومسكها







كانوا مشغلين اغنيه احلام اقسم لك بربي قسم
وكانوا فالينها رقص وكان وليد هو اللي يسوق ومعاه ساره قدام اما ماجد كان ورى وجنبه
منال وكانت السياره مظلله اما الناس اللي برى السياره كانوا يشكوا ان في السياره
حفله دي جي لأنهم مايشوفوا الا السياره تهز ويسمعوا صوت الأغاني مع ان الشبابيك
مسكره شلون اللي جوا السياره مستحملين الصوت
ساره كانت فالتها من جد مافيه الا قوة رقص كانت منهبله وحطت موبايلها عالسايلنت علشان محد يزعجها
وليد يبي يشجعها : ورى عااشت سارونه
وهي ترقص من جد متحمسه ومافيه الا هز بالشماغ
وليد: عاااشت العب العب
وعلى هالوضع لما وقفوا عند سيارة جمس مليانه بنات
ماجد: يللا بنات كل وحده تفتح شباكها ونشوف مين منكم راح ياخذوا رقمها
كان مع ساره معروض مكتوب فيه رقم خاص لساره (( رقم الغزل ))
اما منال فكان معروضها عباره عن رقم وهمي
فتحت منال شباكها الي ورى وطالعت البنات بنظره مسويه بتدوخهم ورفعت المعروض
وكانوا البنات يطالعوا بقرف
ساره : اقول قفلي شباكك لاتنحشي البنات وشوفي انا ايش راح اسوي
ماجد ووليد: هههههه
فتحت ساره شباكها ومسويه انها بروس ويلس على غفله
لما طالعوها البنات كانوا مشككين بوضعها كأنها بنت وكأنها ولد واخذوا رقمها ودقوا
عليها على طول وهم بالإشارة
البنات: الو
ساره: هاي
البنات ماتوا ضحك: والله كنا شاكين انك بنت
ساره: ههههه هاه كيف اصلح ارقم
البنات: تجنني
الإشاره فتحت وكان واحد يضرب بوري لوليد عشان يمشي لأنه ساد عليه
سوت حركه سارة انصدموا منها وليد وماجد ومنال ماكانوا يتوقعوا انها بتصير جريئه
لهالدرجه
طلعت راسها من الشباك وصرخت عالي يضرب بوري وبصوت خشن : ياحمار لاتضرب
بوري ازعجتنا
وليد وماجد ومنال : ههههههههه

[●● شيخة ♥ الغــيد ●●]

مشعل: مشاعل سامحيني انا المفروض ماضغط عليك وانا عارف ظروفك مشاعل انا
اثق فيك وادري انك لما تقولي كلمه تكوني قدها مشاعل انا راح انسى كل اللي صار بس
ابيك توعديني انك ماتفكري تسوي هالشي مره ثانيه وتنسي واحد اسمه طلال
مشاعل : لو فكر او حن هذا (( اشرت على قلبها )) هذي ماراح تنسى تكره (( اشرت على عينها ))




ساره : اف خلاص شباب ملينا الساعه 11 وسواقي راح يجي 12 خلونا نرجع
منال: يوه سارونه بدري
ساره: اي بدري اخوي دق علي مليون مره واخاف الحين انجن
وليد: ماعليك منهم ثواني ونكون بالبيت
واتجه وليد للبيت وكان شارع التحليه مررره زحمه
ماجد: ياغبي كان رحت مع طريق الملك عبدالعزيز اقل زحمه
وليد: ياخوي انا كنت بروح مع طريق الملك فهد ,, ومالي الا هالشارع علشان اوصل له
ماجد: يووووووه ايش هالزحمه شكل الإشارة خربانه
وليد: دقيقه خلني اشوف مخرج مع الحاره
ماجد: لامافيه مخارج خلاص مافيه الا بعد الإشاره
انتظروا 10 دقايق وهم في وسط الزحمه وكانت ساره مرتبكه لأنها تأخرت وخافت السواق
يوصل قبلها
وليد: الحمدلله بدت تخف الزحمه (( وسكت لما شاف شي قدامه ))
وليد :يا الله تفتيش مو وقته ابد
ماجد: يالله الحين راح ينزلونا ويقولوا فكوا التضليله
ساره خافت: ليش ينزلونا وايش دخل التضليله
وليد: لأن التضليل ممنوع
ساره: طيب ايش راح يسوي لنا ؟
وليد: ولا شي بس بيكتب مخالفه ويقول فكوا التضليله
ساره: وانشالله هالتضليله متى تنفك
وليد: لاتخافي حبيبتي ماراح تاخذ اكثر من 10 دقايق وانشالله مايقول لنا فكوها يكتفي
بالمخالفه
واخيراً وقفوا عند التفتيش طمرت ساره وراء وجاء ماجد قدام
الضابط : افتح الشباك
وليد: سم طال عمرك
الضابط: ليش مضلل انت ماتدري ان التضليل ممنوع
وليد: اسفين طال عمرك انشالله اليوم افكها
الضابط: انزل فكها الحين
وليد: ياطويل العمر انا مستعجل الوالد تعبان بالبيت وبروح له واذا شفت السياره مره
ثانيه مضلله راح انزل افكها
الضابط: لك ساعه تدور هنا وتو ابوك يمرض هات الرخصه والإستماره
ماجد تدخل: طال عمرك خلنا نمشي وانشالله راح نفكها اوعدك
الضابط يتجاهل ماجد : انت هات الرخصه والإستماره
هنا وليد طلع رخصته وعطاها الضابط
الضابط : الإستماره
وليد عطاه الإستماره
الضابط: بعد السياره مستأجره ومضللينها بعد انزل فك التضليله
وليد حب يقصر الشر ونزل يفكها
الضابط يكلم ماجد : البطاقه
ماجد طلع بطاقته للضابط ولما شافها : انزل فك التضليله معه
نزل ماجد لأنهم يبوا يرجعوا بسرعه عشان ساره
ساره كانت تحس دقات قلبها مثل الطبول من الخوف خاصة لما شافت راس الضابط يطل
عليها ويقول لها : انت عطني البطاقه
منال خافت ينكشفوا وحاولت تغير صوتها وكأنها رجال : ياطويل العمر نسينا البطاقه بالبيت
الضابط يطالعهم بتفحص : وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره اشواااا مااستقعد
وفجأة فتح الضابط باب السيارة اللي ورا مكان ماكانوا جالسين ساره ومنال وقال لهم شي
خلى ساره ودها تموت الحين
ايش قال لهم الضابط ؟؟؟؟
وايش راح يصير على ساره ومنال ؟؟؟

[●● شيخة ♥ الغــيد ●●]

الجزء السابع عشر
~ ~ ~ ~ ~ ~ ~ ~ ~ ~



الضباط قال لهم : انزل انت وياه بسرعه
والتفت للضابط اللي واقف جنبه وقال لهم : ياسعد خذهم للقسم
منال بصوتها الطبيعي : لو سمحت احنا مو عيال احنا بنات ممكن تخلينا نمشي
ساره انصدمت ان منال اعترفت انهم بنات بس على الأقل يمكن يغير رايه هالضابط النشبه
لما يعرف انهم بنات
الضابط : واذا انتي بنت ليش متنكره ؟
منال: احنا طالعين نتمشى وعلشان محد يضايقنا لبسنا ثياب
الضابط : اكيد انتم من شبكه ارهابيه علشان كذا متنكرين
ساره ماتت خوف: ايه ارهابيين الله يهديك والله اني اخاف من ظلي ,, الله يخليك خلنا
نروح الله يوفقك
الضابط : النقيب هو اللي يحدد اذا ترجعو بيتكم او تنامو في السجن
ساره حست ان بيجيها جلطه : وين النقيب اكلمه
الضابط : في قسم الشرطه والتفت للضابط وقال له شي ماسمعته منال وساره
فجأة ركب الشرطي (( سعد )) بسيارة ماجد ووليد بمكان السواق وقفل الأبواب علشان
مايطلعوا منال وساره ,, وحرك السياره
ساره : تكفى الله يخليك نزلنا والله راح اعطيك اللي تبي
الشرطي: .....
ساره تصارخ : يارب تدخل الجنه نزلنا الله يخليك الله يستر عليك والله اخوي راح يقتلني
منال: اسمع لو نزلتنا بعطيك الفيزا حقتي فيها 100,000
الشرطي: ......
ساره تبكي : كله منك يامنال ياويلي من بندر
منال: يعني انا اللي امي بتضحك وتبسط (( رجعت تكلم الشرطي )) طيب اسمع علي ساعه انا وصاحبتي لو بعتهم راح تجيب لك مبلغ حلو
ساره : تخيل اخواتك هم اللي صار لهم هالموقف الله يخليك نزلنا تكفى
وقف الشرطي عند القسم ونزل وقفل عليهم السياره
منال : انشالله يجي النقيب حقهم ويرحمنا خلاص لاتبكي ياساره
ساره تبكي : يارب
التفتوا على دوريه جت ووقفت ونزل منها نفس الضابط اللي مسكهم وكان مركب وراء
وليد وماجد ونزلهم هو وضابط معاه واختفوا جوا القسم
منال : اقول ماتعرفي احد في الشرطه يطلعنا من هالمشكله
ساره عصبت : انتي اللي طيحتينا بهالمشكله انتي اللي طلعينا منها
منال: انا ماضربتك ع يدك انك تجي معاي جيتي بكيفك





مشعل : طيب ايش رايك ميشو اعزمك عالعشاء في المطعم اللي تحبيه
مشاعل : بس الوقت متأخر
مشعل : ليش راح تنامي ؟
مشاعل : لا
مشعل : طيب ثواني اجيب لك عبايتك
مشاعل : لاا خير تبيني اطلع ببيجامتي ؟
مشعل: طيب لاتطولي
مشاعل طلعت غرفتها تغير ملابسها علشان يروحوا يتعشوا



سعود كان في مطعم قلوب Globe بالفيصليه مع الهنوف
الهنوف : اسمع ترى ابي زياده كروت لزواج اخوك مشعل
سعود : اعطيتك 5 كروت مين راح تعزمي بعد
الهنوف : راح اعزم نوره صاحبتي و روان
سعود : الله يعين بدبر لك من امي مع انها بغت تذبحني لما طلبت منها
الهنوف : اطلبها من مشاعل
سعود : مشاعل اكيد اعطتها صاحباتها
الهنوف : مالي شغل فيك دبر نفسك
سعود : انشالله طال عمرك بس تلاحظي اني عازمك على العشاء علشان اسمعك كلام حلو
واسمع منك ايش كثر تحبيني مو نتكلم بالكروت ومين راح تعزمي الهنوف خليك رومنسيه
ولو مره بحياتك
الهنوف ماهتمت ونزلت عينها تشرب العصير اللي بيدها ولما رفعت عينها لقت سعود
يطالع بطاوله وراها وطبعا هي ماتقدر تشوف مين يطالع لأن الطاوله اللي يطالعها وراها
التفتت تبي تشوف مين يطالع
ولقت بنتين حلوااااات وحده منهم ملامحها هنديه نعووووومه
انجنت الهنوف خاصة ان البنات كانوا ياكلوا سعود بعيونهم معذورين كان سعود مملوح
وكأنه عصفور
الهنوف قطعت عليه نظراته اللي ماقدر ينزلها من هالبنت الحلوه : سعودوه هذا وانا معك اجل
اذا لوحدك ايش راح تسوي ؟
سعود خاف : هنوف ايش فيك لايروح تفكيرك لشي غبي ايش هالأفكار المجنونه
الهنوف قامت : اخليك معاها احسن لك ولها وخذ راحتك
سعود : هنوف لاتصيري طفله
الهنوف : انقلع عن وجهي
ومشت وخلته ووقفت ع طاولة البنات وقالت لهم : صدق شفاحه كأنكم ماشفتوا شباب قبل
اعصابكم اكلتوه بعيونكم جعلها العمى انشالله
كانوا البنات يطالعوها باحتقار وقالت لها وحده منهم : يااااي low class
البنت الثانيه : she is crazy
الهنوف مافهمت شي عبالها البنات اجانب وطلعت وخلتهم
سعود كان يطلب الحساب يبي يلحق ع هالمجنونه صدق الحياة معاها مستحيله عشان نظره
سوت كل هذا شلون راح يعيش معاها باقي عمره
انتظر وقت طويل لحد ماجابوا له الحساب قال بنفسه اكيد انها وصل للبيت دفع
الحساب واتجه للبنات اللي جالسين قدامه وعينه مانزلت عن البنت اللي كانت ملامحها هنديه
سعود : انا اسف عاللي صار بس هي اعصابها تعبانه اعذروها
البنت : no problem بس هي دايما كذا ?
سعود : لا اعصابها تعبانه وانا اعتذر بالنيابه عنها
البنت ابتسمت لسعود ابتسامه خلته ينسى شي اسمه الهنوف : really we are not angry
بس حرام واحد like you يتعرف ع بنت همجيه like her
سعود حس ان البنت صادقه مو معقوله تتهجم عالناس بس لأنه طالعها
سعود في نفسه " ايش هالأسلوب ياتتكلم عربي يا انقليش مسويه تعرف انقليش وكأنها مخترعه
الذره "
سعود : اوكي عن اذنكم
البنت : اوكي معك لمو واتشرف اني اتعرف عليك
سعود انصدم ايش تبي فيه وهي ملكه جمال الف واحد يتمناها : مشكوره اختي بس انا خاطب
وراح وتركها
وهو في الاصنصير نازل تحت فكر في البنت ايش كثر هي حلوه واستغرب كيف قدر
يقاومها اكيد ان الهنوف تعني له كثير عشان يترك وحده بهالجمال

~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

شافوا تقريبا خمسه ضباط طلعوا من القسم متجهين لسيارتهم وواحد فتح الباب لهم
الشرطي بعصبيه : انزلي انتي وياها بسرعه
ساره تبكي : الله يوفقك الله يخليك اتركنا نروح والله اهلي راح يقتلوني
الشرطي: الحين الله يوفقك واهلي واهلي ليش ماتذكرتي اهلك لما فكرتي تطلعين مع
شباب هاه والا بس الحين يجي الضمير
ساره كانت تقاوم ثنين كانوا يجبروها تنزل من السياره ونزلوها بالقوه اما منال بعد
ماشافت اللي صار لساره نزلت بكرامتها دخلوا ساره بغرفه وقفلوا عليها اما منال
دخلوها بغرفه ثانيه وقفلوا عليها
كانت ساره تدعي ربها انه يستر عليها وتذكرت انها طلعت قبل صلاه العشاء وانها
ماصلت ندمت لأنها ماذكرت الصلاه الا وقت الشده والا لما كنت تستهبل وكانت مبسوطه
نست موضوع الصلاه تذكرت انها ماتوضت
طقت الباب عليهم لما دخل عليها ضابط : خير انشالله ايش تبي ؟
ساره : ابي اتوضى بصلي
الضابط : انثبري بس الحين ذكرتي ربك هاه
وقفل الباب ورجع لمكان ماجاء منه
اما منال كانت تبكي ماتدري ايش راح تكون ردة فعل امها لما تعرف اكيد راح تمنعها
من الطلعات اكيد راح تاخذها معاها وين ماتروح
في غرفة النقيب : عطني اسماء البنات اللي معاك بسرعه
وليد : ماعرف اسمائهم
النقيب : تستهبل ياحمار
وليد : صدقني ماعرف البنات يمكن كذبوا علي باسمائهم
النقيب : تعال ياسعد ارميه بالحجز لما يتكلم وهات الكلب الثاني
لما دخل ماجد وسأله الضابط عن اسماء البنات
ماجد: وحده اسمها منال الـ... والثانيه ساره بس مدري ساره ايش لأنها خوية صاحبي
تكفي ياطويل العمر انا جاوبت على كل شي سألتوني عنه خلاص طلعوني
النقيب : عبالك انك بتطلع كذا لا راح ندق على ابوك يجي يستلمك
ماجد: ياطويل العمر انا عمري 25 يعني كبير ليش تجيب ابوي
النقيب : تعلمني بشغلي ياكلب سعد ارميه في الحجز لما بكره نشوف موضوعه





مشاعل كانت مع مشعل بالسياره متجهين لمطعم الريف الايطالي والمفضل عند مشاعل
دق موبايل مشعل وكانت اللي متصله نجود زوجة مشعل وكان مشغول بالسوالف معاها
وشغل اغنيه وائل جسار مشيت خلاص
كانت مشاعل متغطيه اعجبها لحن الاغنيه واللي اول مره تسمعها ماكانت تحب وائل
جسار مره بس بعد ماسمعت كلمات هالاغنيه تمنت تقول لمشعل الله يخليك سكرها
كانت كل كلمه تذكرها بطلال
كيف بهالسهوله قدر يتخلى عنها شلون طاوعه قلبه يسوي فيه كذا وهو عارف انها مجنونه
فيه حست بفراغ كبير تركه طلال بحياتها مافكر كيف راح تكمل حياتها بدونه
تذكرت كيف كانت تلعب بمشاعر الشباب وكيف جاء شخص يلعب بكل احاسيسها وكأنها
لعبه سهل تحريكها بالنسبه له حست بحنين غريب له حنت لأيامها معاه كانت في
اقوى مراحل الحب كانت تتجنب التفكير فيه هالايام وتظن ان خيال طلال اختفى بس
للأسف من بعد ما شي بسيط ذكرها بأيامها معاه وهالشي مجرد اغنيه حست بحنين يقتلها
كان نفسها تشوفه نفسها يبرر لها اللي سواه يمكن تلقى مخرج تسامحه فيه تتمنى يبرر
لها اي تبرير وهي راح تسامحه تخيلت نفسها معاه من جديد مع انها ماتقدر تشوفه بس
احساسها انه جنبها احيا الفرحه بقلبها وتذكرت انه مافكر حتى يكلمها يتطمن عليها
يالله ايش كثر هالإنسان حقير وممثل بارع حطت راسها ع الشباك وسبحت في بحر
افكارها ونزلت دمعه محبوسه من فتره والدمعه هذي جرت وراها الاف الدموع
كانت تحلم ان طلال هو اللي جنبها وماسك يدها ويسمعها احلى كلام الحب
صحت ع صوت مشعل : ميشو نمتي ؟
مشاعل رفعت راسها : لا مشعل معاك
مشعل : لي ساعه اكلمك يللا حبيبتي وصلنا المطعم



بندر كان حالته مو اقل من حالة مشاعل كان غرقان بالحب بس للاسف حب من طرف
واحد ع قولته كان يفكر بمشاعل مشاعل اللي من رجع وهو مايفكر الا فيها حتى انه
رفض يسافر مع اهله لأنه يبي يتطمن عليها ويعرف ان العمليه نجحت كان خايف عليها
يبي يشوفها سعيده يمكن لما تنجح عمليتها تجيه الجرأة انه يخطبها قبل كان يخاف
من شي اسمه زواج كان يخاف من الطلاق لأنه يحس انه اكيد راح يفشل بس لما شاف
مشاعل تكسرت كل القواعد اللي بناها وكل افكاره تغيرت مشاعل بالنسبه له الفرحه
نفسه يتجرأ ويكلمها بس لو دق عليها اكيد ماراح تستقبله ولا تفكر تكلمه يكفي انها ماقبلت
منه مساعدته لها اكيد هالبنت عندها كرامه مو طبيعيه كرامه تخليها ترفض مساعده
ممكن تسعدها كل هذا علشان كرامتها اكيد مستحيل راح تقبل انه يكلمها حتى لو فكر
يخطبها اكيد راح ترفض بس ليش مايحاول



انفتح الباب وكان شرطي رمى عليها عبايه وطرحه
الشرطي: البسيها يللا النقيب يبي يشوفك
لبست عبايتها بسرعه على امل ان النقيب يكون احن شوي من هالوحوش
دخلت عليه وكان مشغول باوراق بيده بعد ماخلص وبدون مايرفع عينه
النقيب : ايش اسمك ؟
ساره : ريم
النقيب : نلعب احنا اسمك الرباعي
ساره توهقت : ريم فهد خالد الـ.... (( عطته اسم ماتدري فيه وحده بهالأسم او لا ))
كتب الاسم وعطاه الضابط الي جنبه : خذه دخله بالجهاز وشوف الاسم وتأكد اذا ماعليها
قضايا
ساره انصدمت قضايا ليش صارت من المجرمين : اي قضايا شايفني مجرمه
النقيب طالعها بنظره حاقده : اسكتي ياحقيره لو فيك خير ماطلعتي مع شباب وياويلك لو
يطلع الإسم كذب لأن صديقتك اللي قبل عطتنا اسم وهمي والحين بكلم لها السجانه توديها
سجن النساء
ساره انجنت معقوله يسويها ويوديها سجن النساء " لا ساره لاتكوني غبيه هو يحاول يخوفني
علشان اعطيه اسمي الحقيقي "
ساره : انا عطيتك اسمي الحقيقي وماعندي غيره
انتظرت يجي الضابط الثاني اللي راح يتأكد من اسمها وبعد دقايق رجع
الضابط : طال عمرك مافيه اسم عالكمبيوتر
النقيب طالع ساره بنظره تخوف كلها حقد: يعني ماتتوبين انتي وخويتك طيب دواك عندي
ساره خافت ايش راح يسوي
اخذ التلفون يكلم : الو, هلا ام غازي عسى ماصحيناك من النوم ههههه
مايخالف هذا شغلك اقول ابو غازي عندك ؟ حلو طيب تعالي معاه عندي بنتين
ابيك تسلميهم سجن النساء ههههههه ,, ايش نسوي مالنا الا انتي ههههههههه
يللا ننتظرك
ساره : لالالا الله يخليك والله بعلمك كل شي بس لاتسجنوني
النقيب: خلاص انا عطيتك فرصه
ساره: الله يخليك خلاص والله لاقول كل شي بصدق واذا كذبت اسجني وقولها تجي الله
يخليك قول لها لاتجي الله يخليك


~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

منال كانت تحاول تدق ع صاحبتها سحر بس خافت يدخل عليها احد وياخذ موبايلها
منال بهمس : الو
سحر : هاي منوله
منال : الحقيني سحر انا في الشرطه مسكوني مع ماجد ووليد
سحر خافت : يا الله معقوله وينك الحين
منال : حابسيني بغرفه المهم بليز دقي على خالد انتي تعرفي انه ولد ناس واكيد يقدر يطلعني تكفين سحر سوي شي
سحر: اوكي خليني الحين اروح اكلمه
وقفلت على امل ان سحر تجيب لها واسطه وتطلعها من هنا بدون ماتدري امها




مشعل و مشاعل انتهوا من العشاء واتجهوا للبيت وفي الطريق
مشعل : هاه ميشو كيف نفسيتك مع قرب العمليه ؟
مشاعل : الله يكتب اللي فيه الخير مشعل انا خايفه ماتنجح
مشعل :لاانشالله تفائلي بالخير انشالله يرجع نظرك احسن من اول
مشاعل : لامابي احسن من اول يكفيني اني اشوف حتى لو بدون الوان
مشعل : هههههههه , قديمه انتي اسود وابيض
مشاعل: هههههههههه
مشعل : ميشو وين موبايلك انا دقيت عليه امس ولقيته ملغي
مشاعل : ايه نسيت اقول لك ضاع مني قبل فتره والغيت الشريحه
مشعل : اذا الموضوع كذا انا راح اطلع لك رقم من اي شركه تبي ؟
مشاعل : لا يامشعل ماله داعي جد انا مااحتاجه وين اطلع
مشعل : لا بس احنا نحتاج انه يكون معاك موبايل خاصة اذا طلعتي
مشاعل : تسلم مشعل بس جد ماودي اتعبك





التلفون كان يدق رد عليه الشرطي : سم لحظه (( يكلم النقيب )) طال عمرك فيه واحد
يبيك
اخذ التلفون النقيب : الو ,, سم ,, ايه ,, بنتين ,, اهااا
ساره حست ان الموضوع يتعلق فيها وفي منال لأنه كان يطالعها
النقيب يكلم : اسف مقدر اخدمك بهالموضوع انا ماعندي مانع اطلعهم بس يجون اهلهم
يستلمونهم اسف مقدر اطلعهم ع مسئوليتي انشالله اخدمك بشي ثاني تامر شي ,, مع
السلامه
ساره حست انها راح تموت اكيد اللي اتصل يحاول يطلعهم بس هالنقيب عنيد وراسه يابس
طالعت ساعتها كانت 2 الليل اكيد امها ماتت خوف وبندر انجن
انهارت وبكت وتعبت من التفكير وقررت انها تعترف باسمها وتعطيهم رقم اخوها
ولما عطتهم المعلومات وتأكدوا انها صادقه دخلوها غرفه بعيده لما يجي اخوها يستلمها



مشاعل كانت تستعد للنوم وشغلت سورة الرحمن بصوت الشيخ ناصر القطامي
فجأة سمعت احد يطق عليها الباب وقفلت المسجل
مشاعل : مين ؟
سعود: انا سعود نايمه ؟
مشاعل: لا تعالي سعاد ادخلي
سعود دخل : سعاد مين ؟
مشاعل : انت يعني مين
سعود : والله البطاقه مكتوب فيها سعود والجنس ذكر
مشاعل ضحكت : ههههههه ادري بس انا ادلعك
سعود : هههههههه تدلعيني سعاد لايسمعك احد يشك فيني
مشاعل: هههههههه ايش عندك جاي هالوقت ماتدري ان الليل للنوم والصباح للسوالف
سعود : يعني اطلع
مشاعل : لا بس لك 10 دقايق بعدين راح تنطرد
سعود : انشالله



بندر كان في الطريق لبيت منال صاحبة ساره طبعاً طلع مع السواق لأنه هو اللي يدل ..
بندر تعب من الاتصال ع ساره اللي ماترد ع موبايلها وخاصة انها مواعده السواق 12
وصارت 2 وماجت خاف لايكون صار لها شي طبعاً امه نايمه لانها واثقه بساره
دق موبايل بندر : الو
النقيب : السلام عليكم
بندر : عليكم السلام
النقيب: معي بندر الـ...
بندر استغرب : ايه اخوي بغيت شي ؟
النقيب: معك النقيب حزام الــ..
بندر زاد استغرابه ايش يبي منه: آمر اخوي فيه شي
النقيب : ايه اختك ساره عندنا المشكله بسيطه بس ياليت تمرنا توقع على كم ورقه
وتاخذ اختك
بندر مصعوووق ومصدوم اخته عند صاحبتها شلون راحت للقسم : ايش صار
قول لي ؟ اختي ايش فيها ايش سوت ؟
النقيب : تعرف الموضوع لما تجي تستلمها وقفل
كان بندر مايدري هو بحلم والا بعلم معقوله اخته ساره بالشرطه وايش سوت ؟
كان متجه للقسم وهو مثل المخدر يمشي بدون عقله مو مصدق



سعود: هذا كل الموضوع
مشاعل : تستاهل ليش تطالع البنت لو انا مكانها كان اخذت العصير وكبيته عليك
سعود: ميشو وربي مو قصدي بس هي كانت تطالعني وطاحت عيني عليها بالصدفه
وبصراحه ماقدرت انزل عيني عنها كانت مره حلوه
مشاعل : سعود انت تحب هنوف ؟
سعود: اموت فيها
مشاعل: لو انت تحبها بجد كان مافكرت تطالع غيرها راح تملا عينك
سعود: ميشو والله اني اموت فيها ميشو تكفين ساعديني
مشاعل: اوكي راح اكلمها لك بس توعدني انك تبطل حركاتك البايخه
سعود: ابشري بس انتي كلميها الحين
مشاعل : لا انسى اني اكلمها الحين اول شي هي معصبه خلها تهدا وبعدين من اصبح
افلح
سعود : ميشو مقدر انام وهي زعلانه علي
مشاعل تبي تقهره : عادي خذ بندول نايت هههههه



من جهة ثانية
بندر مو مصدق الكلام اللي قاله النقيب ساره تطلع مع شباب ومتنكره بصورة ولد ماصدق
كلامه لحد ماشاف ساره قدامه وكانت متغطيه وعليها عبايه بس كان الثوب طويل
عليها وكان طالع من تحت العبايه
وقعت تعهد انها ماتطلع مع شباب وبندر وقع ع اوراق تثبت انه استلمها
وكان يمشي وهي وراه وركب السياره ساره استحت تركب جنبه خافت منه وركبت
وراء
ساره في نفسها " يالله ياويلي عليه اكيد راح يقتلني ياليتني ماطلعت ياليتني سامعه
كلام ميشو وتاركه منال هذي عقوبتي في طلال كنت راح ادخله السجن وانا اللي دخلته
يالله اكيد امي صار لها شي ايش راح اسوي "
كان بندر هادي طول الطريق حتى لما وصلوا البيت كان هادي ودخل غرفته حتى ماقال لها
تعطيه موبايلها ولا ضربها مثل ماتوقعت
دخلت غرفتها وقفلت ع نفسها " اكيد الحين راح يجيب المسدس علشان يقتلني او اكيد يبي
يقتلني بعد ماتطلع امي من البيت لأن امي شكلها مادرت عن شي يمه متى راح يقتلني "
كانت تبي تدق ع مشاعل بس عارفه ان مشاعل ماعندها موبايل كانت طول الليل جالسه
ع اعصابها وتطالع الباب تنتظر بندر يدخل يقتلها



~ ~ ~ ~ ~ ~ ~ ~ ~ ~ ~ ~

[●● شيخة ♥ الغــيد ●●]

صحت مشاعل ع صوت مشعل وصراخه بالبيت طلعت تشوف ايش فيه
مشعل : ياخي مابي اسوي تنظيف مابي شايفني حرمه
سعود : ميشو تعالي شوفي اخوك المتخلف اقول له يسوي تنظيف لبشرته عشان هالحبوب
تخف زواجه بعد اسبوع لازم يهتم بنفسه يقول الاهتمام بس للحريم
مشاعل ماتت ضحك ع مشعل وعلى سعود المتحمس وكأنه حرمه تلاحق زوجها هههههه
مشاعل : مشعل ايش الفرق عندك لو شفت نجود بملابس حلوه وريحتها عطور تجنن
وشكلها حلو والا انها تجلس عندك شكلها معفن وريحتها شينه ؟
مشعل : مشاعل لاتقارني نجود حرمه وبعدين انا مو شكلي محيوس او ريحتي شينه
مشاعل: بس يامشعل مثل ما انت تبي تشوف زوجتك بأحلى شكل وتحب تشوفها تهتم بنفسها
عشانك هي نفس الشي تبي تشوفك مهتم بنفسك عشانها مشعل الاهتمام بالنفس مو عيب ولا حرام .
مشعل : تبيني اروح لدكتور واقول له شوف بشرتي فيها حبوب علشان يقول ايش هالخكري
سعود : ههههههه اي خكري اذا الدكتور بيقول عنك خكري لهالسبب فهو خكري اكثر منك لأنه دارس هالتخصص
مشاعل : هههههه والله انك صادق ياسعود
واخيراً اقتنع انه يروح لدكتور





ساره كانت بغرفتها تبكي من الخوف ومن الندم عاللي صار وكانت مقفله موبايلها خافت وحست جسمها مايشيلها من الرعب لما سمعت صوت الباب
ساره : مين
بندر : انا
مااااتت من الرعب اكيد راح يقتلها بعد اللي صار امس احسن شي ماتفتح له
بندر : ساره افتحي ابيك بموضوع
ساره قررت تفتح وترتاح من هالرعب اللي عايشته واذا راح يقتلها خليه يقتلها وترتاح من
هالخوف والعذاب
ساره فتحت الباب وانصدمت لما شافت ملامح بندر هاديه
بندر : ساره فاضيه ابي اكلمك بموضوع
ساره كانت ساكته مالها وجه تتكلم
بندر : اذا مالك خلق نتكلم الحين ممكن نأجل الموضوع
ساره وبدون ماترفع عيونها في بندر : تفضل
دخل وسكر الباب هنا ساره حست برعب ايش ناوي عليه ؟
مسك يدها وسحبها للسرير وجلسها وجلس جنبها كانت تطالع الارض
مسك دقنها ورفع وجهها : ساره عينك عمرها لاتطالع الأرض مهما سويتي انتي اختي
ومابي عينك تنزل بالارض
ساره كانت منصدمه من اسلوب بندر معاها بعد كل اللي سوته جالس يكلمها بكل احترام
بندر : شوفي ياساره انا مو مستغرب ليش سويتي كذا أكيد عندك اسبابك يمكن علشان
الحريه اللي عطتك ماما او يمكن فقدتي الحنان من ماما لأنها دايما مشغوله عنك ورحتي
تدوريه برا و حتى ما لقيتي بابا اللي ممكن يكون صديق بالنسبه لك وحتى انا انشغلت
عنك بالدراسه انا ما الومك ياساره انا كل امس كنت افكر بالموضوع ومانمت ولا دقيقه
ساره انا اعرف ان الإنسان مو كامل ولازم يغلط حتى انا غلطت كثير بحياتي بس
الانسان الشاطر اللي يتعلم من اخطائه سارونه بسألك سؤال وجاوبيني بصراحه صاحبتك
اللي معاك فكرت فيك او اتصلت عليك
ساره : لا
بندر : على فكره ترى طلعت هي قبلك جت امها اخذتها بدري بس مافكرت حتى تسأل عنك
تتوقعي هذي هي الصداقه تتوقعي هذا هو الطريق الصح ؟
ساره وهي تبكي: لا يابندر وانا اسفه مدري ليش سويت كذا
بندر : سارونه مو بس انتي اللي سويتي كلنا كنا مشتركين باللي سويتيه كل واحد منا كان لاهي
بمشاغله عنك بس من اليوم ياسارونه راح اكون اخوك وامك وابوك راح اخليك ما
تحتاجي تسوي هالاشياء ولاتفكري اني راح اضربك او امنعك من الطلعه او آخذ موبايلك
لا سارونه انا مستحيل استخدم هالأسلوب الهمجي انتي حياتك ماراح تتغير انتي اللي
راح تتغيري لأني اتوقع انك تعلمتي درس يخليك مستحيل تفكري ترجعي للخرابيط هذي
اما بالنسبه لي ماراح يمر يوم الا اطلعك وامشيك
ساره اول مره تعجب باخوها وتحس ان عندها اخو ماكانت تعرف قيمته





بعد اسبوع من الحادثه تغيرت اشياء كثير
كانت ساره ماتروح الا لمشاعل ويوصلها بندر وابتعدت عن منال وصارت ماتكلم شباب
لانها اعجبت باسلوب اخوها لو كان ضربها وشتمها كانت كرد فعل طبيعي راح
تنحرف اكثر من اول بس اسلوب اخوها الراقي خلاها تعرف غلطتها واعجبت بثقة أخوها
فيها وماحبت تخيب امله فيها وثقته فيها 20 سنه وهي عايشه مع اخوها عمرها مااعجبت
به كثر هاليومين كان حنون معاها وكان حريص ع رضاها كان يطلعها كل يوم مره
عشاء ومره غداء ومره يصحيها الصباح علشان يروحوا يفطروا ومره وداها للبر تطلع
مهاراتها الفاشله بالسواقه هههههه
اكثر من مره كانت بتصدم بس باللحظه الأخيره يتدخل بندر وينقذها
حكت لمشاعل عن كل شي سواه بندر واعجبت مشاعل بشخصية بندر وماتوقعت ان فيه
شاب شرقي ممكن يتصرف كذا بعد ماعرف كل هالأشياء عن اخته حتى اخوها مشعل لما
اكتشف انها تعرف واحد اسمه طلال مجرد مكالمه زعل عليها اسبوع كامل
كل يوم يكبر بندر بنظر مشاعل وكانت تنحرج لما توصل لها ساره سلام بندر





كان اليوم يوم مشعل ونجود كان الزواج بالخزامى وكان زواج مرتب صح انه ماكان
فخم مره بس كان حلو والف بنت تحلم تكون مكان نجود لأن مشعل معروف بسمعته
الحلوه
كانت مشاعل بالأوتيل وعندها روز المزينه كانت مشغوله مع ام مشعل _ وام مشعل
منحرجه لأنها ماحطت ميك اب بحياتها حتى لما تزوجت ابو مشعل ماكانت تعرف شي اسمه
ميك اب _
اما ساره ومشاعل ينتظروا دورهم
ساره: ميشو تسريحه شعرك مره تجنن
مشاعل : هههههه لازم تمديحها مو انتي اللي مختارتها
دق موبايل ساره
ساره : هلا بندر
بندر : هاي سارونه هاه كيف الميك اب اكيد شكلك يجنن
ساره استحت : شكرا بندر بس اتوقع انا حلوه بدون ميك اب
بندر: اكيد انا متأكد انك بتغطي على كل الموجودين الا ناس اتحدى تغطي عليهم
ساره : ومين هالناس ؟
بندر : القمر ميشو
ساره: ههههه بعد تدلعها ميشو هاه
مشاعل انحرجت انقهرت من ساره المفروض ماتبين قدامها
بندر : اقول ميشو عندك ؟
ساره: ايه ليش تسأل تبيني اوصف لك شكلها ؟
بندر: لا ابي اكلمها ابارك لها على زواج مشعل
ساره : اوكي
ساره كانت متأكده لو قالت لمشاعل ان بندر يبي يكلمها راح ترفض وتقوم قالت احسن
شي ارمي الموبايل عليها وانحاش
ساره مسكت يد مشاعل وحطت الموبايل بيدها وقفلت يدها بالقوه : ميشو هذا موبايلي اخوي
بندر يبي يبارك لك على زواج مشعل وقبل لاترفضي انا قايمه الحين وترى عيب ماتكلميه
ترى كل السالفه يبارك لك بس عيب ميشو كلميه وقامت بسرعه قبل ماتتكلم مشاعل
مشاعل تحسست الموبايل
مشاعل في نفسها " مجنونه هالبنت كيف راح اكلمه الله ياخذها وهقتني "
جمعت قوتها وحطت الموبايل على اذنها
مشاعل : الو
بندر حس قلبه بيوقف : اهلين مشاعل كيفك ؟
مشاعل انحرجت : الحمدلله كيفك انت ؟
بندر : بخير الله يسلمك مشاعل الف مبروك زواج مشعل الله يوفقه
مشاعل : تسلم
بندر : عقبالك
مشاعل انحرجت : تسلم
بندر يضحك : وانتي مو حافظه الا تسلم مافيه غيرها مثلاً شكراً
مشاعل ابتسمت : شكراً
بندر: ههههههه كويس تسمعي الكلام ماأثرت عليك اختي الجنيه
مشاعل : حرام عليك سارونه مو جنيه
بندر : ايه صح نسيت اني اكلم المحاميه الرسميه لساره
مشاعل : هههههههه
مشاعل سمعت ام مشعل تطلع وتبي تروح بسرعه قبل لاتسبقها ساره لروز
مشاعل : اوكي بندر انا راح اقفل الحين مشغوله شوي
بندر : اوكي الله معك شكلي طولت عليك
مشاعل : لا بس انشغلت شوي
بندر: اوكي باي
مشاعل : باي







كان الزواج مرتب وحضروا ناس كثير وام مشعل ماتدري تستقبل والا تهتم بشئون
الزواج كانت معتمده على الله ثم مشاعل قبل لايصير لها اللي صار فيها بس الحين لقت
نفسها وحيده وكانت بين وقت والثاني تروح تصلح الكحل اللي كل شوي يخرب من الصياح
كل ماتذكرت ان مشعل راح يطلع من عندها ويسكن لوحده بس ايش تسوي هذي حال الدنيا
دخلت نجود واللي كان شكلها مره حلو على قولة صاحبات مشاعل وبعدها دخل مشعل
ومعاه ابوه وابو نجود وبعد التصوير طلع مشعل مع نجود واتجهوا عالمطار لأن
رحلتهم الساعه 3 الفجر واللي كانت متجهه لأسبانيا

~ ~ ~ ~ ~ ~ ~ ~ ~ ~ ~ ~ ~

[شحرووورة بوظبي]

دبوووه لااا تتأخرين في تنزيل باقي الأجزاء ...
وتسلمين فدييييتج ...

[بنت الامارات]

سلمت يمينش خيتووو شوااخه ^^

[امبراطورة البحر]

يسلموووووووووووو ع القصة

[●● شيخة ♥ الغــيد ●●]

شحرورة أبوظبي
بنت الامارات
امبراطوره البحر
ما قصرتن بمروركن وتشكرن ع المتابعه
وربي يحفظكن ..

[القيصر]

ول ول ول


طافني وايد



!!!!!!!!!!!!!!




تسلمين ع الطرح وماتقصرين


ودمتِ سالمه

[لاتكدرمزاجي]

يعطيج العافيه على الاجزاء

انا مخلصنهن من زمان بس ع بالي سويت رد

يالله ماعليه

وييين الباقي؟؟؟